Morgunblaðið - 27.04.2006, Blaðsíða 22

22 FIMMTUDAGUR 27. APRÍL 2006 MORGUNBLAÐIÐ
MINNSTAÐUR
HÖFUÐBORGARSVÆÐIÐ
BORGARSTJÓRN Reykjavík-
ur felldi á fundi sínum sl.
þriðjudag tillögu Ólafs F.
Magnússonar borgarfulltrúa
F-lista, um að horfið yrði frá
brottflutningi Reykjavíkur-
flugvallar úr Vatnsmýri. Tillag-
an var felld með 14 atkvæðum
allra fulltrúa Sjálfstæðisflokks
og R-listans gegn atkvæði
Ólafs.
Ólafur lagði þá fram bókun
þar sem segir að ljóst sé að af-
staða kjörinna fulltrúa í borg-
arstjórn til flugvallarins í
Vatnsmýri sé í litlu samræmi
við þann mikla fjölda Reykvík-
inga sem vilji halda Reykjavík-
urflugvelli í Vatnsmýrinni.
„Annað býður þeirri hættu
heim að flugvöllurinn verði
lagður niður og fluttur til
Keflavíkur.
Það myndi hafa ófyrirsjáan-
legar afleiðingar fyrir sam-
göngu- og öryggismál í Reykja-
vík og á landinu öllu,“ segir í
bókun Ólafs.
Tillaga
F-lista um
Reykja-
víkurflug-
völl felld
Árbær | Hópur íbúa í Árbænum hefur afhent borg-
aryfirvöldum undirskriftalista með nöfnum ríflega
130 íbúa í hverfinu þar sem mótmælt er byggingu
einbýlishúss innan svæðis sem skilgreint er sem
útivistarsvæði við Elliðaárnar, á lóð sem er rúmlega
30 metra frá Elliðaánum.
Dagur B. Eggertsson, formaður skipulagsráðs
Reykjavíkurborgar, veitti undirskriftunum viðtöku
í gær, og sagði í samtali við Morgunblaðið að borg-
aryfirvöld ætli að leita allra leiða til að koma í veg
fyrir byggingu hússins. Hendur borgarinnar virt-
ust þó bundnar vegna nýlegs dóms Héraðsdóms
Reykjavíkur, þar sem fram komi að eigendur lóð-
arinnar hafi öðlast hefðarrétt á byggingu á lóðinni,
sem hefur verið skilgreind sem útivistarsvæði frá
því 1966.
Um er að ræða lóð við enda götunnar Þykkva-
bæjar, sem á stendur sumarbústaður frá þeim tíma
sem þessi staður var vinsæl sumarhúsabyggð
Reykvíkinga. Nú er gert ráð fyrir því í deiliskipu-
lagstillögu að lóðin verði númer 21 við Þykkvabæ,
sumarbústaðurinn verði rifinn og reist allt að 235
fermetra einbýlishús, en lóðin er 1.100 fermetrar.
Theodór S. Marinósson, einn íbúa í nágrenni lóð-
arinnar, segir að fáist deiliskipulagið samþykkt sé
viðkvæmu lífríki Elliðaánna ógnað, og vegið að
borgarfriðlandinu, helstu útivistarparadís Reykvík-
inga.
Hefðarréttur
Undir þetta tekur Dagur. „Við erum sammála
mótmælendunum, og höfum verið á móti því að
þarna verði reist hús, og höfum synjað því ítrekað.“
Eigendur lóðarinnar stefndu því borginni fyrir hér-
aðsdóm, og varð niðurstaðan sú að skapast hafi
hefðarréttur fyrir því að vera með hús á lóðinni,
sem vegi þyngra en andstaða skipulagsyfirvalda,
segir Dagur.
„Við erum að leita allra leiða til þess að koma í
veg fyrir að þarna verði reist hús, það var niður-
staðan á fundi mínum með íbúum. En það lögfræði-
mat sem lagt hefur verið fyrir skipulagsráð er að
hendur okkar séu bundnar í þessu efni,“ segir Dag-
ur. Það skjóti skökku við þegar ekki sé gert ráð fyr-
ir nýbyggingum innan 100 metra frá ám og vötnum,
en umrædd lóð sé langt innan þeirra marka.
Nágrannar og borgaryfirvöld mótmæla byggingu einbýlishúss við Elliðaár
Hendur yfirvalda bundnar?
Ljósmynd/Borgarvefsjá
Lóðin sem átökin standa um er við enda Þykkvabæjar, næst Elliðaánum.
AKUREYRI
Safna fé | Kvenfélagið Hlíf hefur í
mörg ár safnað fé til styrktar barna-
deild Fjórðungssjúkrahússins á Ak-
ureyri. Á morgun, frá kl. 15, verða
Hlífarkonur á Glerártorgi í þeim til-
gangi. Þar selja þær handunnin
blóm og heimabakað brauð.
  
Stjórnmál | Almennur stjórnmála-
fundur með oddvitum framboðslista
til bæjarstjórnarkosninganna á Ak-
ureyri, verður haldinn í Hamri, fé-
lagsheimili íþróttafélagsins Þórs, í
kvöld kl. 20.30. Oddvitar flokkanna
flytja framsögu um stefnu sína til
íþróttamála á Akureyri.
Stofna samtök | Landssamtök
hátíða- og menningarviðburða
verða stofnuð á Akureyri á morg-
un í Ketilhúsinu. Stofnfundur
hefst kl. 9 árdegis með fyrirlestri
Johan Moerman, framkvæmda-
stjóra Rotterdam-Festival og
stjórnarmanns í Evrópusamtökum
hátíða og menningarviðburða
(IFE).
  
FRAMSÓKNARMENN á Akureyri
stefna að því á næsta kjörtímabili að
halda áfram „markvissu uppbygging-
arstarfi á öllum sviðum öldrunarþjón-
ustu“ og leggja einnig mikla áherslu á
uppbyggingu atvinnulífs í bænum
með því að stórefla Atvinnuþróunar-
félag Eyjafjarðar. Þá leggja þeir
áherslu á að „sú trausta fjárhags-
stjórnun sem verið hefur í bænum á
þessu kjörtímabili verði höfð að leið-
arljósi þegar farið verður í þær fram-
kvæmdir sem við tæpum á hér,“ eins
og Jóhannes Bjarnason, efsti maður á
listanum og bæjarstjóraefni, sagði í
gær þegar stefnuskrá flokksins fyrir
bæjarstjórnarkosningarnar í vor var
kynnt.
Framsóknarmenn mynda nú meiri-
hluta í bæjarstjórn ásamt sjálfstæð-
ismönnum, og hafa komið illa út úr
skoðanakönnunum undanfarið, en Jó-
hannes sagði að í þeim málaflokkum
sem framsóknarmenn stýra á yfir-
standandi kjörtímabili hefði verið
unnið mikið og gott starf.
„Stefnuskráin er metnaðarfullt og
raunhæft framhald á þeirri vinnu sem
við höfum unnið síðustu fjögur ár. Við
getum tekið hvern málaflokkinn á
fætur öðrum; hér hefur öllu verið um-
bylt: í stjórnsýslu, skipulagsmálum
og íþróttamálum, svo eitthvað sé
nefnt.“
Jóhannes nefndi að fyrir fjórum ár-
um hefði eitt stærsta kosningamálið
verið öldrunarmál. „Við heyrum
mikla umræðu um þau mál núna, t.d.
á höfuðborgarsvæðinu, en þar ríkir
mjög slæmt ástand sem minnir tölu-
vert á ástandið hér á Akureyri fyrir
fjórum árum. Við lögðum ofuráherslu
á þennan málaflokk og á síðustu fjór-
um árum hefur öllu umhverfi verið
breytt hvað þessi mál varðar,“ sagði
Jóhannes og vill að haldið verði áfram
á sömu braut.
Framsóknarmenn leggja mikla
áherslu á atvinnumál og nefna sér-
staklega að stórefla þurfi Atvinnuþró-
unarfélag Eyjafjarðar. „Þar hefur
verið unnið ákaflega gott starf á
mörgum sviðum, að nýbreytni og ný-
sköpun og það er okkar skoðun að
efla verði þetta félag. Það þarf að
fjölga sérfræðingum sem einbeita sér
að því að fjölga atvinnutækifærum af
öllum gerðum,“ sagði Jóhannes.
Meðal annarra atriða sem fram-
sóknarmenn nefna í stefnuskrá sinni
eru eftirfarandi.
 Akureyri verði áfram í fremstu röð
sveitarfélaga varðandi heilsugæslu.
Lögð verði rík áhersla á að flytja öldr-
unarmál og málefni fólks með fötlun
til sveitarfélaga.
 Eldri hluti dvalarheimilisins Hlíðar
verði endurbyggður, tvíbýli lögð af og
einkarými stækkuð.
 Styrkur til barna á aldrinum 5-14
ára sem stunda íþróttir, tómstunda-
starf og listnám verði orðinn 20.000
kr. á hvert barn á kjörtímabilinu.
 Áhersla verði lögð á að grunnskól-
ar verði áfram í umsjá bæjarins og
einkarekstur komi ekki til greina.
Ekki er stefnt að því að leikskóli verði
gjaldfrjáls á kjörtímabilinu. „Það er
stefna hjá okkur en þar sem þessar
tillögur miðast eingöngu við kjörtíma-
bilið teljum við raunhæft að setja inn
að vinna að frekari lækkun,“ sagði
Gerður Jónsdóttir bæjarfulltrúi.
 Ráðinn verði starfsmaður með for-
varnarfulltrúa bæjarins enda hafi
starf hans skilað frábærum árangri.
 Akureyri verði áfram í fararbroddi
í stjórnsýslu og íbúalýðræði. Hverf-
isnefndir efldar enn frekar.
 Áhersla verði aukin á að móta
stefnu með menningartengda ferða-
þjónustu í huga.
 Útivistarsvæði verði deiliskipulögð
og tengd saman skipulagslega, þ.m.t.
skíðalandið í Hlíðarfjalli.
 Glerárdalur verði friðaður sem
fólkvangur á grundvelli deiliskipulags
og aðgengi fólks að dalnum betur
tryggt.
 Unnið verði áfram að framkvæmd-
um við fólkvanginn í Krossanesborg-
um og þar verði komið upp aðstöðu til
útilífskennslu skólabarna.
 Jarðgerð lífræns úrgangs verði
gert að meginverkefni Sorpsamlags
Eyjafjarðar.
 Magn til urðunar verði lágmarkað
og frekari valkostir bæjarbúa varð-
andi flokkun úrgangs verði tryggðir.
 Unnið verði í samráði við sam-
gönguyfirvöld að lengingu flugbraut-
arinnar á Akureyrarflugvelli. Í því
felist gríðarlegir möguleikar fyrir
ferðaþjónustuna.
 Björgunarþyrla verði staðsett á
Akureyri.
 Stutt að ráðist verði sem fyrst í
jarðgangagerð undir Vaðlaheiði.
 Stuðlað að styttingu og uppbygg-
ingu þjóðvegarins á milli Akureyrar
og Reykjavíkur.
 Unnið verði að eflingu Háskólans á
Akureyri á öllum sviðum.
 Gerð verði tilraun til eins árs með
það að hafa ókeypis í strætó fyrir alla,
í þeirri von að notkun aukist.
Leiðtogi framsóknarmanna segir stefnuskrá þeirra metnaðarfulla en raunhæfa
Framsókn setur öldrunarmál
og atvinnumál í öndvegi
Morgunblaðið/Skapti Hallgrímsson
Sex efstu: Jóhannes G. Bjarnason (sem er í 1. sæti), Ingimar Eydal (5. sæti), Gerður Jónsdóttir (2. sæti), Erlingur
Kristjánsson (4. sæti), Petrea Ósk Sigurðardóttir (6. sæti) og Erla Þrándardóttir (3. sæti).
TENGLAR
..............................................
www.xbakureyri.is
Gengið á Gleráreyrum | Nú fer
hver að verða síðastur að ganga um
verksmiðjuhverfið þar sem til stend-
ur að rífa þær byggingar sem þar
standa. Af því tilefni efnir Iðn-
aðarsafnið á Akureyri til göngu-
ferðar umhverfis verksmiðjusvæðið
á Gleráreyrum á sunnudaginn, 30.
apríl klukkan 14. Leiðsögumaður er
Þorsteinn Arnórsson úr stjórn Iðn-
aðarsafnsins á Akureyri. Lagt verð-
ur af stað frá bílastæðinu sunnan við
Glerártorg og þátttaka í göngunni er
ókeypis. Fyrrverandi starfsmenn
verksmiðjanna eru sérstaklega vel-
komnir þar sem þeir búa að þekk-
ingu sem gaman væri fyrir þátttak-
endur göngunnar að fá að njóta.
Í gönguferðinni verður saga þessa
merka svæðis rifjuð upp, en þarna
hófst vélvæðing í iðnaði á Akureyri
um aldarmótin 1900. Þarna voru
margir vinnustaðir sem tengdust
iðnaði s.s. Gefjun (sængurfatagerð-
in), Ylrún, Skógerðin Iðunn, Sút-
unarverksmiðja Iðunnar, Fataverk-
smiðjan Hekla, Silkiverksmiðja
sambandsins, Öl og gos, Dúkaverk-
smiðjan og Ullarþvottastöðin. Verk-
smiðjurnar voru í marga áratugi
fjölmennasti vinnustaður á Akureyri
og dæmi eru um að menn ynnu þar
næstum alla sína starfsævi.