Morgunblaðið - 18.04.2006, Page 26

26 ÞRIÐJUDAGUR 18. APRÍL 2006 MORGUNBLAÐIÐ
UMRÆÐAN
VIÐ sjálfstæðismenn í Reykjavík
höfum lagt fram metnaðarfulla
stefnu í málefnum aldraðra. Einsýnt
er af viðbrögðum
vinstri manna í
Morgunblaðinu á
skírdag, að þeim er
brugðið enda hafa
orð þeirra holan
hljóm þegar kemur
að málefnum aldr-
aðra. Árni Þór Sigurðsson og Stein-
grímur J. Sigfússon skrifa saman
grein en eru broslega ósamstiga. Í
einu orði er það „hreint lýðskrum“ að
færa málefni aldraðra yfir til sveitar-
félaga og í því næsta kemur það sann-
arlega til greina „ef almennileg rík-
isstjórn kemst til valda“. Stefán Jón
Hafstein segir hins vegar í grein sinni
að krafa jafnarðarmanna um sterk-
ara samfélag sé „einmitt krafa um
breytta pólitíska forystu“. Um það
erum við þá a.m.k. sammála að í
borginni þarf breytta pólitíska for-
ystu.
Fasteignagjöldin vega þungt
Saman hafa þeir Stefán Jón og
Árni Þór með beinum hætti staðið
fyrir því að fasteignagjöld í Reykja-
vík hafa hækkað upp úr öllu valdi og
það hefur komið harðast niður á eldri
borgurum sem vilja búa í eigin hús-
næði. Ljóst er að margir þeirra hafa
einmitt orðið að selja húsnæði sitt
vegna hárra fasteignagjalda. Nú rétt
fyrir kosningar telja vinstri-græn að
bjóða megi tekjulágum eldri borg-
urum aukinn afslátt af fast-
eignagjöldum en hafa haft 12 ár til
þess að koma því í framkvæmd. Kjós-
endur í Reykjavík kyssa ekki vönd-
inn.
Kjarni málsins
Kjarni málsins felst í samanburði á
því hvað sjálfstæðismenn gerðu í
málefnum aldraðra í stjórnartíð sinni
í Reykjavík og því sem R-listinn hef-
ur gert í þessum málum á sínum
valdatíma.
Í valdatíð sjálfstæðismanna í
Reykjavík voru stigin mikilvæg fram-
faraspor í málefnum aldraðra.
Byggðar voru þjónustuíbúðir í Furu-
gerði, Norðurbrún, Lönguhlíð og
Dalbraut. Í valdatíð sjálfstæð-
ismanna 1982–1994 voru byggðar
þjónustuíbúðir í Seljahlíð og við
Lindargötu. Á öllum þessum stöðum
hefur verið veitt afbragðs þjónusta. Í
valdatíð R-listans hafa engar slíkar
þjónustuíbúðir verið byggðar.
Í valdatíð sjálfstæðismanna voru
byggðar átta félags- og þjónustu-
miðstöðvar fyrir eldri borgara. Þetta
voru tímamótaframkvæmdir í þjón-
ustu við eldri borgara. Í valdatíð R-
listans hefur engin slík félags- og
þjónustumiðstöð verið byggð.
Í valdatíð sjálfstæðismanna voru
byggð tvö hjúkrunarheimili fyrir 240
manns, þ.e. Skjól og Eir. R-listinn
hefur komið að uppbyggingu 140
hjúkrunarrýma í borginni, þ.e. Skóg-
arbæ og Eir, og að auki 26 viðbót-
arrýmum á Droplaugarstöðum.
Ósanninndi
Í blaðagrein sinni segir Stefán Jón
að jafnaðarmenn geti í málflutningi
sínum hamrað á að Reykjavíkurborg
hafi lagt til hliðar mörg hundruð
milljónir sem fara eiga í uppbyggingu
hjúkrunarheimilis. Það er einfaldlega
ekki rétt. Staðreyndin er sú að eng-
um peningum hefur verið haldið til
haga eða lagðir til hliðar vegna þessa.
Mál sem þarfnast skynsam-
legrar umræðu og skjótra efnda
Æskilegast væri að stjórnmála-
menn sneru bökum saman til að bæta
hag aldraðra. Sjálfstæðismenn hafa
sett fram heilsteyptar tillögur til úr-
bóta í þessum málaflokki. Þeim hefur
verið tekið fagnandi af þeim sem mál-
ið varðar en er mætt með útúrsnún-
ingi, orðagjálfri og stráksskap af nú-
verandi meirihluta borgarstjórnar.
Eldri borgarar eiga betra skilið.
Hagur eldri borgara – kjarni málsins
Eftir Júlíus Vífil Ingvarsson
Höfundur er héraðsdóms-
lögmaður og frambjóðandi í 5.
sæti á lista Sjálfstæðisflokksins
til borgarstjórnar.
Í SORPMÁLUM höfuðborgar-
svæðisins hefur verið unnið eftir
þeirri stefnu að urða þann úrgang
sem ekki fer í endurvinnslu. Urðun
er síðasta stig sorp-
meðhöndlunar, á
eftir endurnýtingu
og endurvinnslu, og
sú sem hvað mest
umhverfisáhrif hef-
ur. Ég er þeirrar
skoðunar að hefja
eigi undirbúning að uppsetningu
brennslustöðvar fyrir sorp hið
fyrsta og tryggja að hægt sé að
nýta þá orku sem frá brennslunni
kemur í formi rafmagns eða hita
nema hvort tveggja sé. Við brunann
verður til koltvísýringur en ekki
metan sem myndast við niðurbrot í
venjulegum sorphaugum. Metan
hefur 3–4 sinnum meiri gróður-
húsaáhrif en koltvísýringur. En það
sem skiptir þó ekki síður máli er að
við bruna minnkar rúmmál sorpsins
um 80%, þannig að landnotkun und-
ir sorphauga snarminnkar, en áætl-
að er að núverandi land í Álfsnesi
verði fullnýtt árið 2014, eða eftir 8
ár. Land er að verða sífellt verð-
mætari auðlind og hefur hingað til
verið vanmetið. Ef sorp væri
brennt myndi tífaldast nýting þess
lands sem fer undir urðunina.
Einnig finnst mér sérkennilegt
hvernig ruslið í borginni er látið
liggja alla vetrarmánuðina og þess
beðið að unglingavinnan mæti til
starfa. Við þurfum að hreinsa borg-
ina reglulega hvort heldur sem er
laust drasl eða sópa göturnar.
Minnkum draslið og svifrykið með
reglubundinni tiltekt í borginni og
gerum borgina okkar hreina og fal-
lega allt árið. Ekki bara á sumrin.
Allt í drasli!
Eftir Óskar Bergsson
Höfundur er rekstrarfræðingur og
húsasmíðameistari og skipar 2.
sætið á lista Framsóknarflokks-
ins í Reykjavík.
FORSÆTISRÁÐHERRA skýrði
frá því á blaðamannafundi 13. mars
2006, að í undirbúningi væri að breyta
Íbúðalánasjóði í heildsölubanka. Þetta
væri ekki endanlega ákveðið en svo
virtist sem sátt væri að nást um málið
milli ríkis og bankanna.
Sjálfstæðisflokkurinn
hefur sótt það fast að
undanförnu að breyta
Íbúðalánasjóði í heild-
sölubanka og bankarnir
hafa barist hatrammlega
fyrir þessu. Seðlabank-
inn studdi þessa breyt-
ingu á síðasta ári. Að vísu
mundu bankarnir helst
vilja, að Íbúðalánasjóður
væri lagður niður og
bankarnir tækju alfarið
við hlutverki sjóðsins.
Margir innan Sjálfstæð-
isflokksins hafa stutt þá
kröfu bankanna. Fram
til þessa hefur Framsókn
staðið gegn þessari kröfu
Sjálfstæðisflokksins en
nú virðist Framsókn
hafa látið undan eins og
alltaf hefur gerst í deilu-
málum við Sjálfstæð-
isflokkinn undanfarin ár.
Það gerðist þegar íhaldið
vildi leggja niður Þjóð-
hagsstofnun. Það gerðist
þegar íhaldið vildi skera
niður framlag til öryrkja
úr 1500 milljónum króna
í 1000 milljónir þrátt fyr-
ir loforð um 1500 milljónir og þannig
mætti áfram telja.
Engin rök fyrir breytingu
En hvers vegna þarf að breyta
Íbúðalánasjóði í heildsölubanka?
Engin frambærileg rök hafa verið
flutt fyrir þeirri breytingu. Ég sé
enga nauðsyn á þeirri breytingu.
Íbúðalánasjóður á að mínu mati að
starfa í óbreyttri mynd. Hann hefur
mjög mikilvægu hlutverki að gegna
sem er að tryggja, að allir landsmenn
sitji við sama borð varðandi það að fá
íbúðalán. Og það er alveg ljóst, að
Íbúðalánasjóður hefur haldið vöxtum
á íbúðalánum niðri. Ef Íbúðalánasjóð-
ur væri lagður niður mundu vextir á
íbúðalánum strax hækka. Bankarnir
og sjálfstæðismenn klifa á því, að
Íbúðalánasjóður njóti ríkisábyrgðar
og hafi að því leyti til forréttindi um-
fram bankana og það er rétt. En ein-
mitt þess vegna er unnt að gera þá
kröfu til sjóðsins, að hann mismuni
ekki landsmönnum eftir búsetu.
Lánaði bönkum og sparisjóðum
Íbúðalánasjóður fór á síðasta ári út
á þá vafasömu braut að lána bönkum
og sparisjóðum 80 milljarða til þess
að endurlána húsbyggjendum. Fé-
lagsmálanefnd alþingis tók það mál
fyrir og var í nefndinni hreyft alvar-
legum, athugasemdum við þessar
lánveitingar sjóðsins til bankanna.
Var talið, að hæpið væri að þessar
lánveitingar sjóðsins stæðust lög.
Þessar lánveitingar Íbúðalánasjóðs
voru stöðvaðar. Bankar og sparisjóð-
ir lánuðu íbúðareigendum allt að 25
milljónir króna á íbúð af því fjár-
magni, sem Íbúðalánasjóður lánaði
þeim. En lögum samkvæmt mátti
sjóðurinn þá aðeins lána 15,9 milljónir
til hvers einstaklings vegna íbúðar-
kaupa. Er því ljóst, að þarna var
Íbúðalánasjóður að fara í kringum
lögin. Sjóðurinn hafði
fjármagn og var að
reyna að taka þátt í
samkeppni við bank-
ana, sem voru farnir að
lána mikið hærra út á
hverja íbúð. Þrátt fyrir
þessi mistök Íbúða-
lánasjóðs tel ég, að
standa eigi vörð um
sjóðinn og að hann eigi
að starfa í óbreyttri
mynd. Bankarnir eiga
ekki að ráða skipulagi
Íbúðalánasjóðs.
Liður í að leggja
niður Íbúðalánasjóð
Framsóknarflokk-
urinn lagði niður
verkamannabústaða-
kerfið (félagslega
íbúðakerfið) með einu
pennastriki. Í staðinn
hét það svo, að fólk,
sem uppfyllti viss skil-
yrði, ætti að geta keypt
félagslegar íbúðir á
frjálsum markaði með
fjármunum á lægri
vöxtum frá Íbúðalána-
sjóði. Þessi leið hefur
verið að þrengjast og
hverfur sjálfsagt fljótlega. Nú vill
Framsókn og íhaldið breyta Íbúða-
lánasjóði í heildsölubanka. Ef það
verður gert er það fyrsta skrefið í átt-
ina til þess að leggja sjóðinn niður.
Þess vegna ber að varast þessa breyt-
ingu. Best er, að sjóðurinn starfi í
óbreyttri mynd.
Engin þörf á því að
breyta Íbúðalánasjóði í
heildsölubanka
Björgvin Guðmundsson
fjallar um Íbúðalánasjóð
’Nú vill Fram-sókn og íhaldið
breyta Íbúða-
lánasjóði í heild-
sölubanka. Ef
það verður gert
er það fyrsta
skrefið í áttina til
þess að leggja
sjóðinn niður.‘
Björgvin Guðmundsson
Höfundur er viðskiptafræðingur.
Sveit Eyktar undir stjórn Jóns
Baldurssonar sigraði með miklum
yfirburðum á Íslandsmótinu í sveita-
keppni sem lauk sl. laugardag. Í sig-
ursveitinni spiluðu ásamt Jóni þeir
Þorlákur Jónsson, Sverrir Ár-
mannsson, Aðalsteinn Jörgensen,
Bjarni Einarsson og Sigurbjörn
Haraldsson.
Mótið hófst á miðvikudag fyrir
páska og spiluðu 12 sveitir til úrslita,
þar af nokkrar af landsbyggðinni og
var fyrst spilað um 4 efstu sætin í
mótinu. Skeljungssveitin undir
stjórn Guðmundar Sv. Hermanns-
sonar fór mikinn í fyrstu umferðun-
um, vann alla sína leiki og settist í
toppsætið sem þeir héldu þar til í
síðustu umferðinni að sveit Eyktar
læddist upp fyrir þá. Hörkukeppni
var um hin tvö sætin sem gáfu rétt
til að spila í lokaúrslitunum á laug-
ardag. Íslandsmeistararnir frá í
fyrra, sveit Ferðaskrifstofu Vestur-
lands, tryggði sér örugglega þriðja
sætið en a.m.k. þrjár sveitir börðust
um fjórða sætið. Þar hafði best
sveitin Grant Thornton en lokastaða
efstu sveita varð þessi:
Eykt 213
Skeljungssveitin 210
Ferðaskrifstofa Vesturlands 192
Grant Thornton 177
Sparisj. Norðlendinga 173
Sölufélag garðyrkjumanna 167
Hraðbinding 164
Fjórar efstu sveitirnar spiluðu
svo innbyrðis um Íslandsmeistara-
titilinn á laugardag. Heldur var leik-
urinn ójafn í upphafi þar sem sveit-
irnar taka með sér stigin í loka-
orrustuna og mjög líklegt að önnur
tveggja efstu sveitanna ynnu mótið.
Í fyrsta leiknum vann Eykt sveit
Grant Thornton 17-13 á meðan
Skeljungssveitin tapaði illa fyrir
Ferðaskrifstofunni. Síðasta hálm-
strá Ferðaskrifstofunnar og Skelj-
ungs var svo leikur Ferðaskrifstof-
unnar við Eykt í annarri umferð.
Eykt gaf hins vegar ekkert eftir og
vann Ferðaskrifstofuna 21-9 og þar
með titilinn. Lokaumferðin var svo
spennulaus og leiðinleg og voru
helztu tíðindin þau að engu mátti
muna að Skeljungssveitin félli úr
verðlaunasæti en lokastaðan varð
þessi:
Eykt 276
Ferðaskrifstofa Vesturlands 241
Skeljungssveitin 228
Grant Thornton 225
Í mótslok var Ásmundur Pálsson
heiðraður með gullmerki Bridssam-
bandsins en Ásmundur hefur verið í
eldlínunni í hartnær 5 áratugi. Hann
var fastamaður í landsliðinu í ára-
fjöld og hefur unnið alla titla sem
hægt er að vinna hérlendis og marga
þeirra oftar en einu sinni og oftar en
tvisvar. Ásmundur varð fyrst Ís-
landsmeistari í sveitakeppni 1962
eða fyrir 44 árum.
Gefið var út mótsblað á meðan
mótið stóð en því ritstýrðu Ómar Ol-
geirsson og Ísak Örn Sigurðsson.
Áhorfendur voru sorglega fáir.
Keppnisstjóri var Björgvin Már Sig-
urðsson. Guðmundur Baldursson,
forseti Bridssambandsins, afhenti
verðlaunin í mótslok.
Sveit Eyktar Íslandsmeistari í sveitakeppni
BRIDS
Arnór G. Ragnarsson
Morgunblaðið/Arnór Ragnarsson
Bikarnum hampað í mótslok. Íslandsmeistararnir talið frá vinstri: Sverrir Ármannsson, Aðalsteinn Jörgensen,
Jón Baldursson sveitarforingi, Þorlákur Jónsson, Sigurbjörn Haraldsson og Bjarni Einarsson.
Morgunblaðið/Arnór Ragnarsson
Guðmundur Baldursson, forseti
Bridssambandsins, afhendir
Ásmundi Pálssyni heiðursverðlaun
BSÍ.