Réttur - 01.08.1989, Page 1

72. árgangur
1989 — 3. hefti
Það koma margir stórviðburðir mannkynssögunnar upp í hugann,
þegar farið er að íhuga núverandi ár, 1989. Það eru 200 ár síðan
franska stjórnarbyltingin hófst 1789 og batt enda á miðaldir og aðals-
yfirráð. Það eru 75 ár síðan heimsstyrjöldin fyrri hófst 1914 og leiddi til
uppreisna og byltinga alþýðu gegn því auðvaldi, er sök átti á henni.
Það eru 40 ár síðan ísland var svikið inn í Nato 1949, svift því hlut-
leysi, er lýst var yfir um leið og landið loks fékk sjálfstæði. En 50 ár eru
síðan heimsstyrjöldin síðari hófst 1939, sú mannskæðasta, sem sag-
an þekkir, — þannig að síðan er óttinn við styrjaldir með kjarnorku-
vopnum slíkur að hugsanlegt væri að tryggja mannkyninu frið, ef vel
er að unnið.
En þessara stórviðburða mannkynssögunnar verður ekki minnst
sérstaklega í þessu hefti, heldur látum vér nægja að rita um áhrifin á
íslandi af hálfu stórvelda þeirra, er næst okkur eru.