Morgunblaðið - 17.08.2006, Page 18

Þórshöfn | Framandi réttir og
kræsingar voru á borðum í
íþróttamiðstöðinni Verinu á
Þórshöfn sl. föstudagskvöld en
þá buðu ungmenni úr samtök-
unum Seeds heimamönnum til
veislu.
Á boðstólum voru réttir frá
heimalöndum þessa unga fólks
en þau höfðu útbúið allt sjálf og
tóku rausnarlega á móti gestum
sínum.
Þegar búið var að bragða á
flestum réttunum var brugðið á
leik og farið í spurningakeppni
en efnið var einkum land-
fræðilegt, frá Íslandi og þjóð-
löndum unga fólksins.
Kvöldinu lauk með mikilli kát-
ínu og var hin besta skemmtun.
Þetta unga fólk, alls 13, frá
ýmsum þjóðlöndum hefur dvalið
hér um hríð og markmið sam-
taka þeirra er hvers kyns um-
hverfisvernd en einkum að
hreinsa strendur landsins.
Þau hafa bæði gróðursett og
annast beð og plöntur sem fyrir
eru og miklum tíma hafa þau
varið í ruslatínslu.
Þau dvelja í tvær vikur á
Þórshöfn og hafa aðstöðu í
íþróttamiðstöðinni en sér til að-
stoðar hafa þau Angantý Ein-
arsson, sem áður hefur verið
slíkum hópum innan handar.
Morgunblaðið/Líney
Alþjóðleg veisla í íþróttahúsinu
Framandlegt
Höfuðborgin | Akureyri | Suðurnes | Austurland
Minnstaður
Höfuðborgarsvæðið Guðrún Aðalsteinsdóttir, frett@mbl.is sími 569-1100. Suðurnes Helgi
Bjarnason, helgi@mbl.is, sími 569-1310 og 669-1310. Akureyri sími 569-1100, Skapti Hallgrímsson,
skapti@mbl.is, 669-1114. Vesturland Guðrún Aðalsteinsdóttir, frett@mbl.is, sími 569-1290.
Austurland Steinunn Ásmundsdóttir, austurland@mbl.is, sími 669-1115. Árborgarsvæðið og
Landið Helgi Bjarnason, helgi@mbl.is, sími 569-1310 og 669-1310 og Guðrún Aðalsteinsdóttir,
frett@mbl.is, sími 569-1290.
Mínstund frett@mbl.is
Fornt vopn | Fornt kuml fannst í síðasta
mánuði í Hringsdal við Arnarfjörð og í því
mannabein og nokkrir forngripir, þ. á m.
fagurlega skreyttur hárkambur, eldstál, ró-
naglar og járnbrot sem er líklega örv-
aroddur eða hluti af hnífsblaði. Frá þessu
er greint á heimasíðu Bíldudals. Upp-
gröftur hófst að nýju í vikunni og komu þá í
ljós leifar af öðru kumli sem hefur ekki ver-
ið opnað ennþá, en við brún þess fannst vel
varðveittur spjótsoddur og höfuðkúpa af
manni. Spjótsoddur þessi er vel varðveittur
og ótrúlega heillegur, segir á heimasíðunni.
  
Reyklaust | Fjöldi manns lagði leið sína á
dansleik með hljómsveitinni Stjórninni á
Listasumri í Súðavík á laugardag. Vakti at-
hygli að reykingar voru ekki leyfðar inni á
dansleiknum en það er venjan á dans-
leikjahaldi í Súðavík, enda hefur það und-
anfarin ár farið að mestu fram í íþróttahúsi
staðarins, eins og segir á fréttavef Bæjarins
besta á Ísafirði, www.bb.is.
„Það hefur vakið mikla athygli að á
Listasumri og Bryggjudögum eru reyk-
lausir dansleikir. Þetta hefur mælst vel fyr-
ir hjá bæði hljómsveitum, gestum sem
reykja ekki og jafnframt líka hjá flestum
þeim sem reykja,“ segir Vilborg Arn-
ardóttir athafnakona í Súðavík í samtali við
Bæjarins besta.
Vert er að geta þess að á ýmsum sam-
komum í íþróttahöllinni á Akureyri hin síð-
ari ár, m.a. allt að þúsund manna veislum
við útskrift úr Menntaskólanum á Akureyri
og hinum ýmsu árshátíðum hafa reykingar
ekki verið leyfðar í salnum og hefur verið
almenn ánægja með það.
  
Vestnorræn samvinna | Tæplega 30 vest-
norrænir, sænskir, danskir og norskir þing-
menn og ráðherrar munu koma saman á 22.
ársfundi Vestnorræna ráðsins, sem haldinn
verður í Þórshöfn í Færeyjum frá 18. til 22.
ágúst.
Ferðaþjónusta og samgöngumál eru
veigamiklir málaflokkar fyrir vestnorrænu
löndin, segir formaður ráðsins, Henrik Old.
„Í júní síðastliðnum hélt vestnorræna
ráðið ráðstefnu um samvinnu landanna í
ferðamálum og kom þar fram eindreginn
vilji hjá ýmsum aðilum til þess að auka sam-
vinnu í sameiginlegri markaðssetningu
svæðisins í heild auk samvinnu í menntun
innan atvinnugreinarinnar. Á ársfundinum
verður rætt hvernig best megi styrkja
þessa samvinnu í verki,“ segir hann.
  
Loftslagsbreytingar | Í tengslum við árs-
fund Vestnorræna ráðsins verður haldinn í
fyrsta skipti sérstakur þemadagur, á laug-
ardaginn. Yfirskrift dagsins er „Loftslags-
breytingar og mögulegar afleiðingar þeirra
fyrir Norður-Atlantshafið og vestnorrænu
löndin“. Á ársfundinum verður einnig
fjallað um aukna samvinnu milli Vestnor-
ræna ráðsins og Norðurlandaráðs.
Úr
bæjarlífinu
HÉÐAN OG ÞAÐAN
Eftir góðan dagkom hellidemba ágesti Töðugjalda
sem haldin voru á Hellu
um helgina, einmitt á
kvöldvökunni þegar
brekkusöngurinn stóð yf-
ir. En enginn er verri þótt
hann vökni og þessir
hressu krakkar létu veðr-
ið ekki aftra sér frá því að
njóta skemmtunar.
Morgunblaðið/Óli Már Aronsson
Rigndi á brekkusöngsfólk
G Þorkell Guð-brandsson yrkirum lundaveiðar:
Kom nú vel á vondan þar
er vitnaðist að ráðherrar
laumi sér á lundafar
þá lítið er um veislurnar.
Jóhannes Sigmundsson
frá Syðra-Langholti:
Vér göngum svo léttir til lunda
og leyfi hér þarf ekki neitt.
Af stórhug menn veiðarnar stunda
og stundum vér komumst í feitt.
Vér háfum og húkkum hér saman
og höldum svo veislu í kvöld.
„Og nú verður glaumur og gaman“
og gleðin hér situr við völd.
Magnús Stefánsson
yrkir til Valgerðar:
Eftir stranga álverstörn
ættir þú að taka
langa hvíld við lómatjörn
með lokuð sund til baka.
Af lundaveiðum
pebl@mbl.is
DANSKIR dagar, árleg fjölskyldu- og
menningarhátíð Hólmara, hefst á morgun
í Stykkishólmi í 13. sinn og stendur fram á
sunnudag. Fyrirkomulagi hátíðarinnar
hefur verið breytt allnokkuð frá því sem
verið hefur og áhersla lögð á framlag bæj-
arbúa, segir í fréttatilkynningu. Þar segir
einnig að fjölskyldugildin verði höfð í fyr-
irrúmi þessa helgi og áfengi ýtt til hliðar.
„Lífgað hefur verið upp á dönsku
tengslin m.a. með dönskum kvikmyndum,
Legokubbasamkeppni og einnig má nefna
að meðlimir Dansk Kvindeklub koma og
dæma í marmelaði- og sultukeppni sem
boðað var til í tilefni Danskra daga. Götur
bæjarins, samkvæmt venju, fá dönsk nöfn
meðan á dögunum stendur.“
Gamlar byggingar eins og Norska hús-
ið, Stykkishólmsbíó, gamla kirkjan og
Hljómskálinn verða notuð til sýninga og
tónleika. Stykkishólmsbíó sem er hundrað
ára í ár fer t.d. aftur í sitt gamla hlutverk
og þar verða m.a. sýndar danskar kvik-
myndir í bland við kvikmyndir og ljós-
myndir úr bæjarlífinu. Tónleikar verða í
gömlu kirkjunni á vegum Tónlistarskóla
Stykkishólms og Leikfélagið Grímnir
verður með gjörninga, leiklestra og sýnir
upptökur frá gömlum leiksýningum, í
Hljómskálanum.
Keppt á „Idrætsparken“
Íbúar hverfanna koma saman og grilla
og að því loknu verður haldið á Idræts-
parken – íþróttaleikvang bæjarins – og
keppt á hverfaleikum. Þar keppa fulltrúar
hverfanna í ýmsum leikjum og söng.
Á laugardaginn er fjölbreytt dagskrá,
skynfærin verða t.d. virkjuð í upplifunar-
garði, uppboð Lionsmanna verður á sínum
stað, götustemning verður á Strikinu þar
verður kassaklifur björgunarsveitarinnar
Berserkja og fjöllistamenn og konur leika
listir sínar, streetball keppni Snæfells,
götuspilarar, hatteigendur og fleiri láta
ljós sitt skína, starfsfólk leikskólans verð-
ur með markað og reiðhjól koma við sögu í
sælgætissölu víða um bæinn.
Ungmenni sem tóku þátt í menningar-
og listasmiðjunni Berserk 2006 sýna af-
raksturinn í Íþróttamiðstöðinni en þar
verða einnig sýndar ljósmyndir og Lego-
byggingar sem sendar hafa verið inn í þær
samkeppnir sem eru í tengslum við
Danska daga. Bryggjusöngur og verð-
launaafhendingar verða um kvöldið auk
flugeldasýningar en dagskránni lýkur með
tónleikum á Den store Scene.
Á sunnudaginn verður dönsk-íslensk
messa þar sem Sr. Guðjón Skarphéðins-
son messar, fjöltefli verður í gamla bóka-
safninu en þar mun Helgi Ólafsson stór-
meistari tefla við þá sem vilja og mæta
með tafl og menn, sýningar halda áfram í
íþróttahúsi og Norska húsinu og kvik-
myndahátíðin í Stykkishólmsbíói.
Útvarp Danskra daga (fm 104,7) verður
starfrækt á meðan á hátíðinni stendur og
þar verður dagskránni gerð skil í bland
við tónlist og spjall á dönsku og íslensku.
Danskir
dagar hefjast
í Hólminum
Útsala
Nýbýlavegi 12, Kóp., sími 554 4433
Opið virka daga kl. 10-18, laugardaga kl. 10-16
GRÓÐURSANDUR TIL
RÆKTUNAR
WWW.BJORGUN.IS
Sævarhöfða 33,
112 Reykjavík,
sími 577 2000