Morgunblaðið - 23.08.2006, Page 18

ALVARLEGAR athugasemdir voru
gerðar við sinubruna í Eyjafjarðar-
sveit á síðasta fundi náttúruverndar-
nefndar Akureyrar og leitað eftir
rökstuðningi fyrir leyfunum.
Hjalti Jón Sveinsson, formaður
nefndarinnar, segist mjög ósáttur við
að geta átt von á reykjarmekki innan
úr Eyjafjarðarsveit á hverju einasta
vori. „Við viljum fá rökstuðning fyrir
því hvers vegna í ósköpunum ekki er
hægt að leysa vandann á annan hátt
en brenna sinuna með öllum þeim eit-
urgufum sem því fylgir. Það er ekki í
takt við 21. öldina að bjóða Akureyr-
ingum og öðrum nágrönnum upp á
slíkt og okkur finnst því ansi skrýtið
að náttúruverndarnefnd Eyjafjarðar
skuli gefa leyfi fyrir þessu,“ sagði
Hjalti Jón við Morgunblaðið.
Alvarleg athuga-
semd við sinubruna
Sinubruni í mars í ár, en þá var engu lík-
ara en stórslys hefði orðið á flugvellinum.
18 MIÐVIKUDAGUR 23. ÁGÚST 2006 MORGUNBLAÐIÐ
MINNSTAÐUR
SUÐURNES
Reykjanesbær | „Við erum mjög
hreyknar af því að hafa fengið alla þá
frábæru listamenn sem hér hafa sýnt
og það hefur ekki verið neinn hörgull
á þeim. Við getum hins vegar ekki
hugsað mjög langt fram í tímann þar
sem við vitum ekki hversu lengi við
fáum að vera í þessu húsnæði,“ sögðu
þær stöllur Inga Þórey Jóhanns-
dóttir og Thelma Björk Jóhann-
esdóttir í samtali við Morgunblaðið
en þær stýra sýningarrýminu Suðs-
uðvestur sem þær ólu af sér í janúar
2005. Þær eru nú að undirbúa sýn-
inguna Prójekt Patterson sem opnuð
verður við upphaf Ljósanætur, 1.
september.
Kveikjan að grasrótarstarfi þeirra
Ingu Þóreyjar og Thelmu Bjarkar
var áhugi á að koma á fót sýning-
arrými fyrir myndlistarfólk sem
vinnur að listsköpun á rannsakandi
hátt. Þær hafa frá upphafi notið
stuðnings bæði bæjaryfirvalda og
menningarfulltrúa Reykjanesbæjar
en laun fyrir vinnuna þiggja þær
ekki.
„Við viljum alls ekki gera þetta að
fyrirtæki og þetta á hvorki að snúast
um peninga né gróða því peningar
krefjast annarskonar vinnu. Miðað
við þá umfjöllun og gagnrýni sem við
höfum fengið í lista- og menning-
arheiminum og vaxandi aðsókn þá er
þetta greinilega að virka. Við erum
mjög töff,“ sagði Thelma Björk í
samtali við blaðamann.
Inga Þórey sagði að þær hefðu í
upphafi sett sér þrjú markmið sem
þeim hefði tekist að ná. Í fyrsta lagi
var Suðsuðvestur ætlað að efla tengsl
Reykjanesbæjar við listaheiminn,
enda áherslur í sýningarrýminu aðr-
ar en í þeim listsölum sem fyrir voru.
„Þá settum við okkur þau markmið
að hér yrði ekki fjárhagslegur ágóði
og í þriðja lagi vildum við bjóða upp á
metnaðarfulla safnkennslu,“ sagði
Inga Þórey en báðar hafa þær stund-
að myndlistarkennslu í grunnskólum
í Reykjanesbæ.
Vilja sjá fleiri bæjarbúa
Sýningarrými Suðsuðvestur við
Hafnargötu í Keflavík sem Reykja-
nesbær lét þeim í té segja Inga Þór-
ey og Thelma Björk mjög hentugt
fyrir þá sýningarstefnu sem þær hafi
markað sér í upphafi.
„Þetta rými virðist veita lista-
mönnum innblástur og þeir verða
mjög hrifnir þegar þeir ganga hér
inn. Þó að þetta sé ekki stórt rými
býður það upp á marga möguleika og
hér hefur oft gengið mikið á. Við höf-
um aldrei átt í neinum vandræðum
með að velja listamenn í rýmið. Við
getum hins vegar ekki hugsað mjög
langt fram í tímann þar sem við vit-
um ekki hversu lengi við fáum að
vera hér,“ sagði Inga Þórey og
Thelma Björk bætti við að þær hefðu
fengið mjög góðar viðtökur og fólk
verið jákvætt í þeirra garð.
„Við myndum þó gjarnan vilja sjá
fleiri bæjarbúa koma við en meiri-
hluti gesta er úr Reykjavík. Íbúar
Reykjanesbæjar eru hins vegar mjög
jákvæðir í okkar garð og launin sem
við höfum fengið fyrir vinnuna eru
mest í formi hróss og gleðin sem því
fylgir er bara frábær, já og skatt-
frjáls.“
Thelma Björk byrjaði í síðustu
viku í verkefnavinnu hjá menning-
arsviði Reykjanesbæjar og er því
sest við flestar hliðar borðsins þar
sem hún er einnig formaður Mynd-
listarfélags Reykjanesbæjar og SSV
fellur innan starfssviðs Thelmu
Bjarkar hjá Reykjanesbæ.
Hún segir þetta alls ekki spilla fyr-
ir enda takist henni að aðgreina
hvert starf fyrir sig og þessi staða
geri henni einnig kleift að leiðrétta
ýmiskonar misskilning sem hún hafi
orðið vitni að. Markmiðið með verk-
efnavinnunni verður m.a. að bjóða
upp á markvissari safnakennslu fyrir
grunn- og framhaldsskóla á Suð-
urnesjum. „Við eigum mjög flott söfn
sem við eigum að vera hreykin af og
sýna,“ sagði Thelma Björk.
Brotthvarf hersins
sorg eða gleði?
Sýningin Prójekt Patterson sem
opnuð verður í Suðsuðvestur og sam-
tímis í gömlu Sundhöllinni í Keflavík
föstudaginn 1. september verður án
efa góður vettvangur fyrir safn-
akennslu en eins og nafnið gefur til
kynna tengist sýningin varnarstöð-
inni á Miðnesheiði og áhrifum her-
setu bæði á Suðurnesjasvæðið og
landið í heild.
„Þetta er samsýning 14 myndlist-
armanna og fjölmargra tónlistar-
manna sem ætla með list sinni að
varpa ljósi á áhrif hersetu á samfélag
okkar. Sýningin verður bæði hér í
Suðsuðvestur og í Sundhöllinni en
tónlistin alfarið í Sundhöllinni. Þá
munu 4 breskar sundballerínur sýna
samhæft sund við tónlist Apparats
Organ kvartetts,“ sögðu Inga Þórey
og Thelma Björk sem upplýstu jafn-
framt að ýmsar áleitnar spurningar
kæmu við sögu á Prójekt Patterson,
enda fögnuðu sumir brotthvarfi hers-
ins meðan aðrir syrgðu.
Hvað sem öðru líður er tímasetn-
ingin að minnsta kosti góð þar sem
september markar lok hersetu hér á
landi.
Suðsuðvestur hefur fengið vaxandi
jákvæða athygli
Launin eru gleði og
hún er skattfrjáls
Morgunblaðið/Svanhildur Eiríksdóttir
Sýningarrými sem veitir innblástur Thelma Björk Jóhannesdóttir og
Inga Þórey Jóhannsdóttir reka Suðsuðvestur í Reykjanesbæ sem hefur
fengið góðar viðtökur og vaxandi aðsókn frá opnun í ársbyrjun 2005.
Eftir Svanhildi Eiríksdóttur
ÞAÐ eru sannarlega engar ýkjur að mjög gott veður
var á Akureyri í gær, sól, logn og heiður himinn. Heim-
ildir herma að hitamælirinn frægi á Ráðhústorginu
hafi hæst farið í 24 gráður í gærdag og fólk naut veð-
ursins. Þessar stúlkur voru í nýstárlegum leik eftir
skóla heima á lóð á trampólíni einnar þeirra, með upp-
blásinn sundbolta. Leikurinn felst í því að einn sparkar,
reynir að hitta andstæðing og síðan reynir hann að
hitta þann næsta. Miðað við hláturinn og brosið er
þetta afar skemmtilegur leikur.
Logn og blíða,
sumarsól
Morgunblaðið/Skapti Hallgrímsson
GRUNNSKÓLARNIR á Akureyri
voru settir á mánudaginn en grunn-
skólinn í Hrísey verður settur í dag.
Þar með eru einhverjir fjölmennustu
vinnustaðir Akureyrar teknir aftur til
starfa eftir sumarleyfi, því segja má
að ríflega 3.030 nemendur og starfs-
menn séu þá komnir til starfa á ný.
Í haust eru um 2.590 nemendur
skráðir í grunnskólana og þar af eru
255 að byrja í 1. bekk, skv. upplýs-
ingum Gunnars Gíslasonar, deildar-
stjóra skóladeildar bæjarins. Þetta er
örlítil fækkun nemenda á milli ára en
10. bekkur sem útskrifaðist í vor var
stærsti árgangur grunnskólanna eða
ríflega 300 nemendur. Kennarar eru
270 og aðrir starfsmenn 170. Fjöl-
mennasti skólinn er Brekkuskóli með
540 nemendur og sá fámennasti er
Grunnskólinn í Hrísey með 25 nem-
endur.
Segja má að skólastarfið hafi hafist
formlega mánudaginn 14. ágúst þeg-
ar um 280 kennarar og starfsmenn
skólanna sóttu fræðslufund um stöðu
samkynhneigðra í grunnskólunum,
eins og greint var frá í blaðinu í síð-
ustu viku.
Sama dag voru 30 kennarar úr fjór-
um skólanna á námskeiði um byrj-
endalæsi, en það er hluti verkefnis
sem verið er að vinna að í skólunum
undir stjórn Skólaþróunarsviðs HA.
Dagana 31. ágúst og 1. september
verður haldið námskeið fyrir 60 kenn-
ara og sérfræðinga á Akureyri í
kennslu ofvirkra barna, en leiðbein-
endur verða tveir vísindamenn við
Hospital of Sick Children í Toronto í
Kanada en þeir hafa dregið saman
þekktar aðferðir, eða búið til nýjar, til
kennslu þessara barna. Þetta nám-
skeið er haldið í samvinnu við Barna-
og unglingageðdeild FSA.
Nú er að taka til starfa ný deild við
Hlíðarskóla og er hún ætluð fyrir
stúlkur. Í Hlíðarskóla verða því um
23–27 nemendur í vetur í þremur
deildum. Verið er að leggja síðustu
hönd á nýja aðstöðu í Skjaldarvík fyr-
ir deildina. Gunnar Gíslason segir að
með þessu sé verið að bæta úr brýnni
þörf fyrir úrræði fyrir stúlkur í vanda.
Þrjú þúsund komnir
til vinnu á ný eftir fríið
Konur um þrefalt
fleiri en karlar í HA
RÚMLEGA 1.450 nemendur eru
skráðir til náms við Háskólann á Ak-
ureyri í haust. Í dagskóla eru skráðir
rúmlega 750 nemendur og um 520 í
fjarnám. Að auki stunda tæplega 200
nemendur framhaldsnám. Fjölmenn-
ustu deildir háskólans eru kenn-
aradeild og viðskipta- og raunvís-
indadeild með um 450 nemendur hvor
deild. Konur eru sem fyrr ríflega
þriðjungur nemenda; þær eru 1.130 í
vetur en karlarnir 334. Nemendur
skólans eru heldur færri nú en í
fyrravetur og þar munar mest um að
ekki voru teknir inn nemar í uppeldis-
og kennslufræði til kennsluréttinda,
en þeir voru um 50 síðast vetur.
Meistaranám í lögfræði
Við félagsvísinda- og lagadeild HA
hefst í fyrsta sinn tveggja ára nám á
meistarastigi í lögfræði (ML) sem
jafngildir, í framhaldi af þriggja ára
BA-prófi í lögfræði, hefðbundnu
fimm ára embættisprófi í lögfræði
(cand. jur.).
Nám til ML-prófs í lögfræði er
samtals 60 einingar sem skiptast
þannig að nemendur ljúka 48 ein-
ingum í námskeiðum og skila 12 ein-
inga meistaraprófsritgerð sem þeir
vinna að þau tvö ár sem námið tekur.
Áherslan í náminu er á hagnýta ís-
lenska lögfræði þannig að nemendur
verði sem best í stakk búnir til að tak-
ast á við lögfræðistörf, sem dómarar,
lögmenn eða lögfræðingar hjá op-
inberum stofnunum eða einkafyr-
irtækjum.
Á annan tug skiptinema
Árlega fær háskólinn til sín marga
erlenda skiptinema og í haust er
fjöldi þeirra vel á annan tug. Þetta
eru nemendur frá samstarfsháskól-
um, m.a. á Norðurlöndunum og í
Rússlandi, Þýskalandi, Póllandi,
Lettlandi, Kína og Bandaríkjunum.
Flestir skiptinemendanna munu
stunda nám við viðskipta- og raunvís-
indadeild.
AKUREYRI
1.130 konur,
334 karlar
Flestir nemendur eru í viðskipta- og
raunvísindadeild HA í vetur, 456. Þar
eru 283 konur en karlarnir 173.
Alls eru 451 í kennaradeild, þar af
398 konur og 53 karlar. 309 eru í heil-
brigðisdeild, 298 konur og 11 karlar
og í félagsvísinda- og lagadeild eru
248, karlarnir 97 en konurnar 151.