Morgunblaðið - 09.07.2007, Blaðsíða 19
Hönnuðurinn Sigríður Ásdís Jóns-
dóttir vildi í gaddavírsbangsanum
fanga þá tilfinningu að langa í eitt-
hvað sem ekki er fáanlegt, eins og að
langa til að faðma einhvern en geta
það ekki eða mega það ekki.
– Sigríður Ásdís, heldurðu að slík
tilfinning sé algeng?
,,Já, ég held það. Flestir sem hafa
lent í ástarsorg þekkja þessa tilfinn-
ingu því þótt ástin sé yndisleg þá
getur hún líka verið sár. Bangsarnir
urðu til í flóði hugmynda út frá lag-
inu „Last Kiss“ með hljómsveitinni
Pearl Jam. Það er oft vont að elska
þann sem ekki elskar á móti.“
Gaddavírs-
bangsarnir
fyrir þá
sem þrá en
ekki fá
Táknrænir Það er áreiðanlega ekki þægilegt að faðma
gaddavírsbangsa en sumum en þeir geta verið táknrænir.
Gaddavírsbangsarnir eru á sýn-
ingunni Magma/Kvika á Kjarvals-
stöðum.
www.listasafnreykjavikur.is
www.siggadis.is
uhj@mbl.is
matur
MORGUNBLAÐIÐ MÁNUDAGUR 9. JÚLÍ 2007 19
treyja. En þegar við-
skiptavinur kemur í
dvd-leigu og tölvan
segir að hann skuldi
fyrir mynd sem hann
aldrei tók (myndin var
ekki til) þá reynir á
unglinginn.
Á hann að taka við-
skiptavin, sem ljóst er
að hefur um árabil
tekið þátt í að halda
fyrirtækinu á floti,
trúanlegan eða segja
að hann sé að ljúga?
Er ekki líklegra að
mistök hafi einhvern
tíma orðið í erli dags-
ins, einhver af-
greiðslumaðurinn hafi óvart slegið
eitthvað rangt inn í skrána?
Þegar reynt er að hringja í eig-
andann og fá heimild til að taka
skynsamlega ákvörðun svarar
hann ekki. Unglingurinn er lentur í
aðstæðum sem hann ræður ekki
við. Bæði hann og viðskiptavin-
urinn eru ósáttir en geta ekki gert
neitt. Sá síðarnefndi getur að vísu
snúið sér framvegis að öðrum leig-
um.
En Víkverji skilur ekki þetta fá-
ránlega vantraust sem ungling-
unum er sýnt. Þeir eru auðvitað
misjafnir eins og annað fólk en það
er niðurlægjandi fyrir þá að gera
þá að vélum sem ekki mega taka
neina sjálfstæða ákvörðun.
Veðurblíðan á suð-vesturhorninu
síðustu vikurnar gerir
Víkverja dagsins svo-
lítið erfitt fyrir. Hann
telur það borgaralega
skyldu sína að vera
ekki allt of jákvæður
en freistast næstum
því til að segja núna
að hann finni ekkert
til að þusa um. Geng-
ur að segja að hann sé
orðinn þreyttur á
þessari stanslausu
blíðu, þetta sé orðið
allt of langt, hann vilji
fá smá rok og rign-
ingu, svona til að
þetta verði ekki of einhæft? Nei
annars, einhvers staðar verður
jafnvel Víkverji að setja mörkin.
x x x
En bíðum við. Hvers vegna erueigendur alls konar þjónustu-
fyrirtækja svona hræddir við að
fela unglingunum sem þeir láta af-
greiða hjá sér einhverja ábyrgð?
Víkverji er ekki einn um að hafa
lent í því að útilokað var að leysa
vanda hans vegna þess að ungling-
urinn hafði fengið svo skýr fyr-
irmæli um að hugsa aldrei sjálf-
stætt, fara bara í einu og öllu eftir
reglunum. Öll vitum við að reglur
eru leiðbeiningar til að létta okkur
lífið, þær mega ekki verða spenni-
víkverji skrifar | vikverji@mbl.is
Eftir Jóhönnu Ingvarsdóttur
join@mbl.is
Það er óneitanlega munskemmtilegra að klippakrydd af sinni eigin krydd-plöntu í matargerðina en
að nota innihaldið úr aðkeyptri
kryddkrukku enda er megintil-
gangur minn með útgáfunni að leið-
beina áhugasömum kryddjurtarækt-
endum til að gera þeim ræktunina
auðveldari,“ segir Magnús Jónasson
garðyrkjufræðingur sem er höf-
undur nýlegrar bókar sem ber yf-
irskriftina „Ræktað – kryddað –
kokkað“.
Magnús fjallar um lauka og
kryddjurtir og þá sérstaklega ís-
lenskar kryddjurtir og í hvernig
matargerð þær henta. Komið er inn
á ræktun, sáningu, forræktun,
herslu, jarðveg og áburð auk þess
sem í bókinni er að finna kafla um
safnhaugskassa, moltugerð og
hvernig best sé að haga ræktun á
svölum fjölbýlishúsa svo eitthvað sé
nefnt. Veitingahús leggja svo til
mataruppskriftirnar.
Klippa verður með skærum
„Fólk leitar oft langt yfir skammt
eftir kryddinu sínu því við höfum
kryddið hér allt í kringum okkur.
Þegar fólk er í sumarbústöðunum
sínum er oft nóg að fara út með
skærin og klippa krydd á borð við
blóðberg, eini, birki, skarfakál, spán-
arkerfil, túnfífil, túnsúru. vallhumal,
ætihvönn, selgresi, sigurskúf, fjöru-
arfa og fjörukál. Þetta er allt við
tærnar á okkur, en það má alls ekki
slíta þessar jurtir upp því þá koma
þær ekki upp næsta sumar,“ segir
Magnús.
Ein aðferð til að geyma og nýta
bragð kryddjurta er að geyma þær í
ólífuolíu og segir Magnús að extra
virgin ólífuolía henti best. Til þarf
hreint glerílát með þéttum tappa.
Ílátið er fyllt upp af kryddjurtum,
síðan er hreinni ólívuolíunni hellt yf-
ir. Ílátið er geymt á björtum stað í
10-15 daga og hrært í því eða það
hrist daglega. Eftir þann tíma er ol-
íunni hellt í annað hreint glerílát og
nokkrir kvistir af sömu tegund og
upphaflega voru settir í ílátið, látnir
saman við. Því fleiri kvistum, sem
bætt er saman við, því sterkara
verður kryddbragðið. Gott er að
nota olíur þessar sem dressingu á
grænmeti, sem marineringu eða í
sósur. Til að smakka til bragðið af
kryddolíunni má hita örlítið af henni
í potti án þess þó að hún nái suðu-
marki. Daglegt líf fékk leyfi til birt-
ingar á þrenns konar kryddolíum og
kryddsmjöri fyrir komandi grill-
vertíð.
Rósmarínolía
1 búnt rósmarín
1 lárviðarlauf
2 hvítlauksrif
2 hakkaðir skalotlaukar
500 ml ólívuolía
Allt hitað varlega í 1 dl af olíunni,
blandað saman við restina og látið
standa yfir nótt, síað og sett á flösk-
ur. Gott á salatið, kjúklinginn og
lambasteikina.
Chorizoolía
500 ml ólívuolía
100 g chorizo
2 timíanstilkar
1 rósmarínstilkur
2 hvítlauksrif
2 lárviðarlauf
5 svört piparkorn
Allt hitað varlega í 1 dl af olíunni,
blandað saman við restina og látið
standa í sólarhring. Sigtað og sett á
flöskur. Geymist í tvær vikur. Gott
er að „dassa“ olíuna á fisk við steik-
ingu og í kartöflumús og einnig er
gott að ofnsteikja saltfisk í olíunni.
Lambamarinering
2 l canolaolía
1 poki söl
1 poki fjallagrös
1 tsk. timían (garðablóðberg)
1 tsk. rósmarín
5 marin hvítlauksrif
Öllu blandað vel saman og lam-
bafilet marinerað í lágmark einn sól-
arhring.
Smjör með fersku kryddi
og karrí
250 g smjör, mjúkt
2 msk. ferskt saxað rósmarín
1 msk. ferskt saxað estragon
1 msk. ferskur saxaður graslaukur
1 msk. karrí
Hrærið smjörið mjúkt og samfellt
og blandið öllu kryddinu saman við.
Látið standa yfir nótt til þess að
bragðið njóti sín. Berið fram með
grilluðu kjöti, soðnu grænmeti og
setjið í bakaðar kartöflur.
Kryddjurtirnar eru allt í kring
Kryddolíur Best er að nota extra virgin olíu í kryddblöndurnar.
Morgunblaðið/Eyþór
Garðyrkjufræðingurinn Magnús Jónasson vill kenna fólki að nýta sér þau
krydd, sem vaxa villt í íslenskri náttúru.
Fólk leitar oft langt yfir
skammt eftir kryddinu
sínu því við höfum kryddið
hér allt í kringum okkur