Morgunblaðið - 24.04.2007, Blaðsíða 27
MORGUNBLAÐIÐ ÞRIÐJUDAGUR 24. APRÍL 2007 27
✝ Hagalín Þorkell Kristjánssonfæddist á Vöðlum í Önundar-
firði 20. október 1926. Hann lést
á Kumbaravogi 16. apríl síðast-
liðinn. Foreldrar hans voru Krist-
ján Bergur Hagalínsson, bóndi í
Tröð í Önundarfirði, f. 1888, d.
1973, og kona hans Sigríður
Jónsdóttir húsmóðir, f. 1898, d.
1953. Hagalín var fimmta barn
þeirra hjóna en eldri systkini
voru Sólveig, fv. kennari, f. 1918,
d. 2001, gift Ólafi H. Kristjáns-
syni, fv. skólastjóra Reykjaskóla.
Þau eignuðust fjóra syni. Jófríð-
ur húsmóðir, f. 1920, d. 1995, gift
Bjarna Jónssyni (látinn), bónda í
Haga í Þingi, A-Hún. Þau eign-
uðust sex börn. Margrét iðn-
verkakona í Reykjavík, f. 1923, d.
1996, gift Jóhannesi Bjarnasyni
verslunarmanni (látinn). Þau áttu
tvær dætur. Hákon, trésmíða-
meistari í Reykjavík, f. 1924, d.
2000. Eftirlifandi yngri systkini
eru Jens, trésmiður á Sauðár-
króki, f. 1926, kvæntur Margréti
Guðmundsdóttur (látin). Þau
eignuðust fjögur börn. Páley Jó-
hanna, læknaritari á Patreks-
firði, f. 1945, gift Vigfúsi Þor-
steinssyni verkamanni. Þau eiga
tvö börn.
Hagalín lauk gagnfræðaprófi
frá Héraðsskólanum að Núpi í
Dýrafirði og búnaðarprófi frá
Bændaskólanum á Hvanneyri.
Hann stundaði búskap með föður
sínum í nokkur ár, lærði trésmíði
hjá Hákoni bróður sínum og vann
lengi við trésmíðar. Hagalín
kenndi trésmíðar í einn vetur við
Héraðsskólann að Reykjum í
Hrútafirði og var svo húsvörður í
Sjónvarpshúsinu við Laugaveg
síðustu starfsárin eða þar til
hann varð 67 ára.
Útför Hagalíns verður gerð frá
Fossvogskapellu í dag og hefst
athöfnin klukkan 15.
Hagalín móðurbróðir minn var
einstaklega vel gerður maður, vel
að sér um málefni líðandi stundar
og var vel lesinn. Hann var hlé-
drægur og vildi hvorki láta hafa
fyrir sér né vera fyrir neinum.
Hins vegar var hann fastur fyrir
þegar það átti við, sagði það sem
honum fannst og lét þar við sitja.
Engar frekari rökræður voru nauð-
synlegar. Hann hafði góða kímni-
gáfu sem birtist oft í skondnum en
græskulausum athugasemdum.
Hagalín og Hákon bróðir hans
sem lést fyrir nokkrum árum, eða
Hákon og Hagalín eins og gjarnan
var sagt, í þessari röð, voru tíðir
gestir á heimili foreldra minna á
Reykjaskóla og dvöldu þar stund-
um yfir jól og áramót. Þeir unnu
þar nokkur sumur við nýbyggingar
og endurbætur á húsakosti enda
báðir húsasmiðir. Hagalín kenndi
smíðar við skólann a.m.k. einn vet-
ur. Þar kynntist ég þeim vel og
lærði mikið af þeim. Hagalín var
mjög hjálpsamur og var ætíð tilbú-
inn að rétta hjálparhönd þegar eft-
ir var leitað og þörf var á laghent-
um smið. Fyrir alla hans aðstoð er
ég ævinlega þakklátur. Og takk
líka fyrir rabarbarann, kartöflurn-
ar og „rófustýrin!“. Því miður get-
um við hjónin ekki fylgt frænda
mínum til hinstu hvíldar en send-
um öllum aðstandendum, frænd-
fólki og vinum samúðarkveðjur.
Öðlingsmaður úr ættinni er kvadd-
ur með virðingu.
Þórður, Lára og fjölskylda.
Hagalín Þorkell
Kristjánsson
✝ Ingvi BrynjarJakobsson, fv.
lögregluvarðstjóri á
Keflavíkurflugvelli,
fæddist 9. apríl
1927. Hann lést 17.
apríl 2007. For-
eldrar Ingva Brynj-
ars voru Jakob Ein-
arsson húsgagna-
bólstrari, frá Finns-
stöðum á Látra-
strönd, f. 25.6. 1894,
d. 4.6. 1979, og Þór-
unn Elísabet Sveins-
dóttir frá Þingeyri,
leikkona og húsmóðir, f. 22.9.
1901, d. 10. 8.1983. Þau bjuggu á
Akureyri, Siglufirði, í Keflavík og
Reykjavík. Alsystkini Ingva
Brynjars eru Hólmfríður Sigur-
rós, húsmóðir í Reykjavík , f.
20.11. 1929, og Sveinn Hermann
húsasmiður, f. 20.6. 1931, Reykja-
nesbæ. Fóstursystir var Þórdís
Baldvinsdóttir, látin.
Ingvi Brynjar kvæntist 5. apríl
1947 Ragnheiði Elínu Jónsdóttur,
húsmóður, f. 9.12. 1927. Foreldr-
ar hennar voru Eva Sæmundsótt-
ir, f. 22.8. 1908, d. 16.12. 1993, og
Jón Hjaltason, f. 29.3. 1898, d.
7.12. 1972. Börn Ingva og Ragn-
heiðar eru Eva Bryndís, f. 5.8.
1947, fyrrverandi eiginmaður
hennar er Sveinn Hannesson. Þau
eiga fjögur börn. Þórunn, f.
21.10. 1948, tónlistarkennari í
Grímsnesi. Maður hennar er
Guðmundur Pálmi Kragh. Þeirra
börn eru fjögur; Eyrún Jóna f.
28.11. 1949, hennar maður er
Denis Robertson og eiga þau þrjú
börn. Aðalheiður, f. 13.10. 1951,
húsmóðir. Fyrrverandi eigin-
maður hennar er
Ívar Erlendsson og
eiga þau tvö börn.
Anna, f. 13.7. 1953,
fyrrverandi maður
hennar er Colm
Boorman. Þau eiga
eitt barn. Erla, f.
24.10. 1957, hennar
maður er Ágúst
Karlsson og eiga
þau þrjú börn.
Brynjar Ragnar, f.
6.9. 1959, kona hans
er Sebastiana Maria
Dandas.
Ingvi Brynjar fæddist á Akur-
eyri og ólst upp í fæðingarbæ sín-
um fyrstu sex árin en eftir það í
Hafnarfirði í fjögur ár og síðan á
Siglufirði. Árið 1950 flutti hann
til Keflavíkur og bjó þar til
dauðadags. Hann stundaði nám í
barnaskóla, gagnfræðaskóla, lög-
regluskóla og tónlistarskóla og
sótti starfsnámskeið og mótor-
námskeið. Starfaði sem vélvirki á
Siglufirði og í Keflavík 1946-1953
og við öryggisgæslu hjá Hamilton
& Beck 1953-1955. Hann var lög-
reglumaður á Keflavíkurflugvelli
frá 1955–1997, varðstjóri og síðar
rannsóknarlögreglumaður. Eftir
það vann hann við sérverkefni í
tvö ár sem ritstjóri afmælisritsins
Framsókn 1937–1997, ásamt öðr-
um. Hann var formaður Iðn-
sveinafélags Keflavíkur 1952, í
umhverfis- og hitaveitunefnd
Keflavíkur og formaður klúbbs-
ins Öruggur akstur í Keflavík um
skeið.
Útför Ingva Brynjars fer fram
frá Keflavíkurkirkju í dag og
hefst athöfnin klukkan 14.
Elsku pabbi, nú er kveðjustundin
komin.
Við erum innilega þakklátar fyrir
að hafa fengið að njóta þín eins og
við þekktum þig best öll þessi ár.
Sem einstaks ljúfmennis með létta
lund, frábæra kímnigáfu og frásagn-
arhæfileika. Þar sem sitjum og
minningarnar streyma að þá kemur
efst í huga okkar vandvirkni þín í
öllu sem þú tókst þér fyrir hendur.
T.d. þegar þú vast lopann, þá var það
eins og vélgert. Þú varst ágætur
hagyrðingur og margar vísurnar
sem þú kastaðir fram og sú síðasta
var kveðin í tilefni 80 ára afmælis
þíns, þar sem þið mamma fögnuðuð
60 ára brúðkaupsafmæli ykkar. Vís-
an er svona.
Löngum var ég svifaseinn,
en sæmilegur nemi.
En dætur sex og drengur einn,
er dágóð framtaksemi.
Þú varst alltaf til staðar ef eitt-
hvað bjátaði á og ákaflega úrræða-
góður. Margar eru minningarnar um
tjaldferðir, bústaðaferðir þar sem
var prjónað, spilað bridge, sagðar
sögur og leikið á létta strengi.
Þakka þér fyrir að vera pabbi okk-
ar og þakka þér fyrir hana mömmu
okkar sem þú elskaðir og áttir í rúm
sextíu ár og nú syrgir þig sárt. Þið
voruð sérlega samhent í öllu sem þið
tókuð ykkur fyrir hendur og er það
eitt og sér okkur frábær arfur.
Elsku pabbi, hvíl þú í friði og Guð
blessi þig.
Eyrún og Erla
Ég sendi þér kæra kveðju,
nú komin er lífsins nótt.
Þig umvefji blessun og bænir,
ég bið að þú sofir rótt.
Þó svíði sorg mitt hjarta
þá sælt er að vita að því
þú laus ert úr veikinda viðjum,
þín veröld er björt á ný.
(Þórunn Sigurðardóttir.)
Elsku hjartans pabbi.
Heimilið ykkar mömmu var alltaf
öllum opið og þið mamma stóðuð
eins og klettar við hliðina á börn-
unum ykkar í gegnum gleði og sorg-
ir. Margar áttum við ánægjustundir
og ósjaldan var spilað bridge hvenær
sem tækifæri gafst og oft fram undir
morgun. Þín frábæra kímnigáfa kom
öllum í gott skap og aldrei heyrðum
við þig segja styggðaryrði um nokk-
urn mann. Elsku pabbi. Sokkarnir
þínir sem þú prjónaðir á okkur öll
eiga eftir að ylja okkur um ókomna
tíð. Við kveðjum þig, elsku pabbi, við
þökkum þér samleiðina í þessu lífi og
hlökkum til endurfundar við þig.
Aðalheiður og Anna.
Hann afi minn var afskaplega
skemmtilegur og yndislegur maður.
Ég var mjög tengd honum enda
bjuggum við mamma hjá ömmu og
afa fyrsta aldursárið mitt og ég svo
aftur síðar. Ég man aldrei til þess að
hann hafi orðið reiður við mig, var
alltaf hress og það var unun að
hlusta á sögur hans af liðinni tíð. Við
sátum oft saman og horfðum á sjón-
varpið og hann var duglegur að út-
skýra fyrir mér hvað fyrir augu bar.
Alltaf fannst mér það jafn skondið
þegar hann átti það til að borða frá
mér snúða sem höfðu verið keyptir
en hurfu þegar afi fór á næturbrölt.
Rúsínan í pylsuendanum var þegar
hann mætti í verslun með seðlavesk-
ið sitt útatað í smjöri þar sem hann
hafði smurt veskið nóttina áður,
haldandi að það væri rúgbrauð. Það
var yndislegt að hlusta á hann spila á
flygilinn og orgelið og það að mig
hefur alltaf langað til að læra á píanó
er án efa afa að þakka. Vonandi að
það verði einhvern tímann að veru-
leika.
Elsku afi minn, það er endalaust
hægt að segja skemmtilegar sögur
af þér og eflaust kunna margir fleiri
sögur en ég en ég vil þakka þér fyrir
allar þær yndislegu stundir sem við
höfum átt saman um ævina. Ég hefði
viljað að þær yrðu miklu fleiri núna
þegar ég er flutt aftur á suðvestur-
hornið og að börnin mín hefðu fengið
tækifæri til að kynnast þér betur.
Mikið var gaman að við náðum að
halda svona vel upp á áttræðisaf-
mælið þitt og 60 ára brúðkaupsaf-
mæli ykkar ömmu. Þú endaðir þetta
svo sannarlega með stæl. Þín verður
sárt saknað og það er skrítið að fá
ekki aftur að heyra þegar maður
kemur í heimsókn „Nei sæl elskan,
ertu komin, gaman að sjá þig!“
Hafðu ekki áhyggjur af ömmu, þú
veist að við fjölskyldan eigum eftir
að sinna henni vel. Hvíl þú friði,
elsku afi minn, þú verður alltaf í
hjarta mínu.
Þín
Berglind.
Það er lán að eiga góða foreldra,
og það er enn meira lán að eiga góða
foreldra og tengdaforeldra. Ég hef
verið svo heppinn að hafa átt hvort-
tveggja. Nú hefur borið svo við að
það hefur verið höggvið skarð í
þennann hóp sómafólks. Ingvi
tengdapabbi er látinn, nýorðinn átt-
ræður. Ég ætla ekki að fara að telja
upp alla hans mannkosti en þeir voru
margir, heldur vil ég þakka Ingva
tengdapabba fyrir samfylgdina í þau
25 ár sem ég hef þekkt hann. Ingvi
Brynjar Jakobsson var góður
tengdapabbi, takk fyrir það. Ég bið
um styrk fyrir okkur öll sem söknum
hans sárt og þá sérstaklega fyrir
Ragnheiði eiginkonu hans.
Hvíl í friði, Ingvi Brynjar Jakobs-
son, þín verður sárt saknað.
Ágúst Karlsson
Ég get ekki fylgt Ingva Brynjari
Jakobssyni, fyrrv. lögreglufulltrúa,
til grafar, þar sem ég á ekki heim-
angengt, en þess í stað ætla ég að
skrifa nokkur orð.
Ég hitti Ingva Brynjar Jakobsson
aðalvarðstjóra fyrst vorið 1972 er ég
hóf störf í ríkislögreglunni á Kefla-
víkurflugvelli en hann var þá að
hefja störf sem lögreglufulltrúi við
rannsóknardeild embættisins.
Ingvi Brynjar var góður penni.
Hann hafði bæði góða rithönd og svo
var hann frábær íslenskumaður. Fá-
ir við embættið höfðu eins gott vald á
enskri tungu og Ingvi Brynjar, því
var ósjaldan leitað í smiðju til hans
þegar skrifa þurfti enskan texta.
Ingvi Brynjar var afburða náms-
maður og góður á bókina, eins og
sagt var, en hann var líka góður
íþróttamaður. Hann keppti í frjáls-
um íþróttum og var einn fremsti
spjótkastari landsins á sínum tíma.
Ingvi Brynjar var drengur góður
og maður sátta og samlyndis. Hann
átti mjög gott með að vinna með fólki
og fyrir fólkið. Þessir eiginleikar
komu að góðum notum í lögreglu-
starfinu.
Ingvi vildi láta rita nafnið Brynjar
með punkti fyrir aftan Br og var
hann því kallaður Ingvi punktur
meðal vina og kunningja.
Þetta eru fátækleg skrif um góðan
dreng sem nú er fallinn frá, en eftir
stendur minningin um skemmtilegar
stundir í leik og starfi.
Við Helga sendum frá Belgíu okk-
ar innilegustu samúðarkveðjur til
Rögnu og fjölskyldu.
Óskar Þórmundsson
yfirlögregluþjónn.
Ingvi Brynjar
Jakobsson
Fleiri minningargreinar
um Ingva Brynjar Jakobsson bíða
birtingar og munu birtast í blaðinu
á næstu dögum.
REYNSLA • UMHYGGJA • TRAUST
Þegar andlát ber að höndum
Önnumst alla þætti útfararinnar
ÚTFARARSTOFA
KIRKJUGARÐANNA
Vesturhlíð 2 • Fossvogi • Sími 551 1266 • www.utfor.is
Minningarkort
535 1825
www.hjarta.is 5351800
✝
Ástkær móðir okkar, tengdamóðir, amma og lang-
amma,
LILJA KRISTINSDÓTTIR,
Skólabraut 5,
Seltjarnarnesi,
andaðist á heimili sínu aðfaranótt fimmtudagsins
19. apríl.
Útförin fer fram frá Grensáskirkju fimmtudaginn
3. maí kl. 15.00.
María Jóna Gunnarsdóttir, Jóhann Bergmann,
Soffía Kristín Sigurðardóttir, Kjartan Tryggvason,
Kristín Elínborg Sigurðardóttir,Kristján Gissurarson,
barnabörn og barnabarnabörn.
✝
Elskulegur faðir okkar, tengdafaðir og afi,
BRAGI SIGURÐSSON
frá Heiðarbrún
í Kelduhverfi,
lést á Heilbrigðisstofnun Þingeyinga sunnudaginn
22. apríl.
Útförin fer fram frá Garðskirkju föstudaginn
27. apríl kl. 16.00.
Þorbjörg Bragadóttir, Jón Sigurðsson,
Hlynur Bragason, Sigurfljóð Sveinbjörnsdóttir,
Helga Þyri Bragadóttir, Þórður Helgason
og barnabörn.
Fallegir legsteinar
á góðu verði
Englasteinar
Helluhrauni 10
Sími 565 2566 - www.englasteinar.is
Sendum
myndalista