Morgunblaðið - 06.10.2006, Blaðsíða 23

daglegt líf
MORGUNBLAÐIÐ FÖSTUDAGUR 6. OKTÓBER 2006 23
Sævarhöfða 2 Sími 525 8000 www.ih.is Opið: Mánudaga – föstudaga kl. 9.00 - 18.00 og laugardaga kl. 12.00 - 16.00
Saab turbo
3.090.000 kr. 2.990.000 kr.
Saab 9-3 Combi Turbo, sjálfskiptur Saab 9-3 Sedan Turbo, sjálfskiptur
Nú geturðu fengið þér
þotu á viðráðanlegu verði
Saab á að baki áralanga sögu sem herþotuframleiðandi auk þess að framleiða hina virtu Saab bíla.
Saab 9-3 hefur hlotið fjölmörg verðlaun fyrir öryggi og aksturseiginleika. Stórkostleg hönnun, öflug
vél, frábærir hemlar og ríkulegur staðalbúnaður gera Saab 9-3 að byltingu í klassíska geiranum.
Nú bjóðum við þér þotuna í Saab bílaflotanum, 9-3 Turbo, á frábæru verði. Komdu og reynsluaktu!
Umboðsmenn
um land allt
Njarðvík
421 8808
Akranesi
431 1376
Höfn í Hornafirði
478 1990
Reyðarfirði
474 1453
Akureyri
464 7940
Þetta er heildstætt verkefniþar sem allir starfsmennskólans og nemendur fá að
njóta sín og taka þátt án tillits til
getu. Með þessu erum við að sýna
að það býr vísindamaður í okkur öll-
um,“ segir Jónína Ómarsdóttir,
náttúruvísindakennari við Rima-
skóla, sem hafði umsjón með Vís-
indadegi sem fór fram í skólanum
með pomp og prakt fyrir skömmu.
Vísindadagur var í fyrsta skipti
haldinn í fyrra, en stefnt er að því
að slíkir dagar verði gerðir að ár-
legum viðburði og nái til allra ár-
ganga skólans. Verkefnið hlaut
Hvatningarverðlaun Menntaráðs
Reykjavíkur fyrir árið 2006. Vís-
indadagurinn er afrakstur vinnu
raungreinakennara í Rimaskóla og
þátttöku þeirra í evrópsku Kómen-
íusarsamstarfi er gekk undir heit-
inu „Chalk away“ eða „Krítina
burt“. Verkefnið snerist um nýja
kennsluhætti í raungreinum sem
ætlað er að höfða til allra aldurs-
hópa grunnskólans.
Hugmynd að verkefninu varð til á
ráðstefnu í Slóvakíu árið 2002, en
Rimaskóli stóð að verkefninu í sam-
starfi við aðra skóla í Evrópu á veg-
um Alþjóðaskrifstofu háskólanna.
Framlag Rimaskóla til verkefnisins
var vísindadagur, sem var ætlað að
hvetja nemendur til vísindaafreka
og auðvelda kennurum framkvæmd
tilrauna.
Kanna, hanna,
skapa og upplifa
„Eitt af meginverkefnum Vís-
indadagsins er að vinna með for-
hugmyndir nemenda um vísindi og
gefa nemendum tækifæri til að
koma hugsunum sínum í orð eða á
blað. Við útbjuggum tilraunabanka
með tilraunum, kennsluleiðbein-
ingum, tækjalista og verkefnum fyr-
ir hvern árgang þar sem miðað var
við þrepamarkmið aðalnámskrár
grunnskólanna. Tilraunirnar miðast
við að nemendur fái tækifæri til að
kanna, hanna, skapa og upplifa
náttúruvísindi án þess að notast sé
við töflukennslu eða hefðbundið fyr-
irlestraform. Á Vísindadaginn mæta
nemendur í skólann og læra ein-
göngu í gegnum upplifun og þess
vegna leggjum við mikla áherslu á
að allir séu afslappaðir og njóti
dagsins. Oft er því hins vegar þann-
ig farið að tilraunir taka langan
tíma og lítið svigrúm vill verða fyrir
tilraunavinnu, t.d. í unglingadeild
þar sem nemendur eru aldrei í fleiri
en tveimur samliggjandi tímum í
einu,“ segir Jónína.
Tilraunir í öllum árgöngum
Viðfangsefni Vísindadagsins
reyndust bæði fjölbreytt og áhuga-
verð. Fyrstu bekkjar nemendur
gerðu m.a. tilraunir með rúmmál
vatns. Annar bekkur vann með ljós
og skugga, gagnsæja og ógagnsæja
hluti. Þriðji bekkur skoðaði smádýr
og skordýr og gerði veðurathug-
anir. Fjórði bekkur kynntist endur-
vinnslu og eyðingu efna. Fimmti
bekkur kynntist landgræðslu og
trjágreiningu. Sjötti bekkur gerði
tilraunir með hraðamælingar og
loftmótstöðu með því að búa til fall-
hlífar.
Sjöundu bekkingar gerðu til-
raunir með efnablöndur og eldgos
og kynntu sér steinasafn. Áttundi
bekkur kynnti sér næringargildi
matvæla ásamt því að kynnast
helstu fræðimönnum greinarinnar.
Níundi bekkur vann að sjómæl-
ingum í samstarfi við nemendur
annarra Norðurlandaþjóða og tí-
undi bekkur kynnti sér Nátt-
úrufræðistofnun og lífverur þar
ásamt því að gera tilraunir með
erfðir manna.
Vísindamaður
býr í öllum
Morgunblaðið/Eyþór
Tilraunir Sjö ára krakkar unnu með ljós og skugga, gagnsæja og ógagnsæja hluti.
Eftir Jóhönnu Ingvarsdóttur
join@mbl.is
Gos Tilraunir voru gerðar með
efnablöndur og eldfjöll búin til.