Morgunblaðið - 09.04.2006, Qupperneq 49

MORGUNBLAÐIÐ SUNNUDAGUR 9. APRÍL 2006 49
MENNING
EITTHVAÐ gæti hafa staðið á for-
kynningunni fyrir orgeltónleika Lars
Sjöstedts í Digraneskirkju á mánu-
dag eftir aðsókninni að dæma, því að-
eins sáust þar átta manns. Ekki er þó
að efa að margfalt fleiri hefðu komið,
hefðu áheyrendur á Buxtehude-
tónleikunum í Hallgrímskirkju dag-
inn áður frétt af þeim í tæka tíð – t.d. í
formi athugasemdar í tónleikaskrá –
því hinn sænski organisti Norr-
fjärdenkirkju lék þar orgelforleik af
stakri snilld.
Höfundana að þessu sinni mátti, að
Mozart undanskildum, kenna við suð-
urþýzka orgelskóla miðbarokksins,
og öll verkin voru dæmigert án fót-
spils. Þeirra var ekki nánar getið á
tónleikaskrárblaði, en organistinn
kynnti þá örstutt í upphafi; því miður
á frekar daufmæltri ensku. E.t.v. ætl-
aði hann að láta meira fylgja síðar, en
gæti hafa hætt við sakir fámennis.
Smástykkin tvö eftir Johann Kasp-
ar Kerll (1627–93), tónstjóra í Münc-
hen og síðar Stefánskantor í Vín,
voru ljúf og létt áheyrnar. Toccata II
var epísódísk að hætti tímans, og
Passacaglian (eiginlega sjakonna um
4 takta þráhljómaröð) virtúós á köfl-
um. Þrátt fyrir pedalleysið var frekar
hómófónísk Toccata da Sonarsi alla
levatione FbWV 111 Frescobaldi-
nemandans Johanns Jacobs Frober-
gers (1616–67) hnausþykk áferðar í
að vísu loðnu raddvali, en fjórskipt fú-
gerað Capriccio hans FbWV 516 var
aftur á móti lauflétt og loftkennt.
Andante K616 eftir Mozart fengu
hlustendur Kammersveitar Reykja-
víkur síðast að heyra fyrir hálfum
mánuði í meðförum Thomasar
Blochs, enda frumsamið fyrir gler-
nikku („armonica“). Það kom þó ekki
síður út í þokkafullri og jafnvel glett-
inni túlkun Sjöstedts á Björg-
vinsorgelið, er hann virtist raddvelja
út frá ljósvökrum hljómblæ glerhörp-
unnar.
Síðan kom fjórþætt Partíta VI
FbWV 612 í svítuformi (Lamento,
Gigue, Courant og Sarabande), þar
sem I. þáttur var til minningar um
Ferdínand III Þýzkalandskeisara.
Flutningurinn var skýr og skemmti-
lega raddvalinn, og gilti það sömu-
leiðis um lokaatriðið, Toccata nona.
Það var eftir Georg Muffat (1634–
1704) í Passau. Sá var undir sterkum
frönskum áhrifum eins og víða mátti
heyra í þessu glæsilega verki er
minnti á e.k. fimmskipta svítu. Sjö-
stedt lék hér sem endranær af tæru
öryggi og talsverðum tilþrifum, og
misstu því óþarflega margir org-
elunnendur af miklu.
Orgelsnilld í kyrrþey
TÓNLIST
Digraneskirkja
Verk eftir Kerll, Froberger, Muffat og
Mozart. Lars Sjöstedt orgel. Mánudaginn
3. apríl kl. 20.
Orgeltónleikar
Ríkarður Ö. Pálsson
SÖNGSVEITIN Fílharmónía flytur
tvö af öndvegisverkum tónbók-
menntanna á vortónleikum í Lang-
holtskirkju á í kvöld, pálmasunnu-
dag, kl. 20 og aftur á þriðjudaginn,
11. apríl, kl. 20. Á efnisskránni eru
Vesperae solennes de Confessore
eftir W.A. Mozart og Stabat mater
eftir J. Haydn.
Einsöngvarar á tónleikunum eru
þau Hulda Björk Garðarsdóttir
sópran, Nanna María Cortes mezzo-
sópran, Jónas Guðmundsson tenór
og Davíð Ólafsson bassi og kons-
ertmeistari er Sif Tulinius. Stjórn-
andi á tónleikunum er Magnús
Ragnarsson, sem er nýr stjórnandi
Söngsveitarinnar Fílharmóníu.
Haydn og Mozart hjá Fílharmóníu
Morgunblaðið/Árni Sæberg
Tónleikarnir verða í Langholtskirkju.
Súpersól til
Salou
18. maí
frá kr. 34.995
Skógarhlíð 18 • 105 Reykjavík • sími 591 9000
Akureyri • sími 461 1099 • Hafnarfirði • sími 510 9500
www.terranova.is
Terra Nova býður þér einstakt tækifæri á ótrúlegum kjörum. Salou er
fallegur bær á Costa Dorada-ströndinni, sunnan Barcelona. Þar er
Port Aventura, stærsti og glæsilegasti skemmtigarður Spánar. Stór-
kostlegar strendur og litríkt mannlíf. Þú bókar og tryggir þér sæti og
4 dögum fyrir brottför færðu að vita hvar þú gistir.
- SPENNANDI VALKOSTUR
Kr. 34.995
Netverð á mann m.v. 2 fullorðna og 2 börn
í 5 daga. Súpersólartilboð 18. maí.
Aukavika kr. 10.000.
Síðustu sætin
Kr. 44.990
Netverð á mann m.v. 2 fullorðna í 5 daga.
Súpersólartilboð 18. maí.
Aukavika kr. 10.000.