Morgunblaðið - 14.07.2006, Side 52

52 FÖSTUDAGUR 14. JÚLÍ 2006 MORGUNBLAÐIÐ
VINCE VAUGHN JENNIFER ANISTON
TAKTU AFSTÖÐU.
GRÁTBROSLEGASTA GAMANMYND
SUMARSINS ÞAR SEM JENNIFER
ANISTON OG VINCE VAUGHN VAR
HREINLEGA Á KOSTUM.
SAMBÍÓ AKUREYRI SAMBÍÓ KEFLAVÍK
FRÁ LEIKSTJÓRA "TROY" OG "PERFECT STORM"
HALTU NIÐRI Í ÞÉR ANDANUM. MÖGNUÐ SPENNA FRÁ BYRJUN TIL ENDA.
SAMBÍÓIN KRINGLUNNI ER EINA
VINCE VAUGHN JENNIFER ANISTON
TAKTU AFSTÖÐU.
GRÁTBROSLEGASTA GAMANMYND
SUMARSINS ÞAR SEM JENNIFER
ANISTON OG VINCE VAUGHN VAR
HREINLEGA Á KOSTUM.
EINA LEIÐIN TIL AÐ VINNA ER AÐ MISSA STJÓRNINA
SÝNDI BÆÐI
MEÐ
ÍSLENSKU OG
ENSKU TALI
KVIKMYNDIR.IS
FRÁ FRAMLEIÐENDUM
„THE INCREDIBLES“ & „LEITIN AÐ NEMO“
eeee
V.J.V, Topp5.is
FERSK, HUGLJÚF OG RÓMANTÍSK ÞAR SEM STÓRSTJÖRNURNAR KEANU REEVES OG
SANDRA BULLOCK FARA Á KOSTUM.EKKI MISSA AF ÞESSARI PERLU. ALGJÖRT AUGNAKONFEKT.
SUPERMAN RETURNS kl. 5 - 8 - 11 B.I. 10 ÁRA
THE LAKE HOUSE kl. 8 - 10:10
THE FAST AND THE FURIOUS 3 kl. 5:45 B.I. 12 ÁRA
SUPERMAN kl. 5 - 8 - 11
THE BREAK UP kl. 8 - 10.10
BÍLAR ÍSL TAL. kl. 5:40
SUPERMAN kl. 5:50 - 9 - 10:40 B.I. 10.ÁRA.
THE BREAK UP kl. 6 - 8:15 - 10:40
THE LAKE HOUSE kl. 6 - 8:15 - 10:30
BÍLAR M/- ÍSL TAL. kl. 5:50
CARS M/- ENSKU TAL. kl. 8:15
KEEPING MUM kl. 6 - 8:15 B.I. 12.ÁRA.
THE POSEIDON ADVENTURE kl. 10:30 B.I. 14.ÁRA.
EIN ALLRA BESTA MYND ÁRSINS.
BRYAN SINGER KOMIN Í HÓP ÞEIRRA FREMSTU
MESTA OFURMENNI HEIMS HEFUR SNÚIÐ AFTUR.
OFURMÖGNUÐ STÓRMYND OG SÚPERSKEMMTUN FYRIR ALLA.
eeee
V.J.V. Topp5.is
S.U.S. XFM 91,9„...EINHVER BESTA
AFÞREYING SUMARSINS...“
TOMMI KVIKMYNDIR.IS
SÚPERMAN ER SANNARLEGA
KOMINN AFTUR.
M.M.J. KVIKMYNDIR.COM
Í HUGUM margra er Superman eða Ofur-
mennið eins og við Íslendingar nefnum hann,
hin eina sanna ofurhetja, réttsýnn, fórnfús og
óendanlega sterkur með sinn kryptoníska
Akkilesarhæl. Á eftirstríðsárunum varð þessi
ofurhetja sem fyrst kom fram í hasarblöðum
árið 1938, að nokkurs konar fulltrúa banda-
rísks hugarfars og ekki síður hins máttuga en
réttláta stórveldis Bandaríkjanna, en sú hug-
mynd er innsigluð í slagorði sem kom inn í
ofurmennissöguna eftir stríð og segir hann
standa fyrir sannleika, réttlæti og „amerísku
leiðina“.
Nú er Superman snúinn aftur á hvíta tjaldið
eftir að hafa dvalið í sjónvarpsheimum í þátt-
um á borð við „Lois & Clark“ og „Smallville“,
og má segja að hann komi sér kirfilega fyrir í
fótsporum hinnar einu sönnu kvikmynda-
ímyndar Supermans sem kom fram á sjónar-
sviðið í kvikmyndum Richard Donners um það
leyti sem Hollywood ofurstórmyndin varð til
undir blálok áttunda áratugarins. Hinn
splunkunýi Superman gengur inn í þá ímynd
sem Christopher Reeve heitinn léði persón-
unni, og fantasíuheimur kvikmyndarinnar
sækir til þess grunns sem lagður er í kvik-
myndum Donners, þ.e. Superman (1978) og
Superman II (1980) sem álitnar eru „hinar sí-
gildu“ af þeim fjórum Ofurmennismyndum
sem á endanum skipuðu myndaröðina.
Ofurmennið snýr aftur (Superman Returns)
tekur einmitt upp þráðinn þar sem Donner
skildi við hann eftir Superman II og spinnur
söguna í framhaldi af því er hetjan varð að af-
neita ástinni sinni Lois Lane í þágu almanna-
hagsmuna. Eftir fimm ára dvöl fjarri mann-
heimum snýr Superman aftur, og veltir nú
fyrir sér hvort Lois Lane hafi haft rétt fyrir
sér er hún skrifaði verðlaunablaðagrein sem
útskýrði hvers vegna heimurinn þyrfti ekki á
Superman að halda. Að venju bregður ofur-
mennið sér í hið „með öllu óþekkjanlega“ gervi
klaufabárðarins Clark Kent en sá hefur á ný
störf á dagblaðinu Daily Planet við hlið sinnar
heittelskuðu Lois Lane. Þar kemst hann að því
að Lane hefur jafnað sig á ástarsambandinu
við Superman, er nú trúlofuð myndarmanni og
á soninn Jason. Drengur þessi, sem er á
fimmta aldursári, er um margt sérstakur og
má segja að með honum sé nýr þráður spunn-
inn inn í Superman söguna. Lex Luthor er
einnig farinn að leggja á ráðin um að taka yfir
heiminn og þarf Clark Kent því fyrr en varir
að rífa af sér skyrtuna og hendast af stað til að
bjarga heiminum.
Hér er sem sagt ekki lagt upp með póstmód-
erníska endursköpun á sögu og eða kvik-
myndaímynd Súpermans, heldur er hún unnin
upp í nostalgíska og góðhjartaða hetjumynd
þar sem gamli góði Superman kemur hrapandi
hlutum og mönnum til bjargar á elleftu stundu
við hrópandi fögnuð sjónarvotta undir dynj-
andi stefi upprunalegu kvikmyndatónlistar
Johns Williams. Ungur og óþekktur leikari,
Brandon Ruth, hefur fengið það hlutverk að
gæða ímynd Ofurmennisins lífi og notar hann
túlkun Christophers Reeve sem viðmið en fer
með persónuna í tragískari áttir. Handritið að
myndinni er greinilega skrifað sem upphaf að
lengra ferli og hér eru togstreiturnar í brjósti
Supermans settar í forgrunn, í bland við dá-
góðan skammt af hasaratriðum, sem sumum
hverjum virðist troðið inn af skyldurækni.
Þannig birtist Superman hér sem upphafinn
og bjartur sem aldrei fyrr, hann virðist allt að
því kominn úr annarri vídd, svo himinblár er
búningur hans og svo fínlegir eru andlits-
drættirnir. En um leið birtist hann sem hálf
umkomulaus og elskulegur, svo mjög er
áhersla lögð á fórn hans og einmanaleika.
Brandon Ruth kemur þessum hryggbrotna og
göfuga Superman vel til skila, en segja má að
leikstjóri myndarinnar, Bryan Singer, lendi í
dálitlum vandræðum með að samræma harm-
söguna og yfirborðskenndu hasarmyndina
sem Ofurmennið snýr aftur er ætlað að vera.
Þrátt fyrir þá milljarða sem farið hafa í gerð
myndarinnar er hún langt frá því að vera sterk
á svellinu hvað sjónarspil og brellur varðar.
Það má jafnvel segja að leikstjórinn fari offari
í björgunaratriðum, þar sem styrkur ofur-
mennisins virðist brjóta í bága við hið mögu-
lega – jafnvel á ofurmenniskvarða. Oftar en
einu sinni felst sjónarspil myndarinnar í að
sýna risahluti á borð við farþegaflugvélar eða
eyjur í frjálsu falli, allt þar til að rétt grillir í
lítinn maur á botninum sem reynist þegar bet-
ur er að gáð vera hetjan okkar og við fylgjumst
vantrúuð með er hann afstýrir hrapi risahlut-
arins. Önnur hasaratriði eiga það til að vera
stirðbusaleg eða þvinguð inn í söguþráðinn.
Kvikmyndin er sterkust þar sem hún einbeitir
sér að tengslum persóna, og vangaveltum um
hlutverk og eðli hetjunnar og hugsanlegs
„eftirmanns“ hennar. Útlitshönnun myndar-
innar er vönduð og skemmtileg en þar er unnið
með gamalgróið minni um óstjórnleika iðn-
væðingarinnar og siðleysi vísindanna, en borg-
arumhverfið hefur yfir sér andblæ fjórða og
fimmta áratugar 20. aldarinnar. Ógnin sem
ofurmennið þarf að afstýra í þetta sinn tengist
ekki hryðjuverkamönnum frá Mið-Austur-
löndum, heldur nokkur konar táknrænum af-
leiðingum gróðurhúsaáhrifanna og jafnvel þótt
handritshöfundar breyti ofangreindu slagorði
yfir í „sannleika, réttlæti“ og það allt saman,
er ljóst að hlutverk hetjunnar er það að bjarga
Ameríku sem samkvæmt plönum Lex Luthors
verður fyrst til þess að sökkva eftir að hann
hrindir áætlunum sínum af stað um að búa til
nýja heimsálfu græðginnar. Vandamál mynd-
arinnar er kannski það hversu langt hún seilist
í að skapa hasarhetjunni Súperman ímynd
nokkurs konar nútímafrelsara, en Kristlík-
ingar hetjunnar eru á hverju strái og meiri
áhersla er lögð á að sýna Superman sem
píslarvott en stálmennið sem gjarnan fyllir síð-
ur hasarblaðanna. Fullyrðingu Lois Lane um
að heimurinn þurfi ekki lengur á Superman að
halda er svarað með því að frelsarans sé víst
þörf, og þó svo að goðsögulegir undirtónar séu
til staðar í öllum ævintýrum, er hlutverk
Supermans tekið hér full-alvarlega.
Bryan Singer er vanur að stýra ofurhetjum
og á sterkar kvikmyndir að baki, en hér reyn-
ist hann mistækur. En þótt Ofurmennið snýr
aftur hafi sína galla ristir enginn þeirra svo
djúpt að kvikmyndin sem slík geti ekki talist
prýðileg skemmtun. Sú stefna að búa til gam-
aldags hetjumynd með mátulegum skammti af
húmor tekst á endanum vel til, og nú er bara
að bíða og sjá hvort heimurinn þurfi á Super-
man að halda, á tímum þegar símaklefar eru
að verða útdauðir og póstmóderníska hetjan
Jack Sparrow sprengir öll met í miðasölu.
Ofurmennið eftir tíma símaklefanna
KVIKMYNDIR
Ofurmennið snýr aftur
(Superman Returns) –
Leikstjórn: Bryan Singer. Aðalhlutverk: Brandon
Routh, Kate Bosworth, Kevin Spacey og Parker
Posey. Bandaríkin, 154 mín.
Sambíóin, Háskólabíó
Heiða Jóhannsdóttir
Eftir fimm ára dvöl fjarri mannheimum snýr Ofurmennið aftur.