Morgunblaðið - 16.04.2008, Page 8

8 MIÐVIKUDAGUR 16. APRÍL 2008 MORGUNBLAÐIÐ
FRÉTTIR
Eftir Andra Karl
andri@mbl.is
VINNA við framtíðarstefnumótun
Orkuveitu Reykjavíkur og dóttur-
fyrirtækja hennar stendur yfir um
þessar mundir. Í því verkefni verður
meðal annars farið yfir málefni
Reykjavík Energy Invest (REI) og
hvernig starfsemi fyrirtækisins
verður háttað. Ekki er loku fyrir það
skotið að einhverjar breytingar
kunni að verða á rekstrinum, en þær
verða gerðar í fullu samráði allra
flokka. Þetta er meðal þess sem
fram kom hjá Kjartani Magnússyni,
stjórnarformanni Orkuveitunnar og
REI, á borgarstjórnarfundi í gær-
dag. Hann sagði jafnframt ljóst að
Orkuveitan myndi með einhverjum
hætti halda áfram í orkuútrás.
Umræðuna hóf Óskar Bergsson,
borgarfulltrúi Framsóknarflokks,
og sagði greinilegt á fréttum að und-
anförnu, að REI væri á fullri ferð í
útrásinni. Benti hann á að stjórn-
arformaður og forstjóri REI væru
nýkomnir úr ferð um Afríku, þar
sem skoðað var samstarf um nýtingu
jarðvarma í Jemen, Eþíópíu og Djí-
bútí. Raunar var skrifað undir sam-
komulag um hagkvæmisathugun á
virkjunarmöguleikjum í Djíbútí.
Óskar fagnaði því að ekki hefði
hægt á útrásinni en sagði það skjóta
verulega skökku við, að Sjálfstæð-
isflokkurinn skyldi vera í forystu í
þeirri vegferð. Vísaði hann þar til
ósættis innan borgarstjórnarflokks
sjálfstæðismanna frá því í haust,
sem kom m.a. til vegna útrásarverk-
efna REI. Sagði Óskar að sú stefna
sem borgarfulltrúar hefðu tekið upp,
þ.e. að vera á móti útrásarverkefn-
um vegna þess að þau tilheyrðu ekki
meginhlutverki OR, hefði nú verið
lögð til hliðar.
Aldrei á móti útrásinni
Hvað varðar útrás REI og meinta
stefnubreytingu sjálfstæðismanna í
borginni sagði Kjartan að deilurnar
sl. haust hefðu ekki síst verið vegna
þess hversu miklir fjármunir færu
frá Orkuveitunni til áhættufjárfest-
inga. Nefndi hann milljarða ef ekki
tugmilljarða króna í því samhengi.
Þá vísaði hann til þess að þegar
stórtækar hugmyndir um REI komu
upp á yfirborðið hefði verið ljóst að
stefnt var að umfangsmikilli fjár-
mögnun verkefna til að taka þátt í
útrásinni af miklu afli. Það hefði
mörgum borgarfulltrúum Sjálfstæð-
isflokksins ekki litist á. Borgar-
fulltrúar Sjálfstæðisflokks hefðu
hins vegar aldrei verið á móti útrás-
inni í sjálfu sér.
Kjartan benti einnig á að: „Þó svo
það hafi ekki farið hátt, þá hefur
stjórn REI haldið nokkra fundi og
það hefur verið alveg skýrt hvað mig
varðar, sem stjórnarformaður REI,
að við ætlum algjörlega að lágmarka
áhættu okkar í þeim verkefnum sem
við erum að fjárfesta í,“ sagði Kjart-
an og bætti við að stjórn REI hefði
ekki verið að skoða mörg ný verk-
efni né skuldbinda fyrirtækið. Afar
varlega yrði farið í öll slík mál, en
mikilvægt að loka ekki á þau verk-
efni sem væru í gangi, s.s. vegna
áhættu á að fyrirtækið tapaði fjár-
munum.
Engar fjárskuldbindingar
Kjartan skýrði þá út ferð sína til
Afríku. Sagði hann engar fjárskuld-
bindingar hafa verið gerðar í Jemen
eða Eþíópíu. Í Djíbútí hefðu forpróf-
anir hins vegar lofað afar góðu og
næst yrði unnið að hagkvæmnisat-
hugun sem tæki um fjórtán mánuði.
Eftir það yrði tekin ákvörðun um
hvort fýsilegt væri að byggja virkj-
un, og þá hversu stóra.
„Í samræmi við stefnu fyrirtæk-
isins, að lágmarka áhættu, var lögð
áhersla á að ræða við sjóði,“ sagði
Kjartan og nefndi IFC, fjármögn-
unarsjóði Alþjóðabankans, og EIB,
Evrópska fjárfestingabankanum.
Hann sagði svar væntanlegt innan
nokkurra vikna. „Aðkoma þessara
aðila er forsenda fyrir því að REI
taki þátt í þessu verkefni. Ef ekki,
þá er verkefninu sjálfhætt og sam-
komulagið var með slíkum fyrirvör-
um. Einnig þarf að vera stuðningur
við verkefnið heima fyrir og verður
það tekið fyrir í stjórn Orkuveitunn-
ar á föstudag.“
Kjartan sagðist hafa fundið fyrir
miklum áhuga á viðskiptum við
Orkuveituna í þessum löndum. „En
það verður að segjast sem er, að
þarna er viðskiptaumhverfi ekki eins
og við eigum að venjast á Vestur-
löndum og það verður að stíga var-
lega til jarðar.“
Fá ný verkefni til skoðunar
Kjartan kom einnig inn á að nokk-
uð væri til af fjármunum í sjóðum
REI, sem nýta þyrfti skynsamlega.
Nefndi hann að kanna hagkvæmni
verkefna í því skyni en sagði ljóst að
fyrirtækið gæti ekki eitt og sér fjár-
magnað virkjanir. Til þess þyrfti
stóraukið fé og það yrði ekki tekið
frá Orkuveitu Reykjavíkur, en þyrfti
þá að koma frá fjárfestum.
„Þá þyrfti að opna fyrirtækið fyrir
fjárfestum og það yrði þá hlutafélag.
Orkuveitan ætti þá minni hlut í fyr-
irtækinu eftir því sem meira seld-
ist,“ sagði Kjartan sem telur það
ekki endilega slæma þróun, og raun-
ar eitthvað sem þarf að skoða. „Ég
held að allir borgarfulltrúar séu
sammála um að það eru tækifæri í
íslenskri orkuútrás. Það er mikil eft-
irspurn eftir því að Orkuveita
Reykjavíkur taki þátt í henni og hún
er að gera það, og mun með ein-
hverjum hætti gera það áfram.“
Svandís Svavarsdóttir, borgar-
fulltrúi Vinstri grænna, steig einnig
í ræðustól og sagði það umhugsun-
arefni ef Kjartan teldi það vænlegan
kost fyrir REI að fá inn fjárfesta.
Ekki síst ef litið væri til reynslunnar
af samrunaferli REI og Geysir
Green Energy. Kjartan sagði það
vissulega óheppilegt hvernig staðið
var þá að málum, en í öðrum til-
vikum hefði tekist mjög vel upp.
Hann sagði þetta aðeins til skoðunar
og hann hlakkaði til samráðs við
borgarfulltrúa.
Orkuveita Reykjavíkur
mun halda útrás áfram
Í HNOTSKURN
»Fá ef nokkurt málefni hafaverið rædd meira innan borg-
arstjórnar Reykjavíkur en
Reykjavík Energy Invest á þessu
kjörtímabili.
»Ekki hafa öll mál verið tillykta leidd því enn á eftir að
birta álit umboðsmanns Alþingis
vegna samraunaferlis REI og
GGE.
» Í gær var spurt hvort Sjálf-stæðisflokkur hefði horfið
frá því viðhorfi að Orkuveitan
ætti ekki að vera í útrsásarverk-
efnum.
»Borgarfulltrúi Sjálfstæð-isflokks svaraði því til að
ekki ætti að nota almannafé til
áhættufjárfestinga erlendis.
Hins vegar sæju borgarfulltrúar
flokksins ekkert að því að vera í
orkuútrásinni svonefndu.
Morgunblaðið/Ásdís
Sjálfstæðismenn Borgarfulltrúarnir Vilhjálmur Þ. Vilhjálmsson, Kjartan
Magnússon og Gísli Marteinn Baldursson létu að sér kveða í gærdag.
GUÐMUNDUR Gunnarsson, forstjóri VÍS,
segir fyrirtækið ánægt með það samstarf sem
það á við SOS-neyðarþjónustuna í Kaupmanna-
höfn. Þangað er trygginga-
tökum VÍS bent á að hafa
samband lendi þeir í því að
veikjast eða slasast á erlendri
grundu. Í Morgunblaðinu í
gær gagnrýndi Ásta Hulda
Markúsdóttir tryggingavernd
VISA, en hún og eiginmaður
hennar eru tryggð hjá VÍS og
handhafar VISA-platínu-
korts.
Maður Ástu Huldu fékk
hjartaáfall í golfferð í fyrra-
haust og gagnrýndi Ásta þá úrvinnslu máls
hans. Eitt af því sem hún gagnrýndi var að þeg-
ar hún hafði samband við tryggingafélagið eftir
að maður hennar veiktist var henni gert að
setja sig í samband við SOS-neyðarþjónustuna í
Kaupmannahöfn, þar sem hún þurfti að veita
sérhæfðar sjúkdómslýsingar og upplýsingar um
tryggingamál á ensku.
„Bæði Vísa og VÍS, og reyndar flest ef ekki
öll tryggingafélögin, hafa gert samning við SOS
um að aðstoða korthafa við þær aðstæður sem
maður konunnar lenti í og sjúklingar almennt
lenda í. SOS hefur áralanga reynslu í aðstoð við
svona sjúklinga. Þeir eru með heilbrigðisstarfs-
fólk sem við erum ekki með til þess að svara
fyrir þetta,“ segir hann. SOS hafi ráðið Íslend-
inga til starfa hjá sér, sem þó hafi ekki verið á
vakt þegar umrætt tilfelli átti sér stað. Guð-
mundur segist ekki hafa tölu á því hversu
margir Íslendingar hafi starfað hjá SOS.
Fólk geti talað íslensku
Leita þurfi leiða til að tryggja að fólk sem er
í vandræðum vegna veikinda eða slysa geti lýst
því sem gerst hefur á íslensku. „Þetta er eitt-
hvað sem við þurfum að bæta,“ segir hann.
Guðmundur segir að í málum sem þessum
séu „engar ákvarðanir teknar um hvernig eigi
að standa að málum nema af læknum eða öðru
heilbrigðisstarfsfólki“, segir hann. Ákvarðanir
séu teknar af starfsfólki SOS og haft sé samráð
við þá lækna sem aðstoða viðkomandi sjúkling.
Fólk sé ekki sent með flugi á almennu farrými
ef læknar meti það ekki hæft til þess.
Eitt af því sem Ásta Hulda gagnrýndi í grein
sinni var að fimm dagar hefðu liðið frá því hún
hafði samband við SOS-þjónustuna, þar til
starfsfólk hennar hafði samband aftur. Guð-
mundur segist ekki vilja tjá sig um þetta ein-
staka mál. „Við erum stöðugt í sambandi við
SOS um að hafa verkferlana sem besta. Þeir
eru með þjónustu allan sólarhringinn og fara
strax í mál og þau koma til þeirra.“
Í bréfi Ástu Huldu kemur jafnframt fram að
þegar heim kom hafi henni verið tjáð af trygg-
ingafélagi að þau hjónin yrðu sjálf að greiða
matarreikninga, sem henni hafi þótt skrýtið í
ljósi þess að þau hafi talið að tryggingin væri
100%. Um þetta segir Guðmundur að ýmis
kostnaður sé greiddur, þó ekki allur. Matar-
kostnaður sé meðal þess sem ekki er greitt,
a.m.k. hafi það verið metið svo í þessu tilfelli.
Guðmundur segir að fyrirtækið biðjist afsök-
unar, hafi ekki verið brugðist rétt við í máli
Ástu Huldu og eiginmanns hennar. Hann telji
hins vegar að rétt hafi verið staðið að málum í
þessu tilviki.
Ekki fengust svör vegna málsins hjá VISA í
gær.
VÍS ánægt með samstarfið
við SOS-neyðarþjónustuna
Guðmundur Örn
Gunnarsson
MEIRIHLUTI borgarstjórnar
Reykjavíkur samþykkti á fundi sín-
um í gær tillögu borgarstjóra þess
efnis að tillögu borgarfulltrúa
Vinstri grænna, um að leita allra
leiða til að hætta við söluna á Frí-
kirkjuvegi 11, yrði vísað frá. Í máli
borgarstjóra kom fram að söluferlið
væri í farvegi og ætti að ljúka áður
en núverandi meirihluti gæti haldið
upp á hundrað daga afmæli.
Þorleifur Gunnlaugsson, borg-
arfulltrúi VG, hóf umræðuna og
benti meðal annars á að tilvonandi
eigandi myndi geta lokað Hall-
argarðinum með lögregluvaldi þeg-
ar tignargestir væru boðnir þangað
í heimsókn. Það gilti þó ekki um
tyllidaga, t.d. sumardaginn fyrsta,
17. júní og menningarnótt.
Ólafur F. Magnússon borgarstjóri
svaraði því til að meirihlutinn myndi
tryggja að Hallargarðurinn yrði
áfram almenningsgarður, en við-
urkenndi þó að hugsanlegt væri að
lokað yrði örfáa daga á ári.
Sinnaskipti borgarstjóra
Borgarfulltrúar minnihlutans
komu einnig inn á sinnaskipti borg-
arstjóra í málinu og vísaði Svandís
Svavarsdóttir, borgarfulltrúi VG,
m.a. í bókun Ólafs á fundi borg-
arráðs 12. október 2006. Þá sagði
Ólafur: „Ég lýsi andstöðu við áform
um sölu húseignarinnar að Frí-
kirkjuvegi 11. Húseignin með sína
merku sögu verðskuldar að vera
áfram í eigu almennings.“
Borgarstjóri var fremur ósáttur
við málflutning minnihlutans og
nefndi t.a.m. þær tillögur sem hann
hefur flutt í borgarstjórn um vernd-
un gamalla húsa. Þá sagðist hann
ekki hafa skipt um skoðun þegar
Fríkirkjuvegur 11 væri annars veg-
ar. „Það er ekki meirihluti fyrir því
að borgin reki áfram þetta hús, eins
og ég hefði viljað og væri mín ósk,“
sagði Ólafur og einnig að brýnt væri
að ljúka málinu sem fyrst, enda lægi
húsið undir skemmdum.
Morgunblaðið/Frikki
Garðinum
lokað ef gesti
ber að garði
RANNSÓKN á meintri nauðgun
sem átti sér stað á salerni skemmti-
staðar í Reykjanesbæ um liðna
helgi verður ekki unnin án þess að
aðalvitnið í málinu vinni með lög-
reglu. Sautján ára stúlka sem til-
kynnti nauðgunina aðfaranótt
sunnudags ákvað eftir nánari at-
hugun að aðhafast ekki. Lögreglan
á Suðurnesjum lítur svo á að það sé
mat þess sem fyrir verður hvort
brot hafi átt sér stað. Að sögn rann-
sóknarlögreglumanns metur stúlk-
an að svo hafi ekki verið í þessu til-
viki.
Spurður hvort eitthvað bendi til
þess að meintur brotamaður hafi
haft áhrif á ákvörðun stúlkunnar
segir Jóhannes Jensson hjá rann-
sóknardeild lögreglunnar á Suð-
urnesjum svo ekki vera og því verði
það ekki rannsakað sérstaklega.
„Við höfum það sem við vitum um
málið frá stúlkunni. Það liggur ekki
fyrir hver hafi átt að eiga þarna í
hlut, og þetta eru nægilega erfið
mál í rannsókn þegar brotaþoli
veitir alla aðstoð. Þegar hann gerir
það ekki er málið orðið ansi erfitt
rannsóknar,“ segir Jóhannes sem
útilokar ekki að veitingastaðnum
verði veitt áminning fyrir að hleypa
sautján ára stúlku inn.
Ekki var brotið
á stúlkunni
♦♦♦