Morgunblaðið - 14.07.2006, Blaðsíða 45

MORGUNBLAÐIÐ FÖSTUDAGUR 14. JÚLÍ 2006 45
DAGBÓK
Montana-tjaldvagnar á sérstöku sumartilboði
Tjaldvagnar á tilboði – NÚNA!
Montana Compact m. fortjaldi
10" dekk
Stærð 3,25 m
Heildarþyngd 395 kg
Verð 529.000
Montana Easy Camp
10" dekk
Stærð 3,30 m
Heildarþyngd 395 kg
Verð 479.000
Montana Easy Camp
13" dekk/höggdeyfar
Stærð 3,25 m
Heildarþyngd 645 kg
Verð 529.000
H
im
in
n
o
g
h
a
f/
S
ÍA
Fiskislóð 1 • Sími 580 8500 • www.ellingsen.is
Jöklasetrið á Höfn í Hornafirði fagnar því umþessar mundir að liðið er ár frá opnunsafnsins eftir gagngerar endurbætur.Guðrún Jónsdóttir er menningar- og
upplýsingafulltrúi sveitarfélagsins Hornafjarðar og
umsjónarmaður Jöklasetursins: „Hornfirðingar
settu þetta verkefni upphaflega á laggirnar í sam-
starfi við Reykjavík-menningarborg 2000. Var sett
upp jöklasýning í félagsheimilinu á Höfn það sum-
arið og vakti hún svo mikla lukku að ákveðið var að
halda sýninguna að nýju næsta sumar,“ segir Guð-
rún. „Sýningin var frá 2002 til 2004 í húsnæðinu þar
sem áður var kaupfélag staðarins en sett var á
laggirnar nefnd um frekari þróun safnsins. Hún
kynnti sér m.a. jöklasöfn í Noregi og var ákveðið að
endurnýja sýninguna frá grunni. Afraksturinn er
ákaflega glæsileg sýning hönnuð af Birni G.
Björnssyni, og var sýningin stækkuð svo hún er nú
á báðum hæðum kaupfélagshússins.“
Á jöklasýningunni kennir margra grasa og geta
gestir upplifað fjölbreytta skemmtun og fróðleik
um jökla. „Með því fyrsta sem mætir gestum á sýn-
ingunni er heimildarmyndband um umbrotin sem
urðu í Vatnajökli fyrir áratug. Þá fáum við reglu-
lega sent jökulbrot úr Jökulsárlóni sem haft er til
sýnis fyrir gesti að skoða,“ segir Guðrún. „Gegnum
tölvuver safnsins má nálgast fróðleik frá jarðvís-
indadeild Háskóla Íslands og Orkustofnun og
yngstu gestirnir geta spreytt sig á spurningaleik
um jökla sem saminn var af nemendum barnaskól-
ans á Hornafirði.
Á sýningunni má einnig finna uppstoppuð sýn-
ishorn af þeim dýrum sem lifa í nágrenni jökulsins:
geysistór hreindýr, sel, fugla og skeldýr og hægt að
ýta á takka til að leika mismunandi söng fuglanna.“
Á efri hæð safnsins má finna ýmsan fróðleik um
jökla, hvernig þeir verða til og hvernig þeir þróast:
„Þar sýnum við einnig myndbrot úr James Bond-
myndunum tveimur sem teknar hafa verið upp við
Jökulsárlón: „View to a Kill“ og „Die Another
Day“. Þá er hluti sýningarinnar helgaður leið-
öngrum sem farnir hafa verið um jökulinn, og sýnd-
ur sá búnaður sem menn notuðu fyrr á tímum, og
hann borinn saman við þann búnað sem notaður er
til jöklaferða í dag.“
Gestum safnsins er jafnvel boðið að ganga inn í
jökulsprungu, og þaðan inn í íshelli þar sem meðal
annars má kynnast sögu Sigurðar á Kvískerjum
sem 19 ára gamall fór í leit að fé en féll ofan í jökul-
sprungu: „Ferðafélagi hans fór og sótti hjálp, en til
að halda sér á lífi söng Sigurður sálma allan þann
tíma sem hjálp var að berast. Sigurður er enn á lífi
og verður senn níræður. Á sýningunni má heyra
sálmasöng Sigurðar, og er það mikil upplifun.“
Loks geta gestir Jöklasetursins gengið upp á þak
kaupfélagshússins, þaðan sem sjá má Vatnajökul í
allri sinni dýrð.
Jöklasafnið er opið allt árið um kring, og er frá
maí til september opið alla daga vikunnar . Nánari
upplýsingar eru á www.joklasyning.is
Sýning | Í Jöklasetrinu á Höfn í Hornafirði má finna fjölbreyttan fróðleik um jökla
Náttúra og galdrar jökulsins

Guðrún Jónsdóttir
fæddist í Reykjavík
1950. Guðrún starfaði
sem skrifstofumaður
hjá Kaupfélaginu á Höfn
1977 til 1997. Þá vann
hún hjá Jöklaferðum
1997 til 2001. Frá árinu
2001 starfaði Guðrún
sem skrifstofumaður
hjá sveitarfélaginu
Hornafirði, til ársins
2005 þegar hún tók við starfi menningar- og
upplýsingafulltrúa. Guðrún á eina dóttur með
eiginmanni sínum Ludwig Gunnarssyni hús-
gagnasmíðameistara, sem á son af fyrra
hjónabandi.
Árnaðheilla
ritstjorn@mbl.is
Til kortagerðarmanna
MIG langar að koma á framfæri at-
hugasemd til kortagerðarmanna svo
sem Landmælinga Íslands, Ferða-
félags Íslands og fleiri vegna rang-
færslna á nöfnum Jöklu sem verið er
að virkja með Kárahnjúkavirkjun.
Frá Brúarjökli til sjávar heitir
jökulsáin Jökla en þremur stað-
arnöfnum eftir því hvar hún rennur:
„Jökulsá á Brú“ heitir hún þar sem
hún rennur frá jökli yfir land Brúar
niður til Jökuldals. „Jökulsá á Dal“
heitir hún þar sem hún rennur niður
Jökuldalinn. „Jökulsá í Hlíð“ heitir
hún þar sem hún rennur meðfram
Jökulsárhlíðinni og til sjávar.
Ég geri það að tillögu minni að
kortagerðarmenn athugi þetta mál
hjá heimamönnum og skrifi síðan á
kortin í framtíðinni: Jökla og stað-
arnafnið í sviga fyrir aftan (Jökulsá
á Brú) / (Jökulsá á Dal) eða (Jökulsá
í Hlíð) eftir því sem við á.
Og að síðustu ef einhver veit betur
en að framan greinir vinsamlegast
láttu í þér heyra um þetta því það er
ansi fáránlegt að sjá Jökulsá á Brú
skráða þar sem Jökulsá í Hlíð er.
Sigurður Stefán Baldvinsson,
Öldugötu 2, Reyðarfirði.
Simbi týndist í Garðabæ
SIMBI týndist frá Arnarási í Garða-
bæ 31. maí sl. Hann er bröndóttur,
með hvíta bringu, var með gula ól og
merki. Merktur í eyra. Hans er sárt
saknað, ef einhver veit um afdrif
hans vinsamlega látið mig vita. Sími
840 3080, 565 1019.
Perla týndist í Fossvogi
PERLA týndist í Fossvogi sl.
sunnudag. Hún er með rauða ól og
merkt. Þeir sem hafa orðið hennar
varir eða geta gefið upplýsingar um
hana eru beðnir að hafa samband í
síma 553 4515 eða 660 6890.
Velvakandi
Svarað í síma 5691100 frá 10–12
og 13–15 | velvakandi@mbl.is
Morgunblaðið/Rax
50ÁRA afmæli. Í dag, 14. júlí, er 50ára Kristín Erlingsdóttir,
Fremristekk 4, Reykjavík. Kristín mun
ásamt manni sínum, Birni Oddssyni, og
fjölskyldu fagna þessum tímamótum og
taka á móti gestum í sumarbústaðnum
Eyjafelli 15 í Kjós helgina 14. og 15. júlí.
Samlagning.
Norður
♠G8
♥ÁG54 V/NS
♦G743
♣DG6
Suður
♠K54
♥D109762
♦Á
♣Á105
Suður spilar fjögur hjörtu eftir opn-
un vesturs á veiku grandi:
Vestur Norður Austur Suður
1 grand * Pass Pass 2 hjörtu
Pass 3 hjörtu Pass 4 hjörtu
Pass Pass Pass
* 12–14 punktar
Hvernig er áætlunin með tígulkóng
út? (Formið er sveitakeppni, svo yf-
irslagir eru lítils metnir.)
Ef spilað er beint af augum – svínað
í trompi, svínað í laufi og spaða spilað
á kóng – er nóg að eitt lykilspil liggi til
sagnhafa. Er það til of mikils mælst?
Norður
♠G8
♥ÁG54
♦G743
♣DG6
Vestur Austur
♠Á963 ♠D1072
♥83 ♥K
♦KD65 ♦10982
♣K84 ♣9732
Suður
♠K54
♥D109762
♦Á
♣Á105
Það má gera betur. Vestur hefur
sýnt 12–14 punkta og eftir útspilið er
vitað um 5 punkta í tígli (hjónin). Vest-
ur getur þar með ekki haldið á öllum
lykilspilunum – spaðaás, hjartakóng
og laufkóng. Þá væri hann með 15
punkta.
Sem sagt: Ef hjartasvíningin geng-
ur, þá á austur annaðhvort spaðaás
eða laufkóng. Þar með er óþarfi að
svína í hjarta og hægt að spila upp á
kónginn blankan.
BRIDS
Guðmundur Páll Arnarson | ritstjorn@mbl.is
1. d4 Rf6 2. c4 g6 3. Rc3 Bg7 4. e4
d6 5. Be2 O-O 6. Bg5 Ra6 7. f4
De8 8. e5 Rd7 9. Rf3 c5 10. exd6
exd6 11. O-O h6 12. Bh4 De3+ 13.
Bf2 Dxf4 14. Rd5 De4 15. Bd3
De8 16. Bh4 Rb6 17. He1 Da4 18.
b3 Da5 19. Re7+ Kh8 20. Bxg6
fxg6 21. Rxg6+ Kg8 22. Re7+
Kh8 23. Rg6+ Kg8 24. Rxf8 Kxf8
25. Bg3 Bg4 26. He4 Bxf3 27.
Dxf3+ Kg8 28. Hg4 Hf8 29. De2
Rc8 30. d5 b5 31. cxb5 Rc7 32.
Be1 Db6
Staðan kom upp á alþjóðlegu
móti sem lauk fyrir skömmu í
Suðureyjum í Færeyjum. Fær-
eyski alþjóðlegi meistarinn John
Arni Nilssen (2356) hafði hvítt
gegn landa sínum Hans Kristian
Simonssen (2295). 33. Hxg7+!
Kxg7 34. Bc3+ Kg8 svartur hefði
einnig haft tapað eftir 34. …Kg6
35. Dg4+. 35. Dg4+ og svartur
gafst upp enda stutt í mátið eftir
35. …Kf7 36. Dg7+ Ke8 37.
He1+. Þessi skák var tefld í síð-
ustu umferð mótsins og fyrir hana
voru Færeyingarnir John Arni,
Helgi Dam Ziska og John Rodga-
ard jafnir og efstir með 5½ vinn-
ing. Helgi Ziska tapaði í síðustu
umferð fyrir danska alþjóðlega
meistaranum Simon Bekker-
Jensen (2393) og John Rodgaard
(2344) gerði stutt jafntefli við
Lenku Ptácníkovu (2183). Sigur
John Arna í þessari skák tryggði
honum því efsta sætið á mótinu.
SKÁK
Helgi Áss Grétarsson | ritstjorn@mbl.is
Hvítur á leik.
NÍNA Gautadóttir sýnir í Galdrasafninu á
Hólmavík. Sýning Nínu samanstendur af
safni mynda sem hún hefur haldið til
haga frá árinu 1988. Verkin eiga það
sameiginlegt að sýna rauðhærðar konur í
myndlist. Þetta er í fyrsta sinn sem haldin
er myndlistarsýning í Galdrasafninu á
Hólmavík en þar hefur nú verið opnað
gallerí, Gallerí Galdur, sem sumir telja að
sé minnsta gallerí landsins, enda aðeins
0,79 fm. Sýningin er þó allmikil að vöxt-
um, tæplega 2.300 myndir eru til sýnis.
Sýningin stendur til 15. september.
Nína Gautadóttir sýnir
í Galdrasafninu