Morgunblaðið - 14.10.2007, Page 38

efnahagslíf
38 SUNNUDAGUR 14. OKTÓBER 2007 MORGUNBLAÐIÐ
um Jónsmessuna 2007. „Ég tel að
þetta eigi möguleika á því að verða
stærsta útrásarverkefni Íslands frá
byrjun,“ sagði Árni Jensen, annar
stofnenda Icelandic Energy, í sam-
tali við Morgunblaðið.4
Það varð ekki lítill hvellur þegar
Reykjavík Energy Invest, útrás-
arfélag Orkuveitu Reykjavíkur,
sameinaðist Geysi Green Energy.
Ágreiningur er uppi um hvernig á
gæðinginn skuli lagt – hverjir setjist
í hnakkinn og taki um tauminn út í
hinn stóra heim. Það eru eðlilegir
vaxtarverkir. Það er vandaverk að
skipa málum svo verði íslenskri þjóð
til gæfu.
Sú skoðun var ríkjandi að afleidd
áhrif stóriðju yrðu mæld út frá full-
vinnslu áls, líkt og Alpan á Eyrar-
bakka við framleiðslu álpotta og
panna. Alpan náði aldrei að verða
kröftugt fyrirtæki sem greiddi há
laun. Það var flutt úr landi til lág-
launasvæða A-Evrópu. Auk iðn-
þekkingar hafa áhrif stóriðju skilað
sér í hátækni íslenska orkugeirans.
Þjóðin skiptist þó í andstæðar fylk-
ingar. Það kom skýrt fram í kosn-
ingum um stækkun álversins í
Straumsvík á útmánuðum 2007. Fé-
lagarnir í Spaugstofunni færðu þjóð-
sönginn í nýjan búning:
Ó, stuð vors lands, ó lands vors stuð,
við lofum að virkja og verja þitt nafn.
Úr rafkerfum háspennan hnýtir þér krans
er hún knýr allt þitt álverasafn.
Fyrir þér er hver lækur sem teravattstund
og teravatt dugar ei meir.
Við erum eitt smáblóm með titrandi tár,
sem tilbiður Alcan og deyr,
Íslands jökulár, Íslands jökulár!
Við erum eitt smáblóm með titrandi tár,
sem tilbiður Alcan og deyr.
„Ísland getur orðið risi á
heimsvísu … Saudi Arabía
í hreinni orku“
Skoðanir landsmanna eru skiptar
en útlendingar sjá íslenska orku-
ævintýrið með öðrum augum. Þeir
furða sig á allri þessari vistvænu
orku; 72% af orkunotkun lands-
manna er endurnýjanleg saman-
borið við 7% í Evrópusambandinu.
Þetta á ríkan þátt í að litið er á Ís-
land sem fyrirmynd – vistvænt land.
Yoko Ono kveðst yngjast um mörg
ár við komu til eyjunnar við ysta haf.
Friðarsúlan tileinkuð John Lennon
á að lýsa um allan heim. Heims-
pressan birtir myndir af affalli raf-
orkuvers í Svartsengi – Bláa lóninu
sem hefur orðið ein helsta táknmynd
hins tandurhreina lands.
Íslensk orka vekur athygli langt
út fyrir landsteinana. „Ísland getur
orðið risi á heimsvísu í hreinni orku
… Ísland getur orðið Saudi Arabía í
hreinni orku,“ sagði Andrew
Kershner, aðstoðarorkumálaráð-
herra Bandaríkjanna, á Stöð 2 í lok
júlí 2007. Innan orkugeirans hafa
verkfræðistofur þroskað fag sitt á
liðnum áratugum. Þær eru kraft-
mikill mótor í útrásinni. Verkfræði-
stofan HRV var stofnuð 1996 til þess
að vinna að uppbyggingu álversins á
Grundartanga. Í HRV koma saman
VGK hönnun, Rafhönnun og Verk-
fræðistofa Sigurðar Thoroddsen.
Félögin unnu hvert fyrir sig að verk-
efnum vegna stækkunar ÍSALs
1996-97. HRV hefur unnið með
Bechtel við Fjarðaál og vinnur að
undirbúningi álvera á Húsavík og í
Helguvík. Félagið hefur í vaxandi
mæli haslað sér völl erlendis. HRV
er stærsta verkfræðistofa landsins
með 320 starfsmenn.
Markmiðið er að verða leiðandi á
heimsvísu á sviði álframleiðslu og
umhverfisvænnar orku … Við höf-
Útflutningur Árið 2008 verða sjávarafurðir ekki lengur helsta útflutningsvara Íslendinga, ál tekur fyrsta sætið.
Þorskveiðar á lýðveldistíð Eftir sigur í landhelgisstríðunum tók við
hömlulaus þorskveiði sem náði hámarki 1981 með 460 þúsund tonna afla.
Kvóti næsta árs er 130 þúsund tonn.
Orkunotkun Fyrir tæpri hálfri öld var orkunotkun liðlega 500 GWst. en
verður tæplega sextán þúsund árið 2008.
Umskipti Hagfræðingar sjá fram á vaxandi útflutning og minnkandi við-
skiptahalla á næstu misserum.
Morgunverðarfundir
verða haldnir á Grand hóteli - Háteigi
(salur á 4. hæð) þann 19. október, 2. nóvember
og 15. nóvember 2007.
Dagskrá:
19. október kl. 8:30-10:00
Jóhanna Sigurðardóttir, félagsmálaráðherra, ávarpar fundar-
gesti.
Sigurður Jóhannesson, hagfræðingur á Hagfræðistofnun
Háskóla Íslands, fjallar um samverkan launa- og lífeyris-
tekna og hvort það sé þjóðhagslegur ávinningur af atvinnu-
þátttöku eldra fólks.
Sigríður Lillý Baldursdóttir, framkvæmdastjóri þróunarsviðs
Tryggingastofnunar ríkisins, fjallar um kostnað samfélagsins
af því að missa fólk fyrr af vinnumarkaði út frá heilsufarsleg-
um og félagslegum forsendum.
Hannes G. Sigurðsson, aðstoðarframkvæmdastjóri Samtaka
atvinnulífsins, fjallar um breytingar í mannfjöldaþróun næstu
áratuga og áhrif breytinganna á íslenskan vinnumarkað.
2. nóvember kl. 8:30-10:00
Emil B. Karlsson, forstöðumaður Rannsóknarseturs verslun-
arinnar, fjallar um rannsókn Rannsóknarsetursins á ávinningi
fyrirtækja af atvinnuþátttöku eldra fólks.
Guðríður H. Baldursdóttir, starfsmannastjóri Kaupáss, fjallar
um möguleika og reynslu fyrirtækjanna af að ráða eldra fólk
til starfa.
Guðrún Stella Gissurardóttir, forstöðumaður þjónustuskrif-
stofu Vinnumálastofnunar á Vestfjörðum, fjallar um mentora
hugmyndina - félagsvinakerfi- og möguleika fyrirtækjanna
til að nýta sér hana.
15. nóvember kl. 8:30-10:00
Sveinn Aðalsteinsson, framkvæmdastjóri Starfsafls, starfs-
menntar Samtaka atvinnulífsins og Flóabandalagsins, fjallar
um Evrópuverkefni sem Starfsafl tekur þátt í, og miðar að
því að styrkja stöðu eldra fólks á vinnumarkaði.
Séra Bernharður Guðmundsson, fulltrúi Öldrunarráðs Ís-
lands í norrænni nefnd - Ældre i arbejdslivet - fjallar um
breytilegar þarfir og aðstæður fólks á vinnumarkaði.
Halldóra Friðjónsdóttir, formaður BHM og nefndarmaður í
Verkefnisstjórn 50+, fjallar um erlend verkefni sem unnin
hafa verið með þennan aldurshóp í fyrirtækjum.
Árið 2005 skipaði félagsmálaráðherra, sjö
manna verkefnisstjórn sem ætlað er að
stýra fimm ára verkefni sem hefur það
meginmarkmið að styrkja stöðu miðaldra
og eldra fólks á vinnumarkaði. Eitt af því
sem verkefninu er ætlað, er að styrkja
stöðu þeirra sem eru 50 ára og eldri með
því að skapa jákvæða umræðu um mið-
aldra og eldra fólk á vinnumarkaði. Mark-
miðið er m.a. að bæta ímynd þeirra með
því að vekja athygli á kostum þeirra sem
starfsmanna og móta farveg fyrir viðhorfs-
breytingu í þjóðfélaginu.
m
b
l 9
21
85
7