Morgunblaðið - 14.10.2007, Side 2
2 SUNNUDAGUR 14. OKTÓBER 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir, dagskra@mbl.is mbl.is netfrett@mbl.is Guðmundur Sv.
Hermannsson fréttastjóri gummi@mbl.is
E FT I R DAG A
www.jpv.is
Vilja hækkun lægstu taxta
Formaður Samiðnar, sambands iðnfélaga, segir menn hafa verulegar áhyggjur af fjölgun ófaglærðra
starfsmanna í iðngreinum og að Samiðn vilji leggja áherslu á þau mál í komandi kjarasamningum
Eftir Davíð Loga Sigurðsson
david@mbl.is
HÆKKUN lægstu taxta og viðspyrna vegna
fjölgunar ófaglærðra starfsmanna í iðngreinum
eru þeir tveir þættir sem Samiðn, samband iðn-
félaga, hyggst leggja áherslu á í komandi kjara-
samningum en Samiðn hélt kjaramálaráðstefnu
sína á Selfossi í gær og á föstudag.
Finnbjörn A. Hermannsson, formaður Sam-
iðnar, segir að komið hafi í ljós að félagar í Sam-
iðn búi við ólíkar aðstæður, sem helgist af því
hvar á landinu þeir búi. Víða úti á landi séu menn
einfaldlega að fá borgaða lægstu taxta. Ástandið
sé betra í Reykjavík „en við höfum þó hópa á höf-
uðborgarsvæðinu sem liggja á töxtum eða eru
nærri þeim“. Ræðir þar einkum um kvennastétt-
ir, s.s. hárgreiðslufólk og garðyrkjufólk.
Ljóst sé því að Samiðn muni fara fram á veru-
lega hækkun lægstu taxta. „Við ætlum að spila
saman verulega hækkun lægstu taxta og kaup-
máttaraukningu,“ segir Finnbjörn. „Meðalkaup-
máttaraukning hefur verið um 10% hjá iðnaðar-
mönnum á þeim fjórum árum, sem liðin eru síðan
síðast var samið. Þessu hefur hins vegar verið
mjög misskipt. Þeir sem eru á töxtunum hafa
ekki notið þessarar kaupmáttaraukningar.“
Grafið undan starfsgreininni
Hitt aðalmálið í komandi kjarasamningum
verði aðgerðir til þess fallnar að koma böndum á
fjölgun ófaglærðra starfsmanna.
Finnbjörn segir að verulegur skortur hafi ver-
ið á vinnuafli í tilteknum greinum, s.s. í bygging-
ariðnaði og málmiðnaði. Því hafi verið mætt með
ráðningu ófaglærðra Íslendinga og erlendra
starfsmanna sem í mörgum tilfellum hafi enga
sérstaka menntun. „Það skortir hins vegar alls
ekkert iðnaðarmenn í Evrópu heldur lítum við
svo á að atvinnurekendur séu einfaldlega að ná
sér í ódýrara vinnuafl.“
Finnbjörn segir að afleiðing þess, að menn ráði
mikið af ófaglærðu fólki, sé m.a. sú að verk séu
verr af hendi leyst en ella. Þetta sé farið að valda
verulegum áhyggjum. Með þessu háttalagi séu
atvinnurekendur að grafa annars vegar undan
iðnmenntuninni og hins vegar starfsgreininni
sem slíkri og orðstír hennar.
DAGUR B. Eggertsson segir mik-
ilvægt að koma aftur á stöðugleika
í Reykjavíkurborg og bendir á að
nýr meirihluti taki við völdum við
afar sérstakar aðstæður. Kom þetta
m.a. fram á opnum fundi Samfylk-
ingarinnar vegna meirihlutamynd-
unarinnar í borgarstjórn. Hann
sagði menntaskólafrjálshyggjuna
hafa ráðið ríkjum innan borgar-
stjórnarflokks Sjálfstæðisflokksins.
Þétt var setið á fundinum sem
fram fór í höfuðstöðvum Samfylk-
ingarinnar við Hallveigarstíg rétt
fyrir hádegi í gær og var þar fullt
út að dyrum. Dagur B. Eggertsson,
oddviti flokksins í borgarstjórn og
verðandi borgarstjóri, hélt erindi
þar sem hann skýrði stöðu mála
fyrir fundarmönnum. Hóf hann mál
sitt á því að segja að félagshyggjan
væri aftur komin til valda í Reykja-
vík. Hvellurinn sem orðið hefði í
kringum Orkuveitu Reykjavíkur
hefði í þetta skipti leitt til jákvæðr-
ar niðurstöðu. Mikilvægt væri að
umrótið leiddi til einhvers góðs og
það væri vilji hins nýja borgar-
stjórnarmeirihluta. Koma þyrfti
aftur á stöðugleika í Reykjavíkur-
borg.
Verkin munu tala
„Hlutirnir hafa gerst hratt og við
erum að taka við, við sérstakar að-
stæður,“ sagði Dagur. „Við
ákváðum að þetta væri tækifæri
sem vert væri að láta á reyna og
þar sem það ríkir trúnaðartraust
innan hópsins tókst okkur að klára
þetta verkefni á undra skömmum
tíma.“
Hann sagði nýjan meirihluta í
borgarstjórn Reykjavíkur hafa
bundist trúnaðarsambandi um að
halda auðlindunum í samfélagslegri
eigu.
Borgarstjórnarflokkur Sjálfstæð-
isflokksins yrði nú að leysa úr sín-
um innanbúðarmeinum og stíga
skref sem enginn flokkur ætti að
þurfa að stíga nema á fyrstu blað-
síðu menntaskólafrjálshyggjunnar.
Dagur sagði að eitt af því fáa
sem aldrei hafi þurft að ræða við
myndun nýs meirihluta í Reykjavík
hafi verið það hver myndi leiða
samstarfið. Þá sagði hann að meiri-
hlutinn myndi beita sér fyrir
öruggum leigumarkaði, betri leik-
skólum, þróun borgarinnar úr því
að verða amerísk bílaborg í borg
með alvöru lífsgæðum og að þeim
vinnubrögðum sem tíðkast hefðu
undanfarna mánuði með baktjalda-
makki í lokuðum hliðarherbergjum
yrði hætt.
„Kæru félagar, þetta er sögulegt
tækifæri til að láta verkin tala og
virkja okkur sjálf,“ bætti Dagur
við.
Morgunblaðið/Golli
Samfylkingarfundur Dagur B. Eggertsson sagði að hinn nýi meirihluti myndi beita sér fyrir átaki í leikskóla-
málum og bættum leigumarkaði. Horfið yrði frá þeirri stefnu að Reykjavík yrði amerísk bílaborg.
Aldrei þurfti að ræða hvaða
flokkur myndi leiða samstarfið
FORYSTUMENN í Sjálfstæðis-
flokknum, þ.á m. í borgarstjórnar-
flokknum, telja störf Björns Inga
Hrafnssonar, borgarfulltrúa Fram-
sóknarflokksins, í stjórn Orkuveitu
Reykjavíkur og í stjórn Reykjavík
Energy Invest (REI) hafa einkennst
af því að verja hagsmuni fjárfesta
tengda Framsóknarflokknum og
vilja láta kanna eignarhlut fram-
sóknarmanna í REI, að því er fram
kemur í frétt á forsíðu Fréttablaðs-
ins í gær. Björn Ingi Hrafnsson vísar
í fréttinni þessum ásökunum alfarið
á bug.
Fram kemur í fréttinni að eign-
arhaldsfélögin Landvar ehf. og Þeta
ehf. eigi saman helmingshlut í VGK-
Invest á móti verkfræðistofunni
VGK-Hönnun og Rafhönnun, sem
fari með um 5,75% hlut í Geysi Green
Energy (GGE), en sá hlutur nemi
um tveggja prósenta hlut í samein-
uðu félagi GGE og REI. Verðmat á
hlut VGK-Invest sé á bilinu 1,3-1,5
milljarðar króna.
Fram kemur einnig að Helgi S.
Guðmundsson, fyrrverandi formað-
ur fjármálanefndar Framsóknar-
flokksins og bankaráðs Seðlabanka
Íslands, sé skráður stofnandi og for-
svarsmaður Landvars ehf., sem fari
með um 35% hlut í VGK-Invest.
Þá segir að Kristinn Hallgrímsson
hæstaréttarlögmaður sé skráður
eigandi Þeta ehf., sem á 15% í VGK-
Invest. Haft er eftir honum í frétt-
inni að aðrir eigendur hlutarins séu
lögmenn á lögmannsstofunni Full-
tingi, en hann er einn fjögurra eig-
enda stofunnar. Kristinn segir í
fréttinni að forsvarsmenn VGK-
Hönnunar hafi boðið þeim að gerast
hluthafar í VGK-Invest.
Áhrifamenn
í Framsókn
hluthafar
Á SÍÐASTA meirihlutafundi fráfar-
andi meirihluta Sjálfstæðisflokks og
Framsóknarflokks í borgarstjórn
Reykjavíkur lagði Björn Ingi
Hrafnsson, borgarfulltrúi Fram-
sóknarflokksins, fram minnisblað,
sem borgarfulltrúar Sjálfstæðis-
flokksins litu á sem úrslitakosti af
hans hálfu fyrir áframhaldandi sam-
starfi. Þeir litu svo á, að í hugmynd-
um Björns Inga fælist ekkert annað
en að haldið yrði áfram óbreyttri
stefnu í málefnum Orkuveitunnar og
því væru þær ekki aðgengilegar af
þeirra hálfu.
Morgunblaðið hefur þetta blað
undir höndum og er texti þess á
þennan veg:
„1. REI er eðlilegt framhald á út-
rásarverkefnum Orkuveitu Reykja-
víkur. Ákveðið að styðja við bakið á
því. Bjarni Ármannsson verði áfram
stjórnarformaður, aðrir fulltrúar OR
innan stjórnar verði ekki stjórn-
málamenn, en tenging við stjórn OR
verði tryggð.
2. Ekki hlutverk Reykjavíkur-
borgar að vera einn af lykileigendum
slíks fyrirtækis til lengri framtíðar,
þar sem slíkt krefðist aukins áhættu-
fjármagns og þátttöku í aukningu
hlutafjár. Hlutverkið fremur að gera
verðmæti úr þeirri þekkingu og
reynslu sem OR og starfsfólk hennar
býr yfir.
3. Ákveðið að í kjölfar skráningar
félagsins verði stærstur hluti hluta-
bréfanna seldur, enda hafi þá gefist
kostur á að auka virði þess til hags-
bóta fyrir eigendur. Annaðhvort
verði borgarbúum gefinn kostur á að
taka þátt, eða þeir njóti þess með
beinum hætti.
4. Verði eigendafundur af ein-
hverjum ástæðum dæmdur ólög-
mætur verði boðað til hans aftur og
þá muni fulltrúar Reykjavíkur
styðja samrunann aftur í samræmi
við fyrri stefnumótun.
5. Upplýsingagjöf vegna fyrir-
tækja í eigu Reykjavíkurborgar og/
eða dótturfyrirtækja þeirra verði
efld og haldnir reglulegir kynning-
arfundir með kjörnum fulltrúum.
6. Fulltrúar Reykjavíkur bera
fullt traust til starfsmanna Orkuveit-
unnar og dótturfyrirtækja hennar.“
Vildi styðja samrunann aftur þó
fundur yrði dæmdur ólöglegur