Morgunblaðið - 20.10.2006, Síða 27

Ítalíu og verður ef eitthvað er betra ár frá
ári. Það er af og til fáanlegt hér á landi og
rakst ég m.a. á það í fríhöfninni í Keflavík
á dögunum.
Þetta hvíta flaggskip Antinori þarf alla-
jafna um þrjú ár til að ná þeim þroska sem
æskilegur er fyrir neyslu vínsins og heldur
áfram að batna í allmörg ár á eftir.
Nú eru ræktaðir alls 50 hektarar af
Chardonnay í kringum Sala-kastala auk
ræktunar á öðrum hvítum þrúgum, s.s.
Grechetto og Sauvignon Blanc, og 7 hekt-
ara af Pinot Nero eins og Pinot Noir heitir
á Ítalíu.
Búgarðurinn Castello della Sala
Það er ung kona, Maria Barbara Conti,
sem sér um rekstur Castello della Sala.
Hún segir metnað fyrirtækisins vera að
reka Sala sem búgarð en ekki iðnað. Auk
vína séu ræktaðir margvíslegir ávextir,
framleiddir ostar og búin til ólívuolía.
Barbara Conti segir að þrátt fyrir að
Cervaro sé þekktasta vín Sala sé meg-
inframleiðslan Orvieto-vín og er markmið Ant-
inori að auka veg svæðisins sem mest. „Flestir
framleiðendur hér vilja bæta framleiðslu sína en
það eru ekki allir að fara í sömu átt. En það á
sér stað mikil vinna og við viljum vinna með
öðrum smærri vínbændum á svæðinu enda flest-
ir þeirrar skoðunar að það sé öllum mikill styrk-
ur að hafa Cervaro og Antinori hér. Við höfum
dýpri og meiri þekkingu á markaðnum og víð-
tæka reynslu af útflutningi. Því reynum við að
fá þá í lið með okkur. Það er líka okkar hagur
enda ekki gott fyrir okkur ef markaðurinn er yf-
irfullur af lággæða-, ódýrum Orvieto-vínum. Við
viljum því sýna fram á að Orvieto-vínin geta
verið einstaklega góð.“
Cervaro fær vissulega mesta athygli af vínum
Castello della Sala en önnur eru ekki síður at-
hyglisverð. Hvítvínið Branito del Cervo (sem áð-
ur hét Chardonnay della Sala) er yndislegt
Chardonnay með ferskri sýru, sætum ávexti og
mildri eik.
Pinot Nero-vínið er sömuleiðis með athyglis-
verðari vínum úr þessari þrúgu á Ítalíu og stíll
þess hefur verið að breytast á síðustu árum –
frá stíl sem einkenndist af krafti og miklum, ag-
ressívum tannínum yfir í meiri elegans.
Sætvínið Muffato della Sala er loks alveg
stórkostlegt og einnig það hefur verið að breyt-
ast. Það hefur lengst af verið úr þrúgunum Sau-
vignon Blanc og Grechetto en nú hafa Riesling
og Traminer bæst við og segir Barbara Conti
það vera vegna arómatískra eiginleika þrúgn-
anna. „Við viljum ekki gera vín sem líkist Sau-
ternes heldur hafa meiri áherslu á ferskleika og
ávöxt.“
Vínrækt Castello della Sala er í hjarta víngerðarhéraðsins Orvieto í Umbriu.
Pestó
2 pakkar basilíka
30 g parmesan
20 g furuhnetur, ristaðar
1 hvítlauksrif
extra virgin-ólífuolía
salt og nýmalaður pipar
Hakkið saman basilíku, parmesan og furuhnet-
ur í litlum blandara eða með töfrasprota og bætið
ólífuolíunni smátt og smátt út í þar til allt er vel
hakkað saman og hægt að smyrja með blöndunni.
Smakkið til með salti og pipar.
Hitið hamborgarabrauðin á grillinu eða í ofni
örstutta stund. Best er að láta hvern og einn sjá
um sinn borgara en röðin er eftirfarandi:
1. hamborgarabrauð
2. majónes
3. pestó
4. hamborgari
5. tómatar
6. rucolasalat
7. fetaostur/geitaostur
8. majónesi smurt á hamborgarabrauðið
9. hamborgarabrauð
Ýmsar útfærslur eru til af þessum hamborg-
urum en það sem er það sama í þeim öllum er
pestóið, majónesið, salatið og tómatarnir.
Önnur útfærsla
Skiptið út fetaostinum og setjið Brie í staðinn og
þá er mjög gott að setja sneiðar af brie á ham-
borgarann við steikingu og láta ostinn bráðna að-
eins.
Þriðja útfærsla
Í stað þess að smyrja hamborgarana með majó-
nesi er hægt að nota ricotta-ost og nota mozz-
arella í stað fetaosts, en pestóið passar vel við
þennan.
Fjórða útfærsla
Sólþurrkaðir tómatar settir í hakkavél og hakk-
aðir með smávegis olíu úr krukkunni, salti og pip-
ar og brauðin smurð með því ásamt pestóinu og
gráðostur settur í stað fetaostsins.
Morgunblaðið/Eyþór
sælkera
MORGUNBLAÐIÐ FÖSTUDAGUR 20. OKTÓBER 2006 27