Réttur - 01.08.1989, Page 33

GYLFI PÁLL HERSIR:
Namibía
Aldarlöng nýlendukúgun
„I fyrsta lagi: AUir svertingjar verða að líta á hvíta manninn sem sér æðri.
í öðru lagi: í réttarsal þarf vitnisburð sjö svertingja til þess að vega upp á móti
vitnisburði eins hvíts manns.u
Þessi orð eru tekin úr yfirlýsingu Þjóðverja, sem settust að í Suðvestur-Afríku
í byrjun þessarar aldar. Namibía er síðasta nýlenda Afríku. í yfir 100 ár voru
hinir þeldökku íbúar undirokaðir af þýskum og suður-afrískum nýlenduherrum.
Andspyrna alþýðunnar hefur staðið nærri jafnlengi.
Barátta alþýðu manna í Namibíu fyrir
sjálfsákvörðunarrétti og þjóðfrelsi hefur
verið háð undir forystu Alþýðusamtaka
Suðvestur-Afríku (SWAPO).
Ný staða er nú komin upp eftir aldar-
langa baráttu fyrir sjálfstæði.
Um 50.000 Namibíumenn fylltu íþrótta-
leikvanginn í Windhoek, höfuðborg
landsins 24. september síðastliðinn til að
hlusta á Sam Nujoma, leiðtoga SWAPO
ræða einmitt þetta.
„Stærsti hluti Afríku er nú laus undan
oki nýlendustefnunnar. Annars staðar
hafa nýlenduveldin einnig horfið á braut
vegna óhjákvæmilegrar þróunar í átt til
þjóðfrelsis,“ sagði leiðtogi SWAPO. „Og
það er þessi óumbreytanlega þróun er
hefur fært Namibíu að krossgötum sjálf-
stæðis.“
Nujoma sneri nýlega aftur til landsins
cftir 30 ára útlegð. Hann kvað alþýðu
manna í Namibíu nú standa frammi fyrr
vþví sögulega tækifæri að velja sér leið-
toga er skipi ríkisstjórn alþýðunnar, úr
röðum alþýðunnar, er starfi í þágu alþýðu
manna í Namibíu."
Ályktun 435
Undanfarna níu mánuði hafa Namibíu-
menn barist fyrir því að Suður-Afríku-
stjórn standi við samkomulag sem hún
var nauðbeygð til þess að samþykkja í
desember 1988. Ríkisstjórnir Angólu,
Kúbu, Suður-Afríku og Bandaríkjanna
undirrituðu samkomulagið hjá Samein-
uðu þjóðunum (Sþ). Þar með var ályktun
Sþ númer 435 hrint í framkvæmd.
Ályktun 435 kveður á um sjálfstæði
Namibíu og tekur til þess hvernig eftirliti
Sþ skuli háttað. Prátt fyrir að ályktunin
hafi verið samþykkt 1978, er fyrst nú í ár
verið að framkvæma hana. Pað gerðist
et'tir að Suður-Afríkustjórn beið hernað-
arósigur í syðrihluta Angólu í ársbyrjun
1988 fyrir sameinuðum sveitum Angólu-
hers, skæruliða SWAPO og kúbanskra al-
þjóðasinna.
129