Morgunblaðið - 24.04.2007, Blaðsíða 4
4 ÞRIÐJUDAGUR 24. APRÍL 2007 MORGUNBLAÐIÐ
FRÉTTIR
HINN árlegi gangaslagur í Menntaskólanum í Reykja-
vík var í gær en með nokkuð breyttu sniði. Allt gekk vel
fyrir sig og enginn slasaðist í slagnum og sjöttubekk-
ingar náðu að hringja inn í tíma aðeins tveimur mínútum
seinna en venja er. Þeir voru svo hamingjusamir með
hvernig til tókst að þeir tolleruðu Árna Heiðar Guð-
mundsson, þann sem náði að hringja bjöllunni. Ekki
tókst betur til en svo að hann kastaðist upp í loftbita í
tolleringunni og skrámaðist á höfði.
„Já, það má segja að þetta hafi allt gengið mjög vel –
þar til í fagnaðarlátunum,“ sagði Þórarinn Sigurðsson,
inspector scholae, en bætti við að meiðsli Árna væru ekki
alvarleg.
Hann sagði að nauðsynlegt hefði verið að breyta til
enda beinlínis hættulegt að hafa þetta eins og það var.
„Þetta tókst vel núna en hugsanlega setjast menn niður
og búa til nýtt form á þessa hefð enda var gangaslag-
urinn í gamla daga ekkert í líkingu við það sem hann er
núna. Þá voru kannski 90 nemendur í skólanum og allir
gátu verið með,“ sagði Þórarinn.
Takmarkaður fjöldi
Yngvi Pétursson, rektor MR, sagði í samtali við Morg-
unblaðið að gangaslagurinn hefði að þessu sinni verið
með talsvert öðru sniði en áður. „Slagurinn var með öðru
sniði en verið hefur vegna þess hversu mikill háskaleikur
þetta er, skólinn er fjölmennur og húsnæðið þröngt. Það
voru sett þröng skilyrði um hvernig þetta færi fram, tak-
markaður fjöldi nemenda í hvoru liði og þetta gekk ljóm-
andi vel fyrir sig, var alveg til fyrirmyndar hjá krökk-
unum,“ sagði Yngvi.
Löng hefð er fyrir gangaslag í MR og hefur hann
stundum verið kallaður einu skipulögðu hópslagsmálin í
landinu. Að þessu sinni var hann talsvert verndaður þar
sem þátttakan var takmörkuð við 60 nemendur úr
fimmta bekk og 60 nemendur úr sjötta bekk auk þess
sem allir voru í bolum en ekki berir að ofan eins og oft
hefur verið. Aðrir nemendur skólans urðu að halda sig til
hlés og fylgjast með úr fjarlægð.
Sjöttubekkingar hafa embættismanninn inspector
platearum á sínum snærum en sá sér um að hringja inn
og út úr tíma og snýst slagurinn um að neðribekkingar
reyna að koma í veg fyrir að hann geti hringt inn en
bekkjarfélagar hans verja heiður sinn og aðstoða hann
við að sinna embættisstarfi sínu.
Gangaslagur MR stórslysalaus
Morgunblaðið/Sverrir
Eftir Helga Bjarnason
helgi@mbl.is
HÓPUR presta og guðfræðinga
leggur til á prestastefnu sem hefst í
dag að prestum verði heimilt að
annast hjónavígslu samkyn-
hneigðra. Á prestastefnu verða
kynnt endurskoðuð drög að ályktun
kenningarnefnd-
ar þjóðkirkjunn-
ar þar sem gert
er ráð fyrir að
prestum sé heim-
ilað að blessa
sambúð samkyn-
hneigðra, eins og
verið hefur á
undanförnum ár-
um.
Málefni sam-
kynhneigðra hafa
lengi verið á dagskrá þjóðkirkjunn-
ar. Í drögum að ályktun kenning-
arnefndar kemur meðal annars
fram að umræðan hér á landi hafi æ
meir beinst að því hvort staðfest
samvist verði skilgreind sem hjú-
skapur og hjónaband og prestar
verði vígslumenn. Málið hefur verið
til umræðu á síðustu prestastefnum
og kirkjuþingum og víðar innan
kirkjunnar. Í þeim drögum að
ályktun sem kenningarnefnd kynnir
á prestastefnu nú er ekki lagt til að
það skref verði stigið að heimila
prestum að gefa einstaklinga af
sama kyni saman í hjónaband.
Sátt í samfélaginu
Hópur presta og guðfræðinga
sem vill ganga lengra hefur fjallað
um drög kenningarnefndar og legg-
ur tillögur sínar fyrir prestastefnu.
Fjörutíu prestar og guðfræðingar
standa að tillögunum. Hluti þeirra
hefur ekki atkvæðisrétt á þinginu.
Kristinn Jens Sigurþórsson,
sóknarprestur í Saurbæ á Hval-
fjarðarströnd, segir að tillöguflytj-
endur séu sammála mörgu í tillög-
um kenningarnefndar en vilji ganga
lengra. Drög nefndarinnar breyti
litlu sem engu frá þeirri fram-
kvæmd sem verið hefur síðustu tíu
árin, frá því prestum var heimilað
að blessa samvist samkynhneigðra.
Einungis sé verið að styrkja grund-
völl þeirrar framkvæmdar með til-
lögum kenningarnefndar.
„Við viljum að prestar verði op-
inberir vígslumenn samkynhneigðra
sambanda, rétt eins og í hjóna-
bandi,“ segir Kristinn. Hann telur
að sátt sé orðin um það í samfélag-
inu enda fólk farið að nota orðin
hjón og hjónaband um samkyn-
hneigða og sambönd þeirra, rétt
eins og einstaklinga af gagnstæðu
kyni. „Að okkar skilningi er ekkert
guðfræðilega því til fyrirstöðu að
prestum verði heimilað að gefa
samkynhneigð pör saman í hjóna-
band,“ segir Kristinn Jens.
Í greinargerð með tillögu hópsins
kemur fram það álit að hjónaband
samkynhneigðra varpi á engan hátt
skugga á fagnaðarerindi Jesú
Krists og náðarmeðul hans, en aftur
á móti muni útilokun þeirra frá
hjónabandinu draga úr trúverðug-
leika kirkjunnar.
Sammála um sumt
Drög að ályktun kenningarnefnd-
ar eru í sex liðum. Prestahópurinn
lýsir sig sammála fyrstu fjórum lið-
um hennar en þar er meðal annars
viðurkennt að kynhneigð fólks sé
mismunandi og ítrekað að samkyn-
hneigðir séu hluti af kirkju Krists
og lifi undir fagnaðarerindi hans.
Umræddur hópur presta gerir
aftur á móti tillögur til breytinga á
fimmta og sjötta lið ályktunarinnar.
Í þeim hluta tillagnanna í drögum
kenningarnefndar kemur fram
stuðningur við hjónabandið sem
sáttmála karls og konu á forsendum
hins kristna kærleika og að hún
styðji einnig önnur sambúðarform á
sömu forsendum. „Þjóðkirkjan styð-
ur þá einstaklinga af sama kyni sem
vilja búa saman í ást og trú-
mennsku og staðfesta samvist sína
og skuldbindingar. Þjóðkirkjan
heimilar prestum sínum að blessa
sambúð þeirra samkvæmt þar til
ætluðu formi,“ segir þar.
Tillaga 40-menninganna er að
þessar tvær greinar verði felldar út
og í staðinn komi: „Þjóðkirkjan
styður hjónabandið sem sáttmála
tveggja einstaklinga sem gefast
hvor öðrum í trúfesti, ást og virð-
ingu.“
Jafnframt leggja þeir fyrir
prestastefnu tillögu að ályktun þar
sem lagt er til að þjóðkirkjan fari
þess á leit við Alþingi að það sam-
ræmi hjúskaparlög og lög um stað-
festa samvist þannig að vígslu-
mönnum þjóðkirkjunnar og skráðra
trúfélaga verði heimilt að annast
hjónavígslu samkynhneigðra.
Áfram til umræðu
á kirkjuþingi
Fram kemur í greinargerð kenn-
ingarnefndar sem lögð er fyrir
prestastefnu að hvatt er til áfram-
haldandi umræðu innan kirkjunnar,
meðal annars á héraðsfundum og
leikmannastefnu, auk prestastefnu,
og að lokum á kirkjuþingi í haust.
Fjörutíu prestar og guðfræðingar leggja til breytingar á drögum kenningarnefndar
Vilja heimila
hjónavígslu
samkynhneigðra
Kristinn Jens
Sigurþórsson
Í HNOTSKURN
»Kenningarnefnd er ráðgjaf-arnefnd um kenningarleg
málefni, skipuð af biskupi Ís-
lands.
» Í henni sitja biskup Íslandsog vígslubiskuparnir tveir,
fulltrúi tilnefndur af kirkjuþingi,
prófessor í trúfræði og fulltrúi
tilnefndur af prestastefnu.
»Á prestastefnu skal fjalla ummálefni prestastéttarinnar
svo og önnur kirkjuleg málefni.
Prestastefna hefur tillögu- og
umsagnarrétt um mál er varða
kenningu kirkjunnar og helgisiði
og annars heyra undir biskup og
kirkjuþing. Næsta kirkjuþing
verður í haust.
PRESTASTEFNA 2007 hefst með messu í Húsavíkurkirkju í kvöld, þriðju-
dag, þar sem séra Auður Eir Vilhjálmsdóttir prédikar. Prestastefnu lýkur
síðdegis á fimmtudag. 140 til 150 prestar og guðfræðingar sitja þingið.
Á morgun verð-
ur umræða um
álit kenning-
arnefndar um
þjóðkirkjuna og
staðfesta samvist
sem og drög að
formi um blessun
staðfestrar sam-
vistar. Sigurjón
Árni Eyjólfsson,
Steinunn A.
Björnsdóttir og
Kristján Valur
Ingólfsson munu
fjalla um álitið og
blessunarformin,
meðal annars út
frá lúterskri guð-
fræði og í al-
þjóðlegu sam-
hengi, að því er
fram kemur í
fréttatilkynningu
frá Biskupsstofu.
Þá mun Svanur
Kristjánsson pró-
fessor flytja er-
indi um lýðræði,
kristni og kirkju
og Sigurður Páls-
son fjalla um sam-
skipti kirkju og
skóla.
Á fimmtudag
verða lagðar fram
hugmyndir um
breytta tilhögun
hvað varðar ýms-
ar hliðar prestverka. Frummælandi er Halldór Gunnarsson kirkjuráðs-
maður. Þá mun Kristján Björnsson kirkjuráðsmaður fjalla um val á prest-
um og auglýsingu prestsembætta við lok skipunartíma.
Á prestastefnu eiga setu og atkvæðisrétt vígslubiskupar og allir starf-
andi þjóðkirkjuprestar, fastir kennarar guðfræðideildar og guðfræðingar
sem gegna föstum störfum á vegum þjóðkirkjunnar. Aðrir prestar og guð-
fræðingar eiga rétt til fundarsetu með málfrelsi og tillögurétti.
Morgunblaðið/Hafþór Hreiðarsson
Húsavíkurkirkja Prestastefna 2007 verður sett við
messu í Húsavíkurkirkju í kvöld.
Prestastefna sett í dag
YFIR fjörutíu starfsmenn ítalska
verktakafyrirtækisins Impregilo,
sem starfa við aðrennslisgöng
Kárahnjúkavirkjunar á Axarár-
svæðinu og fengu að öllum lík-
indum matareitrun í síðustu viku,
eru búnir að jafna sig og komnir á
ný til vinnu. Matur er sendur frá
vinnubúðaeldhúsum niður í göngin
og er ástæða matareitrunarinnar
jafnvel rakin til þess að illa hafi
verið gengið frá þessum mat-
arsendingum og þær ekki innsigl-
aðar eða lokaðar. Mennirnir hafa
ekki haft aðstöðu í göngunum til að
þvo sér um hendur áður en þeir
skammta sér sjálfir úr matarílát-
unum á pappadiska. Heilbrigðiseft-
irlit Austurlands kannaði málið en
ekki náðist að taka sýni af mat-
vælum til rannsóknar þar sem þeim
hafði verið fleygt. Vatnssýni fóru í
rannsókn. Þess er krafist að Imp-
regilo sjái til þess að frágangur á
mat til manna í gangavinnu sé góð-
ur. Vinnueftirlitið fylgist með fram-
gangi málsins.
Frágangi mat-
væla ábótavant
ORRA Vigfússyni voru í gærkvöld
veitt Goldman-umhverfisverðlaunin
fyrir baráttu sína til verndar villtum
laxi í Atlantshaf-
inu. Orri tók við
verðlaununum
við athöfn í San
Francisco og í
þakkarræðu
sagði hann m.a.
að verðlaunin
væru honum mik-
ill heiður og hann
þægi þau, ekki
aðeins fyrir sína
hönd, heldur allra vina sinna sem
hafa komið að baráttunni við að
forða laxinum frá því að deyja út.
Ofveiði á fiski sjávar væri, eða ætti í
það minnsta að vera, mikið áhyggju-
efni allra, sérstaklega ef notuð væri
nútímatækni við veiðarnar. Fram
kom í ræðu hans að í sumum löndum
þætti ósamræmi í því að fjármála- og
íhaldsmaður berðist fyrir umhverf-
isverndarsjónarmiðum en bað fólk
að hugsa það upp á nýtt. „Viðhorf –
eins og loftslagið – er að breytast.
Umhverfisvernd skiptir máli í allri
pólitískri umræðu. Hægri, vinstri;
við búum öll í sömu veröld.“
Í lokin kom fram í ræðu Orra að
baráttunni væri hvergi nærri lokið
en hann tryði því að í náinni framtíð
kæmist almenn skynsemi að í fisk-
veiðistjórnun.
Orra veitt
Goldman-
verðlaunin
Orri Vigfússon