Fréttablaðið - 11.04.2009, Síða 8

8 11. apríl 2009 LAUGARDAGUR
BETRA START MEÐ
EXIDE-RAFGEYMUM
15%
afsláttur
Upplýsingar í síma 515 1100
Sendið pantanir á pontun@olis.is
Eigum fyrirliggjandi mikið úrval rafgeyma frá Exide, ýmsar
stærðir og gerðir fyrir bíla, báta og önnur tæki. Gæðafram-
leiðsla sem reynst hefur afar vel við íslenskar aðstæður.
1. Hver sagði upp starfi sínu
sem framkvæmdastjóri Sjálf-
stæðisflokksins í gær?
2 Hvaða barnastjarna fer með
hlutverk í kvikmyndinni Push?
3 Hver er framleiðandi
Draumalandsins?
SVÖR Á SÍÐU 58
VIÐSKIPTI Ekki er útilokað að sam-
dráttar gæti í Bretlandi í eitt ár
til viðbótar og tvö ár líði þar til
hagkerfið taki við sér á ný. Þetta
kemur fram í skýrslu bresku Rann-
sóknarstofnunarinnar um hag-
fræði- og samfélagsrannsóknir (e.
National Institute of Economic and
Social Research) sem er ein virt-
asta sjálfstæða hagfræðistofnun
landsins.
Þar er sömuleiðis bent á að
efnahagskreppunni í Bretlandi nú
svipi mjög til niðursveiflunnar í
byrjun níunda áratugar síðustu
aldar.
Síðustu spár benda til að breska
hagkerfið hafi dregist saman um
1,5 prósent á fyrsta ársfjórðungi,
að sögn breska ríkisútvarpsins.
Stýrivextir í Bretlandi standa
nú í 0,5 prósentum og hafa þeir
aldrei verið lægri. Ekki er búist
við breytingum þar á. - jab
Efnahagskreppan í Bretlandi:
Tvö ár þar til
botni er náð
DÓMSMÁL Héraðsdómur Reykja-
ness hefur vísað frá dómi skaða-
bótamáli Skógræktarfélags
Reykjavíkur á hendur Kópa-
vogsbæ og verktakafyrirtækinu
Klæðningu ehf. Félagið fór fram
á 21 milljón króna vegna 559 trjáa
sem felld voru í Heiðmörk í febrú-
ar árið 2007. Dómurinn kemst að
því að Skógræktarfélagið sé ekki
réttmætur eigandi trjánna, heldur
Reykjavíkurborg.
Töluvert var fjallað um málið
í fjölmiðlum á sínum tíma. Það
snerist um lagningu vatnsleiðslu
í gegnum Heiðmörk, þar á meðal
í gegnum Þjóðhátíðarlundinn svo-
kallaða. Matsmenn voru fengnir
til að meta hversu mörg tré voru
fjarlægð og hvert virði þeirra
væri. Talað var um í fjölmiðlum
að tuttugu ára vinna á svæðinu
væri unnin fyrir gýg.
Skógræktarfélagið hefur um
áratugaskeið haft umsjón með
trjánum á svæðinu, þótt Reykja-
víkurborg sé eigandi svæðisins.
Deilt var um það í málinu hver
væri réttur eigandi að trjánum á
svæðinu.
Skógræktarfélagið benti á að
því hafi verið falin umsjá með
Heiðmerkursvæðinu, bæði rekstri
og framkvæmdum þar, allt frá
því að stofnað var til þess fyrir
um hálfri öld. Félagið hafi séð um
trjáplöntun og nýtt allar skógaraf-
urðir. Ekki sé því vafi á að félagið
sé eigandi trjánna og réttur við-
semjandi um bætur vegna þeirra.
Undir þetta tók lögmaður Reykja-
víkurborgar í bréfi til Kópavogs-
bæjar.
Í niðurstöðu héraðsdóms segir
að af reglum um Heiðmerkur-
svæðið, sem kveðið er á um í
samningi Reykjavíkurborgar og
Skógræktarfélagsins, megi ráða
að „landnemar geti ekki gert til-
kall til eignarréttar að þeim trjám
sem þeir planta í þær spildur sem
þeir hafa fengið til umráða með
samningum …“ Skógræktarfélag-
ið eigi því ekki trén.
Ljóst sé hins vegar að félagið
eigi hagsmuna að gæta varðandi
svæðið að því er varðar hagnýt-
ingu skógarafurða af ýmsu tagi.
Bótakrafa í skjóli þeirra réttinda
verði hins vegar ekki grundvölluð
á mati á smásöluverði trjánna sem
fóru forgörðum við aðgerðirnar.
Málinu er því vísað frá.
stigur@frettabladid.is
Heiðmerkur-
máli vísað frá
héraðsdómi
Skógræktarfélag Reykjavíkur fær ekki bætur frá
Kópavogsbæ og verktakafyrirtækinu Klæðningu
vegna trjáa sem felld voru í Heiðmörk í febrúar
2007. Félagið telst ekki eigandi að trjánum.
JARÐRASKIÐ Í HEIÐMÖRK Fulltrúar Skógræktarfélagsins og náttúruverndarsamtaka
töluðu um að tuttugu ára vinna væri unnin fyrir gýg. FRÉTTABLAÐIÐ/DANÍEL
SKOÐANAKÖNNUN Þeim fækkar heldur sem
vilja viðræður um aðild Íslands að Evrópu-
sambandinu, samkvæmt skoðanakönnun
Fréttablaðsins. Nú segjast 45,6 prósent fylgj-
andi viðræðum, en fyrir tveimur vikum vildu
46,6 prósent viðræðum. Munurinn milli kann-
ana er innan skekkjumarka.
Samkvæmt könnuninni eru 54,4 prósent
landsmanna andsnúin viðræðum en 45,6 pró-
sent hlynnt þeim. Vikmörkin eru 3,9 pró-
sentustig, og er því marktækur munur á milli
þeirra sem eru fylgjandi og þeirra sem eru
andsnúnir aðild.
Eins og áður er ekki marktækur munur á
afstöðu karla og kvenna. Meiri munur er á
afstöðu fólks eftir búsetu. Alls vilja 51,8 pró-
sent höfuðborgarbúa aðildarviðræður, en 36,9
prósent þeirra sem búa á landsbyggðinni.
Kjósendur Samfylkingarinnar skera sig
úr hvað varðar fylgi við aðildarviðræður
og segjast 86,5 prósent hlynnt viðræðum.
Næsthæst er hlutfallið hjá þeim sem segj-
ast myndu kjósa Framsóknarflokkinn væri
gengið til kosninga nú. Af þeim sögðust 43,2
prósent hlynnt viðræðum.
Alls sögðust 28,7 prósent fylgismanna
Vinstri grænna hlynnt aðildarviðræðum.
Hlutfallið er enn lægra hjá þeim sem kjósa
myndu Sjálfstæðisflokkinn, eða 24,6 pró-
sent.
Hringt var í 800 manns þriðjudaginn 7.
apríl og skiptust svarendur jafnt eftir kyni
og hlutfallslega eftir búsetu. Spurt var: Á
Ísland að sækja um aðild að Evrópusam-
bandinu. 77,5 prósent tóku afstöðu til spurn-
ingarinnar. - bj
Fréttablaðið kannar afstöðuna til aðildarviðræðna að Evrópusambandinu:
Fækkar heldur sem styðja viðræður
Á að sækja um aðild
að Evrópusambandinu?
fe
b.
06
ja
n.
07
se
p.
07
fe
b.
08
ok
t.0
8
nó
v.
08
ja
n.
09
fe
b.
09
m
ar
.0
9
25
.m
ar
.0
9
7.
a
pr
. 0
9
80
70
60
50
40
30
34,3
65,7
31,2
68,8
53,9
46,1 45,6
54,4
%
VEISTU SVARIÐ?