Morgunblaðið - 20.03.2006, Blaðsíða 31

MORGUNBLAÐIÐ MÁNUDAGUR 20. MARS 2006 31
DAGBÓK
eignamidlun@eignamidlun.is www.eignamidlun.is
120-140 fm íbúð í Fossvogi óskast
fyrir ákveðinn kaupanda.
Nánari upplýsingar veitir
Kjartan Hallgrímsson
ÍBÚÐ Í FOSSVOGI ÓSKAST
Dagana 23. og 25. mars verður á Reykja-lundi haldið námskeið um streitu og líf-eðlisfræði streitu. Fyrirlesari er Ingi-björg Hrönn Jónsdóttir, dósent í
lífeðlisfræði við Gautaborgarháskóla: „Ég fjalla
um áhrif streitu á líkamann og þá sjúkdóma sem
streita getur valdið. Sérstaklega athuga ég áhrif
hreyfingar á bæði streitu og þunglyndi,“ segir
Ingibjörg. Þannig fjallar Ingibjörg um samspil
streitu og þunglyndis, hlutverk ónæmiskerfisins
og kynjamun á streitu. Einnig mun hún gera grein
fyrir tengslum streitu við sjúkdóma á borð við ikt-
sýki, vefjagigt og síþreytu, og loks um almenn
áhrif hreyfingar.
„Mikil þörf er á aukinni kunnáttu á þessu sviði
og virðist sem streita sé orðin eins mikið vanda-
mál á Íslandi og það er víða í öðrum Evrópu-
löndum. Þeir sem eru að vinna með sjúklinga með
langtímaverki og þunglyndi þurfa iðulega einnig
að taka áhrif streitu með í reikninginn.“
Ingibjörg starfar í sænskri nefnd sem vinnur að
breytingu á læknismeðferðum, með það að mark-
miði að læknar skrifi ekki aðeins upp á lyfseðla,
heldur einnig „hreyfingarseðla“ þegar við á, þann-
ig að hreyfing sé notuð sem meðhöndlun með
sjúkdómum þar sem hún getur orðið að liði, og
segist Ingibjörg hafa orðið vör við mikinn áhuga á
Íslandi á meiri upplýsingum um innleiðingu hreyf-
ingarseðla, bæði hjá fagstéttum og stjórnvöldum.
„Streituálag hefur aukist gífurlega á síðustu ár-
um. Í Svíþjóð er ein af helstu ástæðum talin sú að
mikið hefur verið skorið niður á vinnumark-
aðinum: færri einstaklingar vinna sömu eða meiri
vinnu en var fyrir 10–20 árum. Einnig hefur álag
hvað varðar upplýsingaflæði aukist, og tölvunotk-
un og tækni gerir að verkum að við erum undir
meira álagi sem einstaklingar. Streitukerfi
margra, bæði í heila og líkama, er kannski ekki al-
veg í stakk búið að takast á við svona álag án sér-
stakra úrræða. Ástæður geta verið fleiri, og eru
oft mismunandi milli landa. Í Svíþjóð er t.d. kuln-
un og ofkeyrsla í starfi mikið í umræðunni, en mér
virðist að á Íslandi sé meira fjallað um þunglyndi.
Þó þarf að athuga að þunglyndi og streita eru oft
nátengd og þunglyndi oft fylgikvilli streitu. Þegar
litið er t.d. til þeirra sjúklinga sem Streiturann-
sóknarstofnun Gautaborgar sinnir eru þeir flestir
einnig með þunglyndi af einhverjum toga.“
Námskeiðið er haldið á Reykjalundi í Sam-
komusal, sem er á jarðhæð við hlið iðjuþjálf-
unardeildar. Námskeiðið er haldið fimmtudaginn
23. mars kl. 15 til 18 og laugardaginn 25. mars kl.
9. til 16. Fræðslunefnd sjúkraþjálfaradeildar
Reykjalundar hefur umsjón með skipulagningu
námskeiðsins og er það ætlað starfsfólki heilbrigð-
isstétta.
Nánar má lesa um rannsóknir Ingibjargar og
starfsemi Streiturannsóknarstofnunarinnar í
Gautaborg á www.stressmedicin.com.
Heilsa | Námskeið um streitu og verkjasjúkdóma, þunglyndi og áhrif hreyfingar
Streita og lífeðlisfræði streitu
 Ingibjörg Hrönn Jóns-
dóttir fæddist 1966.
Hún lauk stúdentsprófi
frá Menntaskólanum í
Reykjavík 1986, BS-
gráðu í líffræði frá Há-
skóla Íslands 1990 og
doktorsgráðu í lífeðl-
isfræði frá Gautaborg-
arháskóla 1996.
Ingibjörg starfaði á
Rannsóknarstofnun lífeðlisfræði, til 1990 og
sem lektor við Háskólann í Halmstad frá 1996
til 2002 þegar hún var skipuð aðstoðar-
prófessor við Gautaborgarháskóla og hóf störf
á Streiturannsóknarstofnun Gautaborgar.
Ingibjörg er gift Per-Arne Svensson, doktor í
sameindaerfðafræði, og eiga þau tvö börn.
Árnaðheilla
dagbók@mbl.is
Blekkingaleikur.
Norður
♠ÁD94
♥K876 V/NS
♦K5
♣543
Vestur Austur
♠1082 ♠K763
♥Á5 ♥42
♦Á76 ♦D109832
♣D8762 ♣10
Suður
♠G5
♥DG1093
♦G4
♣ÁKG9
Fyrir um það bil hálfri öld varð
franski bridshöfundinn José Le Dentu
sagnhafi í fjórum hjörtum í suður eftir
þessar sagnir:
Vestur Norður Austur Suður
Pass Pass Pass 1 hjarta
2 lauf 4 hjörtu Allir pass
Í AV voru reyndir spilarar, en eigi að
síður tókst Le Dentu að fá TÓLF slagi
eftir lítið lauf út! Hvernig í ósköpunum
fór hann að því?
Með bestu vörn má taka fjögur hjörtu
einn niður eftir útspil í laufi. Vestur rýk-
ur þá upp með hjartaás og gefur makk-
er sínum stungu í laufi, og síðan fær
vörnin slag á tígulás og spaðakóng.
Þessi vörn virðist ekki mjög erfið, en
Le Dentu tókst að afvegaleiða AV með
blekkispilamennsku í ÖLLUM litum.
Til að byrja með tók hann lauftíu
austurs í fyrsta slag með KÓNG. Síðan
spilaði hann hjartagosa eins og hann
ætlaði að svína fyrir drottninguna. Vest-
ur dúkkaði, fékk næsta slag á hjartaás
og spilaði auðvitað laufi, því austur
„hlaut“ að eiga gosann.
Le Dentu fékk þannig laufslaginn til
baka og spilaði næst tígulgosa. Vestur
lét lítinn tígul og Le Dentu stakk upp
kóng.
Þá var bara spaðinn eftir. Miðað við
upphaflegt pass gat vestur ekki átt
spaðakóng, svo Le Dentu tók spaðaás
og spilaði spaða að gosanum. Austur
reiknaði með einspili hjá sagnhafa og
dúkkaði. Gosinn hélt því. Þá var farið
inn í borð á tromp og spaðadrottningu
spilað – kóngur, trompað og tían í vest-
ur. Spaðanían var nú frí og hún sá fyrir
tígulhundinum heima.
Tólf slagir.
BRIDS
Guðmundur Páll Arnarson | dagbok@mbl.is
1. e4 g6 2. d4 Bg7 3. f4 c5 4. c3 cxd4 5.
cxd4 Rf6 6. Rc3 d6 7. Bc4 0-0 8. Rf3
Rxe4 9. Bxf7+ Hxf7 10. Rxe4 h6 11.
Db3 Da5+ 12. Bd2 Df5 13. Rc3 Rc6 14.
d5 Ra5 15. Db5 b6 16. b4 Bd7 17. De2
Hc8 18. bxa5 Hxc3 19. Hd1 Hc5 20.
axb6 axb6 21. De3 Ba4 22. Hc1 Dxd5
23. O-O Bd7 24. h3 Dxa2 25. Hfe1 Da4
26. Dd3 Bf5 27. De2 Da2 28. g4 Bd7 29.
Dd3 Hd5 30. De3 Da4 31. Dxb6
Staðan kom upp í 1. deild í seinni
hluta Íslandsmóts skákfélaga sem
fram fór fyrir skömmu í Mennta-
skólanum við Hamrahlíð. Ein hetja a-
sveitar Taflfélags Garðarbæjar, Jón
Þór Bergþórsson (2.115), hafði svart
gegn b-liðsmanni Hellis, Hrannari
Birni Arnarssyni (2.110). 31. ... Hxd2!
32. Rxd2 Bd4+ 33. Dxd4 Dxd4+ 34.
Kf1 Hxf4+ 35. Ke2 Hf2+ og hvítur
gafst upp enda mát í næsta leik. A-
sveit Taflfélags Garðarbæjar fékk 19½
vinning og lenti í sjötta sæti en liðin
sem féllu, b-sveit Hellis fékk 16½ vinn-
ing og a-sveit skákfélags Selfoss og ná-
grennis fékk 13 vinninga.
SKÁK
Helgi Áss Grétarsson | dagbok@mbl.is
Svartur á leik.
Svartur högni!
SVARTUR högni með svarta leðuról
með járnbólum fannst í Lyngásnum,
Garðabæ síðastliðið haust. Hann
er stór og hraustur en með ólæsilega
eyrnamerkingu! Upplýsingar í síma
848 5096, Kristín.
Kristín Elliðadóttir
030468-4209.
Frakki tekinn í misgripum
Á TÓNLEIKUM Fóstbræðra sl.
þriðjudagskvöld var frakki tekinn í
misgripum. Finnandi vinsamlegast
hafi samband við Langholtskirkju.
Velvakandi
Svarað í síma 5691100 frá 10–12
og 13–15 | velvakandi@mbl.is
70 ÁRA afmæli. Í dag, 20. mars, ersjötug Pálheiður Einarsdóttir,
Gyðufelli 8, Reykjavík. Hún og eig-
inmaður hennar Kristján Þórarinsson
eru stödd á Kanaríeyjum.
Í KVÖLD gefst kostur á að hlýða á
kvölddagskrá í Norræna húsinu þar
sem boðið verður upp á danska lýrík
og danskan djass. Fyrirlesarinn Jo-
hannes Möllehave fjallar um danska
lýrík og síðan mun tríó Valdemars
Rasmussen sjá um að framkalla
ljúfa tóna. Tríóið skipa Valdemar
Rasmussen sem leikur á trompet,
Jens Jefsen sem leikur á kontra-
bassa og Uffe Steen Jensen sem
leikur á gítar. Allt eru þetta þekktir
tónlistarmenn sem eiga langan og
farsælan feril að baki. Dagskráin
hefst kl. 20.00 og svo verður leik-
urinn endurtekinn í Gunnarsstofnun
á Skriðuklaustri annað kvöld kl.
20.30 og svo aftur í Deiglunni á Ak-
ureyri fimmtudagskvöldið 23. mars
kl. 20.30. Fyrirlestrarnir verða þó
mismunandi þessi kvöld en í Gunn-
arsstofnun mun Johannes tala um
H.C. Andersen og síðan verður
„húmor“ umfjöllunarefnið í Deigl-
unni.
Þessi danska heimsókn er sam-
starfsverkefni Norrænu upplýs-
ingaskrifstofanna á Akureyri og í
Flensborg. Danir endurgjalda þar
með heimsókn sem rithöfundurinn
Einar Kárason og hljómsveitin Park
Projekt fóru í til Danmerkur og
Þýskalands í nóvember 2005.
Samstarfsstofnanir á Íslandi eru
Norræna húsið í Reykjavík, Gil-
félagið á Akureyri og Gunnars-
stofnun á Skriðuklaustri. Verkefnið
hefur hlotið styrk frá Norræna
menningarsjóðnum.
Sýning á verkum danska mynd-
listarmannsins Helge Nordahl verð-
ur opnuð við sama tækifæri í Deigl-
unni á Akureyri hinn 23. mars, en sá
dagur er dagur Norðurlandanna.
Tríó Valdemars Rasmussen skipa
Valdemar Rasmussen sem leikur
á trompet, Jens Jefsen sem leikur
á kontrabassa og Uffe Steen Jen-
sen sem leikur á gítar.
Lýrík, H.C. Andersen,
húmor og danskur djass
Johannes Möllehave fjallar um
danska lýrík í kvöld.
DR. CHRISTIAN Schoen, for-
stöðumaður Kynningarmiðstöðvar
íslenskrar myndlistar, heldur í dag
fyrirlestur í Opna Listaháskólanum.
Nefnist fyrirlestur hans „Sköpun
mannsins. Punktar um Adam og
Evu eftir Albrecht Dürer.“
Fyrir fimm hundruð árum kom
Albrecht Dürer fram með nýjung
innan hinnar fornu myndlist-
arhefðar í myndum sínum af Adam
og Evu. Í grafíkmyndinni frá 1504
og hinu tvískipta málverki í fullri lík-
amsstærð frá 1507 beinir hann sjón-
um sínum að sköpun mannsins bæði
með formi og innihaldi.
Í fyrirlestri sínum mun dr.
Christian Shoen fjalla um hin mik-
ilvægu áhrif sem þessi nýjung Dü-
rers hafði á þróun hins nakta líkama
í myndlist endurreisnarinnar í
norðri og mun endursegja söguna að
baki málverkunum sem eru nú varð-
veitt í Museo del Prado í Madríd.
Schoen mun fjalla um verk Dürers.
Christian Schoen fjallar
um Albrecht Dürer
Fyrirlesturinn fer fram í dag og
hefst kl. 12.30 í LHÍ, Laugarnesi,
stofu 024.
Christian Schoen