Morgunblaðið - 03.12.2007, Qupperneq 6

6 MÁNUDAGUR 3. DESEMBER 2007 MORGUNBLAÐIÐ
FRÉTTIR
Enn betra golf 3
Enn betra golf
Eftir
Arnar Má Ólafsson
landsliðsþjálfara og
Úlfar Jónsson
margfaldan
Íslandsmeistara
og golfkennara
Eftir Arnar Má Ólafsson
landsliðsþjálfara og
Úlfar Jónsson
margfaldan Íslandsmeistar
a
GOLF
ENN BETRABETRA
G
O
LF
A
rnar M
ár Ó
lafsson og Ú
lfar Jónsson
11/20/07 11:46:42 PM
Jólabók golfarans!
Borgartúni 23 · 105 Reykjavík · Sími: 512 7575 - www.heimur.is
eftir Arnar Má Ólafsson og Úlfar Jónsson
Eftir Silju Björk Huldudóttur
silja@mbl.is
„VIÐ krefjumst þess að gripið verði
til sýnilegra aðgerða strax til þess að
koma í veg fyrir hraðakstur í gegn-
um götuna, t.d. að fylla holræsisrör
með sandi til þess að þrengja götuna.
Við viljum ekki sjá annað svona slys í
götunni okkar,“ segir Guðmundur
Símonarson, fulltrúi íbúa við Vest-
urgötu í Keflavík, sem í dag á fund
með Árna Sigfússyni, bæjarstjóra
Reykjanesbæjar, að frumkvæði bæj-
arstjóra. „Ég veit að Árni er góður
maður og er sannfærður um að hann
tekur á þessu strax.“
Íbúar við Vesturgötu í Reykja-
nesbæ lokuðu götunni sl. laugardag í
um tvo tíma til að mótmæla hrað-
akstri og aðgerðaleysi bæjaryfir-
valda, en íbúarnir hafa ítrekað óskað
eftir aðgerðum til að lækka hraða í
götunni. Að sögn Guðmundar hyggj-
ast íbúar standa fyrir sambærilegum
lokunaraðgerðum á götunni á laug-
ardögum eins lengi og þarf þar til
gripið hefur verið til einhverra úr-
bóta þar. Að sögn Guðmundar hafa
íbúar á sl. tveimur árum afhent bæj-
aryfirvöldum tvo undirskriftalista
þar sem úrbóta hefur verið krafist og
var nýhafin undirskriftasöfnun á
þriðja listanum þegar banaslysið
varð sl. föstudag.
Þriðja slysið á árinu
„Ég bý á horninu á Vesturgötu og
Kirkjuvegi og bílarnir eru stundum á
allt að 120 km hraða þegar þeir
keyra framhjá,“ segir Guðmundur,
en leyfilegur hámarkshraði á Vest-
urgötu er 50 km/klst. Að sögn Guð-
mundar þyrfti að þrengja Vesturgöt-
una, koma upp fleiri gangbrautum
og setja upp hraðahindranir, auk
þess sem komið hafi fram sú hug-
mynd að lækka hámarkshraða í göt-
unni niður í 30 km/klst. Segist hann
hafa fengið þær upplýsingar frá lög-
reglunni að hún hafi tekið um 60 öku-
menn fyrir of hraðan akstur á svæð-
inu bara á þessu ári. Guðmundur
hefur sjálfur á þessu ári orðið vitni
að tveimur slysum út um gluggann
sinn þar sem keyrt var á börn. Segist
hann hafa fengið ábendingu um að
banaslys hafi orðið á sama stað og
slysið sl. föstudag, fyrir um fimm til
sex árum, en í því slysi hafi líka ung-
ur drengur látist.
Blaðamaður bar þessar tölur og
upplýsingar undir lögregluna á Suð-
urnesjum sem sagðist ekki geta
sannreynt þær með svo skömmum
fyrirvara. Í samtali við Gunnar
Schram, yfirlögregluþjón lögregl-
unnar á Suðurnesjum, sagði hann
þessar upplýsinga vissulega vera
eitthvað sem lögreglan mundi skoða
í framhaldinu.
Áfall fyrir bæjarfélagið
„Þetta er persónulegt áfall og áfall
fyrir okkur öll að svona slys gerist í
bæjarfélaginu. Ég tel að Reykjanes-
bær sé í hópi þeirra sveitarfélaga
sem á undanförnum árum hafa lagt
einna mest upp úr umferðarörygg-
ismálum. Samt gerist svona hræði-
legt slys hjá okkur,“ segir Árni Sig-
fússon, bæjarstjóri í Reykjanesbæ.
Segir hann hug sinn og bænir vera
hjá aðstandendum drengsins sem
lést.
Aðspurður um mótmælaaðgerðir
íbúa við Vesturgötu segir Árni ljóst
að íbúar þar hafi haft áhyggjur af
umferðarhraða á þeirri götu eins og
svo mörgum öðrum götum í Reykja-
nesbæ. Bendir hann á að Vesturgata
sé tengibraut milli tveggja stofnæða
og ljóst að hraðahindranir þar vísi
umferð annað og því sé þetta vand-
meðfarið. „Það þarf ávallt að skoða
hvernig tryggja megi að hraðahindr-
andi aðgerð á einum stað leiði ekki til
meiri slysahættu á öðrum stað,“ seg-
ir Árni og tekur fram að á fram-
kvæmdaáætlun vorsins sé að setja
upp ljósastýringu á gatnamótum
Vesturgötu og Hringbrautar og
einnig að setja upp hraðahindrun á
Vesturgötu, milli Kirkjuvegar og
Hafnargötu. Segist Árni vilja kanna
möguleika þess að flýta þessum
framkvæmdum.
„Ég tel að það þurfi ekki að líða
margar vikur til að við getum farið í
bráðabirgða hraðahindrandi aðgerð-
ir. Við munum líka eiga viðræður við
lögregluna og fara betur yfir það
hvernig við getum gætt enn betur að
því að lög séu ekki brotin,“ segir
Árni og vísar þar til þess að hluti
vandans sé að menn virði ekki lög og
reglur og aki of hratt miðað við leyfi-
legan hámarkshraða. Að sögn Árna
hafa bæjaryfirvöld í Reykjanesbæ
staðið fyrir umferðartalningu í bæn-
um og er stefnt að því að halda fund
með íbúum í janúar nk. þar sem nið-
urstöður verða kynntar auk þess
sem farið verður yfir hraðahindrandi
aðgerðir í öllu bæjarfélaginu og
grunnur lagður að frekari aðgerðum
í samstarfi lögreglu og bæjaryfir-
valda.
„Við viljum ekki sjá annað
svona slys í götunni okkar“
Í HNOTSKURN
»Ekið var á fjögurra áradreng á Vesturgötu sl.
föstudag.
»Ökumaðurinn flúði af vett-vangi.
»Drengurinn lést á gjör-gæsludeild Landspítalans í
Fossvogi á laugardag.
»Karlmaður á fertugsaldrier í haldi lögreglunnar á
Suðurnesjum grunaður um að
vera valdur að slysinu.
Íbúar við Vesturgötu í
Reykjanesbæ vilja að
þegar í stað verði gripið
til hraðahindrandi að-
gerða við götuna. Bæj-
arstjórinn fundar með
fulltrúa íbúa í dag.
Víkurfréttir/Ellert Grétarsson
Grunaður Maður á fertungsaldri var í gær úrskurðaður í gæsluvarðhald til fimmtudags, en hann er grunaður um
að hafa ekið á drenginn sem lést. Blóðsýni var tekið úr manninum. Rannsókn málsins er enn í fullum gangi.
Guðmundur
Símonarson
Árni
Sigfússon
SKRIFSTOFA Grímseyjarhrepps
var innsigluð síðdegis á föstudag.
Bjarni Magnússon hreppstjóri seg-
ist hafa gert það samkvæmt fyrir-
mælum þeirra tveggja manna sem
sitja í hreppsnefnd auk oddvitans.
„Þeir voru báðir staddir á meg-
inlandinu og báðu mig um að innsigla
skrifstofuna. Þeir sögðu mér að eitt-
hvað alvarlegt væri á ferðinni, trú-
lega í sambandi við bókhald. Ég fékk
leyfi hjá sýslumanni og innsiglaði
síðan skrifstofuna,“ sagði Bjarni í
samtali við Morgunblaðið.
Oddviti Grímseyjarhrepps var
fyrir nokkrum dögum dæmdur í
þriggja mánaða skilorðsbundið fang-
elsi fyrir að hafa dregið sér 12.900
lítra af olíu sem hann nýtti til þess að
hita upp heimili sitt og verslunarhús-
næði í Grímsey, en maðurinn var
umboðsmaður Olíudreifingar.
Það, að skrifstofa hreppsins skyldi
innsigluð, tengist ekki dómnum.
Skrifstofa
sveitar-
stjórnar
innsigluð
TVEIR ökumenn voru teknir á
Grindavíkurvegi í gærmorgun grun-
aðir um akstur undir áhrifum fíkni-
efna. Samkvæmt upplýsingum frá
lögreglunni á Suðurnesjum var sá
fyrri tekinn um klukkan 7 og sá
seinni rétt fyrir klukkan 8. Báðir
voru færðir til skýrslutöku auk þess
sem blóðsýni voru tekin úr þeim.
Mikil ölvun var í miðbæ Reykja-
nesbæjar aðfaranótt sunnudags og
talsvert um útköll vegna slagsmála
fyrir utan veitingastaðina við Hafn-
argötu. Voru þrír menn handteknir.
Ólæti í
Reykjanesbæ
„SALKA Valka hefur átt heima í Port Gocek síðan árið
2003 og eigendur tíma ekki að fara annað, a.m.k. í bili,“
segir Helgi Þorsteinsson, einn áhafnarmanna á Sölku
Völku sem tók þátt í árlegri siglingakeppni í bænum
Gocek í Tyrklandi í byrjun nóvember. Salka Valka er
49 feta Jenneau DS og náði góðum árangri, varð í
þriðja sæti í sínum riðli.
Að sögn Helga er Gocek við Fethyie-flóann við vest-
urströnd Tyrklands, 50 km suður af Marmaris. Að
þessu sinni voru skráðir til keppni 37 bátar, þar af voru
tveir íslenskir, auk Sölku Völku tók Tobba, 45 feta Jen-
neau, þátt í keppninni. Fyrsta daginn var keppt á inn-
anverðum flóanum og endað í Gocek. „Um kvöldið var
haldin móttaka í Rosemarin Villas í útjaðri bæjarins.
Hverfið er glænýtt og samanstendur af einbýlis- og
raðhúsum. Móttakan var nú væntanlega liður í sölu-
kynningu,“ segir Helgi, „enda létu styrktaraðilar
keppninnar ekki sitt eftir liggja og vel var veitt af mat
og drykk við sundlaug hverfisins,“ segir hann. „Næsta
dag var siglt út á flóa og endað í lítilli vík, Kapi Creek.
Þar var sömuleiðis vel veitt um kvöldið og eftir var
matinn var dansað á borðum,“ lýsir Helgi.
Að kvöldi síðasta keppnisdags var haldin heilmikil
veisla þar sem verðlaun voru veitt í öllum riðlum. Í
áhöfn Sölku Völku voru auk Helga bræðurnir Friðrik
og Kristján Helgasynir og tók áhöfnin við verðlaunum
fyrir þriðja sæti.
Keppnin er haldin seint að hausti þegar hægst hefur
um eftir sumarið. Keppendur eru víða að og nefnir
Helgi m.a. Breta, Finna, Rússa, Þjóðverja og Frakka að
ógleymdum Tyrkjum.
Í 3. sæti í
siglingakeppni
í Tyrklandi
Á níu hnúta hraða Helgi stendur vaktina um borð.
♦♦♦
♦♦♦
ERILL var hjá lögreglunni á höf-
uðborgarsvæðinu í fyrrinótt og gista
10 manns nú fangageymslur fyrir
ýmis brot. Að sögn lögreglu voru
tveir ökumenn teknir grunaðir um
ölvun við akstur. Aðrir tveir voru
grunaðir um akstur undir áhrifum
vímuefna. Þá komu upp sex minni
háttar líkamsárásarmál. Ennfremur
brutu fjórir gegn lögreglusamþykkt
Reykjavíkurborgar.
Tíu menn gistu
fangageymslu