Morgunblaðið - 13.04.2008, Blaðsíða 4

4 SUNNUDAGUR 13. APRÍL 2008 MORGUNBLAÐIÐ
FRÉTTIR
9.
A
llt ungviði þeirra dýra, sem
standa manninum næst, mætir
lífi sínu með sömu gleði og tiltrú
og mannsbarnið. Og verður að
trú sinni, ef allt er með felldu.
Fjarskyldari ættingjar eru öðruvísi í við-
brögðum og háttum.
En lífið er sjálfu sér líkt í vissum frum-
atriðum, hvar sem það birtist.
Hver lífvera, sem ég sé eða veit um, hver
goggur og gin, er sífellt að leita.
Fræið, sem sáir sér í mold, leitar upp þaðan,
þegar tími þess er kominn, leitar upp í ljósið,
og teygir um leið leitandi rótarþræði í allar
áttir út frá sér í moldinni.
Eins eru þau öll þessi börn sömu moldar og
ég er sprottinn úr.
Að ógleymdum öllum þessum ósýnilega
aragrúa af örverum í mér og í kringum mig,
sem flestar eru alltaf að hjálpa mér að lifa, en
sumar sitja um líf mitt.
Allar eru þessar furðuverur í leit að lífi, í
vörn gegn dauða.
En þær eru allar bundnar við frumþarfir,
lúta allar ómótstæðilegri eðliskröfu: Að nær-
ast og æxlast.
Lengra nær ekki leitin þar.
Ef þessari kröfu er fullnægt hafa öll systk-
inin í náttúrunni, allar lífverur, stórar og smá-
ar, fengið allt, sem þær leita að.
En fornir kirkjufeður sögðu: Öll leit lifandi
náttúru er reyndar bæn. Maðurinn er sá mið-
depill hins jarðneska lífríkis, að bæn sköp-
unarverksins fær meðvitund hjá honum.
Hann er kóróna Guðs verka á jörðinni í
þeim skilningi.
Allt, sem lifir, er blundandi bæn. Maðurinn
er skapaður til þess að vakna til Guðs og vita
til hans, vera m.ö.o. vakandi bæn.
Og bæn er það fyrst og fremst að vilja sam-
stilla huga sinn skapara sínum, Guði og föður
sínum og allrar tilveru.
Í Biblíunni, bænamálum hennar og lof-
söngvum, fær allt sköpunarverkið mál og tón.
Þar eru menn ekki aðeins að syngja og biðja
með englum og himneskum herskörum Drott-
ins, ekki aðeins með sól og tungli og öllum lýs-
andi stjörnum.
Nei, allt, sem lifir, allt, sem er til, skal sam-
einast í sömu sinfóníu gleðinnar yfir því að fá
að njóta þess að vera til í heimi, sem Guð
skapar og á:
Lofið Drottin af jörðu
þér sjóskrimsl og allir hafstraumar,
eldur og hagl, snjór og reykur,
stormbylurinn, sem framkvæmir orð hans,
fjöllin og allar hæðir,
ávaxtatrén og öll sedrustrén,
villidýrin og allur fénaður,
skriðkvikindin og fleygir fuglar,
konungar jarðarinnar og allar þjóðir …
(Sálm. 148)
Maðurinn á samstöðu með öllu, sem lifir.
Lífið sitt þiggur allt kvikt úr sömu hendi.
Sama hjarta er á bak við allan æðaslátt lífs-
ins á jörð og í alheimi.
Og dýrin, svo mörg og ólík sem þau eru, eiga það
sameiginlegt, að
öll vona þau á þig, Drottinn,
að þú gefir þeim fæðu þeirra á réttum tíma.
Þú lýkur upp hendi þinni
og seður allt, sem lifir, með blessun
(sjá Sálm. 104 og 145).
HUGVEKJA
Sigurbjörn
Einarsson
Leit og svör
Allt, sem lifir, er blundandi bæn.
Maðurinn er skapaður til þess að
vakna til Guðs og vita til hans, vera
m.ö.o. vakandi bæn.
»
Meistaranám í menntunarfræði
MENNTAVÍSINDASVIÐ www.khi.is
Umsóknarfrestur er til 15. apríl / Skráning og upplýsingar á www.khi.is
Fjölmenning · Fræðslustarf með fullorðnum – mannauðsþróun
Heimspeki menntunar · Íslenska – íslenskukennsla · Kennslufræði og skólastarf
Listmenntun – listasaga – verkmenntun · Mál og læsi
Menntunar- og kennslufræði yngri barna · Náttúrufræðimenntun
Sérkennslufræði · Stjórnunarfræði menntastofnana · Stærðfræðimenntun
Upplýsingatækni og miðlun
VEL bar í veiði þegar Jón Ingi Hin-
riksson, bóndi í Vogum við Mývatn,
vitjaði silungsneta sinna laug-
ardaginn 5. apríl síðastliðinn. 35
urriðar voru í netunum, margir
hverjir ansi myndarlegir. Sá
stærsti, stuttur en digur, mældist
hvorki meira né minna en tólf pund.
Það var sá stærsti sem Jón Ingi hef-
ur fengið en nokkuð hefur verið um
fisk á bilinu 8-10 pund.
„Urriðaveiðin í vatninu hefur
verið mjög góð og stöðug und-
anfarin 15-20 ár,“ segir Jón Ingi.
Mögulega hafi minna verið sótt í
urriðann hin síðari ár, auk þess sem
seiðasleppingar eigi eflaust sinn
þátt góðu gengi hans.
Bæði bleikja og urriði eru í vatn-
inu en skiptast nokkuð eftir svæð-
um, svo hægt er að velja fyrir hvað
er lagt.
Allt að tólf punda urriðar veiðast í net í Mývatni
Vorveiðin í
urriðanum
bregst ekki
Ljósmynd/Jón Stefánsson
„ÞETTA er á
auglýsingastigi.
Við höfum aug-
lýst framkvæmd-
irnar á evrópska
efnahagssvæðinu
og reiknum með
að opna fyrir til-
boð í júní,“ segir
Jón Rögnvalds-
son vegamála-
stjóri um fyrirhugaðar framkvæmd-
ir við Bakkafjöru.
Inntur eftir því hvort gerðir hafi
verið samningar vegna fyrirhugaðra
framkvæmda segir Jón svo ekki
vera. Málið sé enn á útboðsstigi og
því hægt að hætta við framkvæmdir
verði tekin ákvörðun þar um.
Eins og greint var frá í Morgun-
blaðinu í gær hefur hópur Vest-
mannaeyinga, undir forystu Magn-
úsar Kristinssonar útgerðamanns,
skorað á ríkisstjórnina að hætta við
fyrirhugaðar framkvæmdir við
Bakkafjöru og hefja þegar undir-
búning „að byggingu á öflugri og
hraðskreiðri Vestmannaeyjaferju
auk stórskipahafnar við Eiðið“.
Tekur lengri tíma í Ölfusinu
Fyrir helgi lést rúmlega sextugur
karlmaður í bílslysi á Suðurlands-
vegi í Ölfusi á móts við Hvammsveg
við Gljúfurárholt, en umræddur
vegakafli bíður tvöföldunar.
Spurður hvers vegna tvöföldun
vegakaflans á Hellisheiði sé lengra
komin en á umræddum kafla í Ölfusi
segir Jón „lengra í land að skipulags-
málum og öðru slíku verði lokið í Ölf-
usinu“.
„Það er unnið að undirbúningi við
báða kaflana. Það virðist vera að það
muni taka mun styttri tíma að ljúka
undirbúningi á kaflanum yfir heiðina
en í Ölfusinu. Það sem þarf að gera
áður en hægt er að hefja fram-
kvæmdir, og það á við um hvort-
tveggja, er að það þarf að gera um-
hverfismat og ganga frá breytingum
á aðalskipulagi.
Eitt af því sem er brýnast í þessu
er að fækka tengingum við aðalveg-
inn, það er að segja gatnamótum, og
það kallar á skipulagsbreytingar.
Síðan þarf einhver hönnunarvinna
að fara fram áður en framkvæmdir
eru boðnar út. Þetta er miklu lengra
komið í undirbúningi vegakaflans
yfir heiðina.“
Reiknað með að opnað
verði fyrir tilboð í júní
Í HNOTSKURN
»Söfnunin vegna fram-kvæmdanna við Bakkafjöru
hófst á miðvikudag og höfðu um
2.000 manns skrifað undir mót-
mæli gegn þeim á föstudag.
»Samkvæmt vef hagstofunnareru íbúar í Vestmanneyjum
4.036 talsins.
»Magnús Kristinsson telurnýjan Herjólf sem sigli milli
Þorlákshafnar og stórskipahafn-
ar utan Eiðsins vera framtíðar-
lausn á samgöngum til Eyja.
Framkvæmdir við Bakkafjöru auglýstar á EES-svæðinu
Jón Rögnvaldsson
Sauðárkrókur | Íslensku forsetahjón-
in, þau Ólafur Ragnar Grímsson og
frú Dorrit Moussaieff, munu koma í
opinbera heimsókn til Skagafjarðar
næstkomandi mánudag 14. og
þriðjudag 15. apríl.
Heimamenn munu taka á móti for-
setahjónunum á Alexandersflugvelli
við Sauðárkrók á mánudagsmorgni,
en síðan tekur við þéttskipuð dag-
skrá.
Að sögn Áskels Heiðars Ásgeirs-
sonar, sviðsstjóra sveitarfélagsins
Skagafjarðar, sem unnið hefur að
skipulagningu heimsóknarinnar, er
áhersla á það lögð að forsetahjónin
eigi þess kost að hitta sem flesta íbúa
og kynna sér það mannlíf og þá
menningu sem er að finna í Skaga-
firði. Þá munu þau verða viðstödd
þegar teknar verða fyrstu skóflu-
stungur að tveim stórum og glæsi-
legum mannvirkum í héraði, það er
að nýjum leikskóla á Sauðárkróki,
sem sveitarfélagið er að hefja bygg-
ingu á nú á vordögum, og síðan að
glæsilegri sundlaug á Hofsósi, en
sundlaugin er gjöf tveggja kvenna,
Steinunnar Jónsdóttur í Bæ og Lilju
Pálmadóttur að Hofi, og mun
bygging hennar hefjast innan tíðar.
Áskell Heiðar sagði heimamönn-
um í mun að kynna forsetahjónunum
skapandi hugmyndir heimamanna
og öflugt atvinnulíf, en einnig þá
grósku sem er í menningu og listum
á svæðinu.
Að kvöldi mánudags verður veg-
leg fjölskylduhátíð í Íþróttahúsinu,
en meðal skemmtiatriða verða fjórir
kórar sem starfandi eru í Skagafirði,
en það eru karlakórinn Heimir,
Rökkurkórinn, Óperukór Skaga-
fjarðar og Skagafirski kammerkór-
inn. Þá mun forsetinn afhenda
Hvatningu til ungra Íslendinga.
Opinber heimsókn
í Skagafjörð
Morgunblaðið/Skapti Hallgrímsson
Í heimsókn Dorrit Moussaieff og
Ólafur Ragnar Grímsson.