Morgunblaðið - 18.10.2007, Qupperneq 13

MORGUNBLAÐIÐ FIMMTUDAGUR 18. OKTÓBER 2007 13
LANDVERND hefur farið þess á
leit við Kristján Möller samgöngu-
ráðherra að hann beiti sér fyrir því
að gerð vestari hluta Gjábakkaveg-
ar verði frestað meðan UNESCO,
Menningarmálastofnun Sameinuðu
þjóðanna, metur áhrif vegarins á
svæðið.
Svokallaður Gjábakkavegur er nú
á útboðslista Vegagerðarinnar en
vegurinn fer í gegnum Þingvelli
sem eru á heimsminjaskrá
UNESCO. Hefur Heimsminjanefnd
Íslands lýst áhyggjum af því að
með lagningu þjóðvegar með 90 km
hámarkshraða megi búast við stór-
aukinni umferð í gegnum þjóðgarð-
inn umfram það sem eðlilegt geti
talist vegna fjölgunar ferðamanna,
sem heimsækja Þingvelli. Sú staða
geti skapast að Þingvellir verði
settir á lista yfir heimsminjar í
hættu.
Málið er nú til meðferðar hjá
UNESCO og hefur Bergur Sig-
urðsson, framkvæmdastjóri Land-
verndar, nú sent samgönguráð-
herra bréf þar sem þess er óskað
að útboði verði seinkað þar til
UNESCO lýsir skoðun sinni á veg-
arlagningunni. Einnig að betri veg-
arstæði séu til.
Vilja bíða
með útboð
KARL á fertugs-
aldri var hand-
tekinn í Kópa-
vogi um
kvöldmatarleytið
í fyrradag. Í
bakpoka hans
var m.a. að finna
fatnað og rakvél-
ar sem hann gat
ekki gert grein
fyrir.
Maðurinn var sömuleiðis með
blóm í fórum sínum en fullvíst
þykir að þau hafi verið fengin
ófrjálsri hendi. Maðurinn var
færður á lögreglustöð. Þess má
geta að hann var líka handtekinn
fyrir þjófnað um síðustu helgi en
þá stal hann fatnaði úr verslun í
miðborginni.
Rósir Maðurinn
stal m.a. blómum.
Stal blómum
og rakvélum
SAMHJÁLP mun á næstunni opna
nýja kaffistofu í Borgartúni 1 í
Reykjavík, í húsnæði sem Reykja-
víkurborg notaði síðast undir
geymslur. Kaffistofan getur verið á
þessum stað í þrjú ár.
Að sögn Heiðars Guðnasonar,
forstöðumanns Samhjálpar, leituðu
samtökin að húsnæði u.þ.b. miðja
vegu milli Hlemms og Lækjartorgs
og þótt Borgartún 1 uppfylli ekki
þá kröfu henti staðsetningin ágæt-
lega. „Þetta er í göngufæri frá
Hlemmi og Lækjartorgi og þessum
stöðum þannig að við erum alveg
sáttir við staðsetninguna,“ sagði
hann. Eftir er að ganga frá nokkr-
um lausum endum, s.s. semja um
leigu fyrir húsnæðið, en að öðru
leyti er allt frágengið, að sögn
Heiðars.
Kaffistofa Samhjálpar var á
Hverfisgötu 42 árið 1982 en flutti
síðan á Hverfisgötu 44 árið 1997.
Kaffistofan lenti á hrakhólum í
september og hefur undanfarið ver-
ið í húsnæði Fíladelfíusafnaðarins í
Hátúni 2. Vonast er til að kaffistof-
an geti fljótlega aftur flutt inn á
Hverfisgötu 44.
Opið verður í Borgartúni sama
tíma og var á Hverfisgötu, 10-16 á
virkum dögum og 11-16 um helgar.
Kaffistofa
Samhjálpar
í Borgartún
♦♦♦
♦♦♦
TILBOÐ sem bárust vegna endurúthlutunar á
ESB tollkvótum reyndust um 66% lægri en tilboð
sem skilað var í vor. Heildarfjárhæð útboðsins
nam 144 milljónum króna.
Við úthlutun á tollkvótum vegna innflutnings
á landbúnaðarvörum frá ESB löndunum sl. vor
kom í ljós að nokkur brögð voru að því að fyr-
irtæki byðu háar upphæðir í tollkvótann en
stæðu síðan ekki við tilboð sín þegar til átti að
taka. Þannig bauð t.d. eitt fyrirtæki 207 millj-
ónir, en innleysti ekki kvótann. Þetta leiddi til
þess að útboðið var endurtekið, en jafnframt var
reglum breytt þannig að nú verður tilboðum að
fylgja ábyrgðaryfirlýsing banka, sparisjóðs eða
vátryggingafélags. Þá þarf tilboðsgjafi sá er
hæst býður að leysa til sín úthlutaðan tollkvóta
með greiðslu andvirðis hans innan sjö daga frá
dagsetningu tilkynningar um niðurstöðu útboðs.
Hafi tilboðsgjafi ekki leyst til sín tollkvótann inn-
an þessa tímafrests, er landbúnaðarráðherra
heimilt að bjóða næstbjóðanda óinnleystan toll-
kvóta.
Í lok síðustu viku fór fram endurúthlutun á
ESB-tollkvótanum og var sú úthlutun gerð á
grundvelli þessara nýju reglna. Niðurstaðan var
sú að nítján tilboð bárust í tollkvótann, þar af
voru sjö fyrirtæki sem ekki uppfylltu útboðs-
reglur varðandi ábyrgðaryfirlýsingu banka,
sparisjóðs eða vátryggingafélags. Í frétta-
tilkynningu segir að fyrirtækin hafi greinilega
vandað sig betur og hafi tilboðin einnig verið
umtalsvert lægri en í fyrri útboðum. Að mati
landbúnaðarráðuneytisins ætti þessi niðurstaða
að leiða til þess að neytendur fá notið aukins
vöruúrvals og hagstæðari viðskiptakjara líkt og
stefnt var að.
Mun lægri tilboð í kvóta til innflutnings á búvörum
Morgunblaðið/Sverrir
Kjöt Um 144 milljónir fengust fyrir tollkvótana.