Morgunblaðið - 02.08.2006, Page 6

6 MIÐVIKUDAGUR 2. ÁGÚST 2006 MORGUNBLAÐIÐ
FRÉTTIR
Eftir Brján Jónasson
brjann@mbl.is
SAMGÖNGURÁÐHERRA ætlar að
fá óháðan aðila til að skoða starfsum-
hverfi íslenskra flugumferðarstjóra
og segist ráðherra vonast til þess að
starfsemi flugumferðarsviðs verði
með eðlilegum hætti þar til úttektin
hefur farið fram.
Loftur Jóhannsson, formaður Fé-
lags íslenskra flugumferðarstjóra,
segist efast um að útspil ráðherra
leysi þann vanda sem nýlegt vakta-
kerfi hafi skapað, en kerfið hefur
valdið því að flugumferðarstjórar
virðast mun tregari en áður til að
taka að sér aukavaktir vegna veik-
inda. Það verði þó hver og einn flug-
umferðarstjóri að gera upp við sjálf-
an sig hvort hann taki að sér meiri
aukavinnu á næstunni en verið hefur.
Sturla Böðvarsson samgönguráð-
herra átti tvo fundi vegna málsins í
gær. Annars vegar með Þorgeiri
Pálssyni flugmálastjóra og Ásgeiri
Pálssyni, framkvæmdastjóra flug-
umferðasviðs, þar sem farið var yfir
stöðuna og þeir gáfu sitt mat á að-
stæðunum. Hins vegar fundaði ráð-
herra með þremur stjórnarmönnum
í Félagi íslenskra flugumferðar-
stjóra, þar á meðal formanninum.
Ekki formlegt vilyrði
„Niðurstaðan þess fundar var sú
að það er vilji til þess að láta fara yfir
starfsumhverfi flugumferðarstjóra,
og við munum kalla til þess verks ut-
anaðkomandi aðila,“ segir Sturla.
Samkvæmt upplýsingum frá sam-
gönguráðuneytinu verða þessir utan-
aðkomandi aðilar frá Eurocontroll,
flugstjórnarmiðstöð Evrópu, en að
auki mun fulltrúi frá alþjóðlegum
samtökum flugumferðarstjóra taka
þátt í verkinu.
Sturla segir ekki ljóst á þessari
stundu hversu langan tíma úttekt af
þessu tagi taki. „Við munum leggja
áherslu á að þetta gerist hratt og vel
svo allri óvissu verði eytt, en með
áherslu á að á meðan á þessu stendur
leggi allir sig fram um að starfsemin
verði í eðlilegu horfi.“
Hann segir að ekki hafi verið gefin
formleg vilyrði af hálfu flugumferð-
arstjóra þess efnis að þeir myndu
leggja sig fram um að halda starf-
seminni í eðlilegu horfi, en hann von-
ist til að svo verði. „Ég lít svo á að
þetta sé skref í þá átt að friður ríki,“
segir Sturla. „Það eru margir þættir
sem hafa áhrif á vinnutímann og það
þarf að taka tillit til þess í skipulag-
inu. Einnig þarf að taka tillit til þess
að starfsumhverfið hjá flugumferð-
arstjórum sé sem best. Þetta er auð-
vitað fjölskyldufólk af báðum kynj-
um og það þarf að leggja mat á það
hvort verið sé að ofgera starfsfólk-
inu.“
Viðvarandi óánægja
Tekið var upp nýtt vaktakerfi hjá
flugumferðarstjórum í mars sl., en
veruleg óánægja hefur verið með
kerfið. Undanfarið hafa starfsmenn
verið afar tregir til að taka að sér
aukavinnu til að leysa af veika sam-
starfsmenn. „Það er gott og blessað
að einhver sé fenginn til að meta
vinnuumhverfi flugumferðarstjóra,
eins og Sturla ætlar að gera, mér
sýnist að aðallega sé meiningin að
skoða hvort þetta vaktakerfi henti
starfseminni,“ segir Loftur. Hann
segist ekki geta séð að úttekt á
vinnuumhverfinu leysi málið, ekki sé
nóg að gera úttekt heldur þurfi að
gera breytingar. Það sé ljóst að
óánægja með nýja vaktakerfið sé við-
varandi og þó að félag flugumferð-
arstjóra sé ekki með aðgerðir í gangi
sé ljóst að starfsmenn vilji síður
vinna aukavinnu með tilkomu kerf-
isins. „Það er svo lítill frítími eftir að
menn vilja ekki eyða honum í auka-
vinnu, auk þess sem í mörgum til-
vikum geta þeir ekki unnið auka-
vinnu þar sem fríin milli vakta eru
orðin svo stutt og fá.“
Spurður hvaða leið hann sjái til að
leysa þann vanda segir Loftur: „Nú
er ljóst að menn voru að vinna auka-
vaktir eins og þurfti áður en [vakta-
kerfinu] var breytt, svo það er
kannski ekki óskynsamlegt að álykta
sem svo að ef menn breyttu aftur í
það sem var myndu málin þróast aft-
ur í það ástand sem var.“ Hann tekur
þó fram að búið sé að „fara illa með
allan velvilja flugumferðarstjóra“ og
því sé ekki víst að það gengi eftir.
Félag íslenskra atvinnuflugmanna
sendi í gær frá sér ályktun þar sem
lýst er áhyggjum yfir þeirri stöðu
sem upp er komin í Flugstjórnarmið-
stöðinni í Reykjavík, en flugumferð-
arstjóri sem tilkynnti sig veikan var
neyddur til að mæta til vinnu.
„Stjórnin átelur slík vinnubrögð og
bendir á að slíkt er bein ógnun við
flugöryggi,“ segir í ályktuninni.
ÞORGEIR Pálsson flugmálastjóri fagnar útspili sam-
gönguráðherra þess efnis að gera eigi úttekt á vinnu-
aðstöðu flugumferðarstjóra, og segist hann binda mikl-
ar vonir við að niðurstöðurnar verði til þess að friður
skapist um störf flugumferðarstjóra til framtíðar.
„Ég tel að það sé mjög jákvætt að gera slíka úttekt,
þá ekki síst hvað varðar vaktakerfin. Það er alveg ljóst
að við viljum að okkar fólk vinni í umhverfi sem er í
samræmi við það sem gerist í Evrópu,“ segir Þorgeir,
sem segist reyndar telja að svo sé í dag.
Hann segist vona að friður ríki um starfsemi Flug-
málastjórnar þar til niðurstöður úttektarinnar liggi
fyrir. „Ég vona það og vænti þess að svo verði, það
skiptir auðvitað miklu máli.“
Spurður hvort Flugmálastjórn geti hugsað sér að
breyta vaktakerfi flugumferðarstjóra, verði nið-
urstöður úttektarinnar þær að gallar séu á kerfinu,
segir Þorgeir: „Menn fara ekki út í svona skoðun nema
þeir ætli að taka tillit til þess sem út úr henni kemur.
Það liggur í hlutarins eðli.“
Efast um útspil í málum
flugumferðarstjóra
Morgunblaðið/Eggert
Sturla Böðvarsson samgönguráðherra (t.v.) og Ragnhildur Hjaltadóttir ráðuneytisstjóri funduðu með fulltrúum
Félags íslenskra flugumferðarstjóra, þeim Stefáni Mikaelssyni, Lofti Jóhannssyni og Halldóru Klöru Valdimars-
dóttur, í gærmorgun um þá stöðu sem upp er komin í málefnum flugumferðarstjóra.
Tekið verður tillit til niðurstöðu úttektarinnar
HAUKUR Har-
aldsson hefur til-
kynnt að hann
ætli að sækjast
eftir því að hljóta
kosningu sem for-
maður Fram-
sóknarflokksins á
flokksþingi
flokksins nú í
ágúst. Í tilkynn-
ingu til fjölmiðla
segir Haukur að fólk úr öllum kjör-
dæmum hafi hvatt hann til að gefa
kost á sér, og hann taki þeirri áskor-
un með það fyrir augum að gera
flokkinn sem lýðræðislegastan.
„Með framboði mínu til formanns
tel ég mig geta blásið nýju lífi í flokk-
inn og gert hann að því stjórnmála-
afli sem hann þarf að vera og stofn-
endur hans vildu,“ er haft eftir
Hauki í tilkynningunni. Helstu bar-
áttumál sín segir hann m.a. þau að
Ísland verði eitt kjördæmi, og að
fólksflóttinn af landsbyggðinni verði
stöðvaður með því að afturkalla allan
veiðikvóta og deila honum á sér-
hvern Íslending að loknu mati fiski-
fræðinga ár hvert.
Haukur vill auk þess að öll stærri
mál verði borin undir þjóðaratkvæð-
isgreiðslu, að þingmönnum verði
fækkað, og að þingmenn geti ekki
orðið ráðherrar heldur ráði Alþingi
hæfa menn til að stjórna. Að auki
ætlar Haukur að berjast fyrir því að
Ísland verði fríverslunarríki, og að
kjör öryrkja verði bætt, en hann er
sjálfur öryrki og þekkir mál þeirra af
eigin raun.
Býður sig
fram til
formanns
Haukur
Haraldsson
VINNUEFTIRLIT ríkisins hefur
aflétt banni við vinnu á tengivirki í
Hellisheiðarvirkjun eftir vinnuslys
þar 25. júlí, þegar franski starfsmað-
urinn Frédéric Robert Negro lést af
völdum höfuðhöggs. Vinnulagið þótti
ekki með felldu með því að Negro
heitinn stóð á lyftaragafli í margra
metra hæð en féll niður þegar jörðin
gaf sig undan lyftaranum.
Skv. upplýsingum Vinnueftirlits
hafa öryggiskröfur nú verið uppfyllt-
ar. Rannsókn er áfram í gangi hjá
Vinnueftirlitinu. Rannsókn lögregl-
unnar á Selfossi stendur einnig yfir
en sú rannsókn verður síðar lögð fyr-
ir ákæruvaldið til ákvörðunar um
hvort höfðað verði refsimál á hendur
þeim sem kunna að bera einhverja
ábyrgð á því hvernig fór.
Vinnubanni
aflétt við
tengivirki
♦♦♦
LÖGREGLAN á Egilsstöðum segir
alranga þá fullyrðingu Ólafs Páls
Sigurðssonar um að lögreglan á
Egilsstöðum hafi gert tilraun til að
keyra yfir hann við fjölskyldubúðir
Íslandsvina nálægt Kárahnjúka-
virkjun á mánudag. Ólafur Páll
sagðist í samtali við Morgunblaðið á
mánudag ætla að kæra lög-
reglumennina fyrir athæfið en Ósk-
ar Bjartmarz, yfirlögregluþjónn á
Egilsstöðum, segir enga kæru
komna frá Ólafi. Hins vegar verði
Ólafur sjálfur kærður fyrir að
skemma bíl lögreglunnar.
„Þetta er uppspuni hjá Ólafi.
Bílaleigubíll lögreglunnar var
stopp og Ólafur kom æðandi að
með alþjóðlegt fingurmerki á lofti
og lögreglumennirnir héldu að
hann ætlaði kannski að ræða eitt-
hvað við þá. En hann fór beint fram
fyrir bílinn og lagði hendur á húdd-
ið. Bíl lögreglunnar var þá ekið
hægt af stað og þá barði hann
húddið eins og óður maður og vék
til hliðar og barði bílinn eftir allri
hliðinni.
Hann tók sér síðan stein í hönd til
að grýta bílinn en þá juku lög-
reglumennirnir hraðann til að kom-
ast úr kastfæri. Þeir sneru síðan við
og þá var hann búinn að kalla til
fleira fólk til að hindra förina. Það
var síðan skálavörður [í Snæfells-
skála] sem fékk fólkið til að víkja
frá. Hann verður kærður þegar í
hann næst fyrir að valda skemmd-
um á bílnum.“
„Barði húddið eins
og óður maður“
„ÞAÐ kann vel að vera að síriti kunni
að vera til einhvers gagns, en þessar
hreyfingar eru þrátt fyrir allt svo
litlar að það er ósennilegt að þær
segðu okkur mikið þó þar væri síriti.
Ég get þó ekki fullyrt það,“ segir Jón
Rögnvaldsson vegamálastjóri. Í
blaðinu síðastliðinn laugardag kall-
aði Anna Guðrún Edwardsdóttir,
bæjarfulltrúi í Bolungarvík, eftir því
að slíkum rita yrði komið upp til þess
að mæla hreyfingar og sprungu-
gliðnun í Óshyrnu.
Aðspurður segist Jón sammála
flestu því sem fram kemur í grein-
argerð þeirra Gísla Eiríkssonar,
verkfræðings hjá Vegagerðinni, og
Ágústs Guðmundssonar, jarðfræð-
ings, sem greint var frá í blaðinu um
helgina. Tekur hann þó fram að í
sannleika sagt geti enginn maður
sagt með fullri vissu hvað gerist í Ós-
hyrnu.
„Hrunin eru mjög misstór sem
koma þarna og út af fyrir sig getur
lítið hrun verið mun hættulegra en
stórt hrun ef svo ber undir,“ segir
Jón. Aðspurður segist vegamála-
stjóri hafa fullan skilning á áhyggj-
um bæjarbúa Bolungarvíkur og
kröfu þeirra um öruggar sam-
göngur, en tekur fram að víða sé tak-
markað öryggi á vegum landsins.
Aðspurður segir Jón vinnuna við
undirbúning jarðganga á svæðinu
vera unna eins hratt og hægt er.
Segist hann vongóður um að könnun
á jarðgangagerð á svæðinu ljúki í
haust og bendir á að gangi það eftir
væri hægt að hefjast handa við gerð
jarðganganna strax á næsta ári, en
áætlað er að vinnan við jarðgöngin
taki þrjú til fimm ár. Tekur vega-
málastjóri þó fram að framkvæmda-
hraðinn fari alfarið eftir því hvernig
fjármagn til verksins skili sér.
Spurður hvort ástæða sé til þess
að grípa til aukinna varúðarráðstaf-
ana á núverandi vegstæði, t.d. með
byggingu fleiri vegskála segir vega-
málastjóri ljóst að ekki sé hægt að
auka öryggið meira á núverandi
vegi.
„Það verður ekki séð að það sé
hægt að grípa til öllu meiri ráðstaf-
ana annarra en að fara í stórfram-
kvæmdir á borð við jarðgöng og það
er það sem verið er að kanna,“ segir
Jón Rögnvaldsson vegamálastjóri að
lokum.
Ósennilegt að síriti
gerði gagn við Óshyrnu
Vegamálastjóri segist skilja áhyggjur bæjarbúa