Morgunblaðið - 23.08.2006, Síða 6

6 MIÐVIKUDAGUR 23. ÁGÚST 2006 MORGUNBLAÐIÐ
FRÉTTIR
Heimsferðir bjóða ótrúlegt tilboð á
síðustu sætunum til Benidorm í ágúst.
Þú bókar og tryggir þér sæti og 4
dögum fyrir brottför færðu að vita hvar
þú gistir. Gríptu tækifærið og tryggðu
þér sumarauka á frábærum kjörum á
einum vinsælasta sumarleyfisstað
Íslendinga.
Skógarhlíð 18 • sími 595 1000 • www.heimsferdir.is
Stökktu til
Benidorm
31. ágúst
frá kr. 29.990
Síðustu sætin
Verð kr. 29.990
Netverð á mann, m.v. hjón með 2 börn,
2-11 ára, í íbúð í viku, 31. ágúst.
Munið Mastercard
ferðaávísunina
Verð kr. 39.990
Netverð á mann, m.v. 2 í
herbergi/stúdíó/íbúð í viku, 31. ágúst.
EKKI verður gefin út endurákæra á
hendur Jóni Ásgeiri Jóhannessyni, for-
stjóra Baugs Group, vegna ákæruliðar
sem vísað var frá dómi fyrr í sumar.
Settur ríkissaksóknari segist meta það
svo að ekki sé nægilega líklegt að sak-
felling náist.
Um er að ræða fyrsta ákæruliðinn af
19 í endurákæru sem gefin var út eftir
að 32 af 40 ákæruliðum í upphaflegu
Baugsmáli var vísað frá dómi í október
2005. Ákæruliðurinn fjallar um at-
burðarás sem endaði með því að Baugur
eignaðist 10-11 verslunarkeðjuna, og
var ákært vegna fjárdráttar, en til vara
vegna umboðssvika.
Arngrímur Ísberg, héraðsdómari,
vísaði þessum ákærulið frá dómi 30. júní
sl., og var frávísunin staðfest af Hæsta-
rétti 21. júlí. Í bréfi Sigurðar Tómasar
Magnússonar, setts ríkissaksóknara í
Baugsmálinu, til fjölmiðla kemur fram
að þegar tekin sé ákvörðun um hvort
kæra eigi meintan ólöglegan verknað
þurfi að líta til þess hvort það sem fram
er komið teljist nægjanlegt eða líklegt
til sakfellingar.
Hefur ekki áhrif á önnur mál
„Að gengnum framangreindum
dómsúrlausnum er það mat ákæru-
valdsins að dregið hafi svo úr líkum á að
dómstólar muni sakfella ákærða fyrir
þau ætluðu brot sem honum voru gefin
að sök í fyrsta ákæruliðnum að ekki sé
nægilegt tilefni til að gefa út nýja
ákæru vegna þeirra,“ segir í bréfi Sig-
urðar.
Þar segir ennfremur að Jóni Ásgeiri
hafi verið tilkynnt um þessa afstöðu
ákæruvaldsins, en þar komi fram að
þessi ákvörðun lúti eingöngu að þeim
ætluðu brotum sem honum voru gefin
að sök í þessum ákærulið, en hafi ekki
áhrif á rannsókn vegna annarra brota
er kunni að vera til rannsóknar hjá
efnahagsbrotadeild ríkislögreglustjóra,
enda falli þau utan umboðsskrár Sig-
urðar sem setts ríkissaksóknara.
Eftir standa því 18 ákæruliðir sem
bíða efnislegrar meðferðar í Héraðs-
dómi Reykjavíkur. Lúta þessir ákæru-
liðir m.a. að fjárdrætti, ólöglegum lán-
veitingum, meiriháttar bókhaldsbrotum
og röngum tilkynningum um afkomu
Baugs hf. til Verðbréfaþings Íslands,
eins og fram kemur í bréfi Sigurðar.
Ekki verður endurákært
vegna 10–11-verslananna
Sigurður Tómas Magnússon, settur ríkissaksóknari í Baugsmálinu
„ÞESSI niðurstaða kemur
mér ekki á óvart, ég tel
reyndar að dómstólar hafi
verið búnir að lýsa þeirri efn-
islegu niðurstöðu að í fyrsta
ákæruliðnum hafi verið fjallað
um viðskipti en ekki auðgun-
arbrot, og þá fannst mér sjálf-
gefið að það gæti ekki komið
til frekari ákæru,“ segir Gest-
ur Jónsson, verjandi Jóns Ás-
geirs Jóhannessonar.
„Að sjálfsögðu er það mikill
léttir að þessi langstærsti
hluti málsins skuli vera úr
sögunni,“ segir Gestur. Hann
segir umfang málsins minnka
mikið við það að stærsti
ákæruliðurinn og alvarlegustu
sakargiftirnar séu endanlega
úr sögunni. Þó sé eftir gríð-
arlega umfangsmikið mál, og
því rangtúlkun að segja að
ekkert standi eftir í málinu.
„Mér finnst hins vegar
fréttatilkynning sem kom frá
settum ríkissaksóknara ekki
vera stórmannleg. Þar er í
raun fyrst og fremst verið að
reyna að setja málið í þann
búning að gera lítið úr þeirri
niðurstöðu að stærsti hluti
málsins skuli vera endanlega
úr sögunni. Þar eru einnig til-
greind atriði eins og að af-
staða ákæruvaldsins hafi ekki
áhrif á rannsókn eða eftir at-
vikum saksókn vegna annarra
brota sem eru til meðferðar
hjá efnahagsbrotadeild ríkis-
lögreglustjóra. Þetta kemur
frá manni sem hefur ekkert
yfir þeirri rannsókn að segja,
og því afskaplega vandskilið
hvaða erindi þetta á inn í
þessa fréttatilkynningu,“ segir
Gestur.
„Þessi fréttatilkynning er
augljóslega sett fram af hálfu
ákæruvaldsins til þess að
reyna að draga úr mikilvægi
þeirrar ákvörðunar sem liggur
fyrir að stærstur hluti þessa
máls sé úr sögunni. Mér finnst
þetta satt að segja vera af-
skaplega ósanngjarnt í garð
Jóns Ásgeirs, því þarna er
nánast gefið í skyn að hann sé
sekur, þrátt fyrir það að
ákvörðun hafi verið tekin um
að saksækja hann ekki frek-
ar.“
Mikill léttir en
niðurstaðan kem-
ur ekki á óvart
Gestur Jónsson, verjandi
Jóns Ásgeirs Jóhannessonar
JÓN Ásgeir Jóhannesson segir að sá ákæruliður sem settur
ríkissaksóknari hefur nú ákveðið að kæra ekki út af í þriðja
sinn og varðar kaupin á 10-11 verslununum hafi snúist um
viðskipti og ekkert annað, eins og hann hafi sagt frá upphafi.
Þetta kemur fram í yfirlýsingu sem Jón Ásgeir sendi fjöl-
miðlum í gær og er svohljóðandi: „Í ljósi þess að settur Rík-
issaksóknari, Sigurður Tómas Magnússon, hefur ákveðið
ákæra ekki í þriðja skiptið í viðamesta lið ákærunnar í Baugs-
málinu svokallaða, er rétt að koma eftirfarandi á framfæri:
Ég hef frá upphafi sagt að þessi ákæruliður, sem oft hefur
verið kenndur við 10-11 verslanirnar, snúist um viðskipti og
ekkert annað. Þetta hafa dómstólar staðfest bæði héraðs-
dómur og Hæstiréttur.
Það var því einkennilegt að þurfa að sitja undir því svo vik-
um skipti að Sigurður Tómas Magnússon segðist vera að
velta því fyrir sér að ákæra í þriðja sinn af þessu tilefni. Því
verður vart trúað að slíkt hafi hann hugleitt í alvöru eftir þá
dóma sem gengið höfðu.“
Yfirlýsing frá Jóni Ásgeiri Jóhannessyni, forstjóra Baugs Group hf.
Snerist um viðskipti og ekkert annað
HÓPUR Vestur-Íslendinga frá Kan-
ada og Bandaríkjunum heimsótti Al-
þingishúsið í gær. Hópurinn er hér á
vegum Snorri Plús-verkefnisins.
Snorraverkefnið (Snorri Program)
hófst 1999 og er eitt helsta verkefni
Þjóðræknisfélags Íslendinga í Vest-
urheimi og systurfélags þess hér á
landi. Tilgangurinn er að treysta
böndin milli Íslands og Vestur-
Íslendinga.
Sólveig Pétursdóttir, forseti Al-
þingis, tók á móti hópnum í Alþing-
ishúsinu í gær. Vestur-Íslending-
arnir fræddust um sögu hússins,
Alþingis og sjálfstæðisbaráttunnar.
Þá var boðið í kaffi þar sem íslenskt
góðgæti var á borðum.
Spurðu margs
„Þetta var skemmtileg heimsókn,“
sagði Sólveig. „Ég sagði þeim svolít-
ið frá sögu þingsins og hvernig póli-
tíkinni er háttað í dag. Þau spurðu
einnig margs.“ Sólveig var nýverið
gestur Íslendingadagsins í Kanada
og hélt þar m.a. hátíðarræðu. Hún
sagði það vera eftirminnilegt að
heimsækja Íslendingabyggðir í Kan-
ada og einstaka lífsreynslu að hitta
þar fólk af fjórðu kynslóð innflytj-
enda sem talar íslensku. Sólveig
heimsótti m.a. Háskóla Manitoba í
Winnipeg þar sem um 70 stúdentar
nema nú við íslenskudeildina.
Sólveig kvaðst telja að Snorra-
verkefnið hefði verið árangursríkt
og stuðlað að ferðum Íslendinga til
Íslendingabyggða í Vesturheimi.
Snorra-verkefnið þótti gefa svo góða
raun að svonefndu Snorri Plús-
verkefni var bætt við, en það er ætl-
að eldra fólki en þrítugu. Hópurinn
sem heimsótti Alþingi í gær tilheyrir
Snorri Plús-verkefninu og kom til
landsins 18. ágúst síðastliðinn og
dvelur hér til 31. ágúst.
Morgunblaðið/Eyþór
Þátttakendur í Snorri Plús-verkefninu ásamt Sólveigu Pétursdóttur, forseta Alþingis, í Alþingishúsinu í gær.
TENGLAR
..............................................
www.snorri.is
Vestur-Íslendingar heimsóttu Alþingi
VALGERÐUR Sverrisdóttir, ut-
anríkisráðherra, hefur áhuga á því
að skoða möguleika þess að mýkja
ásýnd og ímynd íslensku friðar-
gæslunnar, velja til friðargæslu-
verkefni sem væru e.t.v. borgara-
legri í eðli sínu og til þess fallin að
hvetja konur til starfa í frekari
mæli. Þetta kom fram á fundi ráð-
herra með utanríkismálanefnd Al-
þingis sl. föstudag en Valgerður
greinir frá þessu í pistli á vef sín-
um: www.valgerdur.is.
Segist Valgerður sannfærð um
að sú ákvörðun hennar að fjölga
Íslendingum í norrænu eftirlits-
sveitinni á Srí Lanka fari vel sam-
an við þessar breyttu áherslur sem
hún segist vilja sjá í starfsemi ís-
lensku friðargæslunnar. Boðar hún
nánari útfærslur á þessum
áherslum sínum í utanríkisnefnd á
haustdögum. Þá segir hún mik-
ilvægt að laga-
legur rammi sé
um starfsemi
íslensku friðar-
gæslunnar og
tekur fram að
hún hafi í huga
að leggja fram
slíkt frumvarp
nú á haust-
þingi.
Þá gerir Val-
gerður síðasta
Reykjavíkurbréf Morgunblaðsins
að umtalsefni í pistli sínum. „Skoð-
anir mínar og Morgunblaðsins
hafa ekki alltaf farið saman. Því
fagna ég því að Reykjavíkurbréf
blaðsins á sunnudaginn skuli hafa
fjallað á málefnalegan hátt um mál
sem ég tel brýnt að sé rætt, þ.e.
starfsemi íslensku friðargæslunn-
ar,“ segir Valgerður og bætir við
að hún hafi einnig greint jákvæðan
tón gagnvart þróunarsamvinnu Ís-
lands í fyrrnefndu Reykjavíkur-
bréfi.
Bendir Valgerður á að Ísland
hafi raunar margfaldað framlög
sín til þróunarsamvinnu á umliðn-
um árum og með því axlað bæði
sjálfsagðar og siðferðilegar skyld-
ur sínar sem velmegandi og ábyrg
þjóð. Tekur hún fram að í apríl
2004 hafi ríkisstjórn Íslands
ákveðið að opinber þróunaraðstoð
sem hlutfall af vergri landsfram-
leiðslu skuli hækka úr 0,19% árið
2004 í 0,35% árið 2009. Segir hún
mikilvægt að þeim áfanga verði
náð, en að ekki verði þar numið
staðar. „Heldur aukið við aðstoð-
ina í áföngum þar til markmiði
Sameinuðu þjóðanna um að 0,7%
af vergri landsframleiðslu renni til
þróunarsamvinnu er náð.“
Vill mýkja ásýnd ís-
lensku friðargæslunnar
Valgerður
Sverrisdóttir