Morgunblaðið - 28.06.2007, Blaðsíða 42

Ég hef meira að segja
sjálfur gengið framhjá
keppendum án þess að
þekkja þá. Og þá eru gervin
orðin góð… 47
»
reykjavíkreykjavík
Eftir Sverri Norland
sverrirn@mbl.is
SLEFBERAR og aðrir smjatt-
pattar kjamsa þessa dagana á sög-
um af meintum samskiptum Bjarkar
og Britneyjar Spears. Björk á að
hafa sent stöllu sinni kærleiks-
þrungið bréf þar sem hún miðlar
góðum ráðum varðandi móðurhlut-
verkið og býður Britneyju jafnframt
að dvelja á heimili sínu á Íslandi,
enda þarfnist stúlkan skjóls og
hvíldar. Þá staðhæfir breska slúð-
urblaðið The Daily Star að Björk
hafi jafnvel gengið svo langt að
senda Britneyju dagbókarbrot frá
þeim tíma er hún bjó í Lundúnum og
lenti í svipuðum erfiðleikum.
Vafalaust reka flestir upp stór
augu við þessi tíðindi. Hvað kemur
eiginlega til? Hvaðan sprettur þessi
skyndilega samúð Bjarkar með Brit-
ney? Og fyrst og fremst: Er nokkuð
hæft í þessu?
Áskrift að slúðri
„Bull. Þetta er algjört bull,“ full-
yrðir Einar Örn Benediktsson, tón-
listarmaður og fyrrum Sykurmoli.
„Björk sagði í viðtali um daginn að
hún vissi hvernig fjölmiðlafárið gæti
farið með fólk; í því samhengi kvaðst
hún svo skilja aðstöðu Britneyjar
Spears. Það var allt og sumt. En svo
er farið að fabúlera og spinna í
kringum þetta.“ Þegar Einar er
inntur eftir því hvort hann kannist
við aðrar flökkusögur af Björk sem
einnig byggist á lygum, útúrdúrum,
kjaftæði og útúrsnúningum segir
hann að maður verði bara að vera
áskrifandi að einhverjum slúðurvaðli
til þess að komast að slíku. „En þessi
saga er bull,“ áréttar hann.
Vitaskuld flögra bullsögur um
fræga fólkið og þotuliðið. Skemmst
er að minnast þess að nýlega fjölluðu
íslensk blöð um partíferð leikkon-
unar Kate Winslet á skemmtistaðinn
Rex. Þetta gekk svo langt að tals-
menn leikkonunnar sendu út til-
kynningu þess efnis að stúlkan hefði
aldrei stigið fæti á frónska grund. Þá
var því nýlega haldið fram að fransk-
ur karlleikari væri kona. En hann
reyndist karl.
Lygasögur af frægu fólki
Morgunblaðið/Ómar
Fréttir af samskiptum Bjarkar og Britneyjar stórlega ýktar
Hjálpfús Má búast við því að Björk greiði í framtíðinni úr vandamálum
fræga fólksins með persónulegum stuðningi og vinalegum ráðleggingum?
 Breska söng-
konan Natasha
Bedingfield kem-
ur fram á tónlist-
arhátíðinni G!
sem fram fer í
Færeyjum 19.-21.
júlí nk. Að sögn Jóns Tyrils, eig-
anda G! hátíðarinnar, er Bed-
ingfield stærsta poppstjarnan sem
heimsækir eyjarnar og er þá með
talin norska þungarokkssveitin Eu-
rope sem lék á hátíðinni í fyrra. Af
íslenskum tónlistarmönnum mun
Ultra Mega Tecno bandið Stefán
spila á G! auk Dr. Spock og Péturs
Ben. Íslendingar geta keypt pakka-
ferðir á www.greengate.fo fyrir 34
þúsund kr. Innifalið í verðinu er
flug báðar leiðir, flugvallarskattar,
helgarpassi og aðgangur að tjald-
svæðinu. Verra gæti það verið!
Natasha Bedingfield
á G! Festival í ár
 Þótt ekkert íslenskt lag hafi
ennþá gert tilkall til titilsins „sum-
arlag ársins 2007“ eru nokkur þeg-
ar byrjuð að færa sig upp á skaftið.
Eitt af þeim er nýjasta lag Páls
Óskars, „Allt fyrir ástina“, sem er
komið í fulla spilun. Lagið er eftir
Örlyg Smára, Niclas Kings og Dani-
elu Vecchia og herma fregnir að
umrætt lag sé það sama og Páll
bauð Sjónvarpinu fyrir síðustu for-
keppni Evróvisjón en var hafnað á
þeim forsendum að lagið væri ekki
alíslenskt. Hvort handarbökin uppi
í Efstaleiti verða orðin beinaber í
lok sumars skal ósagt látið en ef
eitthvað er að marka ásókn í lagið á
Tónlist.is er ljóst að margir halda
enn í þá von að ókrýndur Evr-
óvisjón-kóngur Íslands taki aftur
þátt.
Páll Óskar sendir loks-
ins frá sér nýtt lag
LJÓTU hálfvitarnir hafa gefið út sína fyrstu
plötu sem er samnefnd sveitinni. Snæbjörn
Ragnarsson segir sveitina bera nafn með rentu.
„Þetta eru vissulega skrautlegir karakterar,“
segir Snæbjörn sem er ófáanlegur til að gefa upp
hver sé ljótastur og hver sé mesti hálfvitinn en
þeir sem vilja dæma sjálfir geta mætt á útgáfu-
tónleika sveitarinnar í Borgarleikhúsinu næsta
laugardag eða í Ýdali í Aðaldal laugardaginn 7.
júlí. Báða dagana hefst gleðin klukkan níu.
Sveitin er upprunin fyrir norðan enda koma
allir níu meðlimir sveitarinnar upphaflega frá
Húsavík og nágrenni þótt allir búi þeir nú á höf-
uðborgarsvæðinu. „Þetta er ákveðinn þver-
skurður af hljómsveitarlífi Húsavíkur frá 1985.
Elstu menn eru um fertugt og en sá yngsti er að-
eins 22 ára og var að skríða í heiminn þegar
elstu lög sveitarinnar voru samin, þótt sveitin
sjálf sé mun yngri.“
Húsavík: Pönkbær Íslands
Húsavík kallar Sveinbjörn tónlistarbæli dauð-
ans og pönkbæ Íslands. „Svo eigum við Birgittu
og Greifana, þú toppar það ekki.“
Yrkisefnin eru fjölbreytt enda „eru allir í
bandinu að semja lög og texta sem er ansi sér-
stakt fyrir jafn fjölmennt band. Á plötunni eru
nokkrar lygasögur og bjór og fyllerí eru oft of-
arlega á baugi. Svo er eitt lag um mömmu mína,“
segir Sveinbjörn sem segir það lag oft misskilið.
„Þetta er óður til mömmu minnar, hún er of-
boðslega góð kona og samband okkar mömmu er
geysilega gott. En oft erum við mjög ósammála
en þá eigum við bara góðar rimmur um ágrein-
ingsefnið. En eftir að við spiluðum lagið fyrst á
Húsavík kom spurnarsvipur á vinnufélaga
mömmu þegar hún mætti til vinnu daginn eftir.
Einhverjir héldu víst að ég væri að níða mömmu
mína en það var alls ekki tilfellið.“
„Ég verð aldrei aflakló“
Þekktust er sveitin fyrir lag sem sjómannason-
urinn Arngrímur Arnarsson samdi, en það vann
Sjómannalagakeppni Rásar 2 á dögunum þrátt
fyrir að vera mikið andsjómannalag.
„Arngrímur er af sjómannsættum eins langt
aftur og menn þekkja. Þetta er uppgjör hans við
ættina sem er búin að pressa mikið á hann að
fara á sjóinn.“ En strákinn dreymdi um að vera
rokkari og lagið virðist hafa hreinsað loftið og
sætt fjölskylduna við rokkstjörnulífernið.
Húsvískir hálfvitar
Uppreisnargjarnir sjómannssynir, mömmustrákar, áhugaleikarar og aðrir Hús-
víkingar sameinast í sameiginlegum hálfvitaskap, bjórdrykkju og spilamennsku
Ljósmynd/Jón Örn Bergsson
Ljótir Guðmundur, Þorgeir, Eggert, Arngrímur, Baldur, Snæbjörn, Ármann og Sævar. Á myndina vantar Odd Bjarna Þorkelsson.