Morgunblaðið - 20.01.2008, Page 66

Ég vil menn með
aðeins meira kjöt
á beinunum … 75
»
reykjavíkreykjavík
ÞETTA er reyndar í annað sinn sem
Hamskiptin í meðförum Vesturports
eru sett upp í London en haustið
2006 var riðið á vaðið. Sú uppfærsla
hlaut geysigóðar viðtökur og frasinn
„vegna fjölda áskorana“ á vel við um
ákvörðunina að setja verkið upp að
nýju. Gísli Örn var í fyrra skiptið í
hlutverki Gregors Samsa, sonarins
og fyrirvinnunnar sem dag einn fer
öfugum megin fram úr rúminu svo
ekki sé meira sagt. Í þetta sinn er
Gísli enn í hlutverki leikstjóra
verksins en Björn Thors hefur tekið
við hlutverki Samsa.
Gísla þykir hlutskipti sitt sem
leikstjóri þægilegt í þetta sinn.
„Það er mjög fínt að geta fengið
sér súkkulaðiköku og kaffi fyrir sýn-
ingu án samviskubits,“ segir leik-
stjórinn en slíkt var trúlega ekki í
boði fyrir hálfu öðru ári þegar Gísli
hékk uppi og klifraði um allt í vel
hannaðri leikmynd Barkar Jóns-
sonar í hlutverki Samsa.
„En ég er mjög ánægður með
hvernig tókst til í þetta sinn,“ segir
Gísli og á við nýafstaðna leiksýn-
ingu. „Sérstaklega með tilliti til þess
hversu stuttan tíma við höfðum til
að æfa þetta. Það eru bara 11 dagar
síðan við komum hingað út og byrj-
uðum að æfa. Þetta er búið að vera
rosalega knappt. Ég hélt að þetta
yrði skrýtin tilfinning að fylgjast
með úti í sal en það er það í raun alls
ekki. Það var helst skrýtið að fylgj-
ast með Birni uppi á sviði því við
getum oft verið alveg sláandi líkir,
sérstaklega vangasvipurinn. Stund-
um fannst mér ég vera að horfa á
sjálfan mig uppi á sviði. Það var
skrýtin tilfinning.“
Dreifa ástinni
Talsverðar breytingar hafa orðið
á leikhópnum frá því að sýningin var
fyrst sett hér upp. Unnur Ösp Stef-
ánsdóttir tekur við hlutverki Nínu
Daggar Filippusdóttur sem Greta
Samsa. Tom Mannion kemur einnig
nýr inn sem heimilisfaðirinn. Elva
Ósk Ólafsdóttir er sem fyrr í hlut-
verki móðurinnar og Jonathan
McGuinnes í öðrum hlutverkum.
„Mannion hafði aldrei séð sýn-
inguna áður og mér skilst að hann
hafi aldrei verið í svona líkamlegu
leikhúsi áður. Fyrir honum er þetta
því mjög framandi þó að okkur finn-
ist þetta venjulegt,“ segir Gísli.
„En þar sem leikhópurinn kemur
úr ýmsum áttum var aðalvinnan
fólgin í því að hrista hópinn saman
svo þau væru öll samstiga hvað
varðaði leik og stíl og annað.
Söngleikurinn Ást verður sýndur í
Lyric-leikhúsinu í vor í leikstjórn
Gísla Arnar en leikhópurinn sam-
anstendur af Bretum. Svo virðist
sem Vesturport sé komið með útibú
í London eða hvað?
„Já, við og Landsbankinn erum
komin með útibú hér,“ grínast Gísli.
„En það er auðvitað gaman þegar
gengur vel og fólk vill vinna með
manni,“ bætir hann við hógvær.
„Aðilar hérna frá leikhúsinu sáu
Ást heima og vildu fá sýninguna
strax yfir. Ég hef reyndar engan
tíma til að leikstýra verkinu sjálfur
en ætla samt að gera það.“
Já, Vesturportsfólk er duglegt að
dreifa ástinni um heiminn því söng-
leikurinn verður sýndur í Kóreu á
næstunni.
„Það voru kóreskir aðilar sem
keyptu réttinn á sýningunni en ég
hef bara ekkert fylgst með uppsetn-
ingunni þar. Ég kemst því miður
ekki á frumsýninguna úti því ég
verð við æfingar heima.“
Öryggisnetið Vesturport
Það er kannski vel við hæfi að
rifja upp sögu hins títtnefnda Vest-
urports en það var stofnað þegar
stærstur hluti hópsins var á síðasta
ári í leiklistarskólanum.
„Við leigðum húsnæði til þess að
hafa stað til að gera það sem við
vildum. Við borguðum í sameig-
inlegan sjóð til að eiga fyrir húsa-
leigu og hjálpuðumst svo að við allt.
Þarna var enginn leikhússtjóri, bara
13 manneskjur sem máttu gera það
sem þær vildu. Það var mjög gott
öryggisnet að vera í svona góðum og
skapandi félagsskap.“
Var það upphaflega planið hjá
Vesturporti að róa á erlend mið?
„Nei, þetta þróaðist bara svona.
Þegar maður er vanur íslensku leik-
húsumhverfi þá venst maður því að
GÍSLI ÖRN
VESTURPORT VIRÐIST VERA AÐ FESTA SIG Í SESSI Í BRESKU LEIKHÚSLÍFI. HÚS-
FYLLIR VAR VIÐ FRUMSÝNINGU HAMSKIPTANNA Í LONDON Í VIKUNNI OG UPPSELT
Á ALLAR ÁFORMAÐAR SÝNINGAR Á VERKINU ÞAR Í BORG. BIRTA BJÖRNSDÓTTIR
SETTIST NIÐUR MEÐ LEIKSTJÓRA SÝNINGARINNAR, GÍSLA ERNI GARÐARSSYNI,
AÐ LOKINNI FRUMSÝNINGU OG RÆDDI VIÐ HANN UM ÍSLENSKU VÍKINGANA, ÁST
Í KÓREU OG KUNNUGLEGAN VANGASVIPINN Á BIRNI THORS.
Árvakur/Kristinn Ingvarsson
Hið upprunalega Gísli Örn við Vesturgötu 18 þar sem Vesturport var stofnað árið 2001. „Þarna var enginn leikhússtjóri, bara 13 manneskjur sem máttu gera það sem þær vildu,“ segir Gísli.