Morgunblaðið - 24.04.2007, Blaðsíða 2

2 ÞRIÐJUDAGUR 24. APRÍL 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskiptablað vidsk@mbl.is Umsjón Björn Jóhann Björnsson,
bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar minning@mbl.is, Stefán Ólafsson,
Arnór Ragnarsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Guðna Einarsson
gudni@mbl.is
NORÐURÁL og Hitaveita Suður-
nesja (HS) undirrituðu í gær samn-
ing um að HS útvegi Norðuráli allt
að 150 MW raforku fyrir fyrsta
áfanga álvers í Helguvík. Áætlað er
að gangsetja hann síðari hluta árs
2010. Norðurál á í samningaviðræð-
um við Orkuveitu Reykjavíkur (OR)
um kaup á meiri raforku til álvers-
ins, en miðað er við að 250 MW orku
þurfi til fyrsta áfanga álversins og
verður þá hægt að framleiða þar um
150.000 tonn af áli á ári.
„Þetta er mjög ánægjulegur
áfangi og mikilvægur,“ sagði Ragnar
Guðmundsson, framkvæmdastjóri
viðskiptaþróunar- og fjármálasviðs
Norðuráls, um undirritun samnings-
ins við HS. Hann rifjaði upp að
Norðurál undirritaði viljayfirlýsingu
ásamt HS og OR í byrjun júní í fyrra
um raforkusölu til hins fyrirhugaða
álvers. Síðan hefur verið unnið að
gerð orkusamninga við bæði fyrir-
tækin. Samningur við OR er kominn
vel á veg, að sögn Ragnars. Sam-
starfssamningur Norðuráls, HS og
Reykjanesbæjar um könnun á
möguleikum þess að reisa álver var
undirritaður vorið 2005. Undirbún-
ingur hefur staðið síðan og sagði
Ragnar samstarfið hafa verið gott
við alla aðila.
Ragnar sagði að Norðurál gæti
fyrir sitt leyti hafið jarðvegsfram-
kvæmdir vegna álversins undir lok
þessa árs. Tæknihópur vinnur að
undirbúningi hönnunar álversins og
er gert ráð fyrir að þeirri vinnu ljúki
fyrir árslok. Ragnar sagði að end-
anleg stærð fyrsta áfanga álversins í
Helguvík hefði enn ekki verið ákveð-
in, en miðað er við um 150.000 tonn.
Í fréttatilkynningu um undirrit-
unina lýsir Júlíus Jónsson, forstjóri
Hitaveitu Suðurnesja, ánægju sinni
með að orkusölusamningurinn við
Norðurál skuli vera í höfn. „Við höf-
um mjög góða reynslu af samstarfi
við Norðurál og lítum á þetta verk-
efni sem tækifæri til arðbærrar
virkjunar sem mun efla atvinnulífið
hér syðra og stækka markaðssvæði
okkar,“ sagði Júlíus.
Árni Sigfússon, bæjarstjóri
Reykjanesbæjar, og Oddný Harðar-
dóttir, bæjarstjóri Sveitarfélagsins
Garðs, lýstu einnig ánægju sinni með
samkomulag Norðuráls og HS.
Norðurál getur fyrir sitt leyti hafið jarðvinnu vegna álvers í Helguvík fyrir árslok
Orkusamningur vegna
Helguvíkur undirritaður
Tölvuteikning/THG arkítektar
Útlitið Tillaga THG arkítekta að aðkomubyggingu álversins í Helguvík.
BYGGINGAFULLTRÚI hefur sett
bann við því að átt verði við rúst-
ina í Austurstræti 22 til að hægt
verði að skrá og varðveita það
sem hefur varðveislugildi jafn-
harðan þegar farið verður í að
rífa húsið. „Við höfum sett alla
krafta í það í dag að huga að rúst-
inni,“ segir Kristbjörg Stephensen,
lögfræðingur hjá Reykjavíkur-
borg. „Undir öllum venjulegum
kringumstæðum væru trygginga-
félagið og eigendur búnir að
sækja um leyfi til niðurrifs því
auðvitað er ónæði af þessari lykt
og hætta á foki o.s.frv.,“ segir
Kristbjörg. „Þetta er náttúrlega
ekki hvaða rúst sem er og þess
vegna lagði byggingafulltrúi bann
við því að átt yrði við rústina og
við gerðum tillögu til húsafrið-
unarnefndar um fulltrúa sem
myndu kanna húsarústirnar til að
standa vörð um þá byggingarsögu
sem þarna brann.
Eigendur eru upplýstir um þetta
og allir sammála um í hvaða röð á
að gera hlutina.“
Stefán Eiríksson, lögreglustjóri
höfuðborgarsvæðisins, upplýsti að
rannsóknin á brunanum væri enn í
fullum gangi.
Bann sett
við niðurrifi
MÆLT er með því að áætlun um út-
gáfu sérleyfa til leitar, rannsókna og
vinnslu á olíu og gasi á norðanverðu
Drekasvæði við Jan Mayen-hrygg,
ásamt umhverfisskýrslu, hljóti sam-
þykki ríkisstjórnarinnar. Þetta kem-
ur fram í skýrslu sem kynnt var á
vegum iðnaðarráðuneytisins í gær og
unnin var samkvæmt ákvörðun rík-
isstjórnarinnar undir stjórn nefndar
ráðuneytisstjóra. Þá er mælt með því
að hafinn verði undirbúningur sér-
leyfa á grundvelli áætlunarinnar á
Drekasvæðinu.
Næsta skref í ferlinu er að yfirvöld
ákveði hvort fara eigi í rannsóknar-
boranir, að mati Hreins Hrafnkels-
sonar, sérfræðings í iðnaðaráðuneyt-
inu og eins skýrsluhöfunda. „Við
höfum vísbendingar um að það geti
verið olía eða gas á svæðinu en við
komumst ekki að því hvort svo sé
nema með rannsóknarborunum,“
sagði Hreinn.
Finnist olía og gas í vinnanlegu
magni er ljóst að það mun hafa mikil
efnahagsleg áhrif hér á landi. Í
skýrslunni er stuðst við fjórar sviðs-
myndir norska ráðgjafarfyrirtækis-
ins Sagex. Að sögn þeirra sem gera
ráð fyrir framleiðslu á olíu og gasi
gætu heildartekjur verið á bilinu 960–
3.600 milljarðar króna. Árlegur
rekstrarkostnaður er áætlaður rúm-
lega sex til 17 milljarðar króna á ári.
Framleiðslutekjur yrðu um og yfir
250 milljarðar á ári á árunum 2020-
2022, samkvæmt tveimur sviðsmynd-
anna. Drekasvæðið er í íslensku efna-
hagslögsögunni og er um 42.700 km2
að stærð. Milliríkjasamningur milli
Íslands og Noregs frá 1981 gildir um
tæplega 30% svæðisins.
Skýrslan er nú til umsagnar og
kynningar og er frestur til að skila at-
hugasemdum til 23. maí nk. Sam-
kvæmt tímaáætlun í skýrslunni væri
hægt að taka ákvörðun um hvort
hefja ætti leyfisveitingaferli til olíu-
og gasleitar í sumar eða haust. Verði
það gert væri hægt að veita rann-
sóknar- og vinnsluleyfi seinni hluta
ársins 2008 eða á fyrri hluta ársins
2009. Búist er við að allt að níu ár líði
frá útgáfu slíks leyfis þar til vinnsla
getur hafist, finnist olía í vinnanlegu
magni. Það gæti því orðið á árunum
2017–2018.
Mælt með að sérleyfi verði
veitt til olíu- og gasleitar
 



  
 
  
 


  !"#!
$ %


 

 Meira á mbl.is/ítarefni
ÍSLENDINGAR og Norðmenn
munu undirrita viljayfirlýsingu um
samstarf á sviði varnar- og öryggis-
mála á fundi utanríkisráðherra land-
anna í Ósló síðar í þessari viku, sam-
kvæmt heimildum Morgunblaðsins.
Þá mun einnig vera unnið að sam-
bærilegu samkomulagi við Dani,
samkvæmt heimildum Morgun-
blaðsins.
Kynnt á ríkisstjórnarfundi og
í utanríkismálanefnd í dag
Gert er ráð fyrir að samkomulagið
við Norðmenn verði lagt fyrir rík-
isstjórnina á fundi í dag. Þá hefur ut-
anríkismálanefnd Alþingis verið
kölluð saman til fundar í dag. Þar
eru öryggismál á Norður-Atlants-
hafi efst á dagskrá.
Valgerður Sverrisdóttir utanríkis-
ráðherra mun ætla að kynna fyrir-
hugað samstarf Íslendinga við Norð-
menn á sviði varnar- og öryggismála
á fundi utanríkismálanefndar. Val-
gerður heldur til Noregs síðar í vik-
unni á óformlegan ráðherrafund Atl-
antshafsbandalagsins og hittir þar
m.a. Jonas Gahr Störe, utanríkisráð-
herra Noregs.
Í fréttum Ríkisútvarpsins í gær
var haft eftir heimildum í Noregi að
samkomulagið milli Íslendinga og
Norðmanna snerist um eftirlit og ör-
yggisþjónustu á lofti og á sjó. Norð-
menn teldu niðurstöðu viðræðna
landanna líklega til að auka öryggi
og umhverfisvöktun í sívaxandi um-
ferð, m.a. vegna olíuflutninga milli
Rússlands og Bandaríkjanna. Meg-
inábyrgð þjónustunnar mun verða á
hendi Norðmanna samkvæmt heim-
ildum RÚV.
Undirrita yfirlýsingu
um varnarsamstarf
Unnið er að samkomulagi við Dani um öryggismál
Í HNOTSKURN
»Geir H. Haarde forsætis-ráðherra og Jens Stolten-
berg, forsætisráðherra Norð-
manna, ákváðu í nóvember sl.
viðræður Norðmanna og Ís-
lendinga um samstarf á vett-
vangi varnar- og öryggismála.
»Viðræður Íslendinga viðDani og Norðmenn um ör-
yggis- og varnarmál á Norður-
Atlantshafi hófust síðan 18.
desember sl.
LÖGREGLAN á Blönduósi stöðvaði
í gær tvo barnunga bræður á sínu
fjórhjólinu hvorn en tækin eru í eigu
fjölskyldu þeirra. Lögreglan hefur
áður þurft að hafa afskipti af drengj-
unum sem eru 10 og 12 ára vegna
fjórhjólaaksturs og mun senda
skýrslu sína til félagsmálayfirvalda
þar sem lögregla fær ekki meira að
gert að sögn varðstjóra lögreglunnar
á Blönduósi. Hjólin eru bæði óskráð
sem ökutæki og voru drengirnir að
leika sér á tækjunum þegar lögregl-
an skarst í leikinn.
10 og 12 ára
teknir á
fjórhjólum
♦♦♦