Morgunblaðið - 28.06.2007, Blaðsíða 15

MORGUNBLAÐIÐ FIMMTUDAGUR 28. JÚNÍ 2007 15
ERLENT
HATSHEPSUT faraó var meðal
merkustu leiðtoga Egyptalands.
Hún ríkti á 15. öld f. Kr. og er talin
hafa hrifsað völdin af stjúpsyni sín-
um, Thutmosis III. Hún gekk í karl-
mannsfötum og bar gerviskegg og
var líklegasta valdamesta kona
Egyptalands fyrr og síðar.
Gröf hennar fannst fyrst árið
1903 en vakti ekki mikla athygli,
enda ómerkt og hafði verið rænd
mörgum öldum áður. Talið er að
stjúpsonur hennar hafi látið eyða
ummerkjum um hana að henni
genginni, í hefndarskyni fyrir
valdaránið. Grunsemdir vöknuðu
um hið sanna eðli múmíunnar því að
hendur hennar voru í stöðu sem
hæfði faraó og á brjósti hennar lá
viðarhulstur, hugsanlega ætlað
gerviskeggi. Að auki vantaði í múm-
íuna tönn, en varðveitt er tönn sem
er sögð vera úr munni Hatshepsut.
Tönnin passar í gatið.
Til stendur að staðfesta ætterni
múmíunnar með DNA-rannsóknum.
Hatshepsut faraó
Egyptalands fundin
Reuters
Til sýnis Hatshepsut ríkti í 21 ár og er sögð hafa verið valdameiri en
starfssystur hennar Nefertiti og Kleópatra voru nokkurn tímann.
YFIRVÖLD í Kína skýrðu frá því í
gær að 180 verksmiðjum sem fram-
leiða matvæli af ýmsu tagi hefði
verið lokað að undanförnu vegna
fjölmargra brota á öryggisreglum.
Herferðin hófst í desember og hef-
ur að sögn bandaríska The New
York Times komið í ljós að margir
litlir framleiðendur hafa notað
varasöm efni, litunarefni og önnur
bönnuð efni við framleiðslu á m.a.
sælgæti, niðursoðnum fiski og öðr-
um matvörum.
Fyrr á árinu þurfti að innkalla í
Bandaríkjunum geysilegt magn af
gæludýrafóðri, en notað hafði verið
mengað, kínverskt prótín í fóðrið.
Einnig hafa menguð efni frá Kína
fundist í fiski og kjöti. Sams konar
vandamál vegna vara frá Kína hafa
komið upp í Evrópu og nokkrum
Asíulöndum.
Loka um 180
verksmiðjum
SKÝRSLA Sameinuðu þjóðanna
segir að helmingur jarðarbúa muni
búa í borgum árið 2008, þar af flest-
ir í þróunarlöndunum. Skýrslan
segir að borgarbúum í Afríku og
Asíu fjölgi nú um milljón á viku.
Úr sveit í borg
NORÐUR-Kóreumenn skutu í gær
á loft langdrægum eldflaugum í til-
raunaskyni. Tilraunin brýtur gegn
samþykkt öryggisráðs Sameinuðu
þjóðanna er bannar N-Kóreu-
mönnum allar slíkar tilraunir.
Tilraunaskot
MUNKAR hafa dvalið fyrir utan
þinghúsið í Bangkok dögum saman
ásamt trúbræðrum sínum og hafa
þeir ekki bragðað mat. Vilja þeir
með þessum aðgerðum hvetja
stjórnvöld til þess að útnefna
Búddatrú ríkistrú Taílands í nýrri
stjórnarskrá landsins, en Taíland
hefur starfað eftir bráðabirgða-
stjórnarskrá frá valdaráninu 2006.
AP
Íhugun Soltið fyrir sannfæringuna.
Hungurverk-
fall munka
AMNESTY International hefur
biðlað til íranskra stjórnvalda um
að þau stöðvi aftökur á börnum en
71 barn bíður nú aftöku. Frá 1990
hafa 11 börn verið tekin af lífi og 13
höfð í haldi þar til þau urðu 18 ára.
Aftökur á börnum
BANDARÍKIN og Evrópusam-
bandið hafa náð samkomulagi til
bráðabirgða um persónulegar upp-
lýsingar sem yfirvöld vestra vilja fá
fyrirfram um flugfarþega er koma
til landsins.
Reuters
Fá gögn