Morgunblaðið - 15.06.2007, Blaðsíða 8

8 FÖSTUDAGUR 15. JÚNÍ 2007 MORGUNBLAÐIÐ
FRÉTTIR
YFIRSKRIFT kvennahlaupsins í ár
er „Hreyfing er hjartans mál“ í til-
efni samstarfs ÍSÍ við Hjartavernd.
Kvennahlaupið fer fram á morgun,
16. júní, og verða fjölmennustu
hlaupin í Garðabæ kl. 14, í Mos-
fellsbæ, á Akureyri og Ísafirði kl.
11, og einnig verður hlaupið t.d. í
Flatey og Hrísey. Íslenskar konur
hlaupa líka í Namibíu, Lúxemborg,
Ísrael, Ítalíu, Kanada, Bandaríkj-
unum og Búlgaríu.
Markmið samstarfsins er að
vekja athygli á starfi Hjartavernd-
ar og beina kastljósinu að konum
og kransæðasjúkdómum, einkenn-
um og áhættu. Kvennahlaup ÍSÍ er
einn útbreiddasti og fjölmennasti
íþróttaviðburður sem haldinn er á
Íslandi ár hvert. Um 18.000 konur
taka þátt árlega og geta þær valið
úr 90 hlaupastöðum um allt land
og einnig verður hlaupið á um 18
stöðum erlendis.
Leikur er í gangi á sjova.is þar
sem konur geta sent inn mynd-
skeið eða myndir af undirbúningi
fyrir kvennahlaupið og um leið átt
von á að vinna dekurdag í Baðhús-
inu.
Sjá nánari upplýsingar um alla
hlaupastaði og leiðir á sjova.is.
Gert klárt Konur í Gerðubergi sem tóku forskot á sæluna og hlupu í blíð-
viðrinu í vikunni. Um 18 þúsund konur taka árlega þátt í kvennahlaupinu.
Hreyfing er hjartans mál
BÓKAMARKAÐUR til stuðnings
starfi Hróksins meðal barna á
Grænlandi verður haldinn á útitafl-
inu við Lækjargötu í dag, föstudag-
inn 15. júní. Þar verða bækur á öll-
um aldri á góðu verði í þágu góðs
málstaðar og að sjálfsögðu verða
útitaflmennirnir teknir fram af
þessu tilefni, segir í fréttatilkynn-
ingu.
Á bókamarkaðinum, sem hefst
um kl. 11 á föstudagsmorgun, kenn-
ir margra grasa. Skáldskapur,
fræðirit, barnabækur, ævisögur,
spennubókmenntir, skákbækur og
tímarit, á afar góðu verði, nánast
hlægilegu. Allur ágóði af bóka-
markaðinum rennur til starfs
Hróksins og félaga meðal barna á
Grænlandi. Hrókurinn hefur und-
anfarin 5 ár unnið ötullega að upp-
byggingu skáklífs, einkum meðal
barna, og auknum samskiptum ná-
grannalandanna á sem flestum svið-
um. Vinir og velunnarar Hróksins
eru hvattir til að líta við á útitaflinu.
Morgunblaðið/Halldór Kolbeins
Útitaflið Dansinn dunar á útitafl-
inu á menningarnótt, í dag verður
þar bókamarkaður.
Bókamark-
aður á útitafli
STÚDENTARÁÐ Háskóla Íslands fagnar niðurstöðum
skýrslu Ríkisendurskoðunar um kostnað, skilvirkni og
gæði háskólakennslu. Í ályktun Stúdentaráðs segir að þar
sé ýmislegt staðfest sem Stúdentaráð Háskóla Íslands hafi
bent á síðustu ár. Í ályktun SHÍ segir m.a:
– Stúdentaráð Háskóla Íslands fagnar hversu vel Há-
skóli Íslands kemur út úr skýrslunni – kemur ekki á óvart.
– Samkeppnisstaða skólanna er skökk, enda fá einka-
reknu háskólarnir jafnmikið fé og þeir opinberu frá
ríkinu – einsdæmi.
– Jafnrétti til náms verði ekki skert með hertari inntökuskilyrðum eða inn-
tökuprófum.
– Ríkisstjórnin taki skýra afstöðu gegn upptöku skólagjalda í opinberum
háskólum og styðji við bakið á Háskóla Íslands svo hann komist í hóp bestu
háskóla í heimi.
Stúdentaráð HÍ fagnar
HÖFUÐBORGARSTOFA hlaut sér-
staka viðurkenningu á ársþingi
samtakanna European City Mark-
eting í Aþenu í vikunni fyrir gott
markaðsstarf og kynningu á
Reykjavík. Þetta er í fyrsta sinn
sem verðlaunin eru veitt af þessum
samtökum sem samanstanda af 130
borgum í Evrópu.
Tvenns konar verðlaun voru
veitt, annars vegar fyrir borg sem
áfangastað, og hlaut York á Eng-
landi þau verðlaun, og hins vegar
fyrir ferðamálastofu Evrópuborg-
ar. Reykjavík var tilnefnd sem ein
af fimm ferðamálastofum borga og
hlaut Gautaborg verðlaunin.
Viðurkenning
FRAMKVÆMDASTJÓRN Sjálfs-
bjargar lsf. hefur sent áskorun til
þingflokksformanna stjórnmála-
flokka á Alþingi þar sem skorað er á
Alþingi „að nota tækifærið við þær
breytingar sem er verið að gera á al-
mannatryggingalögunum og leið-
rétta það óréttlæti sem felst í því
þegar aldurstengd örorkuuppbót
fellur niður við 67 ára aldur og ör-
yrki flyst af örorkulífeyri yfir á elli-
lífeyri. Við það eitt að verða 67 ára
og fara af örorkulífeyri yfir á ellilíf-
eyri geta bætur öryrkjans lækkað
um allt að 24.831 kr. á mánuði.“
Vilja leiðréttingar
STJÓRN Orkuveitu Reykjavíkur
hefur kosið sérstaka stjórn yfir þau
útivistarsvæði sem fyrirtækið á eða
hefur umsjón með. Á meðal þessara
svæða er Elliðaárdalurinn, stór
hluti Heiðmerkur, útivistarsvæði
við Hengilinn og í Grafningi auk
umhverfis Deildartunguhvers í
Borgarfirði. Formaður stjórnar úti-
vistarsvæðanna var kjörinn Kjart-
an Magnússon borgarfulltrúi.
Útivistarsvæði
FÓLK sem borðar fisk á auðveldara
með að léttast, er lengur mett og
hefur minni blóðfitu en fólk sem
leggur sér ekki sjávarfang til munns.
Þetta er meðal þess sem kom fram í
meistaraverkefnum þriggja næring-
arfræðinga í vor.
Rannsóknir þeirra Elvu Gísladótt-
ur, Berthu Maríu Ársælsdóttur og
Atla Arnarsonar voru hluti af sam-
evrópsku verkefni sem miðar að því
að auka þekkingu á næringar-
fræðilegum áhrifum sjávarafurða.
Þátttakendur í rannsókninni voru
hátt á þriðja hundraðið á aldrinum
milli tvítugs og fertugs og voru allir
of þungir. Í átta vikur var þeim skipt
í fjóra hópa og voru allir settir á
sama mataræðið að fiskmetinu und-
anskildu. Einn hópurinn fékk engan
fisk og hylki með lyfleysu, annar
fékk þorsk að borða þrisvar í viku,
þriðji lax og fjórði hópurinn fékk
hylki með fiskolíu.
Fiskætur léttast hraðar
Viðmiðunarhópurinn sem fékk lyf-
leysuna léttist að meðaltali um 4,4
kíló á þessum átta vikum, þeir sem
fengu þorsk eða fiskolíu léttust um
5,4 kíló og þeir sem borðuðu lax létt-
ust örlítið meira, eða um 5,5 kíló.
Hópurinn sem neytti fiskafurða létt-
ist því að jafnaði um eitt kíló umfram
þá sem gerðu það ekki. Niður-
stöðurnar voru sérstaklega áhuga-
verðar fyrir karlmenn en þeir sem
fengu laxinn léttust um sjö kíló en fé-
lagar þeirra sem fengu engan fisk
misstu aðeins rúm fimm kíló. „Þeir
sem fengu magran fisk léttust líka,
ekki bara þeir sem fengu feita fisk-
inn. Það eru því ekki bara omega-3-
fitusýrurnar sem hafa áhrif,“ segir
Elva.
Atli Arnarson skoðaði áhrif fisk-
neyslu á matarlyst og komst að því
að fiskfita, í hylkjum eða úr laxi,
gerði fólk saddara en annað fæði.
Feitur fiskur hentar því vel þeim
sem vilja minnka við sig í mat. Mag-
ur fiskur eins og þorskur hafði ekki
sömu áhrif á matarlyst.
Bertha María Ársælsdóttir komst
að því að neysla á fiski og lýsi hafði
þau áhrif að heildarblóðfita þátttak-
enda minnkaði. Ennfremur kom í
ljós að omega-3-fitusýrur vernda
hagstæða blóðfitu. Of hátt hlutfall
blóðfitu hefur verið tengt hjarta-
sjúkdómum, meðal annars er það
talið þrefalda áhættuna á krans-
æðastíflu.
Landsmenn að fitna og
borða minni fisk
SEAFOODplus YOUNG-
verkefnið er samstarfsverkefni fimm
þjóða, Íslands, Spánar, Írlands,
Portúgals og Spánar. Markmið þess
er að kanna næringarfræðilega eig-
inleika sjávarafurða og hvernig þeir
nýtast til heilsueflingar og forvarna
hjá ungum evrópskum fjölskyldum.
Þessi angi verkefnisins beinist
sérstaklega að þyngdarstjórnun, en
nú eru um 1,6 milljarðar jarðarbúa
yfir kjörþyngd. Búist er við að þessi
tala hækki hratt á næstu árum og að
sama skapi fjölgi þeim sem kljást við
hjarta- og æðasjúkdóma, sykursýki
II og aðra fylgikvilla offitu.
Rétt tæpur helmingur Íslendinga
er of feitur og þetta hlutfall er á stöð-
ugri uppleið. Síðustu ár hefur fisk-
neysla ungra Íslendinga dregist
verulega saman, sérstaklega meðal
ungra karlmanna og íbúa höfuð-
borgarsvæðisins.
Fiskolía er mettandi og lækkar blóðfitu
Karlar léttast hraðar
ef þeir borða lax
Morgunblaðið/ÞÖK
Hollur fiskur Elva Gísladóttir og Atli Arnarson hafa komist að því að fisk-
meti hjálpar fólki að léttast. Á myndina vantar Berthu Maríu Ársælsdóttur.
Fiskur lækkar
óæskilega blóðfitu
en verndar hina
hagstæðu
Í HNOTSKURN
»Auk hjartasjúkdóma ogsykursýki II hefur offita
verið tengd vissum tegundum
krabbameins, sérstaklega
brjósta- og ristilkrabbameini,
og alls kyns álagssjúkdómum
á borð við brjósklos.
»Fyrri rannsóknir hafa sýntað neysla fisks og lýsis get-
ur haft góð áhrif í baráttunni
við marga ólíka sjúkdóma, til
dæmis fæðingarþunglyndi,
hjarta- og æðasjúkdóma og
gigt.
ÍS
L
E
N
S
K
A
/S
IA
.I
S
/U
T
I
38
10
0
06
/0
7
High Peak Redwood
Þolmörk: -3C°
Þyngd: 1,9 kg
Svefnpokar
- mikið úrval
Tilboðsverð:
5.990 kr.