Morgunblaðið - 20.01.2008, Page 11

Jóns úr Vör
Mánudaginn 21. janúar verða veitt verðlaun í árlegri ljóðasamkeppni,
á vegum lista- og menningarráðs Kópavogs, sem kennd er við Jón úr Vör.
Verðlaunaafhendingin fer fram kl. 20.00 í Salnum, Tónlistarhúsi Kópavogs.
Þetta er í sjöunda sinn sem lista- og menningarráð Kópavogs stendur fyrir samkeppninni
Ljóðstafur Jóns úr Vör. Þátttakendur skila inn verkum undir dulnefni og fær sigurvegarinn
vegleg peningaverðlaun og verðlaunagripinn, Ljóðstaf Jóns úr Vör, áletraðan með nafni sínu
til varðveislu í eitt ár, auk eignargrips.
Að þessu sinni bárust rúmlega tvö hundruð og fimmtíu ljóð í keppnina.
Í dómnefnd eru Þórarinn Eldjárn rithöfundur, Sigþrúður Gunnarsdóttir bókmenntafræðingur
og Ingibjörg Haraldsdóttir rithöfundur, sem jafnframt er formaður nefndarinnar.