Morgunblaðið - 20.09.2007, Qupperneq 35

MORGUNBLAÐIÐ FIMMTUDAGUR 20. SEPTEMBER 2007 35
✝
Innilegar þakkir fyrir samúð og vinarhug við andlát
og útför eiginkonu minnar, móður, tengdamóður,
ömmu og langömmu,
INGIBJARGAR SKÚLADÓTTUR,
Árskógum 8.
Sérstakar þakkir til þeirra er önnuðust hana og
studdu í erfiðum veikindum.
Jón Jónsson,
Ragnheiður Jónsdóttir, Brynjólfur Þór Brynjólfsson,
Erla Bragadóttir,
Björg Kristín Jónsdóttir, Elías Héðinsson,
Þuríður Jónsdóttir Glaeser, Hans Ulrich Glaeser,
barnabörn og barnabarnabörn.
✝
Innilegar þakkir til allra þeirra sem sýndu okkur
samúð og hlýhug við andlát mannsins míns, föður
okkar, tengdaföður og afa,
ÁRNA IBSEN.
Sérstakar þakkir til starfsfólks á Grensási og
Skógarbæ.
Hildur Kristjánsdóttir,
Kári Árnason, Sigurrós Jónsdóttir,
Flóki Árnason, Jenný Guðmundsdóttir,
Teitur Árnason,
Darri Kárason,
Jón Árni Kárason,
Bríet Flókadóttir.
✝
Ástkær móðir okkar, tengdamóðir, amma, lang-
amma og langalangamma,
SIGRÍÐUR J. JÓNASDÓTTIR,
Hvammi, heimili aldraðra,
Húsavík,
sem lést á heimili sínu miðvikudaginn 12. sept-
ember, verður jarðsungin frá Húsavíkurkirkju
föstudaginn 21. september kl. 14.00.
Jónasína Pétursdóttir, Hörður Arnórsson,
Eiður Aðalgeirsson, Sigurlína Hilmarsdóttir,
Pétur Óskar Aðalgeirsson, Agnes Adólfsdóttir,
barnabörn og barnabarnabörn.
✝
Móðir mín,
GUÐRÚN ÞORGRÍMSDÓTTIR,
frá Raufarfelli,
Austur-Eyjafjöllum,
lést á Hrafnistu í Hafnarfirði fimmtudaginn 13. september.
Útför hennar fer fram frá Eyvindarhólakirkju laugardaginn 22. september
kl. 11.00.
Kristinn Heiðar Jónsson,
og aðstandendur.
✝
AUÐUNN HAFNFJÖRÐ JÓNSSON
frá Gjögri,
Seilugranda 8,
Reykjavík,
verður jarðsunginn frá Grafarvogskirkju
mánudaginn 24. september kl. 15.00.
Fyrir hönd aðstandenda,
Guðrún Friðriksdóttir.
✝
Þökkum samúð og vinarhug við fráfall og jarðarför
ástkærs föður, tengdaföður, afa og langafa,
JÓHANNS JÓNS ÞORVALDSSONAR
húsgagnasmiðs,
Furugerði 1,
áður til heimilis
að Geitlandi 6,
Reykjavík.
Selma Jóhannsdóttir,
Magnús Jóhannsson, Elín Guðmundsdóttir,
afa- og langafabörn.
inu sínu og Konni að venju broshýr
og alúðlegur. Í sólinni var minnst á
undirbúning fyrir væntanlegt Evr-
ópuþing Radíóskáta sem verður á Ís-
landi 2008 en ég hafði átt fund með
þeim hjónum um þetta verkefni sem
þau leiddu við eldhúsborðið á heimili
þeirra morgunstund eina fyrir nokkr-
um vikum. Í sólinni var framtíðin
björt, en nú hefur haustað og Konni
er farinn heim.
Konni starfaði með skátahreyfing-
unni frá unga aldri, ávallt verið viðbú-
inn enda fylginn sér, þrautseigur og
úrræðagóður. Í mörg ár hefur hann
verið félagsforingi Radíóskáta og
leitt þann hóp ásamt henni Völu sinni.
Það var alltaf sama viðkvæðið þegar
leitað var til þeirra hjóna með mögu-
lega þátttöku Radíóskáta í einhverj-
um viðburði: „Við mætum með okkar
dót.“ Og þegar þetta kom frá Konna
þurfti maður ekki að hafa meiri
áhyggjur af því. Þannig mættu þau á
skátamótin með allar talstöðvarnar,
loftnetin, snúrurnar og diskana. Dót
sem við hin horfðum bara á hugsi, en
þessa veröld þekkti Konni vel og var
iðinn við að kynna ungum skátum
hana og veita þeim innsýn í þennan
tækniheim.
Konni lét ekki aðeins duga að leiða
starf Radíóskáta. Árum saman hefur
hann starfað með skátafélaginu Kóp-
um í Kópavogi og setið þar í stjórn fé-
lagsins í áraraðir. Og á enn öðru sviði
skátastarfsins lét hann einnig til sín
taka en það var í starfi hjálparsveit-
anna. Tvær hjálparsveitir skáta
fengu að njóta starfskrafta hans svo
um munaði, Hjálparsveit skáta Kópa-
vogi og Hjálparsveit skáta Garðabæ.
Þarna fór því öflugur og sannur skáti
sem skilur eftir sig mörg og góð verk
og mikil eftirsjá verður að.
Og mikið einstaklega var gaman að
fylgjast með þeim hjónum, hversu
samstiga þau voru ávallt í þessu sam-
eiginlega áhugamáli sínu. Maður
nefndi vart annað án þess að nafn
hins fylgdi með, svo einstaklega sam-
rýnd voru þau. Missir Völu er því
mikill og ekki síður litlu hnátunnar,
hennar Oddnýjar Þóru, sem og aldr-
aðrar móður hans. Guð veiti þeim
styrk í sorginni.
Ég kveð góðan samferðamann og
skátabróður um leið og ég þakka hon-
um fyrir óeigingjarnt starf fyrir
skáta. Skátahreyfingin sendir Völu,
Oddnýju Þóru og móður Konna, Odd-
nýju Dóru, sem og öðrum ástvinum
og skátasystkinum einlægar samúð-
arkveðjur og hans er minnst með
miklu þakklæti.
Margrét Tómasdóttir,
skátahöfðingi.
Hann Konni er farinn heim.
Þegar dagur er kominn að kveldi,
þá er kurli á eldstæði hreykt,
og við söfnumst í kring,
setjumst niður í hring,
sveipuð teppum og því næst er kveikt.
Söngvar hljóma, svipur verður hýr,
svefn og þreyta burt úr huga flýr,
eitthvert fagurt ævintýr
í eldsins glóðum jafnan býr.
Eldi frá þá ómar hinsta lag,
eldi hjá við kveðjum liðinn dag,
en minning fögur eftir er,
sem aldrei gleymist mér.
(Tryggvi Þorsteinsson)
Eitt sinn skáti, ávallt skáti.
Við sendum Völu Dröfn, Oddnýju
Þóru og fjölskyldunni allri okkar
innilegustu samúðarkveðjur.
St. Georgsgildið í Kópavogi.
Kveðja frá Gilwell
Skátabróðir kvaddur
Við skiljum svo fátt, en skynjum þann mátt,
sem skapar oss ævidaga.
Óvænt og skjótt, upp kemur nótt,
úti er lífsins saga.
Vinurinn kær, farinn er fjær
á fund þess er öllu ræður.
Sorgbitin lund, já, opin er und,
og orðvana systur og bræður.
Margt er að sjá á minningaskjá,
myndirnar hugurinn geymir.
Maður um kveld við minningaeld,
í minningum situr og dreymir.
Í hjartanu býr og hörpuna knýr
harmur, – á fallvaltleik bendir.
Í huga er þökk og kveðjan er klökk,
kveðjan sem Gilwell þér sendir.
Guð, drottinn minn, og guð, faðir þinn,
vor gæti í blíðu og ströngu.
Geislandi vor og gleðinnar spor
þér gefist í ferðina löngu.
(Hörður Zóphaníasson)
Kveðja frá
skátafélaginu Kópum
Þökkum, þegar sólin blikar,
þökkum fyrir regn og vor.
Þökkum er lax í straumi stikar,
stökkin kalla á þor.
Þökkum, þegar finnst oss gaman,
þökkum fyrir söng og þrá.
Þökkum er allir syngja saman,
sækjum brattann á.
Þökkum þennan æskuskara,
Þökkum fyrir glaða lund.
Þökkum þeim sem koma og fara,
þökkum helgistund.
(Hörður Zóphaníasson)
Konráð Þórisson er farinn heim.
Hann gegndi stjórnarstöðu hjá Kóp-
um s.l. 12 ár og vann félaginu af þeim
heilindum sem einkenndu flest það
sem hann tók að sér. Það syrti að í
dalnum okkar fagra þar sem skáta-
heimilið stendur við þessa fregn. Þau
börn og unglingar innan félagsins
sem kynntust honum náið, sakna
góðs vinar og fullorðna fólkið situr
eftir með með djúpa sorg og söknuð.
Konráði fylgdi alltaf ákveðinn hress-
leiki og hann setti mark sitt á ótal
verkefni innan félagsins. Mörg eru
þau störf sem leysa þarf í stóru
skátafélagi. Ávallt var Konráð tilbú-
inn að leggja sitt þar af mörkum. T.d.
þegar vantaði foringja fyrir Andro-
medu þá tók hann það að sér, hann
var í þeirri nefnd félagsins sem sá um
skála félagsins. Meðan hann starfaði
með Kópum kom hann alltaf sem
þátttakandi eða a.m.k. kom hann við
á alla viðburði félagsins hvort það var
innanbæjar eða á skátamótum. Á síð-
asta skátamóti sem hann tók þátt í
Jamboree s.l. sumar reyndist hann
foringjum Kópa sá klettur sem þeir
þurftu á að halda í erfiðum störfum
sínum sem foringjar í stórum skáta-
hóp á erlendri grund. Eitt af þeim
mótum sem urðu til eftir umræður
innan skátahreyfingarinnar og björg-
unarsveitanna er Samanmótið. Kon-
ráð var einn þeirra sem þar voru með
frá upphafi. Dróttskátamótið Saman
verður haldið um komandi helgi og
verður tileinkað minningu hans en
hann átti að gegna stöðu mótsstjóra
þar.
Allir Kópar, eldri sem yngri,
kveðja Konráð með virðingu, þakka
vini fyrir liðna tíð og biðja honum og
fjölskyldu hans blessunar um ófarinn
veg.
Sofnar drótt, nálgast nótt,
sveipast kvöldroða himinn og sær.
Allt er hljótt, hvíldu rótt.
Guð er nær.
(Kvöldsöngur kvenskáta)
Kveðja frá Radíóskátum
Hér stöndum við eftir allir vinir og
félagar Konna sem vorum samferða í
leik og starfi innan skátahreyfingar-
innar með sorg í hjarta og skiljum
ekki af hverju hann er farinn „heim“.
Fyrstu kynni okkar eldri félaga af
Konna ná aftur til þess tíma er fjar-
skipti björgunarsveita voru svo til
eingöngu á stuttbylgju. Áhugasamur
björgunarsveitarmaður frá Hjálpar-
sveit skáta í Garðabæ fór að venja
komur sínar í fjarskiptaherbergi
LHS í Skátahúsinu við Snorrabraut.
Eitt leiddi af öðru og fleiri bættust í
hópinn og með tímanum varð til
áhugasamur hópur sem kallaði sig
Fjarskiptasveit skáta. Markmiðin
voru háleit og stefnt að því að efla
áreiðanleika fjarskipta björgunar-
sveita og færni meðlima þeirra á því
sviði. Fljótlega fór að bera á hæfni
Konna við að koma ýmsum málum
áfram sem oft vöfðust fyrir okkur
hinum, svo sem að smíða innréttingar
í fjarskiptaherbergi, loftnetasmíði og
lagfæringar og viðhald á búnaði
sveitarinnar sem hann átti drjúgan
þátt í að útvega. Konni var fljótur að
eignast vini og hafði tengsl við menn
hér og þar í litrófi mannlífsins. Þessi
hæfileiki hans nýttist heildinni og oft
var það hann sem bjargaði málinu
með sínum samböndum. Fjölhæfur
er orð sem má nota um Konna og
ekkert verkefni sem hann tók að sér
var látið ólokið og má segja að hann
hafi oft á tíðum verið of ósérhlífinn.
Þannig var Konni fullur af orku og
áræði. Það var gott að vinna með
Konna og gaman að taka við verkfær-
um úr höndum hans í köldu veðri því
þau voru snarpheit og skipti ekki
máli hvort um lítið skrúfjárn eða efn-
ismikinn skiptilykil var að ræða og ef
honum þótti menn vera loppnir var
hann fljótur að koma yl í putta við-
komandi með því að halda um stund
utanum þá. Enginn hafði betra
hjartalag eða jafn heitar hendur.
Minningar eru allar á svipuðum nót-
um allsstaðar er Konni allt í öllu og
eftir að hann festi ráð sitt eru þau
Konni og Vala í forgrunni. Heimili
þeirra var félagsmiðstöð Skátafélags
Radíóskáta sem stofnað var árið 1995
af félögunum úr Fjarskiptasveit
skáta og félagi Íslenskra radíóama-
töra, ÍRA.
Fórnfýsi þeirra hjóna var ekki ein-
skorðuð við eitt félag því Hjálpar-
sveitir í Kópavogi og Garðabæ ásamt
skátafélagi Kópa í Kópavogi fengu að
njóta hennar. Fljótlega eftir stofnun
Radíóskáta var Konni kosinn fé-
lagsforingi og það segir sína sögu að
ekki hefur verið talin þörf á að breyta
því fyrirkomulagi í áranna rás og
hann því ávallt endurkjörinn án mót-
framboða. Konni hafði einstakt lag á
að finna fjáröflunarleiðir og fá menn
með sér í allskonar verkefni sem
efldu og stækkuðu félagið jafnt og
þétt þannig að í dag er staða þess góð.
Ef litið er yfir félagslegan starfs-
feril Konna er vandfundinn maður
sem hefur lagt eins mikið af mörkum.
Nú er góður vinur og félagi farinn
á vit nýrra ævintýra en ylurinn af
góðum minningum á eftir að verma
líkt og ylurinn af höndum hans forð-
um daga.
Við þökkum samfylgdina Konni og
allt það góða sem þú gafst af þér. Við
vottum Völu, Oddnýu Þóru og Odd-
nýu Dóru okkar dýpstu samúð.
F.h. Radíóskáta,
Haukur K.
Konráð Þórisson, Konni, er farinn
heim.
Það var mikið áfall að fá þær fréttir
að Konni væri allur.
Ég og Konni vorum í miklu sam-
starfi í skátunum. Við vorum fyrirlið-
ar fyrir hönd Bandalags íslenskra
skáta í alþjóðlegu starfi skátahreyf-
ingarinnar á sviði radíó- og tölvusam-
skipta. Árlega höfum við haldið sam-
an ásam fleiri góðum skátum
(Jamboree on The Air) JOTA og
(Jamboree on The Internet) JOTI
sem kallað hefur verið Smiðjudagar
hin síðari ár.
Vegna þessa höfum við setið
nokkrar Evrópu- og Norðurlanda-
ráðstefnur um þessi mál og þurft að
hafa mikil samskipti þess vegna.
Ég minnist Konna sem vinar og fé-
laga þó að við höfum ekki verið alltaf
sammála um alla hluti, en samstarf
okkar gekk yfirleitt hnökralaust.
Ég og kona mín vottum Völu og
Oddnýju okkar innilegustu samúð
svo og fjölskyldum þeirra.
Sturla Bragason.
 Fleiri minningargreinar um Kon-
ráð Þórisson bíða birtingar og munu
birtast í blaðinu á næstu dögum.