Morgunblaðið - 14.07.2006, Blaðsíða 18

18 FÖSTUDAGUR 14. JÚLÍ 2006 MORGUNBLAÐIÐ
MINNSTAÐUR
Hafnarstræti 97, 600 Akureyri.
Sími 462 3505.
Opið virka daga 10-18,
laugardaga kl. 10-16.
ÚTSALA - ÚTSALA
Kápur, jakkar, bolir, pils og buxur
Nýtt Kortatímabil
HÖFUÐBORGARSVÆÐIÐ
AKUREYRI
Það var mikil gleði og gaman á félagssvæði Þórs við Hamar í gær, en
þar fór fram sumarhátíð Vinnuskólans á Akureyri. Saman voru komnir
fjölmargir unglingar, 14 og 15 ára gamlir, starfsmenn í Vinnuskól-
anum. Þeir hafa lagt hart að sér undanfarnar vikur við að hreinsa og
þrífa bæinn sinn og var nú umbunað fyrir vel unnið verk. Boðið var upp
á leiki af ýmsu tagi, þrautir og kappleiki og hvaðeina og í kaupbæti
hæglætisveður með sólskini. Að sjálfsögðu fengu svo allir eitthvað gott
í gogginn áður en haldið var heim eftir vel heppnaða sumarhátíð.
Morgunblaðið/Margrét Þóra
Sumarhátíð Krakkarnir í Vinnuskóla Akureyrar gerðu sér glaðan dag í gær. Keppt var í boltaleik, þar sem
notast er við litlar kylfur til að koma boltanum í mark. Það sem mesta athygli vakti var völlurinn sjálfur. Hann
var líkastur freyðibaði, enda nokkuð erfitt að hendast á eftir boltanum með kylfuna á lofti við slíkar aðstæður.
Gleði og gaman
á sumarhátíð
Söguganga | Árleg söguganga um elsta
hluta Oddeyrar verður farin laugardag-
inn 15. júlí kl. 14, lagt verður af stað frá
Gránufélagshúsunum, Strandgötu 49.
Oddeyrin er ein sandeyranna sem Ak-
ureyri byggðist á í upphafi. Hún er
mynduð af framburði Glerár sem áður
fyrr átti farveg til sjávar suður í Hofs-
bótina. Fyrstu heimildir um mannaferð-
ir á Oddeyri eru í Vígaglúmssögu og í
Sturlungu.
Á Oddeyri fóru fram opinberar sam-
komur á miðöldum og þar var sjálfkjör-
inn samkomustaður á 19. öldinni.
Fyrstu húsin risu á Oddeyri árið 1858 og
upp úr 1870 fór Gránufélagið að byggja
upp hús sín sem enn standa og eru frið-
uð samkvæmt húsafriðunarlögum.
Um aldamótin 1900 var gatnakerfið á
syðri hluta Oddeyrar komið, Strandgat-
an og flestar hliðargötur út frá henni. Á
þessu svæði er að finna samfellda timb-
urhúsabyggð með sýnishornum af ýmsu
tagi. Þar eru tvílyft hús byggð undir
áhrifum af Schweizer-stíl, og lágreist,
margviðbyggð hús, en einnig eru elstu
steinsteyptu húsin á Akureyri á sunn-
anverðri Oddeyri.
  
ÞRIÐJU tónleikarnir í tón-
leikaröðinni Sumartónleikar í
Akureyrarkirkju verða haldnir
á sunnudag, 16. júlí kl. 17.
Að þessi sinni verða flytjend-
ur Kammerkórinn Schola can-
torum og stjórnandi hans
Hörður Áskelsson, Inga Rós
Ingólfsdóttir leikur á selló. Á
efnisskrá tónleikann verða
verk eftir Heinrich Schütz og
Þorkel Sigurbjörnsson.
Kórinn frumflutti mörg
verk íslenskra tónskálda
Kammerkórinn Schola can-
torum var stofnaður upp úr síð-
ustu áramótum á grunni Schola
cantorum, kammerkórs Hall-
grímskirkju. Kórinn hafði þá
starfað við góðan orðstír í níu
ár, undir stjórn Harðar Áskels-
sonar og haldið fjölmarga tón-
leika þar sem einkum var flutt
tónlist frá endurreisnar- og
barokktíma. Einnig var sam-
tímatónlist áberandi í verk-
efnaskrá kórsins og frumflutti
kórinn mörg verk eftir íslensk
tónskáld.
Sumar-
tónleikar
Starfsdagur | Í Gamla bænum Laufási
við Eyjafjörð verður hægt að fylgjast
með fólki að störfum á sunnudag, 16.
júlí, milli kl. 13.30 og 17.
Pétur Þórarinsson sóknarprestur
messar í kirkjunni og almennur söngur
mun hljóma út á tún. Í Gamla bænum
verður fólk að störfum m.a. við mat-
argerð. Þar verður unnið úr undirstöðu
mataræðis Íslendinga fyrr á öldum,
mjólkinni. Kynnt verður undir hlóðum
og bakaðar gómsætar lummur enda er-
lendur gestur í heimsókn hjá maddö-
munni. Gestum og gangandi verður boð-
ið að smakka á ýmsu góðgæti sem unnið
verður í gamla bænum. Á hlaðinu verð-
ur heyskapur í fullum gangi og hljóð-
færaleikararnir Einar og Haukur spila
ljúfa tónlist.
Danshópur svífur um hlaðið og sýnir
þjóðdansa kl. 15.30.
Þátttakendur í starfsdeginum í Lauf-
ási eru félagar úr Laufáshópnum auk
fjölda annarra sjálfboðaliða.
ÞANN 9. júlí sl. efndi Garðyrkjufélag Íslands
til árlegrar garðaskoðunar. Að þessu sinni var
sjónum garðáhugamanna beint að fjórum
einkagörðum í Mosfellsbæ. Garðaskoðuninni
er þannig háttað að fólk kemur á eigin bíl og
skoðar þá garða sem það vill, fær hugmyndir
og hrífst af hugmyndaflugi eigenda þeirra
garða sem til skoðunar eru. Garðaskoðunin er
með vinsælli þáttum í starfsemi Garðyrkju-
félagsins og á hverju ári koma hundruð manna
til að njóta dagsins og skoða plöntur, palla,
gosbrunna og garðálfa.
Garðyrkjufélag Íslands er ein elstu og virt-
ustu umhverfissamtök landsins, stofnuð árið
1885. Allt frá stofnun félagsins hefur verið
lögð áhersla á að auka og efla veg garðyrkju á
Íslandi. Félagið byggist á gömlum grunni en
er jafnframt framsækið fræðslu- og hags-
munafélag þeirra er garðyrkju stunda. Þannig
hefur félagið lagt grunninn að starfi fagfélaga
og hagsmunasamtaka á sviði garðyrkju og
stuðlað að fallegra yfirbragði bæja og borgar.
Morgunblaðið/Sverrir
Eigendur garðsins María Hákonardóttir og Erich Köppel við Hamarsteig 5.
Árleg garðaskoðun í Mosfellsbæ
Litrík flóra Í garði Erich og Maríu.
Nýútsprungin bóndarós Í garði Arkarholts
4. Eigendur eru Kristleifur og Margrét.
Arkarholtið Þar mátti finna marglit blóm.
Mosfellsbær | Bæjarritari Mosfellsbæjar fór
með rangt mál þegar hann sagði að vel hefði ver-
ið staðið að undirbúningi stórrar tengibrautar í
gegnum Álafosskvos, að mati Hildar Mar-
grétardóttur, listakonu og íbúa í kvosinni, sem
segir að við aðalskipulag Mosfellsbæjar vegna
legu tengibrautarinnar hafi íbúar Álafosskvos-
ar, Helgalands og Ásahverfis, gert athugasemd-
ir við legu tengibrautarinnar. Þá hafi Halldór
Gíslason arkitekt og fyrrverandi prófessor safn-
að undirskriftum þeirra sem mótmæltu fyrir-
huguðum aðgerðum og afhent bæjaryfirvöldum.
Hildur bendir á að reglugerð sem taki á atriðum
varðandi lagningar tengibrautar í þéttbýli og á
svæðum á náttúruminjaskrá, mæli fyrir um þá
reglu að 50–100 metra belti skuli vera á milli ár
og tengibrautar, en brautina sé fyrirhugað að
leggja allt að því 48 metra frá árfarveginum.
Lagningu tengibrautarinnar hefur verið
harðlega mótmælt af íbúum Álafosskvosar und-
anfarna daga. Telja þeir að slíkt myndi leggja
hið sérstaka útivistar- og mannlífssvæði í rúst.
Eins og í villta vestrinu
Hildur segir að íbúar á svæðinu séu alltaf að
reka augun í eitthvað nýtt og orðnir langþreyttir
á eilífri baráttu við stjórnvöld. Hún segir sama
hvaða stofnana sé leitað til, alltaf sé fátt um svör
af hálfu yfirvalda og íbúum bent á að beita sér
sjálfir í málinu, sé það svona mikilvægt. „Þetta
er eins og að vera í villta vestrinu, þú mátt ekki
sofna á verðinum án þess að verða skotinn í bak-
ið. Ég hef ekki getað stundað mína vinnu af
neinu viti enda fara dagarnir í það að lesa lög og
reglugerðir svo að ég verði ekki mötuð af vit-
leysu stjórnvalda,“ segir Hildur. Hún telur að
ábyrgðin liggi ekki síst hjá bæjarstjórnarflokk-
unum. „Persónulega finnst mér að Vinstri
grænir þurfi að taka málið fastari tökum þar
sem það varðar náttúru bæjarbúa miklu. Það er
ekki endalaust hægt að stinga höfðinu í sandinn
og firra sig ábyrgð vegna einhverra tengsla við
málið,“ segir Hildur að lokum.
„Bæjarritari
fór með
rangt mál“