Morgunblaðið - 26.02.2006, Blaðsíða 6

6 SUNNUDAGUR 26. FEBRÚAR 2006 MORGUNBLAÐIÐ
FRÉTTIR
Helgarferð til London og á tónleika B.B. King og Gary Moore í Birmingham
31. mars – 2. apríl
B.B. King hefur oft verið nefndur konungur blúsins en hann hefur
spilað og hljóðritað síðan á fjórða áratug síðustu aldar. B.B. King er
kominn yfir áttrætt og heldur í það sem hann sjálfur nefnir kveðjutón-
leikaferð um Evrópu í mars og apríl. Blúsgítargoðsögnin mun koma
fram ásamt Gary Moore og saman munu þeir halda einstaka
ryþmablústónleika í Englandi. Er þetta í eina skiptið sem þetta þekkta
tvíeyki mun koma fram á sömu tónleikum.
Fararstjóri: Ásgeir Lárus Ágústsson
s: 570 2790www.baendaferdir.is
K Y N N T U Þ É R S É R F E R Ð I R F E R Ð A Þ J Ó N U S T U B Æ N D A
B.B.King
Kveðjutónleikar
Verð: 59.900 kr. á mann í tvíbýli.
Nánari upplýsingar í síma 570 2790 eða á www.baendaferdir.is
VIÐAR Gísli Sigur-
björnsson, kaupmaður
á Fáskrúðsfirði, er
látinn, 71 árs að aldri.
Viðar fæddist 24.
nóvember árið 1934 á
Steinholti í Fáskrúðs-
firði. Foreldrar hans
voru Sigurbjörn Gísla-
son og Valborg Jón-
asdóttir.
Árni var gagnfræð-
ingur frá Laugarvatni
og hóf snemma versl-
unarstörf. Fyrst hjá
Kaupfélagi Fáskrúðs-
firðinga við af-
greiðslustörf og opnaði síðan eigin
verslun, Viðarsbúð, árið 1961 á
Búðavegi 3. Í fyrstu afgreiddi Við-
ar viðskiptavini sína yfir borðið, en
seinna breyttist versl-
unin í litla kjörbúð.
Eftir að verslunartími
var gefinn frjáls og
smærri verslanir viku
fyrir stórverslunum
hætti Viðar rekstri
Viðarsbúðar, en opn-
aði í kjölfarið Hina
búðina á Skólavegi 50.
Þar höndlaði hann
m.a. með fatnað,
gjafavöru, hannyrða-
vörur og rak samhliða
ljósastofu.
Viðar lokaði Hinni
búðinni í desember á
síðasta ári og lauk þá 44 samfelld-
um verslunarrekstri á Fáskrúðs-
firði á hans vegum.
Viðar var ókvæntur og barnlaus.
Andlát
VIÐAR GÍSLI
SIGURBJÖRNSSON
ISTANBÚL, Stokkhólmur og Hels-
inki hafa gengið inn í forvarnaverk-
efnið Ungt fólk í Evrópu en stjórn-
arfundur samtakanna fer fram í
Istanbúl um þessar mundir. Istan-
búl er ein af fimm borgum í Austur-
Evrópu sem íslenska lyfjafyrirtækið
Actavis styrkir til að taka þátt í
verkefninu, en hinar fjórar eru Vil-
níus, Pétursborg, Sofía og Belgrad.
Dagur B. Eggertsson borgarfull-
trúi situr í stjórn samtakanna og er
nú staddur í Istanbúl til að vera við
inntöku borgarinnar í verkefnið.
Hann segir að viðtökur borga í
Evrópu við verkefninu hafi verið
betri en búist var við og er talið að
alls muni í kringum fimmtán borgir
taka þátt. Þá sé skemmtilegt til þess
að hugsa að þótt samskipti Evrópu
og Tyrklands séu á tíðum skrykkjótt
gangi samstarfið í tengslum við for-
varnir afar vel.
Leitað eftir okkar reynslu
Í verkefninu er leitað eftir reynslu
Íslendinga, sérstaklega varðandi
samstarf og samhæfingu stjórnvalda
við háskóla- og vísindafólk annars
vegar og foreldrasamtök og íþrótta-
og æskulýðssamtök hins vegar, að
sögn Dags.
„Við erum að sjá árangur hér á
landi hjá krökkum á grunnskólaaldri
sem horft er til víða að og af því
spratt áhugi á að búa til alþjóðlegt
verkefni á þessu sviði,“ segir hann
og bætir við að þó ekki sé hægt að
fullyrða að allt sem við höfum gert
muni ganga upp annars staðar, sé
það tilraunarinnar virði að prófa.
„Að hleypa af stað verkefni í þess-
um borgum veitir svar við þeirri
spurningu hvort þetta gangi og um
leið geta borgirnar lært hver af ann-
arri um hvað sé að virka á hverjum
stað við þessar fjölbreyttu aðstæð-
ur,“ segir Dagur.
Í haust verða lagðir fram spurn-
ingalistar í öllum þeim borgum sem
þátt hafa tekið í verkefninu til að
varpa ljósi á hvernig til hafi tekist.
Dagur segir að aðkoma háskóla-
fólks hér á landi hafi vakið athygli
sem og aðkoma forseta Íslands, sem
er verndari verkefnisins.
„Það vekur auðvitað athygli í al-
þjóðasamskiptum að áhuginn á þess-
um málum sé alveg frá efstu stigum í
stjórnkerfinu, því sums staðar eiga
þessi mál á brattann að sækja.“
Veltur á hverri borg
Aðspurður hvernig gangi að inn-
leiða íslenska reynslu í jafnólíkum
borgum og Istanbúl og Stokkhólmi,
segir Dagur mikið velta á hverri
borg fyrir sig.
„Við ætlum ekki að ferðast um
heiminn og segja fólki hvernig þetta
er best gert, heldur leggja fram þá
þekkingu sem við höfum aflað og
gefa borgum kost á að nýta sér hana
eftir föngum. Við gerum okkur grein
fyrir því að það geti þurft aðrar að-
ferðir til að ná til foreldrafélaga hér í
Istanbúl en heima í Reykjavík. En
hjörtun slá nú eins hvar sem er í
heiminum, engu að síður,“ segir
Dagur.
Forvarnaverkefnið Ungt fólk í Evrópu hefur verið að stækka ár frá ári
Styrkir Istanbúl til forvarna
Eftir Árna Helgason
arnihelgason@mbl.is
Þátttaka Istanbúl var formlega staðfest með undirskrift. Frá vinstri: Dr. Nalan Engin, Muammer Erol varaborg-
arstjóri Istanbúl, Tomas Hallberg og Dagur B. Eggertsson borgarfulltrúi sem situr í stjórn forvarnasamtakanna.
ÚRSKURÐARNEFND almanna-
trygginga hefur staðfest þá niður-
stöðu Tryggingastofnunar ríkisins
að hafna bótaskyldu vegna umferð-
arslyss 29. ágúst 2004. Kærð var sú
niðurstaða TR að ekki skyldi greiða
bætur vegna slyss sem kærandi varð
fyrir á leið heim eftir vinnu en meðal
raka fyrir að synja kæranda bóta var
að hann hefði ekki verið í launaðri
vinnu daginn sem slysið varð, hann
ekki verið í launaðri vinnu eða með
reiknað endurgjald, og því næði
bótaskylda ekki til umrædds slyss.
Í úrskurði úrskurðarnefndarinnar
eru málsatvik rakin og kemur fram
að kærandi sem er bóndi hafi einnig
átt bát í félagi við bróður sinn og þeir
gert hann út. Hann hefði ekki róið
sjálfur eftir að hann varð öryrki 1994
en sinnt slægingu. Slæging hafi stað-
ið fyrir dyrum 28. ágúst en ekki orðið
af henni og kærandi því farið að þrífa
stakkageymslu og vinnuaðstöðu, „en
það er hluti af vinnuskyldu minni
sem verktaka, þó svo að ég skrifi
vinnureikninga eingöngu vegna
slægingar,“ segir kærandi. Eftir
þrifin hafi hann farið um borð í bát-
inn og sinnt þar smávægilegu við-
haldi. Á leið heim eftir miðnætti það
kvöld hafi hann lent í slysi og því ver-
ið á leið heim frá vinnu. Þá kemur
fram í greinargerð kæranda að
vegna taps á atvinnurekstrinum
2004 hafi hann fært reiknað endur-
gjald sitt í núll en mörg ár á undan
hafi hann reiknað sér endurgjald.
Í niðurstöðu úrskurðarnefndar er
vitnað til laga um almannatrygging-
ar. Þar segir í 22. grein að maður
teljist vera í vinnu þegar hann sé á
vinnustað þegar honum sé ætlað að
vera þar svo og í matar- og kaffitím-
um og í sendiferðum í þágu atvinnu-
rekstrar eða í ferðum til eða frá
vinnu. Í niðurstöðu nefndarinnar
segir að ákvæðið eigi ekki við þar
sem kærandi hafi kosið að halda ekki
beina leið heim frá vinnu.
Einnig segir að líta verði til 24.
greinar laganna þar sem segir að
launþegi teljist sá sem tekur að sér
vinnu gegn endurgjaldi án þess að
vera sjálfur atvinnurekandi en úr-
skurðarnefndin metur að sambæri-
leg sjónarmið gildi um þann sem hafi
eigin rekstur, þ.e. að um reiknað
endurgjald sé að ræða vegna vinnu.
Af reikningum kæranda vegna vinnu
vikuna 23. til 29. ágúst 204 sjáist að
hann hafi aðeins unnið dagana 24. til
26. ágúst.
Bótaskyldu eftir
umferðarslys hafnað
TOLLGÆSLAN á Keflavíkurflug-
velli fann rúm sextíu grömm af
hassi á frönskum karlmanni er
hann kom hingað til lands á mið-
vikudag. Maðurinn hafði falið efnin
innanklæða og fundust þau við
hefðbundna leit. Fíkniefnadeild
lögreglunnar fer með rannsókn
málsins en manninum var sleppt að
loknum yfirheyrslum.
Með sextíu grömm
innanklæða
STARFSMENN Fiskistofu kölluðu
til lögregluna í Keflavík í fyrra-
kvöld vegna meints brots á fisk-
veiðilöggjöfinni. Fiskur í tíu körum
sem verið var að landa úr bát í
Grindavík, var vigtaður sem ufsi,
en í ljós kom er starfsmenn Fiski-
stofu skoðuðu, að þorskur var í kör-
unum. Málið er til rannsóknar, að
sögn lögreglunnar.
Þorski landað
sem ufsa
SALA á kjúklingum hefur ekki
dregist saman hér á landi undan-
farna daga og vikur, heldur þvert
á móti aukist, að sögn Matthíasar
H. Guðmundssonar, formanns
Félags kjúklingabænda.
Matthías segir ljóst að ótti við
fuglaflensu hafi ekki áhrif á ís-
lenska neytendur, sem virðist
vera vel upplýstir um að engin
hætta sé til staðar. „Við eigum
ekki von á hruni í sölu á næst-
unni. Hér er kjúklingum haldið í
lokuðum húsum og reglulegt eft-
irlit haft með þeim,“ segir Matt-
hías.
Um 26% af öllu kjöti sem selt
er hér á landi eru kjúklingar. Í
síðasta mánuði nam neyslan 522
tonnum og jókst milli mánaða.
Sala á kjúklingum hefur
aukist undanfarnar vikur
NOKKUÐ hefur borið á kvörtunum
og ábendingum til fjársvikadeildar
lögreglunnar að undanförnu um er-
lendar tilkynningar þar sem gefið er
til kynna að fólk hafi unnið háar fjár-
hæðir í alþjóðlegu happdrætti. Þá
hefur tilkynningum fjölgað sem
sendar eru bréfleiðis og stílaðar á
einstaklinga í stað tölvupóstsend-
inga, sem flestir eru farnir að sjá í
gegnum.
Í flestum tilfellum eru bréfin póst-
lögð á Spáni og er vinningshafinn
beðin um senda fyrirtækinu, sem
stendur að happdrættinu, fax með
persónulegum upplýsingum ásamt
bankanúmeri.
Að sögn lögreglu eru landsmenn
orðnir nokkuð kunnugir slíkum fjár-
svikum en alltaf kemur þó fyrir að
einstaklingar láti glepjast og setji
sig í samband við viðkomandi fyrir-
tæki í von um skjótan gróða. Enda
þau viðskipti nær undantekninga-
laust með töpuðum fjármunum sem
ógerlegt er að fá til baka.
Fjársvikarar af þessu tagi eru af-
ar ágengir og láta sér ekki nægja að
senda tölvupóst, eða bréfpóst, held-
ur eru dæmi um það að fólk fái
hringingar frá erlendum aðilum þar
sem m.a. er boðið upp á verðbréfa-
kaup í gegnum símann. Að sögn lög-
reglu þarf vart að taka fram að slík
viðskipti eru ekki talin líkleg til
ávinnings.
Ef torkennilegur póstur berst er
mælt með að fletta upp nafni við-
komandi fyrirtækis, eða hluta af
innihaldi bréfsins, á leitarvef
Google.
Fjársvik
reynd
bréfleiðis