Morgunblaðið - 12.09.2006, Side 6

6 ÞRIÐJUDAGUR 12. SEPTEMBER 2006 MORGUNBLAÐIÐ
FRÉTTIR
Terra Nova býður beint flug til Vilnius
í Litháen í október. Vilnius er ein feg-
ursta borg Evrópu, þar sem róman-
tísk stemning liðinna tíma hefur varð-
veist og einstakt er að njóta dulúðar
fyrri alda. Borgin býður allt sem
ferðafólk leitar eftir í borgarferð; fagr-
ar byggingar, litríkt mannlíf og menn-
ingu, glæsilega gististaði og verslanir
í úrvali. Góð hótel í hjarta Vilnius og
spennandi kynnisferðir í boði.
Verð kr. 35.144
Netverð á mann, m.v. 2 í herbergi 8. okt. í 3
nætur á Hotel Europa City með morgunmat.
Verð kr. 19.990
Flugsæti báðar leiðir með sköttum, m.v. 2
fyrir 1 tilboð, út 8. og heim 11. október.
Netverð á mann.
Beint flug
4. okt. - 17 sæti laus
8. okt. - laus sæti
11. okt. - 19 sæti laus
Vilnius
í haust
Verð kr. 19.990
Ein fegursta borg Evrópu
Skógarhlíð 18 – 105 Reykjavík – sími 591 9000
Akureyri – sími 461 1099 • Hafnarfirði – sími 510 9500
www.terranova.is
- SPENNANDI VALKOSTUR
FORMENN stjórnmálaflokkanna
leggja áherslu á að það sé réttur Ís-
lendinga að nýta auðlindir sjávar
með sjálfbærum hætti, þar á meðal
hvali og önnur sjávarspendýr, en
hins vegar þurfi að fara með gát áð-
ur en ákvörðun er tekin um hval-
veiðar að nýju og þar á meðal horfa
til þeirra hagsmuna sem eru í húfi.
Nýta með sjálfbærum hætti
„Það er stefna Sjálfstæðisflokks-
ins að það eigi að nýta auðlindir
hafsins með sjálfbærum hætti, þar
með talda hvalastofnana og um það
hefur verið ályktað á landsfundum
flokksins,“ sagði Geir H. Haarde,
forsætisráðherra og formaður Sjálf-
stæðisflokksins.
Hann sagði að hins vegar hefðu
engar ákvarðanir verið teknar í
þessum efnum. „Það liggur engin
tillaga fyrir um þetta í ríkisstjórn-
inni og þess vegna hef ég ekki litið
svo á að þetta væri mál sem væri á
dagskrá einmitt nú. Hins vegar
hafa talað við mig bæði stuðnings-
menn og andstæðingar þessa máls.
Á því eru að sjálfsögðu margar hlið-
ar, en ég hef aldrei viljað gefa eftir
þann rétt okkar, og hef talað fyrir
því víða á alþjóðlegum fundum, að
nýta þessa dýrategund með sjálf-
bærum hætti eins og flestir Íslend-
ingar telja eðlilegt,“ sagði Geir enn-
fremur.
Eigum að hefja veiðar
Guðjón Arnar Kristjánsson, for-
maður Frjálslynda flokksins, segist
vera þeirrar skoðunar að Íslend-
ingar eigi að hefja hvalveiðar og
það af mörgum ástæðum. Veiðarnar
eigi að vera sjálfbærar og það beri
að stunda þær af varfærni og innan
allra eðlilegra nýtingarmarka. „En
það hefur meðal annars komið í ljós
eftir því sem ég best veit, þó að
ekki sé búið að gefa það endanlega
út af Hafrannsóknastofnun, að það
virðist liggja fyrir af þessum
hrefnurannsóknum að hrefnan er
miklu meiri afræningi á botnfiski
ýsu, þorski og ufsa heldur en menn
hafði órað fyrir áður en farið var að
stunda þessar rannsóknir,“ sagði
Guðjón Arnar.
Hann sagði að hvalveiðar yrðu
sjálfsagt ekki stundaðar með því að
afsetja allt þetta kjötmagn á innan-
landsmarkaði. Við yrðum að íhuga
að geta nýtt þessar afurðir, en við
yrðum einnig að stunda rannsóknir
á þessum dýrastofnum og reyna að
upplýsa eins og hægt væri hvaða
samspil væri á milli sjávarspendýra
og nýtingar á okkar nytjastofnum.
„Ég held að menn eigi ekki að
veigra sér við því að fara í þessar
rannsóknir. Svo verður það bara að
koma í ljós hversu víðtækt við för-
um í nýtingu á
þessum stofnum
inn í framtíðina,“
sagði Guðjón
Arnar ennfrem-
ur.
Fara á varlega
Steingrímur J.
Sigfússon, for-
maður VG, sagði
að ekki hefði ver-
ið rætt innan flokksins það sem nú
væri á döfinni, að fara að veiða
stórhval, en flokkurinn hefði hvatt
til þess að farið væri varlega í þess-
um efnum, bæði hvað varðaði hina
lagalegu og þjóðréttarlegu stöðu.
Þá þyrfti að vera ljóst að veiðarnar
þjónuðu einhverjum tilgangi, þ.e. að
það væri hægt að eiga viðskipti með
afurðirnar. „Svo verður auðvitað að
horfast í augu við það að hagsmunir
Íslendinga eru orðnir býsna bland-
aðir í þessum málum. Við erum
ekki á móti því í sjálfu sér að hvalir
séu nýttir frekar en aðrar tegundir,
enda sé það gert með sjálfbærum
hætti, en það þarf auðvitað að vega
og meta það mjög vandlega hvað er
þjóðhagslega skynsamlegast að
gera í þessum efnum. Ég sé nú ekki
fyrir mitt leyti að það þjóni miklum
tilgangi að fara hér í veiðar á
stórum hval ef veruleg óvissa er um
að það sé nokkuð hægt að gera við
afurðirnar,“ sagði Steingrímur enn-
fremur.
Mikilvægt að fara með gát
Ingibjörg Sólrún Gísladóttir, for-
maður Samfylkingarinnar, sagði að
málið hefði ekki verið rætt form-
lega í Samfylkingunni, en hins veg-
ar væri alveg ljóst að Samfylkingin
hefði ekkert á móti sjálfbærri nýt-
ingu sjávarspendýra frekar en ann-
arra auðlinda sjávar. „Hins vegar
tel ég mjög mikilvægt að fara að
með gát í þessu sambandi, því það
hefur auðvitað sprottið upp nýr iðn-
aður víða um land í tengslum við
hvali, sem er hvalaskoðun, og við
megum ekki stefna þeirri atvinnu-
grein í hættu vegna ásóknar í það
að fara að veiða hvali. Þetta er ekk-
ert síður rétthá atvinnugrein heldur
en veiðarnar,“ sagði Ingibjörg.
Hún sagði að ef tekin væri
ákvörðun um hvalveiðar á Íslandi
væri mjög mikilvægt að hennar
mati að þá væri veiðigetan ákvörð-
uð í samráði eða að minnsta kosti
ekki í andstöðu við hið alþjóðlega
vísindasamfélag. Þá væri ekki alveg
vitað hvort það væri markaður fyrir
þessa vöru og meðal annars af þeim
sökum væri enn síður ástæða til
þess að stofna hvalaskoðun sem
mikilvægri atvinnugrein í ferða-
þjónustu í hættu.
Skiptar skoðanir í flokkunum
Jón Sigurðsson, viðskiptaráð-
herra og formaður Framsóknar-
flokksins, sagðist taka undir þau
sjónarmið sem kæmu fram hjá sjáv-
arútvegsráðherra í Morgunblaðinu
á sunnudag, en þar kom fram með-
al annars að pólitísk ákvörðun í
þessum efnum hefði ekki verið tek-
in af ríkisstjórninni og þær vís-
indaveiðar sem staðið hefðu yfir
undanfarin þrjú ár hefðu verið liður
í því að varpa ljósi á stöðu hvala-
stofnanna.
„Ég tek undir þau sjónarmið sem
koma fram hjá sjávarútvegsráð-
herra og við munum að sjálfsögðu
taka þátt í þeirri pólitísku ákvörðun
þegar hún verður borin fram, en
okkur er kunnugt um að það eru
skiptar skoðanir á málinu í öllum
stjórnmálaflokkum,“ sagði Jón.
Hann sagði að málið þyrfti að
taka fyrir í þingflokki og forystu
Framsóknarflokksins ef það yrði
tekið upp með þeim hætti.
Formenn stjórnmálaflokkanna leggja áherslu á rétt okkar til þess að nýta hvali
Margar hliðar á því hvort
hefja eigi hvalveiðar
Eftir Hjálmar Jónsson
hjalmar@mbl.is
Geir H.
Haarde
Ingibjörg Sólrún
Gísladóttir
Steingrímur J.
Sigfússon
Guðjón A.
Kristjánsson
Jón
Sigurðsson
SENDINEFND frá ríkisþingi Kali-
forníu hefur verið hér á landi í op-
inberri heimsókn undanfarna
daga, m.a. til að kynna sér orku-
mál, auðlindanotkun, sjávarútvegs-
mál og efnahagsmál. Í gær heim-
sóttu fulltrúar nefndarinnar
Alþingi, og tók Sólveig Péturs-
dóttir, forseti Alþingis, á móti
þeim. Fyrir sendinefndinni fer
Tom Torlakson, sem er af íslensk-
um ættum.
Þingmennirnir hafa undanfarna
daga skoðað framkvæmdir við
Kárahnjúka og álverið á Reyð-
arfirði, auk þess sem þeir hafa
ferðast um Suðurland til að kynna
sér ferða- og atvinnumál. Á meðan
heimsókn þeirra stendur er enn
fremur á dagskrá að hitta Ólaf
Ragnar Grímsson, forseta Íslands,
eiga fundi með forsætisráðherra
og sjávarútvegsráðherra, og heim-
sækja Nesjavallavirkjun.
Morgunblaðið/Ásdís
Þingnefnd frá Kaliforníu heimsótti Alþingi
BANDARÍSKI flotinn hefur samið
við Kögun hf. um rekstur fjar-
skiptastöðvar flotans í Grindavík.
Stöðin hefur verið rekin frá því á
sjöunda áratugnum, og er hluti af
fjarskiptaneti flotans sem sinnir m.a.
skipum og kafbátum á hafi úti.
Útboðið sem fram fór fyrr í sumar
er hluti af endurskipulagningu sem
átt hefur sér stað vegna brotthvarfs
varnarliðsins, en stöðin var að mestu
mönnuð bandarískum hermönnum,
að því er fram kemur í tilkynningu
frá Kögun. Þegar ljóst varð að reka
þyrfti stöðina áfram var reksturinn
boðinn út. Samningurinn sem gerð-
ur hefur verið er til eins árs í senn
innan rammaútboðs sem nær til
næstu fimm ára.
Kögun hefur annast rekstur og
viðhald íslenska loftvarnarkerfisins
frá árinu 1997 þegar það var tekið
formlega í notkun. Starfmenn Kög-
unar höfðu áður unnið að smíði kerf-
isins í Bandaríkjunum og á Íslandi
allt frá árinu 1989, og hafa því mikla
þekkingu á hönnun og rekstri hern-
aðarlegra fjarskipta- og upplýs-
ingakerfa, segir í tilkynningunni.
Bandaríski flotinn
samdi við Kögun
MENNIRNIR sem grunaðir eru um
hnífaárásina í bensínstöð Select í
Breiðholti aðfaranótt sunnudags
gáfu sig fram í gær. Skömmu áður
hafði lögreglan í Reykjavík sent fjöl-
miðlum myndir sem teknar voru
með öryggismyndavélakerfi bens-
ínstöðvarinnar. Á myndunum mátti
glöggt greina árásarmennina.
Að sögn Bjarnþórs Aðalsteins-
sonar, fulltrúa í ofbeldisbrotadeild
lögreglunnar, voru mennirnir yf-
irheyrðir í kjölfar handtökunnar og
gistu þeir fangageymslur í nótt. Í
dag verður svo tekin frekari ákvörð-
un um framhald málsins.
Í árásinni særðust öryggisvörður
og afgreiðslumaður Select-
stöðvarinnar en sá fyrrnefndi var
stunginn í síðuna og sá síðarnefndi í
ennið. Þeir voru fluttir á slysadeild
en áverkar þeirra voru minniháttar.
Hnífsblaðið stöðvaðist þó í rifbeini
öryggisvarðarins.
Gáfu sig fram
í kjölfar mynd-
birtingar