Morgunblaðið - 22.11.2007, Blaðsíða 11

MORGUNBLAÐIÐ FIMMTUDAGUR 22. NÓVEMBER 2007 11
FRÉTTIR
KIWANISHREYFINGIN, Eimskip
og Safalinn hafa gert samning til
næstu þriggja ára um kaup og
dreifingu á hjálmum til allra
barna í fyrsta bekk grunnskóla
landsins. Áætlað markaðsvirði
samningsins er um 20 milljónir
króna. Undanfarin fjögur ár hafa
Eimskip og Kiwanishreyfingin
gefið öllum börnum í fyrsta bekk
grunnskólanna hjálm, til nota á
reiðhjólum, hlaupahjólum, línu-
skautum og hjólabrettum. Hátt í
20 þúsund börn hafa notið góðs af
þessari gjöf Eimskips og Kiwanis
og hafa þeir nú þegar sannað gildi
sitt. Dæmi eru um að hjálmarnir
hafi bjargað lífi barna sem lentu í
slysi en notuðu hjálminn. Áhersla
hefur verið lögð á að velja vand-
aða hjálma, en þeir eru af Atlas
Rockskipper-gerð frá Safalnum,
segir í fréttatilkynningu.
„Kiwanishreyfingin er ákaflega
þakklát góðum stuðningi Eimskips
og við fögnum þessum samningi.
Kiwanishjálmarnir hafa vakið
verðskuldaða athygli á heimsvísu
innan hreyfingarinnar. Það fellur
líka mjög vel að alheimsmark-
miðum Kiwanis, sem er að hjálpa
börnum heimsins,“ sagði Gylfi
Ingvarsson umdæmisstjóri Kiw-
anis.
„Eimskip leggur mikla áherslu á
öryggismál í allri starfsemi sinni
og mikilvægt er að fyrirtæki eins
og Eimskip styðji framtak á borð
við hjálmaverkefnið. Um 20 þús-
und börn hafa nú fengið slíka
hjálma og má gera ráð fyrir að á
næstu þremur árum bætist annar
eins fjöldi við,“ sagði Guðmundur
Davíðsson forstjóri Eimskips á Ís-
landi.
Undirritun Sitjandi f.v.: Þorvaldur Ólafsson Safalnum, Guðmundur Davíðsson forstjóri Eimskips á Íslandi, Gylfi
Ingvarsson umdæmisstjóri Kiwanis og Andrés Hjaltason fráf. umdæmisstjóri Kiwanis. Standandi f.v.: Óskar Guð-
jónsson erlendur ritari Kiwanis, Guðbjörg Ingvarsdóttir verkefnastjóri í markaðsdeild Eimskips, Matthías G. Pét-
ursson kjörumdæmisstjóri Kiwanis og Guðmundur Oddgeir Indriðason formaður hjálmaverkefnis Kiwanis.
Eimskip kostar hjálmaverkefni Kiwanis
RÍKISKAUP hafa samið við fjóra
aðila um túlka- og þýðingarþjónustu
samkvæmt útboði og rammasamn-
ingi þar að lútandi. Samið var við Al-
þjóðahús og Intercultural Ísland ehf.
um almenna túlkaþjónustu og al-
menna þýðingarþjónustu og við
Markmál ehf. og Skjal ehf. um al-
menna þýðingarþjónustu og þjón-
ustu löggiltra skjalaþýðenda. Hér er
átt við túlkun á íslensku og erlendum
tungumálum, ekki táknmálstúlkun.
Ekkert tilboð barst í þjónustu lög-
giltra dómtúlka.
Sabine Leskopf, verkefnisstjóri
Túlka- og þýðingarþjónustu Al-
þjóðahúss, segir að með þessum
samningum megi vænta bætts sam-
starfs við notendur túlkaþjónustu
hér á landi. Gífurlega mikil þörf sé á
því að mennta fólk í að vinna með
túlkum. Hún nefnir dæmi um þetta:
„Það getur verið flókið að halda utan
um viðtal með aðstoð túlks,“ bendir
hún á. „Ef einhver talar við mann-
eskju með aðstoð túlks á að beina tali
sínu til hennar sjálfrar en ekki túlks-
ins. Læknar spyrja aftur á móti túlk-
ana oft um líðan sjúklingsins og tala
um sjúklinginn í þriðju persónu. Síð-
an eru ekki allir vissir um hlutverk
túlka, þ.e. hvað má spyrja hann um
og hvað ekki. Ég vil t.d. ekki vera
spurð um það hjá lögreglumanni
hvort ég telji að sá sem er í skýrslu-
töku sé að segja satt eða ekki. Við er-
um nefnilega oft spurð um álit. Lög-
reglumenn spyrja: „Heldur þú að
hann sé að segja satt?“ Þetta eru
hlutir sem þarf að vinna í. Ég held að
með þessum rammasamningi getum
við farið öðruvísi í kynningarstarf að
þessu leyti og vona að samningurinn
gefi fyrirheit um betri tíma.“
Þörf hins opinbera fyrir túlkun og
þýðingar hefur aukist mjög á und-
anförnum árum af ýmsum ástæðum,
segir í tilkynningu frá ríkiskaupum.
Í ákveðnum tilvikum sé um að ræða
lögboðinn rétt borgaranna til túlk-
unar, en í vaxandi mæli sé um að
ræða frumkvæði hins opinbera til að
gera margvíslegar upplýsingar að-
gengilegar á fleiri tungumálum.
Ríkið með rammasamning
við fjóra aðila um túlkun
Í HNOTSKURN
»Sabine segir að sýslumennvilji ekki borga fyrir túlka
því þeir haldi að þeir geti sinnt
leiðbeiningarskyldu sinni. En
til eru dæmi um erlendar kon-
ur sem afsöluðu sér forræði
yfir börnum sínum því þær
höfðu ekki túlk og vissu ekki
hvað þær voru að skrifa undir.
DOKTORSVÖRN fer fram frá
læknadeild Háskóla Íslands föstu-
daginn 23. nóvember. Þá ver Guð-
laug Þórsdóttir læknir doktorsrit-
gerð sína „Cerúlóplasmín og
súperoxíð dismútasi í hrörnunar-
sjúkdómum í miðtaugakerfi“. And-
mælendur eru þeir dr. Eiríkur
Benedikz, dósent við Divison of
Neurodegeneration við Karolinska
Instituet í Stokkhólmi í Svíþjóð og
dr. Páll E. Ingvarsson, sérfræð-
ingur í taugalækningum við Grens-
ásdeild LSH.
Leiðbeinandi er
Magnús Jó-
hannsson pró-
fessor.
Stefán B. Sig-
urðsson prófess-
or og forseti
læknadeildar
mun stjórna at-
höfninni sem fer fram í hátíðarsal
Háskóla Íslands, Aðalbyggingu og
hefst kl. 13.
Doktorsvörn frá
læknadeild HÍ
HÉRAÐSDÓMUR Reykjavíkur
hefur dæmt karlmann á fimmtugs-
aldri í 2 mánaða fangelsi fyrir að hafa
sært blygðunarsemi 17 ára unglings,
sem tengdist honum fjölskyldubönd-
um með því að viðhafa kynferðisleg
og klámfengin ummæli í tölvusam-
skiptum á spjallrásinni MSN á net-
inu. Maðurinn var fundinn sekur um
að hafa ítrekað lýst í tölvusamskipt-
unum yfir vilja sínum til að hafa kyn-
ferðismök við piltinn og með hvaða
hætti hann vildi hafa þau.
Í niðurstöðu dómsins segir að um-
mælin, sem maðurinn lét falla í
netspjallinu, séu í alla staði ófyrir-
leitin og mjög gróf. Þá liggi það fyrir
að maðurinn þekkti piltinn frá því
hann var einungis barn að aldri. Sé
engum vafa undirorpið að þær lýs-
ingar sem maðurinn hafi viðhaft í
samskiptum sínum við drenginn hafi
sært blygðunarsemi hans. Þá hafi
maðurinn fengið kynferðislega full-
nægju við þessi samskipti við dreng-
inn.
Maðurinn var einnig dæmdur til
að greiða piltinum 200 þúsund krón-
ur í skaðabætur auk 440 þúsund
króna í málskostnað.
Dæmdur fyrir að
klæmast á netinu
Villeroy & Boch / kringlunni / 533 1919
WMF STEIKARPOTTUR
TILBOÐSVERÐ
10.900 kr.
Laugavegi 54,
sími 552 5201
* Toppar 1.000 kr.
* Gallabuxur 2.000 kr.
* Leggins m/tölum 2.000 kr.
* Kjólar v/leggins 2.000 kr.
* Og margt,
margt fleira
Jólahreingerning
í FLASH
30% afsláttur
af völdum vörum