Morgunblaðið - 28.06.2007, Blaðsíða 19

MORGUNBLAÐIÐ FIMMTUDAGUR 28. JÚNÍ 2007 19
LANDIÐ
Eftir Jónas Erlendsson
Skaftárhreppur | Nýtt lífsstílshótel
hefur verið formlega opnað í Efri-Vík
hjá Kirkjubæjarklaustri. Hefur það
fengið nafnið Hótel Laki.
„Áður en við byrjuðum að byggja
ákváðum við að þetta hótel yrði að
verða alveg sérstakt. Það þyrfti að
vera öðruvísi og glæsilegt útlits. Við
fengum því til liðs við okkur arkitekt-
ana frá Yrki hf. og sjáum ekki eftir
því. Þemað í kringum hótelið, það sem
hótelið stæði fyrir þyrfti helst að selja
sig sjálft,“ segir Eva Björk Harðar-
dóttir sem er eigandi hótelsins ásamt
Þorsteini M. Kristinssyni og foreldr-
um sínum, Salome Ragnarsdóttur og
Herði Davíðssyni.
Fjöldi sérfræðinga til aðstoðar
„Við ákváðum fljótt að stefna á úti-
vist og heilsu og fengum Sigurbjörgu
Árnadóttur ráðgjafa til að hjálpa okk-
ur við að byggja upp þemað. Útkom-
an varð sú að í dag erum við með fær-
ustu sérfræðinga í heilbrigði á líkama
og sál á landinu á skrá hjá okkur. Þeir
koma til með að bjóða upp á fræðslu
og einkatíma eftir því sem við á og
byrjum við að krafti aftur næsta
haust. Tveir til þrír verða að störfum
hverju sinni,“ segir Eva.
Yfirskriftin er: Afeitrun og slökun,
útivist og hreyfing, borðaðu rétt og
lærðu að hreyfa þig, gerðu það sjálf-
ur, taktu ábyrgð á mataræðinu. Með-
al sérfræðinga eru Þorbjörg Haf-
steinsdóttir og Umahro, Sólveig í
Grænum kosti, Lilja Oddsdóttir lit-
himnufræðingur, Esther Helga Guð-
mundsdóttir hjá mfm-miðstöðinni,
Sigrún Sigurðardóttir með höfuð-
beina- og spjaldhryggsmeðferð, Ósk-
ar nuddari og margir fleiri.
„Okkur langar til að sinna hverjum
og einum gesti betur og vonandi kem-
ur heilsuhótelsþemað til með að
ganga það vel að með tímanum getum
við orðið heilsárs heilsuhótel sem býð-
ur fólki upp á aðstoð og aðstöðu til að
breyta um lífsstíl og auka lífsgæði sín.
Þá fyrst getum við orðið sönn í því
sem við erum að gera,“ segir Eva. Nú
eru tilbúin sextán hótelherbergi
ásamt matsal og setustofu með bar.
Byggt yfir heilsulindina
Í haust verður byggt glerhýsi fyrir
heilsulindarstarfsemi hótelsins. Þar
verður hægt að sitja í heita pottinum
og virða fyrir sér stjörnurnar á vet-
urna og fylgjast með norðurljósunum
þjóta um himingeiminn.
Einnig er áætlað að halda áfram og
steypa upp annan áfanga hótelsins af
þremur í haust sem hýsir 24 hótelher-
bergi í viðbót á tveimur hæðum.
Áætlað er að þau verði tilbúin fyrir
næsta sumar.
Fyrirtækjum er boðið upp á ráð-
stefnu- og fundaraðstöðu. Þá er
gjarnan farið með hópana í stuttar
óvissuferðir. Kennd stafaganga og
ýmsar æfingar gerðar. Þá er boðið
upp á árshátíðir og veislur.
Hlaðan í Efri-Vík hefur verið gerð
upp sem grillstaður og nýtist við
ferðaþjónustuna. Þar eru gamlir
búmunir til sýnis á veggjum. Starfs-
fólkið þjónar gestum í þjóðlegum
búningum og kveður rímur. Þá er á
staðnum níu holu golfvöllur.
Lögð áhersla á heilsu
og útivist í Hótel Laka
Morgunblaðið/Jónas Erlendsson
Heilsuhótel Eigendur Hótels Laka og ráðgjafar, f.v. Hörður Davíðsson,
Salóme Ragnarsdóttir, Eva Björk Harðardóttir, Ásdís Helga Ágústsdóttir,
arkitekt hjá Yrki, og Sigurbjörg Árnadóttir, ráðgjafi hjá Bjálkanum.
Hvanneyri | Málaraflokkur hefur
unnið við að mála og laga nokkur
eldri húsa Landbúnaðarháskóla Ís-
lands á Hvanneyri á undanförnum
tveimur mánuðum.
Hafa málararnir ekki aðeins not-
að málningarsprautur til að fríska
upp húsin heldur hafa þeir einnig
neglt þúsundir nagla í þök og
gluggakarma, lagað göt á þökum
og skorið járn af veggjum. Ás-
mundur E. Ásmundsson málara-
meistari og sjö manna vinnu-
flokkur hans hafa ekki slegið slöku
við á þessum tíma, unnið alla daga
vikunnar, nánast nótt sem nýtan
dag.
Árangurinn er líka undraverður,
byggingarnar hafa gengið í endur-
nýjun lífdaganna.
Ljósmynd/Áskell Þórisson
Gömlu húsin frískuð upp
Landsveit | Opnað hefur verið nýtt
veitingahús á Leirubakka í Land-
sveit, í nýju húsi sem einnig hýsir
Heklusetrið. Veitingahúsið tekur um
100 manns í sæti og verður opið alla
daga allt árið með fjölbreyttum mat-
seðli.
Matreiðslumenn eru þau Berglind
Gylfadóttir og Sigurður Sigurðsson,
og yfirþjónn er Tony Acosta. Auk
veitingahússins eru nokkrir salir til
funda- og ráðstefnuhalds á staðnum.
Á Leirubakka er einnig rekið hótel,
Heklusetur með Heklusýningu,
tjaldstæði, hestaleiga, verslun og
bensínstöð og áætlunarbílar á leið í
Landmannalaugar og að Fjallabaki
hafa viðkomu þar tvisvar á dag. Þá
eru á Leirubakka einnig veittar upp-
lýsingar til ferðamanna um nágrenn-
ið, svo sem hvernig best er að ganga
á Heklu.
Nýtt veitingahús
opnað í Heklusetrinu
SÓPA þarf vegina betur og halda
hreinum, sér í lagi við beygjur og
gatnamót. Einnig þarf að gera
merkingar við hættum markvissari.
Kemur þetta fram í áskorun sem
Vélhjólaklúbbur Austurlands sam-
þykkti á aðalfundi og er beint til
Vegagerðarinnar og sveitarstjórna
í fjórðungnum.
Vakin er athygli á því að lausa-
möl og grjótkast skapar mikla
hættu fyrir fólk, bæði á vélhjólum
og öðrum opnum ökutækjum, ekki
síst þar sem halla þarf hjólunum.
Sópa þarf vegina
betur og hreinsa
AUSTURLAND
Neskaupstaður | Verknámsskóli
Austurlands í Neskaupstað leitaði
til fyrirtækja og stofnana á Austur-
landi og víðar um fjárhagslegan
stuðning til að efla tækjakost málm-
iðngreinadeildar skólans. Átaks-
verkefnið stóð yfir í tvo mánuði og
söfnuðust alls 1,4 milljónir kr.
Í verkefninu tóku þátt Glitnir,
Seyðisfjarðarbær, Fjarðabyggða-
hafnir, Sparisjóður Norðfjarðar og
Loðnuvinnsla Fáskrúðsfjarðar.
Nýr og betri tækjakostur auð-
veldar stofnuninni að mennta
áfram hæfa einstaklinga í málm-
iðngreinum, austfirskum vinnu-
markaði til gagns. Þess er getið að
tíu ár eru liðin frá vígslu verk-
kennsluhúss skólans og fyrirhuguð
er viðbygging sem Fjarðabyggð og
menntamálaráðuneytið standa
sameiginlega að.
Aðsókn í málmiðngreinar fyrir
næsta haust er mjög góð, nú þegar
eru 12 nemendur skráðir á fyrsta
árið og nokkrir á biðlista. Er ljóst
að áhugi á málmiðngreinanámi er
mikill enda eftirspurn eftir vél-
virkjum eystra um þessar mundir.
Tækjakostur
málmiðnaðar-
deildar bættur
Fljótsdalshérað | Búist er við tvö
til fjögur þúsund manns á Fjórð-
ungsmót hestamanna á Austur-
landi sem hefst á Iðavöllum á
Fljótsdalshéraði í dag. Auk hefð-
bundinna hestasýninga og keppni
er mikið lagt í fjölskyldu- og
skemmtidagskrá FM07 þar sem
Magni Ásgeirsson og hljómsveitin
Á móti sól leika stórt hlutverk.
Að mótinu standa Hestamanna-
félagið Freyfaxi og Hrossaræktar-
samband Austurlands. Fjórðungs-
mót hafa verið haldin á Austur-
landi í fimmtíu ár og eru á
fjögurra ára fresti, til skiptis á
Héraði og Hornafirði. Nú hefur
hestamannafélögunum í Eyjafirði
og Þingeyjarsýslum verið gefinn
kostur á að taka þátt í mótinu svo
og öllum ræktendum á þeim svæð-
um. Er því allt Norðausturkjör-
dæmi undir auk Austur-Skafta-
fellssýslu. Stefnir því í enn stærra
mót en venjulega. Jens Einarsson
framkvæmdastjóri segir keppnis-
hross verða á bilinu 250 til 300 og
skráningar séu alls orðnar á
fimmta hundrað.
Úrslit í tölti fara fram á laugar-
dagskvöldið en önnur úrslit eru
flest á sunnudeginum.
Mikil dagskrá
Auk hinnar hefðbundnu dag-
skrár Fjórðungsmóts er mikið lagt
í skemmtidagskrá. Þannig hefur
verið komið upp stóru skemmti- og
veitingatjaldi þar sem dansleikir
verða haldnir, tónleikar og
skemmtidagskrá. Í tjaldinu verður
komið fyrir sviðsvagni sem er
útbúinn góðum hljóð- og ljósabún-
aði. Þá verður starfrækt útvarps-
stöð alla helgina og sett upp leik-
tæki fyrir börn. Skemmtidagskrá
er á föstudags- og laugardagskvöld
og dansleikir bæði kvöldin.
Morgunblaðið/Gunnar Gunnarsson
Allt að smella saman Jens Einarsson og Bergur Hallgrímsson á móts-
svæðinu í Stórhólma sem yfirleitt gengur undir nafninu Iðavellir.
Búist við 2-4 þúsund
gestum á FM07
Eftir Helga Bjarnason
helgi@mbl.is
Fljótsdalshérað | Vefaraættin svo-
nefnda hefur látið gera við minning-
artöflu um forfeður sína, Jón vefara
Þorsteinsson og Þóreyju Jónsdóttur,
og verður taflan afhent Minjasafni
Austurlands á Egilsstöðum til varð-
veislu í tengslum við niðjamót sem
þar verður haldið um helgina.
Talið er að Jón Þorsteinsson, sem
nefndur var vefari, hafi átt mikinn
þátt í því að útbreiða vefnaðarkunn-
áttu á Austurlandi, einkum á Fljóts-
dalshéraði. Við hann er kennd mikil
ætt. Á lífi eru líklega 7 þúsund niðjar
þeirra hjóna, báðum megin Atlants-
hafs.
Varðveitt á Minjasafni
Að þeim hjónum látnum, um 1850,
var gerð minningartafla til heiðurs
þeim og geymd hefur verið í Val-
þjófsstaðarkirkju í Fljótsdal. Hún
hékk uppi á kórgaflinum í gömlu
kirkjunni en þegar ný kirkja var tek-
in í notkun á árinu 1966 var minning-
artaflan sett upp á kirkjuloftið. Þar
hefur hún verið geymd og var ástand
hennar orðið slæmt. „Menn vissu um
þessa töflu og okkur rann til rifja
hvernig ástand hennar var orðið,“
segir Jón Hálfdanarson, formaður
Vefaraættarinnar, samtaka niðja
Jóns og Þóreyjar sem stofnuð voru í
þeim tilgangi að láta gera við minn-
ingartöfluna.
Vel gekk að afla fjár til verksins,
lögðu 360 manns í púkkið. Viðgerð er
lokið og hefur verið ákveðið að af-
henda Minjasafni Austurlands töfl-
una til varðveislu við athöfn sem
fram fer næstkomandi laugardag.
Taflan er í eigu Valþjófsstaðarkirkju
og hefur sóknarnefndin og Þjóð-
minjasafn Íslands samþykkt þessa
ráðstöfun.
Jón og Þórey giftu sig á Valþjófs-
stað 28. júní 1797 og fer athöfnin því
fram nærri 210 ára giftingarafmæli
þeirra. Af þessu tilefni koma um 150
niðjar þeirra hjóna saman til niðja-
móts á Egilsstöðum, auk þess sem
farið verður að Valþjófsstað og
Hjaltastað en þar voru hjónin jarð-
sett, Þórey sextán árum á eftir Jóni.
Segja má að þau hafi sameinast aftur
með minningartöflunni en þar eru
skráð vers um þau bæði, hvort í sínu
lagi, en upphafið er svona, eftir að
greint hefur verið frá dánardegi
þeirra og hvar þau voru jarðsett:
Þó lögð væru þannig lík í moldu
aðskilin um árin segstán
ástarband þeirra aptur á himnum
öflugur knýtti hinn ástríki Guð.
„Ástarband þeirra
aptur á himnum“