Morgunblaðið - 04.06.2007, Blaðsíða 20

Eftir Jóhönnu Ingvarsdóttur
join@mbl.is
Þ
essi vinna hefur fyrst og
fremst skilað okkur
frábæru skólastarfi og
ekki síður ánægðum
nemendum. Þeir eru
afskaplega glaðir með þetta fyrir-
komulag enda kom hugmyndin frá
nemendunum sjálfum í kennara-
verkfallinu fyrir þremur árum. Þá
stefndi í að aðeins vika liði á milli
samræmdra prófa og vorprófa og
fóru nemendurnir hér einfaldlega
fram á að fá að sleppa vorprófun-
um og vinna skemmtileg vísindaleg
rannsóknaverkefni í staðinn,“ segir
Auður Stefánsdóttir, skólastjóri í
Laugalækjarskóla í Reykjavík.
Skólastjóranum fannst þetta af-
leit hugmynd í fyrstu, sagði nei í
huganum, en lofaði þó að hugsa
málið í botn. „Og þegar ég svo
settist niður með samstarfsfólkinu
og við fórum að velta vöngum
komumst við fljótt að þeirri niður-
stöðu að þetta væri ekki svo vit-
laus hugmynd hjá krökkunum. Það
var því ákveðið að fella niður vor-
próf í 10. bekkjum fyrir þremur
árum og taka í staðinn upp þriggja
vikna rannsóknaverkefni strax að
loknum samræmdu prófunum sem
gilda 25% af lokaeinkunn nem-
enda. Krakkarnir halda kynningu
á verkefnum sínum í dag fyrir
gesti og gangandi og verða þau þá
jafnframt metin af verkum sínum,“
segir Auður og bætir við að mörg
skemmtileg verkefni hafi verið að
fæðast undanfarna daga. „Einn
hópurinn er t.d. að velta fyrir sér
tækninni að baki pýramídunum í
Egyptalandi, annar hópur hefur
verið að störfum í Bláa lóninu og
þriðji hópurinn hefur steypt upp
heila vatnsstíflu og búið til lands-
lag, sem fer svo á kaf í vatn. Það
er svo verið að gera stuttmynd um
atburðarásina og hvaða þýðingu
þetta hefur á lífríkið,“ segir Auður
þegar hún nefnir nokkur dæmi úr
verkefnavinnunni.
Maðurinn í náttúrunni
Engin bein kennsla fer fram
þessar vikur, en nemendur verða
að tilkynna sig inn í skólann kl.
8.10 á morgnana og aftur seinni
partinn, en þess á milli er þeim
frjálst að vinna hvar sem er. Verk-
efnin þurfa að tengjast inn í sex
námsgreinar með viðunandi hætti:
íslensku, ensku, dönsku, stærð-
fræði, náttúrufræði og samfélags-
fræði, sem eru samræmdupróf-
sgreinarnar. Sex manna kennara-
teymi sér um allt utanumhald auk
þess sem nemendur fá aðstoð frá
sérgreinakennurum ef svo ber
undir. Um sextíu unglingar eru í
10. bekk Laugalækjarskóla og er
algengt að þrjú ungmenni vinni
saman í hóp. Fyrsta árið var
frjálst vinnuþema, í fyrra var þem-
að „vatn“ en að þessu sinni er unn-
ið með „manninn í náttúrunni“.
Fleiri skólar að
feta þessa slóð
Að sögn Auðar er það nokkuð
öruggt að skólinn muni halda sig
áfram við próflaus vor í 10. bekkj-
um þar sem mikil ánægja ríkir
með núverandi fyrirkomulag enda
hafi hún fregnað að fleiri skólar
væru að feta í fótspor Laugalækj-
arskóla með því að fella niður vor-
próf í árganginum. „Þetta er mjög
metnaðarfullt og sérstakt verkefni,
sem gerir starf þessa skóla mjög
frábrugðið öðrum unglingaskól-
um,“ segir Auður og bætir við að
þrjú verkefni frá síðasta vori hafi
unnið þrjú fyrstu sætin í stutt-
myndasamkeppni grunnskólanna í
flokki heimildamynda nú á dög-
unum.
Morgunblaðið/G. Rúnar
Stíflugerðarmenn Auðunn Eyvindsson, Óttar Kjartansson og Atli Sæmundsson bjuggu til stíflu og landslag sem fór á kaf í vatn.
Loftlagsáhrifin Ólafur Tumi Sigurðsson og Daði Ómarsson rannsökuðu gróðurhúsaáhrif.
Kennarateymi Margrét Sólmundsdóttir, Ingibjörg Sigtryggsdóttir, Anna
Valdimarsdóttir og Fríða Haraldsdóttir halda utan um verkefni krakkanna.
Unglingarnir
vildu rann-
sóknir í stað
vorprófa
|mánudagur|4. 6. 2007| mbl.is
daglegtlíf
Þýska kvikmyndin Líf annarra
er snilldarverk í annars mis-
jöfnum flaumi kvikmyndahús-
anna að mati Víkverja. »23
víkverji
Rómeó er hreinræktaður síð-
hærður chihuahua og mikil
kelirófa að sögn eigandans
Heiðar Ýrar Jónsdóttur. »22
gæludýr