Morgunblaðið - 28.06.2007, Blaðsíða 25

ferðalög
MORGUNBLAÐIÐ FIMMTUDAGUR 28. JÚNÍ 2007 25
Nýr golfstaður
á Flórída
Úrval golfferða til
Flórída og Englands
verður í boði hjá GB
Ferðum í haust og verð-
ur þá m.a. kynntur til
sögunnar nýr áfanga-
staður fyrir golfara á
Ginn Reunion Resort í
Orlando sem er nýtt
lúxusíbúðahótel. Hót-
elið býður m.a. upp á þrjá veit-
ingastaði, þrjá átján holu golfvelli
og sundlaugar.
Kína og Tíbet í haust
Kínaklúbbur Unnar Guðjóns-
dóttur efnir til þriggja vikna haust-
ferðar til Kína og Tíbet 26. ágúst til
16. september. Hallir, klaustur, hof,
torg, borgir og bæir verða sóttir
heim auk þess sem farið verður á
teekru og á Kínamúrinn.
Skarðsganga í Siglufirði
Ferðafélag Siglufjarðar efnir til
Skarðsgöngu næsta miðvikudag í
tilefni af Þjóðlagahátíð. Mæting er
kl. 13.00 á Ráðhústorginu og Siglu-
fjarðarskarðið gengið og grillað í
skógræktinni í Skarðsdal að göngu
lokinni.
Vítt og breitt
www.gbferdir.is
www.simnet.is/kinaklubbur
Kaupmannahöfn býður uppá ýmislegt fleira fyrirbörn en bara Tívolí. Í alltsumar iðar borgin og ná-
grenni af uppákomum sem gætu hitt
unga ferðamenn í hjartastað.
Tónlistaráhugamenn á öllum aldri
gætu notið djasssiglingar við höfn-
ina í borginni en lagt er upp frá
minnisakkerinu í Nýhöfn hvern
fimmtudag kl. 18. Sérstakir barna-
djasstónleikar verða haldnir á Sta-
tens Museum for Kunst 8. júlí kl. 15
þar sem þekkt barnalög verða tekin
með sveiflu. Þar eru líka myndlist-
arsýningar í barnahæð. Fyrir börn
á aldrinum 0-6 ára er sýningin Haf-
meyjuhár og höfuðverkur Neptún-
usar en fyrir eldri börn er sýningin
2+2=7 sem snýr hugmyndum
þeirra um reglu hlutanna á haus.
Höfði víkingar til litla fólksins
gæti komið til greina að heimsækja
Víkingaskipasafnið í Hróarskeldu.
Þar fá litlir víkingar tækifæri til að
rita rúnir, klæða sig upp að vík-
ingasið og sigla í eftirlíkingu af ekta
víkingaskipi. Ókeypis leiðsögn verð-
ur um safnið kl. 14 hvern dag 30.
júní til 26. ágúst. Í fornleifaverk-
stæðinu á Safnaeyjunni er sýning á
gersemum sem fundist hafa á sjáv-
arbotni og á vinnutíma má fylgjast
með því þegar verið er að rannsaka,
hreinsa og mæla flakhluta úr skip-
um.
Ókeypis dúkkuleikhús er í boði í
Kongens Have við Rósenborgarhöll-
ina í miðborginni á hverjum degi
milli kl. 14 og 15. Sýningin fer fram
undir berum himni óháð veðri.
Ýmsar furðuverur verða á ferð-
inni í Kaupmannahöfn í sumar. Má
þar fyrst nefna jólasveinaráðstefnu
sem haldin verður á Bakka 23.-25.
júlí. Þar koma saman yfir 200 jóla-
sveinar og -kellur frá öllum heims-
hornum, s.s. frá Venesúela, Japan,
Írlandi, Kanada, Ítalíu, Hollandi,
Svíþjóð, Noregi, Danmörk, Eng-
landi, Þýskalandi, Spáni og Græn-
landi. Ekki er vitað hvort þeir Gilja-
gaur, Bjúgnakrækir og bræður
þeirra geri sér ferð úr Esjunni.
Nokkrum dögum síðar, eða 30.
júlí-5. ágúst verður trúðahátíð á
sama stað hvar alls kyns trúðar
munu troða upp daglega á Frilufts-
senunni kl. 15 og 19:30.
Litla hafmeyjan ætlar að halda
upp á afmæli sitt með pomp og pragt
hinn 23. ágúst. Er von á 94 þvottekta
hafmeyjum af öllum stærðum og
gerðum í veisluna sem munu synda
afmælisbarninu til heiðurs.
Barnaflóamarkaður verður hald-
inn fyrstu laugardagana í júlí og
ágúst í Helsingør sem er skammt frá
borginni. Þar geta öll börn selt not-
uð leikföng og/eða orðið sér úti um
spennandi gersemar sem aðrir eru
hættir að njóta. Markaðurinn fer
fram milli kl. 10 og 14 þessa tvo
laugardaga við ráðhúsið í bænum.
Barnvænt í kóngsins Köben
Reuters
Trúðar Kannski þessir geri sér ferð á Bakkann í Köben í byrjun ágúst.
Eftir Ólaf Guðstein Kristjánsson
olafurgudsteinn@googlemail.com
B
erlín yfir sumartímann á
það til að verða ansi
heit. Borgin er þó ríku-
lega búin öldurhúsum
og öðrum stöðum þar
sem kæla má sig niður með kaupum á
svalameðölum. Þótt það sé góðra
gjalda vert þá kann marga að langa
til þess að skella sér í vatn og kæla sig
þannig niður ...
Það verður að segjast eins og er að
sundlaugar Berlínarborgar eru oft á
tíðum ekkert til að hrópa húrra fyrir.
Þar af leiðandi kann að virka hjákát-
legt fyrir Íslending frá miklu og góðu
sundlaugalandi að skella sér í berl-
ínska laug. Við því er þó lausn.
Lausnin felst í að fara á stað sem er
einstakur eða þá að prófa eitt af
strandböðum borgarinnar.
Stökkpallar og keppnislaug
Hvað það fyrra varðar á Sommer-
bad Olympiastadion eða Ólympíu-
sundlaugin vel við. Sú ætti að þjóna
þeim tvíþætta tilgangi að sjá eitthvað
merkilegt sem og að kæla sig niður.
Þessi sundlaug var auðvitað keppn-
islaug hinna frægu Ólympíuleika í
Berlín 1936 og er staðsett við hliðina
á Ólympíuleikvanginum sjálfum. Ein-
kenni þessara bygginga er mikilfeng-
leiki, enda átti allt að vera innblásið
„Wagnerískum“ anda í verðandi Ger-
maníu Adolfs Hitlers. Þess utan er að
finna þar stökkpalla eða dýfing-
arpalla (alveg upp í 10 metra) sem
gaman er að stökkva af. Þess má svo
einnig geta að hægt er að borga sig
inn á Ólympíuleikvanginn til að berja
hann augum.
Nokkur strandböð
Strandböð borgarinnar eru þó
nokkur og finna má þau víðsvegar um
borgina, enda er talið að meira vatn
sé að finna í Berlín en í Feneyjum.
Þekktasta strandbaðið er þó líkast til
við Wannsee í hverfinu Steglitz-
Zehlendorf (Strandbad Wannsee).
Það strandbað fagnar 100 ára afmæli
sínu í ár. Í Wannsee strandbaðinu er
allt til alls að finna; strandblaksvelli,
körfuboltavelli, bátaleigu og afgirta
strönd fyrir Adamsklæðaunnendur.
Hvort tveggja, strandbaðið og Ól-
ympíulaugin er vel heimsóknarinnar
virði og manni ætti alltént að auðnast
að kæla sig þar niður.
Að kæla sig í hitanum í Berlín
Ljósmynd/ÓSG
Svalandi Ólympíusundlaugin í Berlín var keppnislaug Ólympíuleikanna í Berlín árið 1936
www.strandbadwannsee.de
www.berlinerbaederbetriebe.de
www.olympiastadion-berlin.de
Til að komast að Ólympíulauginni,
sem er við Olympischer Platz 1,
tekur maður U2, S75 eða S9 að
Olympiastadion. Athugið að í
karlaklefanum þarf að koma með
eigin hengilás fyrir skápinn eða
kaupa á staðnum. Að Strandbad
Wannsee kemst maður með S1 eða
S7 að Wannsee og tekur svo
strætó 218 að Wannseebadweg.
Þaðan er gengið að baðinu.
smáauglýsingar
mbl.is