Morgunblaðið - 20.01.2008, Page 16

16 SUNNUDAGUR 20. JANÚAR 2008 MORGUNBLAÐIÐ
Lambhúshettur Innblástur fyrir skegghúfuna
V
íkurprjón, sem framleiðir vörur Víkur
Prjónsdóttur á að baki nokkra sögu.
„Miðað við prjónafyrirtæki er hún
hreinlega löng, við byrjuðum 1980, er-
um elsta starfandi prjónastofa á Íslandi nú,“
segir Þórir Kjartansson framkvæmdastjóri.
En hvernig leist honum á þessa hugmynd
Víkur Prjónsdóttur í upphafi?
„Mér leist vel á þetta einfaldlega vegna þess
að það þarf að gæta sín á því að staðna ekki,
nauðsynlegt er að prófa eitthvað nýtt og helst
sem ólíkast því sem hefur verið viðfangsefnið í
gegnum árin. Við höfum framleitt sokka og
peysur næstum eins lengi og „elstu menn“
muna, harðfullorðið fólk hér man ekki einu
sinni þegar Víkurprjón var stofnað.“
Hvernig líst þér á sölumöguleika á þessari
framleiðslu Víkur Prjónsdóttur?
„Það hefur sýnt sig að við höfum selt tölu-
vert af þessu, sérstaklega til Bandaríkjanna
og eitthvað til Englands og Danmerkur. Það
er merkilegt í ljósi hinnar sterku stöðu krón-
unnar, allur annar útflutningur sem ég hef
verið með hefur orðið undan að láta við slíkar
kringumstæður. En þetta sýnir að um sér-
hönnun gegna svolítið önnur lögmál en um það
sem er að keppa við Asíu-framleiðsluna.“
Fjórtán starfsmenn
Hvað selst best af framleiðslu Víkur Prjóns-
dóttur?
„Skegghúfurnar hafa verið gríðarlega vin-
sælar. Við erum 14 sem vinnum hér og erum í
öðrum verkefnum líka en höfum enn sem kom-
ið er náð að sinna þeim pöntunum sem hafa
borist.“
Svona framleiðsla getur verið dýrari af því
að hún er seld í verslunum þar sem kaupandi
er ekki eins mikið að horfa í verðið og í hinum
sem selja ódýrari vörur. Ég hef ekki á reiðum
höndum upphæðirnar sem komið hafa inn fyr-
ir framleiðslu Víkur Prjónsdóttur, en þær eru
umtalsverðar og við seljum jafnt fyrirtækjum
sem einstaklingum og erum að drukkna í
tölvupósti þar sem spurt er um og keyptar eru
vörur Víkur Prjónsdóttur.“
SKEGGHÚFURNAR VINSÆLAR
Samveruteppið Fyrr á öldum í ís-
lensku torfbæjunum var þar siður að
deila rúmi til að halda á sér hita, jafn-
vel gestum var boðið til fóta. Þessi
fallegi siður byggir á trausti og út-
sjónarsemi sem forfeður okkar
bjuggu yfir. Samveruteppið færir
okkur nær hvert öðru og hitar upp
öll sambönd.
Morgunblaðið/Jónas Erlendsson
Í vinnslusal Þórir Kjartansson fram-
kvæmdarstjóri Víkurprjóns í Vík í Mýrdal.
Vík Prjónsdóttir mun taka
þátt í Paris Fashion Week,
Menswear – Tískuviku Par-
ísar. Vík Prjónsdóttir er
komin í nokkuð náinn kunn-
ingsskap við Henrik Vibs-
kov, sem er einn virtasti
fatahönnuður Dana í sam-
tímanum.
Hann hefur beðið um nýj-
ar útfærslur á nokkrum
vörum frá Vík Prjónsdóttur
í sýningarlínu sína, en hluta
þeirra hefur hann þegar til
sölu í verslun sinni í Kaup-
mannahöfn.
Í samvinnu bjuggu hann
og Vík til nýtt útlit á sels-
hamnum.
Einnig verður á sýning-
unni skegghúfan þénanlega,
sú er eldrauð en hingað til
hefur hún verið í sauðalit-
unum – en París er jú alltaf
París! Þessar vörur eru hluti
af sýningu Henriks Vibs-
kovs, en hann kynnir þarna
sína eigin línu fyrir 2008-
2009. Vörurnar frá Vík
Prjónsdóttur fara svo á sölu-
sýningu sem verður haldin
eftir tískusýninguna sjálfa.
TÍSKUVIKA Í PARÍS
Morgunblaðið/Árni Sæberg
Tískuvikan í París Selurinn sem sýndur var á tískusýningu Henrik Vibskov í gær í París, selurinn er
afrakstur samstarfs Vibskov og Vík Prjónsdóttir.
Rauð Skegghúfan í nýjum lit sem var sérstaklega
gerð fyrir sýningu Vibskov.
Lokafrágangur Pálmi hjá Víkurprjóni að pressa selshaminn.
Hugmyndavinna Innblásur úr sveitinni var not-
aður við þróunina á vörum Vík Prjónsdóttur.
Mátun Sniðið mátað til.
Marglitt Litasamsetningar valdar.
Frumgerð Unnið á sníðaborðinu í Víkurprjóni, fyrsti selurinn að fæðast.
VÍK PRJÓNSDÓTTIR