Morgunblaðið - 18.10.2007, Blaðsíða 21

MORGUNBLAÐIÐ FIMMTUDAGUR 18. OKTÓBER 2007 21
AUSTURLAND
LANDIÐ
Akranes | Fjölskylduhátíðir eða
fyllirí? er spurt í yfirskrift ráðstefnu
um menningar- og fjölskylduhátíðir
og aðra viðburði á vegum sveitarfé-
laga sem haldin verður í Tónbergi,
sal Tónlistarskólans á Akranesi, í
dag, kl. 10 til 16. Akraneskaupstaður
heldur ráðstefnuna í samvinnu við
Samband íslenskra sveitarfélaga.
Rætt verður um vandamál sem
skapast hafa í tengslum við um-
rædda viðburði og varpað fram ýms-
um spurningum: Hver eru viðhorf
sveitarfélaga til hátíða og í hvaða
farveg á að stefna með slíkar hátíðir?
Hvaða úrræði og heimildir hefur lög-
reglan til að bregðast við? Hvert er
viðhorf stjórnvalda og með hvaða
hætti geta þau komið sveitarfélögum
til aðstoðar? Er hægt að halda hátíð
án aðkomu fjölmennra björgunar-
sveita? Er það ásættanlegt að ung-
menni undir lögaldri sæki slíkar há-
tíðir án eftirlits? Er almennt
viðurkennt að „þetta hafi alltaf verið
svona“ og engu sé hægt að breyta?
Það er við hæfi að frumkvæðið að
ráðstefnuhaldi sem þessu komi frá
Akranesi þar sem Skagamenn hafa á
undanförnum árum haldið vel
heppnaðar hátíðir en engu að síður
lent í vandræðum með ólæti og
skemmdarverk – oftast eftir að aug-
lýstri dagskrá var lokið.
Ráðstefna um menningar-
og fjölskylduhátíðir
Eftir Helga Bjarnason
helgi@mbl.is
Hornafjörður | „Krakkarnir unnu
gríðarlega vel og náðu stórkostlegum
árangri,“ segir Jóhann Morávek,
skólastjóri Tónskóla Austur-Skafta-
fellssýslu og stjórnandi lúðrasveita
skólans. Sveitirnar voru gestgjafar á
landsmóti skólalúðrasveita sem fram
fór á Höfn um helgina.
Liðlega 500 börn komu á landsmót-
ið, yngri lúðrasveitirnar í tónlistar-
skólum landsins. Mótið stóð frá föstu-
dagskvöldi og fram á sunnudag. Æft
var stíft allan tímann og hljóðfærin
aðeins lögð til hliðar á meðan krakk-
arnir fengu að borða og sofa og taka
þátt í annarri dagskrá sem heimafólk
bauð upp á til að auka á tilbreyt-
inguna. Nemendunum var skipt í
fimm hópa sem voru í æfingabúðum á
mismunandi stöðum í bænum. Þau
æfðu mismunandi útsetningar og
jafnvel nýjar tónsmíðar. Afraksturinn
var fluttur á tónleikum á sunnudag.
Kári Húnfjörð Einarsson, formaður
Sambands skólalúðrasveita, segir að
þetta fyrirkomulag hafi gefist afar vel
og krakkarnir fái mikla æfingu og
reynslu á þessum stutta tíma.
Að þessu sinni var sérstakur slag-
verkshópur og var fenginn slagverks-
leikari frá Boston í Bandaríkjunum til
að stjórna honum, Kristján Ásgeirs-
son sem eins og nafnið bendir til er af
íslenskum ættum. Hópurinn æfði tón-
verk sem eingöngu er leikið með slag-
verkshljóðfærum og spilaði fyrir hóp-
inn. Kári telur að slagverksleik-
ararnir fjörutíu hafi sett Íslandsmet
því hann veit ekki til þess að svo
margir slagverksleikarar hafi komið
fram saman.
„Þetta er stærsta verkefnið sem
krakkarnir í lúðrasveitunum fá, að
minnsta kosti þeir yngri. Þetta tókst
vel. Þau öðlast reynslu og kynnast og
skemmta sér saman,“ segir Kári.
Settu Íslandsmet í
slagverksleik á Höfn
Morgunblaðið/Sigurður Mar Halldórsson
Slagverk Kristján Ásgeirsson æfði slagverkshóp sem setti Íslandsmet þegar hann kom fram á lúðrasveitamótinu.
Í HNOTSKURN
»Landsmót skólalúðra-sveita er nú haldið á
tveggja ára fresti.
»38 skólar eru í sambandiþeirra. Sextán tóku þátt á
Höfn þar sem yngri sveitirnar
komu saman.
Eftir Steinunni Ásmundsdóttur
steinunn@mbl.is
Djúpivogur | Laxeldi hefur verið
hætt í Berufirði og þykir Djúpa-
vogsmönnum ekki hafa verið full-
reynt í þeim efnum og eru ósáttir.
Atvinnulífið er þó þokkalegt á
staðnum. Til dæmis hefur ferða-
þjónustan gengið framar vonum og
blússandi umferð er af fiskibátum í
höfninni. Lista- og menningarhús
er á teikniborðinu og Djúpavogsbú-
ar að undirbúa árlega Sviðamessu í
öndverðum nóvembermánuði.
Þessa dagana er verið að slátra
úr síðustu laxakví fiskeldisfyrir-
tækisins Salar Islandica ehf. á
Djúpavogi. Laxeldi hefur þar með
verið hætt í Berufirði á vegum fyr-
irtækisins, en í því á HB Grandi
rúmlega 70% hlut. Áframeldi seiða
hefur misfarist og telur stjórn fyr-
irtækisins ekki forsendur fyrir lax-
eldi í firðinum að svo stöddu.
Bundnar voru miklar væntingar
við laxeldið sem vaxandi atvinnu-
veg á Djúpavogi og átti eldið að
geta veitt 18 manns fasta atvinnu
og hátt í 30 manns vinnu við laxa-
slátrun.
„Í stað þess að auka eldið smám
saman eins og áætlað var hefur
fjarað undan upp á síðkastið“ segir
Björn Hafþór Guðmundsson, sveit-
arstjóri Djúpavogshrepps, en
ákvörðun um að hætta eldinu var
tekin sl. vor. „Hreppurinn lagði
talsvert hlutafé í fyrirtækið og mun
eins og staðan er nú ekki fá nema
hluta þess til baka. Það fór ómæld
vinna og fyrirhöfn hjá forsvars-
mönnum sveitarfélagsins í þetta,
sveitarfélagið hafði mikla trú á eld-
inu og við erum ósátt við þessa
ákvörðun. Aðstæður hafa verið
hagstæðar og laxeldið gengið vel,
hitastigið í firðinum og vaxtarhraði
var meiri en búist hafði verið við en
menn urðu því miður fyrir áföllum í
áframeldi seiðanna.“ Sveitarstjóri
segist ekki eingöngu kenna núver-
andi eigendum um hvernig fór, en
ríkt hafi ákveðin bjartsýni sem m.a.
varð til þess að ráðist var í bygg-
ingu myndarlegrar sundlaugar á
staðnum.
Ferðaþjónustan gæfuleg
Björn Hafþór segir ferðaþjón-
ustuna nú einhvern helsta vaxtar-
brodd svæðisins og hún hafi komið
vel undan sumri og sýnt aukningu.
Ferðaþjónusta sé þriðja þrótt-
mesta atvinnugreinin á svæðinu og
gefi um 30 störf á ársgrundvelli.
Sérstakur ferðamála- og menning-
arfulltrúi er nú í hálfu starfi hjá
sveitarfélaginu.
Djúpavogshreppur hefur gengið
til samstarfs við Hornfirðinga í
ferðaþjónustu, sorpurðun og varð-
andi hafnarstarfsemi. Sjávarút-
vegur er ennþá sterkasti atvinnu-
vegurinn og mikil umferð verið um
höfnina á Djúpavogi síðustu vikur
og fullur kraftur ennþá í fisk-
vinnslu. „Auðvitað höfum við ekk-
ert fast í hendi um það hvernig að-
ilar þar mæta samdrættinum, sem
er óumflýjanlegur þegar fer að líða
á næsta vor,“ segir Björn Hafþór
og vonar að mótvægisaðgerðir rík-
isvaldsins muni gera fyrirtækjun-
um kleift að skapa tekjumöguleika
fyrir fólk í tímabundnu atvinnu-
leysi gegnum atvinnuleysistrygg-
ingasjóð.. „Menn mega ekki
gleyma að mikil verðmæti eru fólg-
in í þekkingu á fiskvinnslu. Þarna
er ákveðin óvissa og við höfum
áhyggjur meðan henni er ekki af-
létt.“
Í næstu viku verður líkast til
haldinn sameiginlegur fundur
Djúpavogshrepps og Fljótsdals-
héraðs um hugsanlega sameiningu
sveitarfélaganna. Björn Hafþór
segir þar lykilatriði gagnvart íbú-
um Djúpavogs að samgöngubætur
yfir Öxi verði að veruleika og að
fjármagni verði veitt til sameining-
arferlisins.
Á Djúpavogi er nú í undirbúningi
að byggja 900 m2 lista- og safnahús
sunnanvert við voginn. Húsið verð-
ur tileinkað listamanninum Ríkarði
Jónssyni og listmunum hans. Þá
verður í húsinu fjölnota tónlistar-
og sýningasalur. Dætur Ríkarðs
eiga frumkvæði að byggingu húss-
ins og leiða fjármögnun verkefnis-
ins.
Hæðir og lægðir í atvinnulífinu á Djúpavogi en mannlífið við bestu heilsu
Endalok laxeldis vonbrigði
Ljósmynd/ÓB
Lax Tryggvi Gunnlaugsson í laxaslátrun fyrir Salar Islandica í Ósnesi á
Djúpavogi, en nú er fyrirséð að laxeldi leggst af í Berufirði að sinni.
Í HNOTSKURN
»Laxeldi Salar Islandica íBerufirði hefur verið hætt
og undanfarið hefur verið unnið
að slátrun úr síðustu eldiskvínni.
Þetta eru mikil vonbrigði fyrir
atvinnulífið á Djúpavogi.
»Djúpavogshreppur ogFljótsdalshérað hefja form-
legar viðræður um sameiningu
á næstu dögum.
»900 fm2 lista- og safnahús til-einkað listamanninum Rík-
arði Jónssyni verður reist á
Djúpavogi. Hugmyndin er
dætra Ríkarðs og leiða þær fjár-
mögnun. Vopnafjörður | Um helgina stóð æskulýðs-félag Hofsprestakalls á Vopnafirði fyrir
kærleiksmaraþoni til fjáröflunar í ferðasjóð
fyrir Landsmót æskulýðsfélaga kirkjunnar,
sem haldið verður 19.-21. október nk.
Í sex klukkustundir gengu unglingar í
hús og buðu fram aðstoð sína. Fólk tók
krökkunum vel og fól þeim ýmis verkefni,
t.d. að þvo rúður, sópa, taka úr uppþvotta-
vélinni, hengja þvott á snúru og margt
fleira. Einnig var opið hús í safnaðarheimili
Vopnafjarðarkirkju, þar sem gestum var
boðið upp á vöfflur og kaffi og bíleigendur
gátu látið þrífa bílana sína. Þar sem þetta
var kærleiksmaraþon, þá voru allar góð-
gerðir og góðverk unnin af kærleika sem
krefst ekki endurgjalds og því var allt
ókeypis. Fjölmargir komu við í safnaðar-
heimilinu og tóku virkan þátt í framtakinu.
Marþoninu lauk með fjölmennri guðsþjón-
ustu í Vopnafjarðarkirkju og eftir messu
var kirkjugestum boðið upp á súpu og
brauð, sem krakkarnir í æskulýðsfélaginu
sáu um. Á annað hundrað þúsund krónur
söfnuðust í maraþoninu, sem tókst í alla
staði mjög vel.
Kærleiksgjafir
Pússa Ungt fólk gerir góðverk.
Ljósmynd/SMG
Þú færð afmæliskortið
á næstu Olís-stöð.
Frosin læsing?
Náðu þér í lása„sprey“
með afmæliskorti Olís