Morgunblaðið - 21.09.2006, Qupperneq 25

hvað er í matinn?
MORGUNBLAÐIÐ FIMMTUDAGUR 21. SEPTEMBER 2006 25
Ólöf Ósk Kjartansdóttir nærí innkaupakörfu í Bónusog ýtir kerrunni með Est-er Uglu á undan sér.
Henni tekst ótrúlega vel að stýra
kerrunni um búðina, haldandi á körf-
unni í annarri hendi. „Ég kaupi inn
frekar oft í hverri viku þar sem ég er
ekki með frysti. Ég get heldur ekki
ákveðið langt fram í tímann hvað á að
vera í matinn. Stundum fer ég þó og
kaupi þurrmat í stórum stíl eins og
hrökkbrauð, baunir, morgunkorn,
súpur og þess háttar en það geri ég
oftast annars staðar því þá þarf ég að
fara á bílnum og það er svo erfitt að
fá stæði við þessa búð.“
Dags daglega fer hún hins vegar
með Ester Uglu í kerru því þægileg
grind er undir kerrunni þar sem haf-
urtaskið getur farið. „Ég kaupi oft-
ast í 1–2 poka þar sem þeir rúmast
þægilega fyrir á grindinni,“ segir
Ólöf og brosir. Ólöf heldur rakleitt í
áttina að grænmetinu þegar hún
kemur í búðina. Þar grípur hún þrjá
hvítlauka og tvær rauðar paprikur.
Súpa við kvefinu
Eftir stutt spjall tekur Ólöf síðan
til spergilkál og blómkál. „Ég ætla að
búa til kvefsúpu í kvöld þar sem ég
er búin að vera svo kvefuð. Þessi
súpa er svipuð og kjötsúpa nema án
kjöts og ég set í hana engifer, hvít-
lauk og oft cayenne pipar til að losa
um kvefið.“
Ólöf heldur síðan út úr grænmetis-
deildinni og rífur miða upp úr tösk-
unni. „Ég fer sjaldan með miða út í
búð,“ útskýrir hún á meðan hún
skimar yfir hann. „En ég þarf núna
bráðnauðsynlega að kaupa svampa
fyrir Ester þar sem ég er búin að
koma þrjá daga í röð og hef alltaf
gleymt þeim.“
Ólöf áttar sig á að hún gleymdi að
ná sér í tómata í grænmetisdeildinni
og skýst til baka til að ná í tómata en
hún sleppir að kaupa þá því þeir eru
of grænir. Svo fer Ólöf í brauðdeild-
ina og leitar gaumgæfilega að brauði.
„Ég held að brauðið sem ég kaupi
oftast heiti Orkuhleifur, ég kaupi
aldrei fínmöluð brauð.“ En brauðið
sem Ólöf vill virðist ekki vera til í
búðinni svo hún ákveður að fara í
bakarí til að kaupa gróft brauð. Ólöf
grípur því næst lítra af tómatsafa og
heldur svo í áttina að matarkælinum.
Þar kaupir hún tvær stórar nýmjólk-
urfernur og tvær stórar fernur af AB
mjólk án viðbætts sykurs. „Ég kaupi
sko aldrei AB mjólk með sykri – mér
finnst hún alveg viðbjóður,“ bætir
hún við og grettir sig.
Ólöf heldur síðan út úr kælinum.
„Hér kaupi ég oftast mjólk, jógúrt
og kannski álegg. En ég kaupi aldrei
kjöt, elda það bara ekki – jú nema ég
fái það kannski gefins en ég kaupi
hinsvegar alltaf fisk í fiskbúðinni á
Freyjugötu.“ Ólöf kíkir svo aftur á
listann sinn og kaupir tvær dósir af
niðursoðnum tómötum og heldur svo
lengra inn í búðina. Á meðan á þessu
stendur er hún í stanslausum um-
ræðum við Ester Uglu sem er greini-
lega vön að fara í búðina þar sem hún
er ekki að grípa í neitt. Ólöf tekur því
næst Pampers bleyjur.
Mikill verðmunur
Ólöf var í Grundarfirði í sumar að
vinna að mastersritgerð sinni með
meiru og segir mikinn mun hvað
varðar verðið á því að versla í
Reykjavík og úti á landi. „Bónus er
búbót fyrir bleyjufólk,“ segir hún á
meðan hún leitar að svömpunum sem
voru vandlega skráðir á listann
hennar. Því miður finnast þeir ekki
svo hún ákveður að fara á kassann en
halda svo í bakarí og apótek til að
finna hlutina sem vantaði.
Kaupir aldrei kjöt í matinn
Ljósmynd/LP
Mæðgur Ólöf Ósk gerir innkaupin iðulega ásamt dóttur sinni Ester Uglu.
Ólöf Ósk Kjartansdóttir
mastersnemi í mann-
fræði býr í miðbæ
Reykjavíkur og fer iðu-
lega ásamt Ester Uglu
tveggja ára dóttur sinni
að kaupa í matinn. Laila
Sæunn Pétursdóttir
skrapp með Ólöfu í inn-
kaupaleiðangur.
Súpa við kvefinu
1 haus brokkólí, bitað í greinar
½ blómkál, bitað í greinar
10 gulrætur, skornar niður
2 paprikur, skornar niður
góður hnífsoddur af engifer sem er
rifið með rifjárni
3-4 hvítlaukar, pressaðir
1 laukur/púrrulaukur, skorinn niður
1 bolli linsubaunir
3-4 kartöflur í teningum
salt og pipar
basil
cayenne pipar (má sleppa)
vatn
Linsubaunir, kartöflur og laukur sett saman í pott og vatn uns það flýtur
yfir hráefnið. Þetta er látið sjóða í 20 mínútur. Þá er afganginum af græn-
metinu bætt út í og meira vatn sett út í súpuna ef þarf, uns það flýtur þá yfir
grænmetið. Þetta er látið sjóða í 10 mínútur í viðbót. Loks er einni dós af
heilum tómötum bætt út í og súpan krydduð með salti, pipar, cayenne pipar
og basil. Súpan er látin malla eilítið þar til hún er orðin sæmilega þykk. Borin
fram með grófu brauði, smjöri og osti.
Stærri skammtar af 1944 réttum
Á undan-
förnum mán-
uðum hafa stað-
ið yfir
breytingar á
1944 réttunum.
Hluti er nú kominn í stærri 3ja hólfa bakka í
stað 1-2 hólfa. Skammtar hafa stækkað og
bætt hefur verið við meðlæti. Jafnframt hefur
útliti umbúða verið breytt. Í fréttatilkynningu
frá Sláturfélagi Suðurlands kemur fram að eft-
irfarandi réttir í 3ja hólfa bökkum séu komnir í
sölu, hangikjöt, kjötbollur, fiskibollur, kál-
bögglar og kindabjúgu.
Cocoa Puffs eins og það var
Matvælaframleið-
andinn General Mills
tók upp á því að
breyta uppskrift
morgunkornsins Co-
coa Puffs fyrir
nokkru. Neytendur
brugðust ókvæða við
og ákvað framleiðandinn að leggja nýju upp-
skriftina til hliðar og bjóða á ný Cocoa Puffs
eins og það var. Það er nú aftur komið í versl-
anir hérlendis en morgunkornið hefur verið
selt hér á landi frá árinu 1955.
Nautavöðvi
Sláturfélag Suðurlands kynnir nú nýtt
álegg, nautavöðva, en hann tilheyrir flokki
léttra áleggstegunda. Nautavöðvinn inniheld-
ur minna en 2% fitu og er ætlaður sem álegg á
brauð, í pítuna, sem forréttur eða bara einn og
sér. Nautavöðvinn inniheldur ekki msg.
Tilbúnir fiskréttir frá Pickenpack
Pickenpack H&H í eigu
Icelandic Group heldur
uppá 100 ára afmæli í vik-
unni en Pickenpack er stórt
fiskvinnslufyrirtæki í Evr-
ópu og eitt af leiðandi fyrirtækjum í eigu Ice-
landic Group. Dreifing ehf heildverslun flytur
nú inn unnar fiskafurðir frá Pickenpack H&H
í Þýskalandi.
Fiskafurðirnar eru úr hágæða íslensku sem
erlendu hráefni.
NÝTT