Morgunblaðið - 22.11.2007, Blaðsíða 33

MORGUNBLAÐIÐ FIMMTUDAGUR 22. NÓVEMBER 2007 33
ÞAÐ er ljómandi gott fyrir þá Ís-
lendinga sem eru í Moskvu að
sendiráðið þar hafi nú leyfi til að
gefa út vegabréf, eins og sagði frá í
Morgunblaðinu um
helgina. Þeir þurfa þá
ekki að kosta stórfé í
flugferð heim til að fá
nýjan passa. En þetta
dugar ekki þeim sem
búa utan þeirra höf-
uðborga sem hafa ís-
lensk sendiráð er
mega gefa út passa.
Ég er í þeim hópi.
Ég hef undanfarin ár
búið í útlöndum og
þarf starfs míns vegna
að ferðast mikið. Pass-
arnir mínir hafa því
ekki enst vel enda er það gjarnan
svo í þróunarlöndum, þar sem ég
hef búið og starfað, að stórir pas-
sastimplar eru eftirsóknarverðir –
og fer satt að segja nokkuð eftir
stjórnarfari hversu stórir stimpl-
arnir eru: þeim mun verra stjórn-
arfar, þeim mun stærri stimplar.
Lengst af hefur þetta ekki verið
stórkostlegt vandamál, því ég hef
getað fengið nýja passa senda með
ábyrgðarpósti og ég hef oft notað
það til merkis um hve gott sé að
koma frá smáríki þar sem skrif-
finnskan kaffæri ekki einfalda þjón-
ustu hins opinbera. En nú er dóms-
málaráðherrann búinn að setja
nýjar reglur, eða að minnsta kosti
skrifa undir reglur sem einhver
möppudýr hafa samið fyrir hann.
Ráðherrann hefur orð á sér fyrir að
vera hagsýnn maður og skjótvirkur
– en nú hefur hann verið narraður
illilega. Og við hin með honum.
Þetta eru nefnilega fádæma fífla-
legar og óhentugar reglur og eru
síst til að auka skilvirkni stjórn-
kerfisins eða létta þjónustu við
þegnana. Nú er ekki lengur hægt
að fá sendan passa í ábyrgðarpósti
– heldur þarf maður að gjöra svo
vel að koma heim í myndatöku.
Við hjónin lentum í þessu í haust.
Áttuðum okkur allt í einu á því að
við vorum búin að fá svo marga
stóra stimpla í passana okkar að við
vorum að verða uppiskroppa með
blaðsíður undir fleiri væntanlega
stóra stimpla. Ég hringdi og sendi
tölvupóst í allar áttir til að reyna að
komast undan því að borga 300 þús-
und í flugfar fyrir okk-
ur heim – en það bar
allt að sama brunni:
þetta er reglan og eng-
in undankomuleið.
Svo við keyptum
okkur flug frá Afríku
til Íslands og fórum til
fógetans í Kópavogi,
þar sem við eigum lög-
heimili, og sóttum um
nýja passa. Fórum svo
að ræða við stúlku í af-
greiðslunni um hvað
þetta væri vond ný
regla. Hún vildi svo
sem enga skoðun hafa á því – en
sagði að fyrst þetta væri allt orðið
rafrænt, þá væri ekki hægt að kom-
ast hjá því fyrir fólk að koma heim.
Við værum ekki þau einu, ónei, það
hefði þá nýlega komið maður alla
leið frá Hong Kong til að sækja um
nýtt vegabréf og það væri miklu
lengra þangað en til Afríku.
Eitthvað sagði hún fleira en ég
var hættur að hlusta, því ég var að
reyna að koma því heim og saman
hvernig það mætti vera að rafræn-
an kæmi í veg fyrir að hægt væri að
senda passa af einum stað á annan.
Mér sýndist einhvern veginn að raf-
rænan ætti einmitt að gera málið
auðveldara.
Nei, það þurfti að taka mynd
þarna á kontórnum hjá fógetanum
– nema við værum með rafræna
mynd sem við vildum heldur nota!
Og þar fannst mér hrynja síðasta
röksemdin fyrir því að sækja um
þrjú hundruð þúsund króna pass-
ana. Við vorum sem sagt komin alla
leið frá Nairobi til að láta taka af
okkur mynd í til þess gerðum hólki
hjá fógetanum í Kópavogi – en við
gátum líka afhent rafræna mynd
sem okkur líkaði betur! Hvurskon-
ar rafræna er þetta eiginlega? Og
ekki nóg með það: maður þarf að
fara á læsta skrifstofu suður í
Njarðvík til að sækja passana,
nema maður treysti póstinum þeim
mun betur.
Þetta er náttúrlega svo ótrúlegt
dellumakerí að það er allt að því
broslegt. Þrjú hundruð þúsund
króna broslegt.
Ég er þess vegna með hugmynd
fyrir dómsmálaráðherrann: væri
hann nú ekki til í að leggja af þessa
vitleysisreglugerð og útvega op-
inberu starfsfólki eitthvað annað að
gera en að taka skyndimyndir af
fólki í hólkum á fógetaskrifstof-
unum um landið? Ég skil vel að það
geti verið varasamt á þessum síð-
ustu og verstu tímum að senda
óvarin vegabréf út um allar trissur,
en því er ekki hægt að afhenda þau
ábyrgu fólki eða fyrirtækjum með
umboð frá þeim sem þarf að nota
passann? Það er hægt að gera allt
mögulegt annað með réttu og vott-
uðu umboði; því ekki þetta smáræði
líka?
Dellumakerí og þrjú hundruð
þúsund króna vegabréf
Ómar Valdimarsson skrifar um
það umstang sem fylgir því að
endurnýja vegabréf
» Ádrepa vegna reglu-gerðar sem skyldar
fólk til að fljúga heims-
endanna á milli til að
sækja um ný vegabréf.
Ómar Valdimarsson
Höfundur er starfsmaður Alþjóða-
sambands Rauða krossins og Rauða
hálfmánans í Afríku.
Skólavörðustíg 21, Reykjavík
sími 551 4050
Glæsileg
brúðarrúmföt
í úrvali
Baldursnes 6, Akureyri | Suðurlandsbraut 20, Reykjavík | Sími 588 0200 | www.eirvik.is
vi
lb
or
ga
@
ce
nt
ru
m
.is
CPes 4613
Stærð: h 184 sm/ br 75 sm/d 63 sm
Kælir: 337 ltr / Frystir: 95 ltr
Orkuflokkur A+
Stálklæddur
Verð áður kr. 285.100 stgr.
Frábært tilboð
75 sm breiðir Liebherr kæliskápar
kr. 199.570*stgr.
*Tilboðið gildir meðan birgðir endast.
AFSLÁTTUR
30%
Opið virka daga frá kl. 10-18,
laugard. frá kl. 10-16
• Pelskápur
• Rúskinnskápur
• Ullarkápur
• Leðurkápur
• Úlpur
• Ullarsjöl
• Hanskar og húfur
Mörkinni 6, sími 588 5518.
Í jólapakkann fyrir ungu stúlkuna,
mömmuna, ömmuna og langömmuna
Kynbundinn launamunur
Aðferðir til úrbóta
Ráðstefna 23. nóvember 2007
Jafnréttisstofa í samstarfi við Ár jafnra tækifæra og félagsmálaráðuneytið efnir til ráðstefnunnar
Kynbundinn launamunur - Aðferðir til úrbóta þann 23. nóvember kl. 13-16 í Sunnusal Hótel Sögu.
Kynntar verða niðurstöður rannsóknar á kynbundnum launamun sem unnin var upp úr gögnum
Hagstofu Íslands um atvinnutekjur þjóðarinnar. Í rannsókninni voru skoðaðar atvinnutekjur og
heildartekjur kynjanna, eftir hjúskaparstöðu, aldri og búsetu. Einnig verða ræddar ólíkar aðferðir
sem notaðar hafa verið til að vinna bug á þeim vanda sem kynbundinn launamunur er.
Dagskrá:
13:00 Jóhanna Sigurðardóttir, félagsmálaráðherra, setur fundinn
13:10 Tekjumunur karla og kvenna: Upplýsingar úr skattframtölum
Ingólfur V. Gíslason, sviðsstjóri rannsóknarsviðs Jafnréttisstofu.
13:45 Kynjavöktun í aðdraganda kjarasamninga
Maríanna Traustadóttir, jafnréttisfulltrúi ASÍ
14:05 Áform og aðgerðir - til að greina og eyða kynbundnum launamun
Sigríður Lillý Baldursdóttir, starfandi forstjóri Tryggingarstofnunnar
14:25 Kaffihlé
14:45 Tala minna - gera meira
Ingibjörg Óðinsdóttir, forstöðumaður mannauðssviðs Skýrr
15:05 Markvissar aðgerðir skila árangri
Anna Jörgensdóttir, starfsmannastjóri Hafnarfjarðarbæjar
15:25 Pallborðsumræður
Fundarstjóri: Mörður Árnason
Ráðstefnan er öllum opin og aðgangur er ókeypis