Morgunblaðið - 23.09.2006, Blaðsíða 55

MORGUNBLAÐIÐ LAUGARDAGUR 23. SEPTEMBER 2006 55
menning
Nútíminn er trunta með tóm-an grautarhaus, segir í„Nútímanum“ sem Þursa-
flokkurinn þrumaði yfir landslýð
seint á áttunda áratugnum. Lagið
var auðvitað að finna á vínylplötu
enda allt annað óþekkt nema seg-
ulbönd á kassettum sem aðallega
voru spilaðar í bílum.
  
Á síðustu 15 árum hef ég þrisvarsinnum skipt um húsnæði og í
öll skiptin hafa fjórir eða fimm
pappakassar troðfullir af vín-
ylplötum fylgt með í flutningum.
Alltaf var samviskulega tekið upp
úr kössunum og plötunum komið
fyrir snyrtilega í geymsluhillum.
Samviskubit og söknuður vakna
síðan þegar farið er að glugga á
kili. Þetta er fjársjóður mikill í mín-
um huga en tæknin er mér horfin.
Ég hef ekki átt plötuspilara allan
þennan tíma, hann hefur ekki þótt
passa inn í íturhannaðar stáss-
stofur.
  
Sinnuleysi er um að kenna að éghafi ekki flutt alla þessa gæða-
tónlist af vínylnum yfir á geisla-
diska, en til eru nokkur fyrirtæki
sem veita þá þjónustu. Tæknifróðir
menn segja að þessi lausn sé heldur
ekki endanleg því afritað efni á
geisladiskum geymist illa ólíkt því
sem á við um framleidda geisla-
diska. Margir kannast við að hafa
brennt tónlist á geisladisk í tölv-
unni sinni og að nokkrum mán-
uðum liðnum er diskurinn af ein-
hverjum völdum ef til vill ónýtur.
Fyrirtækið Sena er stærsti eig-
andi höfundarréttar á tónlist hér-
lendis, tónlist sem að mestu leyti er
geymd á litlum og stórum vín-
ylplötum. Eiður Arnarson er út-
gáfustjóri íslenskrar tónlistar hjá
fyrirtækinu. Hann segir að Sena
hafi gefið út nálægt 1.000 titla á
geisladiskum. Til samanburðar á
fyrirtækið útgáfurétt á líklega
2.000–3.000 titlum sem ennþá eru á
vínylplötum. Ekki á allt þetta efni
erindi inn á markaðinn þótt það
hljóti að teljast huglægt hvað eigi
erindi þangað og hvað ekki. Að
mestu leyti er þetta dægurtónlist
frá útgáfum eins og HSH (Hljóð-
færaverslun Sigríðar Helgadóttur),
SG og Fálkanum, Tónaútgáfunni,
hluta af útgáfu Grammsins, Stein-
um og Spori, Skífunni og að end-
ingu Senu. Ekki eru þetta þó allt
LP-plötur. Þær fyrstu þeirrar teg-
undar komu ekki út á Íslandi fyrr
en eftir 1960 og öll útgáfusagan
fram að því var 2ja og 4ra laga plöt-
ur. Sena á heillegt safn af seg-
ulböndum með þessari tónlist, svo-
nefndum masterum, en sumt er á
plötum einungis.
  
Sena hefur á síðustu árum gefiðút talsvert af efni af gömlum
vínylplötum á geisladiskum. Í fyrra
byrjaði serían Svona var …, allt frá
árinu 1952 og upp að árinu 1966.
Tólf til átján vinsælustu lög hvers
árs eru á hverjum diski og ætlunin
er að halda áfram til ársins 1980 og
enn lengra þegar fram líða stundir.
Eiður segir að meira en þriðjungur
laganna hafi komið út í fyrsta sinn
á geisladiski.
Önnur útgáfa kallast Óskalögin,
það er tveggja diska útgáfa með 40
vinsælum lögum allt frá árinu 1950
til okkar tíma. Út eru komnar tíu
tveggja diska útgáfur sem inni-
halda samtals 400 lög. Allt er þetta
efni með íslenskum flytjendum og
sungið að langmestu leyti á ís-
lensku.
Sena lítur á það sem hlutverk sitt
sem handhafa útgáfuréttarins að
sinna endurútgáfunni, jafnvel þótt
ekki sé alltaf eftir miklu að slægjast
í fjárhagslegu tilliti. En þarna er
verið að fást við dægurtónlistararf
þjóðarinnar, sem ólíkt djass-
plötusafninu mínu uppi í hillu er að
endurfæðast í öðrum miðli sem fer
mun betur við heildstæða hönnun
og yfirbragð nútímaheimilisins.
Bjargráð í horfinni tækni
» Fyrirtækið Sena áútgáfurétt á líklega
2.000–3.000 titlum á
plötum. Ekki á það
samt allt erindi inn
á markaðinn.
Morgunblaðið/Sverrir
Vínyll Margir eiga stafla af vínyl-
plötum, sem eru vitnisburður um
horfna tækni.
gugu@mbl.is
AF LISTUM
Guðjón Guðmundsson
Kári Fanndal Guðbrandsson,
Sigrún Sigurpálsdóttir, lögg. fasteignasali.
● Vilt þú hafa heimilið og gæðingana á sama stað, geta lagt á og reið-
stígar og reiðvegir liggja til allra átta?
● Vilt þú hafa heimilið og vinnustofuna á sama stað og nóg rými fyrir hug
og hönd?
● Vilt þú ala upp börnin við frjálsræði sveitalífsins en njóta jafnframt allr-
ar þjónustu, t.d. skóla, heilsugæslu, íþrótta og menningar, til jafns við
þéttbýlið?
● Vilt þú komast úr skarkala borgarlífsins og njóta seinnihluta æviskeiðs-
ins við t.d. fuglaskoðun, renna fyrir fiski eða stunda golf?
Allt þetta og mikið meira til er hægt að gera í Tjarnabyggð sem er búgarðabyggð 4 km
frá Selfossi í átt að Eyrabakka. Búgarðabyggðin er nýjung í íslensku skipulagi sem
tryggir þér heimild til húsdýrahalds, ræktunar og til léttrar atvinnustarfsemi. Lóðirnar eru eign-
arlóðir, ca 1,0 - 6,0 ha að stærð.
Það má byggja einbýlishús, hesthús, reiðskemmu, listagallerí, gistiheimili eða hvað annað
sem þér dettur í hug, allt að samtals 1.500 fm.
Hitaveita.
Verð frá 4,6 millj. Seljandi lánar allt að 80%.
Ath. gatnagerðargjöld eru innifalin í verði.
Fasteignasalan Garður • Skipholti 5 • Símar 562 1200 og 862 3311
SÖLUSÝNING laugardag og sunnudag kl. 13-17
NÝTT Á ÍSLANDI! Búgarðabyggð!
– TJARNABYGGÐ Í ÁRBORG –
Búgarður - Listamannahús - Garðyrkja
Hver er draumurinn?
Sölufólk hjá Fasteignasölunni Garði
ásamt landeigendum verða á staðn-
um og veita allar nánari upplýsingar
um lóðirnar. Einnig má fá upplýsingar
í símum 562 1200 og 862 3311 eða
senda tölvupóst á gard@centrum.is
Eftir Bergþóru Jónsdóttur
begga@mbl.is
„ÉG STEND hér og horfi á sjötíu
manna karlakór koma sér fyrir á æf-
ingu,“ svarar Björgvin Halldórsson,
þegar blaðamaður hringir um kvöld-
matarleytið í gær til að fregna af
undirbúningi tónleika hans með Sin-
fóníuhljómsveit Íslands í Laug-
ardalshöll um helgina. Auglýstir voru
einir tónleikar kl. 20 í kvöld; Alkan í
Straumsvík keypti svo heila tónleika
í viðbót í tilefni af afmæli fyrirtæk-
isins, en þeir tónleikar verða kl. 17 í
dag. Á þá býður Alcan hátt í 2000
Hafnfirðingum. En einir opinberir
tónleikar voru ekki nóg, og ákveðið
var að efna til þriðju tónleikanna, en
þeir verða annað kvöld kl. 20. Að
sögn Ísleifs Þórhallssonar tónleika-
haldara er þetta örugglega met-
aðsókn á tónleika íslensks lista-
manns. „Það eru ekki nema stærstu
útlendu hljómsveitirnar sem eru að
selja svona vel. Við erum með þrjú
þúsund miða á hverja tónleika, og
núna (föstudagskvöld) eru bara inn-
an við 200 miðar eftir á sunnudags-
tónleikana. Þeir listamenn sem
draga slíkan fjölda að hér, eru telj-
andi á fingrum annarar handar.“
Um 140 manns eru á sviðinu þegar
mest er, Karlakórinn Fóstbræður
auk hljómsveitarinnar, Björgvins og
gesta hans. „Þetta er allt að smella
saman,“ sagði Björgvin, „og er mjög
gaman. Ég er líka afar þakklátur fyr-
ir það hvað móttökur almennings
hafa verið æðislegar.“
Björgvin kveðst afar ánægður með
alla framkvæmd tónleikanna; búið er
að stækka sviðið og Björn Björnsson
leikmyndahönnuður sér um alla
sviðsumgjörð. „Hljómsveitin er æði,
og kórinn líka, og hljómsveitarstjór-
inn Bernharður Wilkinson hefur
þetta alveg í hendi sér. Jóhann
Bjarni, ljósamaður óperunnar og
Freyr í Exton sjá um lýsinguna,
Ingvar Jónsson og Gunnar Smári sjá
um hljóðið út í salinn; – ég er æð-
islega heppinn að vera með landsliðið
í hverju einasta horni, það skiptir
öllu máli. Ég er heppinn að hafa
svona gott fólk sem nennir að vinna
með mér. Þetta er frábært!“ sagði
Björgvin Halldórsson að lokum.
Tónlist | Nær uppselt á þrenna tónleika
Björgvins Halldórssonar
Metaðsókn á tón-
leika íslensks lista-
manns hér á landi
Morgunblaðið/Jim Smart
Vinsæll Björgvin Halldórsson
syngur fyrir hátt í tíu þúsund
manns um helgina.