Morgunblaðið - 03.12.2007, Blaðsíða 11

MORGUNBLAÐIÐ MÁNUDAGUR 3. DESEMBER 2007 11
FRÉTTIR
 


    
 
1. Meiri virkni.
2. Mun meiri andoxunarefni.
3. Minni líkur á aukaverkunum.
4. Meiri stöðugleiki og mun lengra geymsluþol eða 10 ár
samanborið við 3ja ára geymsluþol hvíts ginsengs.
 
  !
 "  #
 $ #  $
   %
# &
    %  ' ( ) www.ginseng.is
SJÖ umferðar-
óhöpp voru til-
kynnt til lögregl-
unnar á Akureyri
í gær. Að sögn
lögreglu má rekja
öll óhöppin til
slæmrar færðar
og hálku en mikið
hefur snjóað í
bænum. Engin al-
varleg slys urðu á
fólki.
Um kl. 12.30 missti ökumaður
stjórn á bifreið sinni með þeim afleið-
ingum að hún hafnaði í Eyjafjarðará.
Lögreglan segir ökumann hafa slopp-
ið án meiðsla. Bifreiðin skemmdist
hins vegar mikið.
Klukkustund síðar missti annar
ökumaður stjórn á bifreið sinni í
krapa. Bifreiðin hafnaði á ljósastaur
sem stendur við göngustíg við Akur-
eyrarkirkju. Bifreiðin skemmdist
mikið og þurfti að kalla eftir drátt-
arbifreið til að draga hana á brott.
Þá þurfti að sækja ónýta bifreið á
Vaðlaheiði um klukkan þrjú í dag. Bif-
reiðinni hafði verið lagt úti í vegar-
kanti og ók önnur bifreið á hana með
þeim afleiðingum að sú kyrrstæða fór
út af veginum. Sama var uppi á ten-
ingnum hjá umræddum ökumanni, en
hann missti stjórn á ökutækinu í
hálku. Ökumann sakaði ekki en báðir
bílarnir eru mikið skemmdir.
Mörg
óhöpp á
Akureyri
Mjöll Snjórinn tyll-
ir sér á Nonna.
BÁTUR sökk í höfninni í Stykkis-
hólmi aðfaranótt laugardags. Að
sögn lögreglu var báturinn, sem
heitir Fanney RE 31, smíðaður árið
1967. Hann hafði verið bundinn við
bryggju sl. ár.
Lögreglan segir að báturinn hafi
verið dreginn til Stykkishólms frá
Ólafsvík fyrir ári. Stefnt hafði verið
að því að draga hann til Reykjavíkur
á næstunni.
Lögreglan segir að báturinn hafi
verið orðinn gamall og lúinn, og við-
hald mjög lítið. Þá lak hann og var
reglulega dælt úr honum.
Olía lak úr bátnum í sjóinn, en að
sögn lögreglu var ekki um mikið
magn að ræða. Málið er í rannsókn.
Bátur sökk
í höfninni
ENGINN var með allar tölurnar
réttar í Lottóútdrætti vikunnar og
verður potturinn því sexfaldur
næsta laugardag. Reiknað er með að
vinningurinn verði þá 45-50 milljón-
ir.
Einn var með allar tölurnar réttar
í Jókernum og hlýtur að launum
tvær milljónir króna. Miðinn var
seldur í Lukkusmáranum í Smára-
lind í Kópavogi.
Lottótölurnar voru þessar: 1, 2, 9,
19 og 26, og bónustalan var 28.
Jókertölurnar voru þessar: 0, 3, 3,
6, 2.
Sexfaldur
næst í Lottói
Eftir Unni H. Jóhannesdóttur
uhj@mbl.is
Á HVERJU árið greinast 50.000 kon-
ur með leghálskrabbamein og 25.000
deyja af völdum sjúkdómsins í Evr-
ópu. Öflug skipuleg leghálskrabba-
meinsleit getur komið í veg fyrir rúm-
lega 80% þessara dauðsfalla.
ECCA, Evrópusamtök gegn leg-
hálskrabbameini, hafa nú hafið undir-
skriftasöfnun þar sem skorað er á
Evrópuþingið, framkvæmdastjórn
Evrópusambandsins og ríkisstjórnir
allra Evrópulanda að tryggja bestu
fáanlegu forvarnir gegn þessu sjúk-
dómi. ECCA var stofnað 2002, í þeim
tilgangi að allar konur hafi, óháð bú-
setu, jafnan rétt til forvarna gegn leg-
hálskrabbameini, eða eins og þeir
segja í stefnuyfirlýsingu sinni, að
þetta sé eina krabbameinið í dag þar
sem við vitum um orsakir sjúkdóms-
ins og getum með núverandi tækni
nánast útrýmt honum. Kristján segir
að bæði nýgreind tilfelli og dánartíðni
vegna leghálskrabbameins séu mjög
mismunandi milli einstakra landa í
Evrópu.
Tíðnin mest í nýjum
ríkjum Evrópusambandsins
„Tíðnin er sennilega hvað mest í
þeim ríkjum sem nýgengin eru í Evr-
ópusambandið. Í þeim er legháls-
krabbameinsleit eins og við þekkjum
hana mjög léleg. Leit eins og hér
þekkist er að finna annars staðar á
Norðurlöndunum og í velflestum af
þeim löndum sem áður töldust til
Vestur-Evrópu en útfærslan er mjög
mismunandi.
Rannsóknir hafa sýnt að skipulögð
hópleit ber mestan árangur, hvort
sem er af hinu opinbera eða fé-
lagssamtökum með stuðningi hins op-
inbera eins og er hér á landi, þar sem
Krabbameinsfélagið stýrir leitinni. Á
síðustu árum hefur einnig komið fram
ný tækni sem bætir þessa leit enn
frekar eins og próf sem greina þá
veirustofna sem orsaka þennan sjúk-
dóm og svo bóluefni gegn ákveðnum
veirustofnum sem komu á markaðinn
í ár. Bólusetningin dugar þó ekki ein
og sér, því að þau lönd sem ætla að
taka upp bólusetningu þurfa fyrst að
koma á laggirnar öflugu leitarkerfi að
leghálskrabbameini, líku því sem er
að finna hér á landi, ef þau ætla að ná
verulega góðum árangri og útrýma
sjúkdómnum.“
Kristján segir að eins og staðan sé í
dag sé bólefnið eingöngu viðbót við
vel skipulagða leit þar til öflugri bólu-
efni koma á markað. „Við á Leitar-
stöðinni erum nú að hvetja íslenskar
konur til þess að sýna öðrum konum í
Evrópu, sem hafa ekki sama aðgengi
að góðri og vel skipulagðri legháls-
krabbameinsleit, samstöðu með því
að skrifa undir þessa áskorun. Hér á
landi munum við síðan ræða við heil-
brigðisráðuneytið um hvernig bæta
megi núverandi leit enn frekar.
25.000 konur deyja úr leg-
hálskrabbameini í Evrópu
Morgunblaðið/Ómar
Krabbamein Kristján Sigurðsson, yfirlæknir á Leitarstöð Krabbameins-
félags Íslands, segir að með öflugri og skipulegri krabbameinsleit megi
koma í veg fyrir rúmlega 80% dauðsfalla af völdum leghálskrabbameins.
Hafin er undirskriftasöfnun þar sem skorað er á Evrópuþingið, ESB og
Evrópulönd að tryggja bestu fáanlegu forvarnir gegn leghálskrabbameini
TENGLAR
..............................................
www.cervircalcancercerpetition.is
Í ÁR er alþjóðadagur fatlaðra haldinn undir kjör-
orðinu „Atvinnu við hæfi fyrir einstaklinga með
fötlun“.
Í dag, á alþjóðadegi fatlaðra, verða í fyrsta sinn
veitt Hvatningarverðlaun Öryrkjabandlags Ís-
lands til þeirra sem með jákvæðum hætti hafa
stuðlað að einu samfélagi fyrir alla. Veitt verða
þrenn verðlaun; til fyrirtækis, stofnunar og ein-
staklings, sem þykja hafa skarað fram úr og end-
urspeglað nútímalegar áherslur um jafnrétti, sjálf-
stætt líf og þátttöku fatlaðra í samfélaginu.
Leitað var til allra 32 aðildarfélaga ÖBÍ um til-
nefningar. Undirbúningsnefnd valdi sex tilnefningar
í hverjum flokki sem sérstök dómnefnd tekur end-
anlega afstöðu til. Tilnefningar eru sem hér segir:
Stofnanir
Heilsugæsla Garðabæjar, Glæsibæjar og Sala og
Vinnumálastofnun fyrir frumkvöðlastarf í þróun
heildstæðs starfsendurhæfingarverkefnis.
ÍTR fyrir verkefni Hins hússins í starfi með fötl-
uðum á jafningjagrunni og fyrir verkefni Vinnu-
skólans í unglingastarfi með heyrnarlausum.
KHÍ fyrir frumkvöðlastarf að diplómanámi fyrir
fólk með þroskahömlun.
Orkuveita Reykjavíkur fyrir jákvætt viðhorf til
einstaklinga sem veikjast og þarfnast sveigj-
anleika í starfi.
Fjölbrautaskólinn í Breiðholti – starfsbraut fyrir
öflugt starf kennara starfsbrautar með fötluðum
nemendum þar sem áhersla er lögð á þátttöku
og hreyfingu.
Starfsendurhæfing Norðurlands fyrir uppbygg-
ingu starfsendurhæfingar sem byggir á sam-
starfi ólíkra starfsstétta og öflugu samfélags-
legu tengslaneti.
Fyrirtæki
Kastljós fyrir vandaða og ábyrga umfjöllun um
málefni fatlaðra.
Krónan fyrir áherslu á bætt aðgengi fyrir fatlaða í
verslunum sínum á Fiskislóð, Bíldshöfða og Há-
holti.
Landsbanki Íslands fyrir verkefnið Leggðu góðu
málefni lið.
Línuhönnun fyrir metnað í að koma til móts við
þarfir fatlaðra starfsmanna á vinnustað.
Móðir náttúra fyrir verkefnið Allt að vinna, sem er
mikilsvert starf til aukinnar atvinnuþátttöku
fatlaðra.
Tryggingamiðstöðin fyrir vefsíðu, sem er afar að-
gengileg fötluðum, og fyrsti vefur á Íslandi með
vottun þriðja stigs aðgengis.
Einstaklingar
Edda Ólafsdóttir hjúkrunarfræðingur fyrir vand-
aða vinnu og mikla reynslu við umönnun og að-
stoð við stómaþega.
Elín Ebba Ásmundsdóttir og Auður Axelsdóttir
fyrir frumkvöðlastörf að málefnum geðfatlaðra.
Guðjón Sigurðsson fyrir starf sitt og Evalds
Krogs í að breyta afstöðu Íslendinga til mögu-
leika fatlaðra til sjálfstæðs lífs.
Freyja Haraldsdóttir fyrir áhrif sín í að breyta
viðhorfi fólks til fatlaðra og fyrir að vera frum-
kvöðull í að koma á fót notendastýrðri þjónustu.
Sif Vígþórsdóttir fyrir frumkvöðlastarf í upp-
byggingu einstaklingsmiðaðs náms í Norðlinga-
skóla.
Þór Ingi Daníelsson fyrir tengslanetið Miðgarð,
vefsíðu fyrir fólk með þroskahömlun, þar sem
færi gefst á að kynnast öðrum og starfa í öðru
landi.
Dómnefnd skipa Ólöf Ríkarðsdóttir, fyrrver-
andi formaður ÖBÍ, Kristín Rós Hákonardóttir,
afrekskona í sundi, Kristín Ingólfsdóttir, rektor
HÍ, Styrmir Gunnarsson ritstjóri og Þorkell Sig-
urlaugsson, framkvæmdastjóri þróunarsviðs HR.
Forseti Íslands, Ólafur Ragnar Grímsson, er
verndari Hvatningarverðlauna ÖBÍ og mun hann
afhenda verðlaunin.
Verðlaunin verða veitt við formlega athöfn í dag
kl. 18.00-20.00 í Þjóðminjasafni Íslands.
Þórunn Árnadóttir hannaði verðlaunin. Þórunn
útskrifaðist úr vöruhönnunardeild Listaháskóla
Íslands síðastliðið vor og var í starfsnámi hjá To-
moko Azumi í London síðastliðið sumar. Hún
starfar sem hönnuður í Coventry og býr jafnframt
þar. Þórunn tók þátt í Kviku, hönnunarsýningu
sem sett var upp á Kjarvalsstöðum og stóð í vor og
sumar. Þórunn er fædd 1982 og er í hópi margra
ungra íslenskra hönnuða sem eru að hasla sér völl
hér heima og erlendis. Fyrir skemmstu hlaut hún
tilnefningu í hönnunarblaðinu Forum AID sem
einn af 10 áhugaverðustu útskriftarnemum í
hönnun/arkitektúr á Norðurlöndunum.
Hvatningarverðlaun ÖBÍ
veitt í dag á alþjóðadegi fatlaðra
♦♦♦
♦♦♦