Morgunblaðið - 20.03.2006, Side 2

2 MÁNUDAGUR 20. MARS 2006 MORGUNBLAÐIÐ
FRÉTTIR
LÚKASJENKÓ SIGRAÐI
Alexander Lúkasjenkó sigraði
örugglega í forsetakosningum í
Hvíta-Rússlandi í gær ef eitthvað er
að marka tölur frá kjörstjórn lands-
ins. Helsti keppinautur Lúkasjenk-
ós, Alexander Milinkevitsj, neitaði
hins vegar að viðurkenna úrslit
kosninganna og sagði þær hafa verið
„fullkominn skrípaleik“. Lúkasjenkó
hefur stýrt Hvíta-Rússlandi með
harðri hendi frá árinu 1994 og höfðu
undirmenn hans fyrir kosningarnar í
gær ráðið fólki frá því að taka þátt í
mótmælaaðgerðum stjórnarand-
stöðunnar í miðborg Minsk, slíkt
kynni að verða skilgreint sem aðild
að hryðjuverki.
Setja úrslitakosti
Verkalýðsleiðtogar og forystu-
menn stúdenta hafa hótað því að
efna til allsherjarverkfalls í Frakk-
landi dragi ríkisstjórn landsins ekki í
dag til baka umdeilda löggjöf um at-
vinnumál. Dominique de Villepin
forsætisráðherra sagði hins vegar í
gærkvöldi að hvergi yrði hvikað frá
áformum um að gera fyrirtækjum
auðveldara að segja ungu fólki upp
störfum.
Hamas kynnir ráðherralista
Ismail Haniyeh kynnti í gær ráð-
herralista Hamas-samtakanna sem
mynda næstu ríkisstjórn í Palestínu.
Haniyeh verður sjálfur forsætisráð-
herra heimastjórnarinnar en leiðtogi
Hamas, Mahmoud Zahar, verður ut-
anríkisráðherra.
Ræddu framtíð varnarmála
Nicholas Burns, aðstoðarutanrík-
isráðherra Bandaríkjanna, og Geir
H. Haarde utanríkisráðherra fóru á
laugardag saman yfir næstu skref í
þeirri stöðu sem er komin upp í
varnarsamstarfi þjóðanna.
Tvær ljótar byltur
Ungur ökumaður velti bíl sínum
illa á Kringlumýrarbrautinni í gær
eftir mikinn hraðakstur. Hlaut hann
brjóstholsáverka og brot á tveimur
hryggjarliðum og var fluttur á slysa-
deild LSH.
Þá lenti kona í vélsleðaóhappi á
Langjökli í gær, en þyrla Landhelg-
isgæslunnar sótti hana og flutti á
LSH. Reyndist hún vera með sam-
fallsbrot á hryggjarlið.
Of bráðir í frávísunum
Íslenskir dómstólar eru oft fljótir
að vísa frá skaðabótakröfum brota-
þola í smærri brotamálum, að mati
Boga Nilssonar ríkissaksóknara. Þá
kveðst hann þeirrar skoðunar að
menn sem fremji ítrekað smáglæpi
fái of oft skilorðsbundna dóma.
Y f i r l i t
Í dag
Fréttaskýring 8 Dagbók 30/33
Vesturland 11 Myndasögur 30
Viðskipti 12/13 Víkverji 30
Erlent 14/15 Velvakandi 31
Daglegt líf 16/17 Staður og stund 32
Menning 18 Leikhús 33
Umræðan 19/24 Bíó 34/37
Forystugrein 20 Ljósvakar 38
Viðhorf 22 Veður 39
Minningar 25/27 Staksteinar 39
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann Björnsson,
fréttastjóri, bjb@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Inga Rún Sigurðardóttir, ingarun@mbl.is
Umræðan | Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Sveinn Guðjónsson, svg@mbl.is Minningar minning@mbl.is Hilmar P. Þormóðsson, Stefán Ólafsson Dagbók| Kirkjustarf Ellý H.
Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
VÆNTA má mikils framboðs á nýju
atvinnuhúsnæði á höfuðborgarsvæð-
inu á næstu tveimur árum, að því er
fram kom í erindi Eddu Rósar
Karlsdóttur, forstöðumanns grein-
ingardeildar Landsbankans, á ráð-
stefnunni Verki og viti í gær. Þar
fjallaði Edda Rós um efnið „At-
vinnuhúsnæði á umbreytingatím-
um“.
Aukning atvinnuhúsnæðis á höf-
uðborgarsvæðinu hefur verið mjög
sveiflukennd frá 2001, þegar Smára-
lind bættist við, og heildaraukningin
varð 106 þúsund fermetrar. Næstu
ár var aukningin mun minni og
minnst var hún 22 þúsund fermetrar
árið 2003. Síðan hefur verið aukning
og bendir greiningardeild Lands-
bankans á að í ár og á næsta ári
bætist við samtals um 164 þúsund
fermetrar af verslunar- og skrif-
stofuhúsnæði sem þegar er byrjað
að byggja á höfuðborgarsvæðinu.
Edda Rós sagði í samtali við
Morgunblaðið að erfitt væri að segja
fyrir um þróunina á þessu sviði, því
hún væri háð mörgum áhrifavöldum.
Meðal annars er samtímis nýbygg-
ingum verið að taka eldra atvinnu-
húsnæði úr notkun og breyta því í
íbúðir og gistihús. Aukning í bygg-
ingu íbúðarhúsnæðis flýtir einnig
fyrir því að atvinnustarfsemi færist
úr dýrari hverfum á ódýrari svæði.
Samkvæmt könnun greiningar-
deildar Landsbankans eru nú til
sölu eða leigu um 165 þúsund fer-
metrar af atvinnuhúsnæði, þ.e.
verslunar- og skrifstofuhúsnæði,
iðnaðarhúsnæði og vörugeymslum, á
höfuðborgarsvæðinu. Edda Rós
benti á að eðlilega væri einhver hluti
húsnæðis jafnan til sölu eða leigu.
Þar eð greiningardeild Landsbank-
ans hefur ekki áður tekið saman
upplýsingar um þetta atriði sagði
Edda Rós ekki hægt að leggja mat á
hvort nú væri óeðlilega lítið eða mik-
ið af atvinnuhúsnæði til sölu eða
leigu.
Í byggingu eru um 225 þúsund
fermetrar af atvinnuhúsnæði á höf-
uðborgarsvæðinu samkvæmt spá
greiningardeildar. Á teikniborðinu
eru samtals 390 þúsund fermetrar af
atvinnuhúsnæði, samkvæmt spá.
Edda Rós sagði að það væru bygg-
ingaráform sem búið væri að þróa
en ekki byrjað að byggja. Því væri
auðvelt að hætta við eða fresta þeim
framkvæmdum.
Niðurstaða greiningardeildar
Landsbankans er að ekki sé ástæða
til að reikna með almennri lækkun á
verði atvinnuhúsnæðis, með hliðsjón
af stöðu hagsveiflunnar og vænting-
um um þróun á fasteignamarkaði.
Edda Rós telur ólíklegt að verð at-
vinnuhúsnæðis haldi áfram að
hækka jafn ört og það hefur gert
síðustu ár. Bæði er líklegt að lang-
tímavextir hækki á næstu misser-
um, sem dregur úr verðhækkunum,
og eins muni aukið framboð hafa sín
áhrif.
Mikið byggt af atvinnuhús-
næði á höfuðborgarsvæðinu




  
 
  







  
 
  


!"
!!

#
!
$% &%

'(
!
)!
!"
* 
)
+& %
,- .

" 
(
'
* 
* 
/&%%0
%
1
%23  %&-&2  
% 4&&%& &&%5&& %&,- .
&-&%% %&, -.



 









FERÐAMENN leggja leið sína í
Landmannalaugar jafn vetur sem
sumar enda staðurinn heillandi og
laugarnar ávallt heitar. Um helgina
voru þar norskir og íslenskir jeppa-
menn að reyna jeppa sem Norð-
maður á og fluttur var hingað til
lands til breytinga. Hópurinn sam-
an stóð að mönnum sem eiga jeppa í
Noregi sem hefur verið breytt af
Fjallasporti í Noregi. Viðtal verður
við jeppamennina og myndir í
Morgunblaðinu á næstunni. Á
myndinni er einn Norðmannanna
að ylja sér í heitu lauginni.
Morgunblaðið/Árni Sæberg
Á jeppum við Landmannalaugar
KANNAÐ verður í dag hvort opinn fundur með
Halldóri Ásgrímssyni forsætisráðherra, sem boð-
aður hefur verið í kosningamiðstöð A-listans í
Reykjanesbæ í kvöld, verður færður í stærra hús,
að sögn Eysteins Jónssonar, formanns framsókn-
arfélagsins í Reykjanesbæ og annars manns á
A-listanum.
Gagnrýnir fundarstaðinn
Leggja verður áherslu á þverpólitískt átak við að
leysa úr þeim vanda sem skapast við brotthvarf
varnarliðsins, að mati Viktors B. Kjartanssonar,
formanns fulltrúaráðs sjálfstæðisfélaganna í
Reykjanesbæ. Hann sendi í gær frá sér athuga-
semd við fundarstað fundarins sem hefur verið boð-
aður með forsætisráðherra í Reykjanesbæ í kvöld.
Viktor bendir á að fyrsta verkefnið sé að aðstoða
þau hundruð einstaklinga sem nú missa vinnuna.
Þetta fólk sé úr öllum stjórnmálaflokkum og því
ekki eðlilegt að boða það og fjölskyldur þess til
fundar á pólitískum vettvangi.
„Halldór boðar til fundarins í nafni embættis síns
sem forsætisráðherra þjóðarinnar og færir þannig
málið inn á flokkspólitískan vettvang, sem verður
að teljast mjög varhugavert,“ segir m.a. í athuga-
semd Viktors.
Framsókn bauð til fundar
„Fundarstaðurinn er ekki höfuðatriði heldur það
að fundurinn fer fram,“ sagði Eysteinn um gagn-
rýni Viktors B. Kjartanssonar. „Það var framsókn-
arfélagið í Reykjanesbæ sem átti frumkvæði að því
að hafa samband við Halldór Ásgrímsson forsætis-
ráðherra og biðja hann að koma á þennan fund.
Hann samþykkti með skömmum fyrirvara að koma
til okkar á fund klukkan átta [í kvöld] og fundurinn
er öllum opinn. Fyrir fundinn ætlar hann að hitta
forystumenn verkalýðshreyfingarinnar.“
Eysteinn sagðist helst hafa áhyggjur af því að
menn hefðu ekki hugsað nægilega stórt varðandi
val á fundarstað. Menn hefðu talið að kosninga-
miðstöð A-listans, sem rúmar allt að 200 manns,
væri nóg. Í ljósi mikils áhuga á fundinum var
ákveðið í gær að hittast í dag og kanna möguleika á
að flytja fundinn í Stapann. Bað Eysteinn alla, sem
áhuga hefðu á fundinum, að fylgjast með fréttum í
dag. Send verður út fréttatilkynning ef fundar-
staðnum verður breytt.
Opinn fundur með forsætisráðherra í Reykjanesbæ kl. 20.00 í kvöld
Kannað verður með stærri fundarstað
LÖGREGLAN í Reykjavík hand-
tók mann grunaðan um ölvun við
akstur eftir að hann ók niður
grindverk milli akreina á tuttugu
metra kafla á Kringlumýrar-
brautinni, sunnan við Bústaða-
vegarbrúna, laust upp úr klukkan
átta í gærkvöldi.
Tók maðurinn á rás eftir atvik-
ið, en lögreglumenn náðu honum
á hlaupum. Var hann handtekinn
og fluttur á lögreglustöð, þar
sem tekin var úr honum blóð-
prufa.
Reykjavíkurborg sendi starfs-
menn til að hreinsa upp grind-
verkið, en einnig þurfti að þrífa
olíu og bensín af götunni.
Drukkinn
maður ók niður
grindverk
LÖGREGLAN Í KEFLAVÍK hand-
tók tvo ökumenn grunaða um ölv-
un við akstur aðfaranótt sunnu-
dags og þann þriðja seinna um
daginn. Þá voru fjórir ökumenn
stöðvaðir vel yfir hámarkshraða
um helgina.
Þrír stútar í
Reykjanesbæ