Morgunblaðið - 16.05.2007, Side 2

2 MIÐVIKUDAGUR 16. MAÍ 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann Björnsson, fréttastjóri, bjb@mbl.is
Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar minning@mbl.is, Stefán Ólafsson, Arnór Ragn-
arsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Gunnar Pál Baldvinsson
gunnarpall@mbl.is
MÁLFLUTNINGI lauk í gær fyrir
sérstakri matsnefnd um verðmæti
vatnsréttinda til Kárahnjúkavirkjun-
ar. Himinn og haf skilja að kröfur
vatnsréttarhafa og Landsvirkjunar.
Telja lögmenn vatnsréttarhafa að
nefndin hafi í raun þegar gefið í skyn
að ekki verði byggt á kröfu Lands-
virkjunar.
Undir venjulegum kringumstæð-
um hefði matsnefnd eignarnámsbóta
skorið úr en á síðasta ári sömdu aðilar
um að sérstök nefnd sæi um matið.
Gert er ráð fyrir að nefndin skili af
sér í sumar en vatnsréttarhafar eða
Landsvirkjun geta síðan skotið mál-
inu til dómstóla. Vatnsréttarhafar
telja að um allt að 72 milljarða króna
verðmæti sé að ræða en Landsvirkj-
un metur þau á 150 til 375 milljónir.
Telur ekki hægt að fallast á
kröfur Landsvirkjunar
Hilmar Gunnlaugsson, einn lög-
manna vatnsréttarhafa, sagði í mál-
flutningi fyrir nefndinni að yrði mat
Landsvirkjunnar ofan á þá væru öll
virkjanleg fallréttindi vatns á Íslandi
ekki nema eins og hálfs milljarðs
króna virði. Hann benti einnig á að
heildarverðmæti veiðiréttinda á
þorski væru samkvæmt lauslegum
útreikningum um 420 milljarðar.
Miðað við kröfu vatnsréttarhafa væri
heildarvirði alls virkjanlegs vatnsafls
á Íslandi mjög svipuð tala. Heildar-
tekjur sem veiðar á þorski skila á ári
væru hins vegar um 24 milljarðar en
heildartekjur alls vatns miðað við
meðalverð Landsvirkjunar væru um
50 milljarðar á ári.
Gjörólíkar forsendur liggja að baki
mati þeirra vatnsréttarhafa sem
kröfu gera í málinu og Landsvirkj-
unar. Raunar segir Hilmar að mats-
nefndin geti vart fallist á kröfu
Landsvirkjunar þar sem þær for-
sendur sem þar eru lagðar til grund-
vallar liggi ekki allar á borðinu og
bendir þar á söluverð raforkunnar frá
Kárahnjúkavirkjun sem haldið hefur
verið leyndu. „Nefndin hafði sjálf
bent Landsvirkjun réttilega á þetta
og beðið um aðgang að þeim gögnum.
Hún fékk því að sjá gögnin en vatns-
réttarhafar ekki.“ Vatnsréttarhafar
gerðu athugasemd við þetta vinnulag
enda lægi fyrir að upplýsingar, sem
byggt væri á við matið, þyrftu að vera
báðum aðilum aðgengilegar. „Mestu
skiptir að nefndin sagði að hún myndi
ekki byggja á þeim upplýsingum sem
vatnsréttarhafar hefðu ekki fengið
aðgang að. Þetta þýðir bara að ekki
verður byggt á upplýsingum um raf-
orkuverðið. Mín skoðun er að að-
ferðafræði Landsvirkjunar [við verð-
mætamatið] gangi ekki vegna þessa.“
Ósammála um mikilvægi raf-
orkuverðsins
Hilmar segir að muni nefndin fall-
ast á mat Landsvirkjunar muni það
geta hafa verulegar afleiðingar fyrir
þann frjálsa raforkumarkað sem til sé
orðinn á Íslandi. „Ef niðurstaðan
verður sú að lagt verður til grundvall-
ar mat sem er miklum mun lægra en
hjá þeim aðilum sem ekki hafa eign-
arnámsheimildir eins og Landsvirkj-
un þá er ljóst að verulega er verið að
brjóta á slíkum aðilum. Samkeppnis-
staða væri verulega skekkt ef einu
fyrirtæki væri afhent hráefnið,
þ.e.a.s. vatnsréttindin, á undirverði.“
Þórður Bogason, lögmaður Lands-
virkjunar, segist ekki telja nauðsyn-
legt að raforkuverðið liggi fyrir til að
nefndin geti fallist á sjónarmið fyr-
irtækisins. „Í málinu var lögð fram
svokölluð eigendaskýrsla Lands-
virkjunar og arðsemismat um virkj-
unina. Í þessum gögnum koma fram
forsendur sem byggja má á við mat
vatnsréttindanna jafnvel þótt raf-
orkuverðið sé þar ekki. Þessi gögn
voru gerð löngu áður en þetta mál
kemur fram og engin ástæða til að
draga þau í efa.“ Við matið þurfi að
líta til fjölda forsendna og raforku-
verðið sé aðeins einn þáttur af mörg-
um.
Þórður bendir á að aðilar hafi kom-
ið sér saman um að nefndin úrskurð-
aði í málinu þar sem það ætti sér eng-
in fordæmi vegna þess hve virkjunin
væri stór og einungis einn kaupandi
sem samið hefði um raforkukaup til
langs tíma. „Landsvirkjun er ekki
sammála þeim sjónarmiðum og dæm-
um sem landeigendur hafa lagt til
grundvallar í sínu mati. Menn munu
síðan að sjálfsögðu horfa á mat nefnd-
arinnar þegar það kemur og skoða
það vandlega.“
Málflutningi fyrir sérstakri matsnefnd um verðmæti vatnsréttinda lauk í gær
Greinir á um
allar grunn-
forsendur
Morgunblaðið/RAX
Ósammála Vatnsréttarhafar og Landsvirkjun eru afar ósammála um
hvers virði vatnsréttindin vegna Kárahnjúkavirkjunar eru.
HARÐUR árekstur varð seint í
gærkvöldi þegar tveir bílar skullu
saman í miðbæ Reykjavíkur. Sex
manns slösuðust og var farið með
fólkið á slysadeild Landspítala – há-
skólasjúkrahúss í Fossvogi.
Samkvæmt upplýsingum frá lög-
reglu er ekki vitað um tildrög slyss-
ins en það varð við Kalkofnsveg í
Reykjavík klukkan ellefu í gær-
kvöldi. Segir lögreglan að ökumenn
beggja bílanna hafi slasast auk
fjögurra farþega en ekki lá fyrir
hvort fleiri hefðu verið í bílunum.
Er talið að bílarnir séu mikið
skemmdir eftir áreksturinn. Þegar
Morgunblaðið fór í prentun var ver-
ið að skoða fólkið á slysadeild og
því ekki ljóst hve alvarleg meiðsli
þess eru.
Harður árekstur
við Kalkofnsveg
Eftir Þór Gíslason
thorgisla@bifrost.is
„ÞAÐ ER í raun sérstakt rannsókn-
arefni hvernig fyrri meirihluta tókst
í einu mesta góðæri Íslandssögunnar
að hækka skatta og skuldir, reka Að-
alsjóð Reykjavíkurborgar með halla
[…] og fæla fólk yfir í önnur sveit-
arfélög…“ sagði borgarstjórinn í
Reykjavík, Vilhjálmur Þ. Vilhjálms-
son, er hann kynnti ársreikning
Reykjavíkurborgar fyrir árið 2006.
Vilhjálmur sagði einnig að rekstr-
arniðurstaða ársreikningsins væri
óviðunandi en að nýr meirihluti hefði
þegar hafist handa við leit að hag-
ræðingarmöguleikum og hafið mikla
sókn í lóða-, skipulags- og umhverf-
ismálum.
Skatttekjur 40,5 milljarðar
Rekstur borgarinnar skiptist ann-
arsvegar í A-hluta, sem er að hluta
eða öllu leyti fjármagnaður með
skatttekjum. Til B-hluta teljast fyr-
irtæki sem eru að hálfu eða að meiri-
hluta í eigu Reykjavíkurborgar og
fjárhagslega sjálfstæð.
Helstu tölur úr ársreikningnum
fyrir A-hluta eru að rekstrartekjur
námu 50,2 milljörðum en þar af voru
skatttekjur 40,5 milljarðar.
Lífeyrisskuldbinding hækkaði um
7,1 milljarð sem kemur til af van-
áætlun áhrifa kjarasamninga sem
nemur 5,5 milljörðum króna.
Helstu tölur fyrir aðalsjóð eru þær
að rekstrarniðurstaðan er neikvæð
um 2,4 milljarða sem eru 4,9% af
tekjum og að rekstur málaflokka fór
5,1 milljarð fram úr áætlun.
Langtímaskuldir Aðalsjóðs
minnkuðu um 13,5 milljarða og eru
nú engar sem skýrist af flutningi á
lánum A-hluta yfir í Eignasjóð. Þá
minnkuðu langtímaskuldir um 1,4
milljarða.
Heildareignir 266,9 milljarðar
Rekstrarniðurstaða A og B-hluta
var 4,3 milljarðar í mínus en heildar-
eignir námu 266,9 milljörðum.
Í máli borgarstjóra kom fram að
333 milljónir hefðu verið gjaldfærðar
vegna undirbúnings við Tónlistar- og
ráðstefnuhús. Velferðarsvið skilar
jákvæðustu rekstrarniðurstöðu eða
264 milljónum undir áætlun. Þá er
skipulags- og byggingasvið 63 millj-
ónir undir áætlun.
Athyglisverður áfellisdómur
Endurskoðendur ársreikninga
borgarinnar, Grant Thornton, segja
viðvarandi halla á rekstri A-hluta
borgarinnar óviðunandi þegar litið
er til þess hagstæða efnahags-
ástands sem verið hefur.
Borgarstjóri segir þetta athyglis-
verðan áfellisdóm sem komi sér þó
ekki á óvart, enda margsinnis bent á
veikburða fjármálastjórn R-listans.
Í yfirlýsingu frá Degi B. Eggerts-
syni, oddvita Samfylkingarinnar í
borgarstjórn, segir að hreinar skuld-
ir borgarsjóðs, eftir 12 ára tímabil R-
listans, hafi staðið á núlli og frávik
frá fjárhagsáætlunum hafi verið inn-
an við 1%. Hvort tveggja beri
traustri og ábyrgri fjármálastjórn
R-listans vitni. Frávikið sem nú koll-
varpar niðurstöðunni kemur til af
kjarasamningum við láglaunafólk
sem allir flokkar studdu.
Sætta sig ekki við
viðvarandi halla
Lífeyrisskuldbindingar borgarinnar hækka um 7,1 milljarð
Í HNOTSKURN
» Áhrif kjarasamninga á líf-eyrisskuldbindingar nema
um 5,5 milljörðum króna um-
fram áætlanir og hækkuðu um
7,1 milljarð króna.
» Skatttekjur eru 2,1 millj-arði hærri en áætlanir
gerðu ráð fyrir. Skýrist það
helst af hærri útsvarsstofni og
meiri íbúafjölgun en áætlanir
gerðu ráð fyrir.
» Viðvarandi halli á rekstriborgarinnar frá 2002 óvið-
unandi að mati endurskoð-
enda, þegar litið er til hag-
stæðs efnahagsástands.
Vilhjálmur Þ.
Vilhjálmsson
Dagur B.
Eggertsson
FORMENN
stjórnarflokk-
anna, þeir Geir
H. Haarde for-
sætisráðherra og
Jón Sigurðsson
iðnaðar- og við-
skiptaráðherra
héldu áfram und-
irbúningi að
frekari viðræðum
um stjórnarsamstarf í gær með
samráði við samráðherra, þing-
menn og aðra trúnaðarmenn flokk-
anna.
Samkvæmt upplýsingum Morg-
unblaðsins má gera ráð fyrir að við-
ræður formanna flokkanna komist
á nýtt stig í dag.
Á sama tíma hafa þingmenn
Sjálfstæðisflokksins og aðrir trún-
aðarmenn orðið varir við mikinn
þrýsting frá þingmönnum Samfylk-
ingarinnar, sem leggja mikla
áherzlu á, að þessir tveir flokkar
taki höndum saman í ríkisstjórn.
Innan Vinstri grænna hefur einn-
ig komið fram áhugi á samstarfi við
Sjálfstæðisflokkinn.
Framsóknarmenn hafa rætt það
grundvallaratriði síðustu sólar-
hringa, hvort þeir vilji sækjast eftir
aðild að ríkisstjórn í ljósi kosn-
ingaúrslitanna. Telja má víst, sam-
kvæmt upplýsingum Morgunblaðs-
ins, að þeir hafi tekið ákvörðun um
að halda áfram stjórnarsamstarfi
við Sjálfstæðisflokk náist samkomu-
lag um það milli stjórnarflokkanna.
Viðræður
halda
áfram
Geir H. Haarde
Hafa samráð við
trúnaðarmenn