Morgunblaðið - 17.08.2006, Qupperneq 12

12 FIMMTUDAGUR 17. ÁGÚST 2006 MORGUNBLAÐIÐ
FRÉTTIR
HP mælir með Windows XP Professional
www.fartolvur.is
Komdu og skoðaðuHP fartölvurá fartölvuhátíðinni
í Kringlunni 18. - 20. ágúst
Veiðimenn sem voru viðveiðar á silungasvæðiVatnsdalsár í vikunni, íárlegri ferð, undruðust
hvað orðið hefði af sjóbleikjunni. Á
þessu rómaða bleikjusvæði hefur
lítið sést af henni síðustu árin.
Veiðimenn á laxasvæðinu uppi á
dal höfðu sett í nokkrar rígvænar
dagana á undan, en á ósasvæðinu;
við Geirastaðahólma og á Branda-
nesi, sást varla bleikja og þær sem
tóku voru smáar. Á móti kom hins
vegar að veiðimenn settu víða í sjó-
birting, sem virtist vera á fleygi-
ferð um ána. Hann stökk og sýndi
sig, og allt að fjögurra punda birt-
ingar ruku á agn veiðimanna og
bættu ágætlega upp bleikjuskort-
inn. Þá var talsvert af laxi sem
endranær á svæðinu. Hollið landað
fimm og missti mun fleiri. Laxinn
tók helst við Steinnes en einnig í
Langahyl, Brúarhyl og við Geira-
staðahólma. Holl sem veiddi á sil-
ungasvæðinu í byrjun mánaðarins
landaði 14 löxum, sem hlýtur að
teljast ljómandi meðafli á sil-
ungasvæði.
Af laxasvæði Vatnsdalsár var það
að frétta, að á annað hundrað færri
laxar hafa veiðst en á sama tíma í
fyrra. Lax er hins vegar dreifður
um alla á og sýnilega mikið af hon-
um, en á stundum gengur mjög illa
að fá hann til að taka. Góðar göng-
ur voru hins vegar í ána um
helgina og komu þá allt að 14 laxar
á land á vakt, mestallt lúsugur fisk-
ur.
Stórlaxar í Aðaldal
Blaðamaður sem var við veiðar á
svæðum Laxárfélagsins í Laxá í
Aðaldal, sagði frekar rólegt yfir
ánni og minna veiddist en í fyrra,
en þó fékkst lax á öllum svæðum
árinnar og allar stangir lönduðu
fiski. Lúsugir litlir hængar voru
viljugir við að taka fluguna og á
milli veiddust frá 12 upp í 17 punda
fiskar.
Eftir frekar dauf aflabrögð á
Nesveiðum í Laxá í sumar, hefur
heldur betur glæðst síðustu vikur
og hefur talsverður fjöldi stórlaxa
verið veiddur, og sleppt síðan aftur
í ána eins og vera ber. Greint var
frá því að í síðustu viku hefðu verið
sjö laxar tuttugu pund og yfir, af
45 fiskum sem veiddust.
Úr Laxá hélt blaðamaðurinn í
Svalbarðsá, og þar veiðist býsna
vel. Fiskur er dreifður um alla á og
lúsugir fiskar í efsta hyl sem þeim
neðsta. Settu menn þar í stóra
fiska og einn kubbaði 17 punda
taum veiðimannsins, sem réð ekki
við neitt. Hins vegar tókst honum
að landa fjögurra punda hæng á
stöng fyrir línu númer tvö og sagði
það hafa verið hina bestu skemmt-
an.
Yfirborðsveiði að aukast
Að sögn Ástþórs Jóhannssonar
hefur veiðin í Straumfjarðará á
Snæfellsnesi verið í góðu meðallagi
fyrri hluta vertíðarinnar, en 15.
ágúst voru um 320 laxar komnir á
land. Er það aðeins betri veiði en á
sama tíma fyrir tveimur árum þeg-
ar áin gaf 480 laxa. „Við lifum því
áfram í voninni um að þetta verði
gott veiðisumar hér í ánni, þótt
ekki verði metið frá í fyrra slegið,
en það var besta ár síðan 1978.
2005 komu 672 laxar á land,“ segir
Ástþór. Hann segir nýjan fisk
ganga flesta daga, lax er á flestum
veiðistöðum og víða í töluverðu
magni. Hressilegar rigningar í síð-
ustu viku virðast hafa hreyft við
fiski og komið lífi í veiðina að nýju.
„Frances í ýmsum litum hefur
flætt yfir hægri síður veiðibók-
arinnar þetta sumarið eins og oft
áður, en yfirborðsveiði er að aukast
mikið með Sun Ray Shadow og
hitchflugum sem veiðimenn virðast
í litlum mæli gera greinarmun á
með mismunandi nöfnum. Stærstu
laxarnir sem veiðst hafa í ánni í
sumar eru um 15 pund. En mest
ber á fimm til sex punda smálaxi“,
sagði Ástþór.
STANGVEIÐI
Hvar er bleikjan?
Morgunblaðið/Einar Falur
Sveinn Sölvason glímir við maríulaxinn við Steinnes á silungasvæði Vatnsdalsár. Njörður Ludvigsson fylgist með.
veidar@mbl.is