Morgunblaðið - 24.04.2007, Qupperneq 18
|þriðjudagur|24. 4. 2007| mbl.is
daglegtlíf
Kristín Arnardóttir virkjar
leikgleði hjá börnum og vekur
þannig áhuga þeirra á bók-
stöfum og ritmáli. » 20
menntun
Ungir og aldnir stíga saman
línudans, krakkarnir eru úr
Hlíðaskjóli en þeir rosknu úr fé-
lagsskapnum Út og suður. » 20
tómstundir
Mér fannst mikill heiðurþegar hringt var í migog mér boðið að takaþátt í samstarfinu í
Kirsuberjatrénu. Ég var fljót að
segja já,“ segir Sigríður Ásta Árna-
dóttir ullarhönnuður sem síðastlið-
inn föstudag gekk formlega til liðs
við hina frómu listaverslun við
Vesturgötu ásamt Sigrúnu Ó. Ein-
arsdóttur, glerlistakonu í Bergvík.
„Margrét Guðnadóttir opnaði þessa
búð fyrir fjórtán árum og með
henni starfa eðalkonur sem gaman
er að vinna með.“
Sigríður Ásta vinnur flíkur sínar
undir nafninu Kitschfríður en fatn-
aðurinn á það sammerkt að vera
unninn upp úr Álafossteppum og
gömlum ullarfatnaði, sem Sigríður
viðar að sér úr ýmsum áttum.
„Þetta eru aðallega gamlar ull-
arpeysur, yfirleitt vélprjónaðar,
sem ég lita, klippi, sauma í og þæfi
þannig að úr verður alveg ný flík.
Úr Álafossteppunum bý ég til pils
og svokallaðar þjóðrembutöskur.
Þær eru enda afskaplega þjóðlegar
því það sést alveg úr hverju þær
eru gerðar. Með þessu er ég að
reyna að hefja gömlu Álafossteppin
aftur til vegs og virðingar því þau
hafa eiginlega fengið að dúsa uppi á
háalofti síðan flísteppabyltingin
varð.“
Vígaleg með múraragrímu
Aðspurð segist hún vera með all-
ar klær úti til að verða sér úti um
hráefni í listsköpun sína. „Ég er
mikill stuðningsaðili Hjálpræð-
ishersbúðarinnar og Rauðakross-
búðanna. Allar gjafir og ábendingar
eru líka vel þegnar – ég hef meira
að segja sníkt teppi í boði í heima-
húsi. Eina skilyrðið er að flíkin eða
teppið sé úr hreinni ull eða nálægt
því.“
Þótt uppruni Álafossteppanna fái
að njóta sín í hönnun Sigríðar litar
hún yfirleitt flest annað sem hún
kemst í tæri við. „Einhvern veginn
snýst allt sem ég geri um liti og
litasamsetningar. Ullin tekur lit
mjög vel og fallega og það er ein af
ástæðum þess að ég er svo gagn-
tekin af henni. Í raun vinn ég með
hana af stakri þvermóðsku því ég
er með vægt ullarofnæmi. Ég get
t.d. ekki gengið í lopapeysu án þess
að fá astmaeinkenni.“
Hún segir ullina þó misjafna
hvað þetta varðar. „T.d. er vel þæfð
ull ekki eins erfið í vitunum á mér
og sumt annað. Þegar ég er mikið
að róta í lopa hef ég stundum ryk-
grímu fyrir andlitinu, svipaða og
múrarar eru með. Þá er ég ægilega
vígaleg á vinnustofunni, með fisk-
vinnslusvuntu og gúmmíhanska að
auki.“
Bleikt með glimmer úr plasti
Ullarævintýrið hófst fyrir alvöru
hjá Sigríði fyrir nokkrum árum
þegar hún var heimavinnandi með
ung börn. „Sköpunarþörfin var al-
veg að drepa mig svo ég tók gamla,
svarta peysu sem ég átti og rasaði
út á henni með því að skreyta hana
hressilega. Um leið og ég var búin
með hana var ég komin með hug-
mynd fyrir þá næstu. Ég sýndi svo
þrjár peysur á sýningu hjá Hand-
verki og hönnun skömmu síðar og
þar með var boltinn tekinn að
rúlla.“ Hún segir gamla hluti höfða
mikið til sín. „Endurvinnsla er mér
hugleikin. Ég hef tilhneigingu til að
sanka að mér gömlum hlutum en er
líka dálítið nýtin í mér og sé lítinn
tilgang í að geyma dótið einhvers
staðar uppi í skáp.“
En hvaðan kemur nafnið Kitsch-
fríður, sem er hönnunarheiti Sigríð-
ar Ástu? „Ég kynntist orðinu kitsch
þegar ég var í listnámi við Mynd-
listar- og handíðaskólann,“ segir
hún en þaðan útskrifaðist hún árið
1999. „Þetta heiti er notað í lista-
sögunni og þá í heldur niðrandi
merkingu. Það er oft notað yfir
hluti sem eru ofskreyttir, t.d. bleik-
ir með glimmeri úr plasti. Nafnið
er vel við hæfi því ég er svo mikil
kráka – gefin fyrir allt sem er lit-
skrúðugt og glitrar á og nota það
óspart í hönnuninni. En þar fyrir
utan er Kitschfríður líka fín frú
sem skrifar pistla í Vikuna um
mannasiði og húsráð.“
Framundan er verslunarrekstur
ásamt Sigrúnu í Bergvík og þeim
konum sem voru í Kirsuberjatrénu
fyrir og full vinna við hönnun og
framleiðslu. Sigríður er að vonum
spennt fyrir tímunum framundan.
„Enn sem komið er geri ég þetta
allt sjálf og ég er ekkert viss um að
ég fari út í að láta einhvern fram-
leiða fyrir mig. Mér finnst svo gam-
an að vera með puttana í hlutunum
frá upphafi til enda.“
Morgunblaðið/Sverrir
Liðsauki Sigrún Ó. Einarsdóttir í Bergvík og Sigríður Ásta Árnadóttir eru nýliðar í Kirsuberjatrénu.
Gler Munir Sigrúnar Ó. Einarsdóttur í Bergvík eru löngu þekktir.
Nýtin og þvermóðskufull
Vægt ullarofnæmi aftrar
ekki Sigríði Ástu Árnadótt-
ur frá því að galdra fram
fjörlegar hönnunarflíkur
úr gömlum ullarklæðum.
Bergþóra Njála Guð-
mundsdóttir tók nýja og
litskrúðuga listakonu í
Kirsuberjatrénu tali.
Sköpunarþörfin var alveg að
drepa mig svo ég tók gamla,
svarta peysu sem ég átti og
rasaði út á henni með því að
skreyta hana hressilega.
Endurnýting Kitshfríður gerir litskrúðug klæði úr gömlum ullarflíkum.
Trefill Litir eru að-
all Kitschfríðar.