Morgunblaðið - 22.11.2007, Blaðsíða 6
6 FIMMTUDAGUR 22. NÓVEMBER 2007 MORGUNBLAÐIÐ
FRÉTTIR
Eftir Silju Björk Huldudóttur
silja@mbl.is
„ÞETTA er algjörlega byggt á mis-
skilningi. Ég er undrandi á um-
ræðunni, þar sem sett voru sérstök
lög um þessar eignir. Í framhaldinu
var ákveðið að stofna Þróunarfélag-
ið um söluna á eignunum og gerður
þjónustusamningur milli ríkisins og
félagsins um það hvernig að sölunni
yrði staðið,“ segir Magnús Gunn-
arsson, formaður Þróunarfélags
Keflavíkurflugvallar (ÞK). Lögin
sem Magnús vísar í eru nr. 176/
2006, en þar segir í 4. gr. að heimilt
sé að „fela Þróunarfélagi Keflavík-
urflugvallar ehf. að annast í umboði
ríkisins umsýslu fasteigna á svæði
sem koma á hið fyrsta í arðbær
borgaraleg not“. Í þjónustusamn-
ingnum, sem undirritaður var 8.
desember 2006 og nálgast má á vef
Þróunarfélagsins (kadeco.is), segir
undir liðnum 5.3 að verksali (þ.e.
Þróunarfélagið) skuli stefna að sölu
þeirra eigna sem samningurinn
fjalli um „eins fljótt og unnt er“.
Telur verðið viðunandi
Líkt og fram hefur komið telur
Atli Gíslason, þingmaður Vinstri
grænna, að sala á tæplega 1.700
íbúðum á varnarsvæðinu á Keflavík-
urflugvelli standist ekki lög þar sem
þær hafi ekki verið auglýstar til
sölu og Ríkiskaup ekki komið að
sölunni, auk þess sem íbúar allra
ríkja EES-svæðisins hafi átt rétt á
að kaupa eignirnar. Magnús segir í
samtali við hann alrangt að eign-
irnar hafi ekki verið auglýstar, því
þær hafi verið auglýstar með heil-
síðuauglýsingum í öllum helstu dag-
blöðum landsins, þ.e. Morgun-
blaðinu, Fréttablaðinu, Blaðinu,
Viðskiptablaðinu og DV, í septem-
ber sl. auk þess sem eignirnar hafi
verið auglýstar til sölu á vef félags-
ins í tæpt ár. Spurður hvort eign-
irnar hafi verið auglýstar í Lögbirt-
ingarblaðinu sem og á öllu
EES-svæðinu svarar Magnús því
neitandi og bendir á að ekki hafi
verið kveðið á um það í fyrrgreind-
um þjónustusamningi.
Í október sl. var greint frá því að
Þróunarfélagið hefði gengið frá sölu
á 96 byggingum til Háskólavalla
ehf. Þar væri um að ræða 1.660
íbúðir auk skrifstofu- og þjónustu-
húsnæðis. Söluverð húsnæðisins er
um 14 milljarðar króna. Í kvöld-
fréttum Stöðvar 2 sl. þriðjudag var
á það bent að eitt af þeim fyr-
irtækjum sem standi að Háskóla-
völlum sé í eigu bróður fjármálaráð-
herra og stjórnarmaður í
Þróunarfélaginu sé aðstoðarmaður
sama ráðherra.
Aðspurður segir Magnús fjölda
aðila hafa boðið í umræddar eignir,
en þegar Þróunarfélagið ákvað að
selja þær Háskólavöllum hafi ann-
ars vegar verið horft til þess verðs
sem hægt var að fá fyrir eignirnar
og hins vegar hugmyndafræðinnar,
þ.e. til hvers kaupendur hygðust
nota þær. „En þó margir hafi verið
að bjóða í eignirnar þá var enginn
annar aðili sem bauð í allan þennan
fjölda eigna. Okkur fannst mjög já-
kvætt að geta selt þetta allt á einu
bretti,“ segir Magnús og bendir á
að verðið sem Háskólavellir hafi
verið að bjóða hafi verið hærra en
það sem aðrir bjóðendur buðu.
Bent hefur verið að á að mark-
aðsverð eignanna sem Háskólavellir
keyptu sé nú nánast tvöfalt hærra
en þeir 14 milljarðar sem greiddir
voru fyrir eignirnar. Þegar þetta er
borið undir Magnús segir hann full-
komlega óraunhæft að bera saman
annars vegar markaðsvirði eigna í
Keflavík og hins vegar á varnar-
svæðinu, því í fyrsta lagi hvíli mikl-
ar kvaðir og takmarkanir á notkun
húsnæðisins og í öðru lagi hafi eign-
unum fylgt mikil viðhaldsskylda.
Hvað kvaðirnar áhrærir bendir
Magnús á að félaginu hafi verið sett
þröng skilyrði um söluna eignanna.
„Því við máttum ekki selja þær
þannig að þær hefðu neikvæð áhrif
á húsnæðismarkaðinn í heild sinni.“
Spurður hvort hann telji að við-
unandi verð hafi fengist fyrir eign-
irnar svarar Magnús því játandi.
„Ég tel að þessar eignir hafi verið
seldar á fullkomlega viðunandi
verði, miðað við þær kvaðir sem á
þeim hvíla, í hvaða ástandi þær eru
og þeim takmörkunum sem gilda
um sölu þeirra næstu árin,“ segir
Magnús.
Ríkisendurskoðun skoðar nú
níu mánaða uppgjör ÞK
Hjá Sigurði Þórðarsyni ríkisend-
urskoðanda fengust þær upplýsing-
ar að Ríkisendurskoðun væri um
þessar mundir að skoða níu mánaða
uppgjör Þróunarfélags Keflavíkur-
flugvallar, enda um að ræða einka-
hlutafélag í 100% eigu ríkisins.
Sagði hann uppgjörið nú algjörlega
óháð þeirri umræðu sem fram hefur
farið síðustu daga um sölu eigna
ríkisins á varnarsvæðinu. Bendir
hann á að það sé ávallt hluti af fjár-
hagsendurskoðun stofnunarinnar að
skoða hvort menn fari að lögum og
reglum sem gilda. Spurður hvenær
niðurstöðu uppgjörsins sé að vænta
segir Sigurður sennilegt að hún
liggi fyrir innan tveggja vikna.
Hjá Ríkiskaupum fengust þær
upplýsingar að eignasölumál ríkis-
ins heyri undir fjármálaráðuneytið
og var blaðamanni vísað þangað
með allar frekari spurningar um
málið.
Einnig var bent á reglugerð nr.
206/2003 um ráðstöfun eigna rík-
isins, en í 9. gr. hennar kemur fram
að fjármálaráðherra getur við sér-
stakar aðstæður veitt heimild til að
víkja frá ákvæðum reglugerðarinn-
ar varðandi framkvæmd sölu eigna
ríkisins.
Ekki náðist í Baldur Guðlaugs-
son, ráðuneytisstjóra fjármálaráðu-
neytisins, í síma í gær vegna máls-
ins þar sem hann var staddur
erlendis. Í svartölvupósti sem Bald-
ur sendi blaðamanni benti hann
hins vegar á að sérlög gangi alltaf
framar almennum lögum. Sagði
hann Þróunarfélaginu hafa með lög-
um verið falið að leiða umsýslu og
umbreytingu svæðisins, m.a. að
selja eignir. Hvað aðrar spurningar
blaðamanns viðkom vísaði Baldur á
Þróunarfélagið.
Segja sérlög gilda um sölu
eigna á varnarsvæðinu
Í HNOTSKURN
»Alls hafa borist 44 kaup-tilboð í þau 292 mannvirki
á varnarsvæðinu sem eru í um-
sýslu Þróunarfélagsins (ÞK).
»Áætlað fermetramagnþessara eigna er um
310.000 fm.
»Háskólavellir keyptu 96byggingar, alls 155.000 fm.
»Aðrir aðilar sem keypt hafaeignir á starfssvæði ÞK eru
Base ehf., sem keyptu 19 bygg-
ingar, Keilir, sem keypt hefur
skólahúsnæði og leikskóla á
svæðinu og Þjóðkirkjan, sem
keypt hefur kapellu ásamt
þremur íbúðum.
Morgunblaðið/Ómar
Varnarsvæðið gamla Nýverið samþykkti ÞK kauptilboð frá Atlantic Film Studios um kaup á 13 byggingum til
þróunar á alþjóðlegu kvikmyndaveri á svæðinu. Alls hefur um 75% eigna á svæðinu verið ráðstafað.
TOYOTA-UMBOÐIÐ hefur beðist
afsökunar á auglýsingu sem kom í
Viðskiptablaðinu í gær en þar er lyft-
ari sýndur lyfta pilsi á konu og ota
gafflinum í rassinn á henni. Þótti
ýmsum sem þarna væri ósmekkleg
auglýsing á ferðinni.
„TMH Iceland ehf. – Toyota-vöru-
lausnir er að stíga sín fyrstu skref í
harðri samkeppni og birtum við okk-
ar fyrstu auglýsingar í blöðum í
þessari viku,“ segir í tilkynningu um-
boðsins. „Vegna auglýsingar sem
birtist í Viðskiptablaðinu í dag (21.
nóvember) hafa okkur borist símtal
og tölvupóstur þar sem gerðar eru
athugasemdir við umrædda auglýs-
ingu.
Því miður hvarflaði ekki að okkur
við gerð auglýsingarinnar að hún eða
aðrar sem við gerðum í sömu syrpu
myndu misskiljast. Við höfðum alls
ekkert illt í huga og tökum að sjálf-
sögðu mark á athugasemdum við-
skiptavina okkar. Við hörmum að
hafa sært fólk og biðjumst afsökun-
ar, auglýsingin verður ekki birt aft-
ur.“
Biðjast
afsökunar
Afturkölluð Umboðið hefur ákveð-
ið að birta ekki aftur auglýsinguna.
DRAGA þurfti sex metra langan
Sómabát með þrjá menn um borð í til
hafnar í Reykjavík, en bátinn rak í
átt að Geldinganesi. Samkvæmt upp-
lýsingum frá Vaktstöð siglinga/
stjórnstöð Landhelgisgæslunnar var
nálægum skipum gert viðvart og
héldu skólaskipið Dröfn og sand-
dæluskipið Sóley tafarlaust á stað-
inn. Greiðlega gekk að koma drátt-
artógi frá Dröfn og yfir í bátinn sem
dró hann til hafnar.
Bátur varð
vélarvana
Eftir Davíð Loga Sigurðsson
david@mbl.is
HÆGT væri að kolefnisjafna allan
koltvísýring (CO2) frá íslenska skipa-
flotanum, alls um eina milljón tonna,
með því að rækta repju hér á landi
og framleiða úr henni jurtaolíu sem
notuð yrði sem eldsneyti í stað dísil-
olíunnar sem nú er notuð. Þetta er
mat Jóns Bernódussonar, verkfræð-
ings hjá Siglingastofnun, en hann
flutti í gær erindi á fundi Samgöngu-
ráðs um þetta efni.
Jón segir nauðsynlegt að skoða
möguleika á notkun lífrænna orku-
gjafa og framleiðslu þeirra hér á
landi. „CO2 er í raun og veru ekki eit-
urefni, þú andar þessu efni frá þér
hvert andartak og síðan nota jurt-
irnar þetta til að nærast á og vaxa.
Það sem ég er að segja og sem skipt-
ir töluverðu máli er þetta: lífrænt
ræktuð olía sem verður til úr jurt
sem heitir repja, hana er hægt að
nota á skipin. Eitt kg af dísilolíu býr
til 3,16 kg af CO2. Hið sama gildir um
repjuolíuna en þú þarft að rækta
hana hér á landi svo um kolefnisjöfn-
un geti verið að ræða.“
Bætir Jón því við að ef hægt yrði
að kolefnisbinda alla kísilolíunotkun
á Íslandi þá stæðu menn eftir með
útblásturskvóta sem mætti nota
t.a.m. til stóriðju.
Jón segir það rangt að repjan geti
ekki dafnað hér á landi, jurtin sé
nefnilega afar harðger og menn séu
þegar byrjaðir að rækta hana í
Alaska og Kanada í sama augnamiði.
Landrými sé nægt hér á landi svo
ekki sé það fyrirstaða.
Umræða þarf að fara fram
Jón segir vaka fyrir honum að ýta
af stað umræðu um þessi mál. „Ef þú
ferð yfir í lífræna orkugjafa geturðu
framleitt repju sem dugar fyrir allri
notkun dísilolíu í dag, bæði skipa og
bíla. Svo værirðu líka að framleiða
olíuna hér á landi auk þess sem
aukaafurð repjunnar – sem verður
til þegar búið er að taka olíuna úr
fræi jurtarinnar – má nota sem fóð-
urbæti fyrir nautgripi og svín.“
Jurtaolía sem eldsneyti
Rækta mætti repju hér á landi og framleiða úr henni olíu til
notkunar í bíla og skip í stað dísilolíunnar sem nú er notuð
Í HNOTSKURN
»Hingað til hafa menn ekkitalið að hér á landi sé nógu
hlýtt til að jurtin repja (ka-
nóla) geti dafnað.
»Repjan er hins vegar rækt-uð í miklu magni í Kanada
og einnig í Alaska og í Svíþjóð.
Í Kanada eru menn komnir
fram með endurbætt afbrigði
sem sprettur á styttri tíma.
♦♦♦
Innrettingar
Dalvegi 10-14 • 200 Kópavogur
Sími 577 1170 • Fax 577 1172 • www.innx.is
Þinn
draumur
...verður að
veruleika hjá okkur
X
E
IN
N
IX
0
7
10
0
23