Morgunblaðið - 08.09.2006, Blaðsíða 42

SÆNSKA dauðarokkssveitin
Entombed heldur tónleika á Nasa í
kvöld ásamt hljómsveitinni Mínus.
Þegar blaðamaður náði tali af
Frosta, einum af forsprökkum Mín-
uss, kom í ljós að Entombed hefur
lengi verið ein af hans uppáhalds-
hljómsveitum: „Það þekkja kannski
ekki svo margir á Íslandi þessa
hljómsveit, en þetta var eitt að-
albandið í dauðarokkssenunni í
gamladaga. Þegar tími dauðarokks-
ins var liðinn þróaðist hljómsveitin
yfir í meira rokk og ról, en þeir hafa
aldrei fylgt meginstraumnum og eru
mjög virtir innan sinnar senu. Með-
limir Mínuss eru miklir Entombed
aðdáendur og persónulega hefur
þetta verið mín uppáhaldshljómsveit
alveg frá því ég var unglings-
strákur,“ segir Frosti.
Hellingur af nýju efni
Tónleikarnir í kvöld verða fyrstu
„alvöru“ tónleikarnir sem Mínus
heldur í hálft annað ár: „Við spil-
uðum óauglýst á Menningarnótt, en
í kvöld verður fyrsta alvöru giggið
okkar í langan tíma. Við vorum bún-
ir að spila svo lengi eftir að við gáf-
um út Halldór Laxness og vorum
mikið að endurtaka okkur þó alltaf
slæddist með eitthvað af fersku efni.
Það varð því úr að við ákváðum að
segja nei við öllu tónleikahaldi og
leggjast í dvala, vera í æfinga-
húsnæðinu og semja og helst ekki
spila neitt fyrr en ný plata væri kom-
in út,“ segir Frosti af tónleikahvíld
Mínuss.
„Nú er svo komið að við erum til-
búnir með allt efnið á nýja plötu, og
ætluðum reyndar að taka hana upp
núna í september, en það hefur
dregist aðeins vegna tæknilegra at-
riða. Við gátum samt ekki setið á
okkur lengur að spila, og ætlum á
tónleikunum í Nasa að flytja nýja
efnið opinberlega.“
Tuttugu ára aldurstakmark er á
tónleikana í kvöld og verður húsið
opnað klukkan 21.
Vaknað úr dvala
Mínus og Entombed á Nasa í kvöld
Entombed Koma alla leið frá Svíþjóð í Nasa.
www.myspace.com/minus Morgunblaðið/ÞÖK
Mínus Bjarni, Bjössi, Krummi, Frosti og Þröstur spila loks saman á ný.
Staðurstund
Halla Gunnarsdóttir opnar sýn-
ingu í Galleríi Turpentine sem
samanstendur af skúlptúrum
og olíumálverkum. » 44
myndlist
Það er með ólíkindum hve af-
kastamikill andlegi meistarinn
Sri Chinmoy hefur verið á lista-
sviðinu. » 45
af listum
Uma Thurman fer með hlutverk
ofurkonunnar Jenny sem grípur
til sinna ráða þegar kærastinn
hættir með henni. » 46
kvikmynd
Kira Kira elskar hamborgara
þótt hún kunni ekki að elda þá
sjálf. Hún heldur dagbók sem
hún geymir á vissum stað. » 47
tónlist
Myndlistarmennirnir Jim
Colquhoun og Baldvin Ringsted
sýna um þessar mundir í Gall-
eríi Boxi á Akureyri. » 46
dómur
Eftir Soffíu Haraldsdóttur
AL GORE, fyrrum varaforseti Bandaríkjanna
og svo næstum-því-forseti árið 2000, hefur með
heimildarmynd sinni Óþægilegur sannleikur,
kveikt í umræðum um loftlagsbreytingar svo
um munar á síðustu mánuðum og það um allan
heim. Myndin er nú sýnd á kvikmyndahátíðinni
Iceland Film Festival og fer í almennar sýn-
ingar hjá Sambíóunum 8. september.
Gore fjallar í myndinni um ógnvekjandi af-
leiðingar af hlýnun jarðar, svokölluð gróður-
húsaáhrif, með vísan í rannsóknir vísindamanna
og með samanburðarmyndum af landsvæðum
til að sýna þróun mála á síðustu áratugum.
Hann skýrir á föðurlegan hátt frá niðurstöðum
rannsókna á þessu sviði og matar upplýsing-
arnar í áhorfendur á afar einfaldan máta, að
sumum finnst of einfaldan máta. En það er
meðvitað. Óþægilegur sannleikur byggist á fyr-
irlestri um hlýnun jarðar sem Gore hefur flutt
um allan heim og þróað um þriggja áratuga
skeið. Hann leggur áherslu á að ná til almenn-
ings með boðskapinn, að menn skilji betur or-
sakatengsl athafna sinna, og segist í myndinni
hafa lagt umtalsverða vinnu í það í gegnum tíð-
ina að einfalda fyrirlestur sinn þannig að allir
ættu að geta skilið og meðtekið hann.
„Kvikmyndagerðarmennirnir sannfærðu mig
um að besta leiðin til að ná til sem breiðasta
hópsins með þennan boðskap væri að gera kvik-
mynd. Þannig mætti fullvissa fleiri um nauðsyn
þess að sjá „sannleikann“ um aðstæður okkar.
Við erum í kæruleysi og hugsunarleysi að eyði-
leggja jörðina,“ sagði Al Gore í viðtali við Tíma-
rit Morgunblaðsins í byrjun júní eftir kynningu
myndar hans á kvikmyndahátíðinni í Cannes.
Ekki eru allir á eitt sáttir um ágæti þeirra
kenninga sem Gore heldur á lofti í myndinni.
Margir telja að jörðin muni sjálf laga sig að loft-
lagsbreytingum og breytingarnar þurfi alls
ekki að vera af hinu illa. Þannig lýsir Trausti
Valsson, prófessor við Háskóla Íslands, kenn-
ingum sínum í viðtali við Morgunblaðið í ágúst
um þau áhrif sem hækkandi hitastig gæti haft í
för með sér. Slíkar breytingar gætu reynst af
hinu góða fyrir Ísland og gera megi ráð fyrir að
mikill fjöldi fólks vilji flytjast hingað búferlum.
Himnasæla eða hörmungar á Íslandi?
Gore grípur hins vegar til meira ógnvekjandi
sýnar. Í fyrrnefndu viðtali sagði hann að viða-
miklar breytingar þyrftu að verða á innan við
tíu árum til að hægja á hlýnun jarðarinnar og
koma í veg fyrir að þeim tímapunkti verði náð
að ekki verði hægt að snúa þróuninni við.
„Bráðni Norðurpóllinn mun það hafa í för með
sér róttækar breytingar á jafnvægi geislunar
milli jarðar og sólar. Bráðnun allra jökla ber
vitni um hversu miklar breytingar hafa orðið á
hlutföllum íss á jörðinni. Nú þegar er farið að
sjást kröftugra aftakaveður sem rekja má til
hlýnunar sjávar. Á því mun verða framhald að
verulegu leyti og ef ekki verða gerðar breyt-
ingar munum við verða fyrir gagngerum um-
skiptum á öllum loftstraumum og haf-
straumum, á mynstri rigninga og snjókomu,
þurrka og flóða. Það mun skapast veðurfars-
glundroði.“
Aðaláhyggjuefni Íslands af hlýnun jarðar
sagði hann vera breytingar á Golfstraumnum
eða stöðvun hans. Vísbendingar séu um að
hægst hafi á honum um allt að þriðjung en það
muni hafa hörmulegar afleiðingar í för með sér
fyrir Ísland ef truflun verði á hafstraumakerf-
inu.
Frumsýning | Óþægilegur sannleikur
Sannleikurinn hans Al Gore
Reuters
Pólitísk Fyrrverandi varaforseti Bandaríkjanna, Al Gore, framleiðandinn Laurie David og
leikstjórinn Davis Guggenheim gleðjast yfir unnu verki.
|föstudagur|8. 9. 2006| mbl.is